ପାଗଳ(ଭାଗ- ୨)

ମାରିଲା ଡିଆଁ

****************

ଏ ହେ!!!!

ସଂନ୍ଧ୍ୟା ୬.୩୦ ହେଇଗଲା ।

ମୋ ସାଙ୍ଗର ଦେଖା ଦର୍ଶନ ନାଇଁ। ଆଜି ଏତେ ବିଳମ୍ବ କଣ ତାର। ଟ୍ୟୁସନ୍ କଥା ଭୁଲି ଗଲା ନା କଣ ? ଦେଖେ ତ ଗଲା କୁଆଡେ ?

ଆରେ ରହ ରହ ରହ !!!!

ବଉ ପା କହିଥିଲା ଏକୁଟିଆ କୁଆଡେ ନ ଯିବାକୁ ।ଧେତ୍ ତେରି ଭୁଲି ଗଲି ଆଉ!!!!!

ହଉ ସେ ଆସୁ,

ଟୁଣୁ ଟୁଣୁ ଟୁଣୁ ଟୁଣୁ ଟୁଣୁ............(ମୁଣ୍ଡ ହଲେଇ ଗୁଣୁ ଗୁଣୁ ହେଲା)

ଓଃ ଆଜି ଏତେ ଗୁଳୁ ଗୁଳି କଣ ଯେ!

ପ୍ରବଳ ଗରମ। ହେ ସୂର୍ଯ୍ୟ ! ତତେ ମୁଁ ଅଭିଶାପ ଦେଉଛି ତୁ ଗୋଟେ ବରଫ ପିଣ୍ଡ ହେଇଯା !!!!

ଘରେ କହିଲେ କଣ ଶୁଣିବେ ? ରହିଥା ବାହାରକୁ ଯାଏ।

ଏଁ ଆକାଶ ତ ପୁରା ଅନ୍ଧାର ।ସୂର୍ଯ୍ୟ ମୋତେ ଦେଖି ଡରିକି ଲୁଚିଗଲା ନା କଣ?

ଆରେ ତୁ କି ଭୁଲ୍ କରିବାକୁ ଯାଉଥିଲୁ !!!

ଜାଣି ପାରୁନୁ କି କିଛି , ସୂର୍ଯ୍ୟ ଯଦି ବରଫ ହୋଇଯିବେ , ସେତେବେଳେ ଯଦି ତତେ ଶୀତ ଲାଗିବ।

ମୋଟା ମୋଟା ଜାମା ଗୁଡା ମାଆ ପିନ୍ଧେଇ ଦବ । ନା ସେସବୁ ସହି ହଵନି ।।।

ଆହାଃ ଏ ସୁଲୁ ସୁଲିଆ ପବନ କଉଠି ଥିଲା କିରେ!! ଶୀତେଇ ଉଠୁଛି ଦେହଟା ପୁରା।।।।।

ଅପେକ୍ଷା କରି କରି ମୋତେ ଭୋକ ଲାଗିଲାଣି। ଯାଉଛି ବଉ କୁ ମାଗିମି ମୋତେ ପାଞ୍ଚ ଟଙ୍କା ଦେବେ , ମୁଁ କୁରୁକୁରି ଖାଇମି । ସାଙ୍ଗକୁ ଦେମିନି । ଲୁଚେଇକି ରଖିମି ,ଚୁପ୍ ଚୁପ୍ କରିକି ଖାଇଦେମି । ଯଦି ସାଙ୍ଗ ଦେଖିନିଏ ଆଉ ଛଡାଏ , ତାହାଲେ ସାର୍ ଙ୍କୁ କହିଦେମି।

ସାର୍ ଯଦି ଗାଳି ଦେଲେ ,କହିବେ ଟ୍ୟୁସନ୍ ରେ କାହିଁକି କୁରୁକୁରି ଖାଇଲୁ ? ସେତେବେଳେ ତ ମାଡ ଟା ମୋ ଉପରେ ବସିବ।

ଥାଉ ଥାଉ ଥାଉ..... ଆଉ ବେଶି ଭାବନା !

ଗତକାଲି ପା ବଉକୁ ମାଗିଥିଲୁ , ଦେଲାନି ।

କହିଲୁ ଯେମିତି ଲୁଚେଇକି ନେଇଯିମି ! ସେଇଠୁ ବେଲଣା ବାଡି ଛାଟି ଥିଲା ।ପିଠି ରୁ ବଥା ଯାଇନି ଏ ଯାଏଁ ଭୁଲି ଗଲୁ ନା !!!!!

ଟିଙ୍ଗ ଟିଙ୍ଗ ଟିଙ୍ଗ ........

ଘଣ୍ଟି ଶୁଭିଲାଣି।।। ସାଙ୍ଗ ଆସିଗଲା । ଅପେକ୍ଷା ର ଅନ୍ତ ଘଟିଲା । ଚାଲ ଚାଲ ଟ୍ୟୁସନ୍ ଚାଲ।

(୧୦ ମିନିଟ୍ ପରେ ଟ୍ୟୁସନ୍ ରେ)

ଆରେ ସେ ଗାଣ୍ଡୁଆ ଆସିନି କି ଏ ଯାଏଁ। ସବୁଦିନ ତ ମୋ ଆଗରୁ ଚାଲି ଆସେ‌। ମୋ ପକେଟ୍ ଅଣ୍ଡାଳେ କଣ ଆଣିଛି ଖାଇବ ବୋଲି ,

ଆଜି ଆସିନି ଭଲ ହେଲା। ସାର୍ ବି ନାହାନ୍ତି। ଗତ କାଲି ଟିକେ ମୋର୍‌‌ ବିଳମ୍ବ ହୋଇଗଲା ବୋଲି ଘଣ୍ଟେ ଆଣ୍ଠେଇଦେଲେ। ଆଜି ତାଙ୍କର ବିଳମ୍ବ । ଆଣ୍ଠେଇ ଦବା କି??????

ହେ ସେ ସାର ପା। ବୋଧେ ବଜାର ଯାଇଥିବେ ପରିବା ଆଣିତେ ।ହଉ ଆସନ୍ତୁ।।।।।

ଯାଉଛି ଦୁଆର ପାଖରେ ଲୁଚିଯିମି ।ଗାଣ୍ଡୁଆ ଆସିବ ଡିଆଁ ମାରିଦେମି । ଡରିଯିବ, ମଜା ହବ।

ହେଇ ହେଇ ଆସିଲା ବୋଧେ!

ମାର୍ ଡିଆଁ......

ଆ ଆ ଆ ଆ ଆ ................ଗାଣ୍ଡୁଆ କଣ ଏତେ ବଡ ହେଇଗଲାଣି।।।।।।

ଏଁ ଇଏ ତ ଆମ ସାରେ।।।।।।

(କ୍ରମଶଃ)

__________________________________________________

ସୌମ୍ୟ ରଞ୍ଜନ ରାୟ

ଭୂୟାଁ ଉଆସ, ଗୁଆମାଳ, ଭଦ୍ରକ

ମାରିଲା ଡିଆଁ ||ପାଗଳ(ଭାଗ-୨)

ପୁଣି‌ଥରେ ଆରମ୍ଭ ହୋଇଯାଇଛି ପାଗଳର ପାଗଳାମି।