ସମାଜ କଅଣ? କିଏ ଏହାକୁ ଗଢିଛି? ଏହାର ରୂପରେଖ ଦେଖିବାକୁ କିପରି ଏହି ପ୍ରଶ୍ନ ମାନଙ୍କର ଉପଯୁକ୍ତ ସଂଜ୍ଞା ତ ମୋ ପାଖରେ ନାହିଁ , କିନ୍ତୁ ମୁଁ ମୋ ଶୈଶବ କାଳରୁ ଆଜି ପର୍ଯ୍ୟନ୍ତ ଯେତିକି ଦେଖିଛି, ଶୁଣିଛି ଆଉ ଅନୁଭବ ତାକୁ ନେଇ ମୋର ଉପସ୍ଥାପନା:-

ସେହି ଶୈଶବ କାଳରୁ ଆଜି ଯାଏଁ ମୁଁ ଯେତିକି ପରିଲକ୍ଷିତ କରିଛି ଯେ ସମାଜରେ ଦିନକୁ ଦିନ ବିବର୍ତ୍ତନଘଟୁଛି। ପାଣିପାଗ ବଦଳିଲା ଭଳି ଆମ ସମାଜରେ ରୀତି, ନୀତି ଆଚାର, ବ୍ୟବହାର, ସଂସ୍କୃତି, ପରମ୍ପରା , କଳା ସ୍ଥାପତ୍ୟ ସବୁ ବଦଳି ଚାଲିଛି। ଆଉ ଏହି ବିବର୍ତ୍ତନର କ୍ରମନ୍ଵୟରେ ଆଜିର ସମାଜ ଅନ୍ୟ ଏକ ରୂପ ଧାରଣ କରିଛି l ଆଉ ଆଜିର ଏହି ସମାଜରେ ଯାହାର ସ୍ଥାନ ସବୁଠୁ ଉଚ୍ଚ ରେ ଅଛି ସେ ହେଲା ଟଙ୍କା। ଟଙ୍କା ସବୁକିଛି ନୁହେଁ, କିନ୍ତୁ ଟଙ୍କା ବହୁତ୍ କିଛି।

ଏଠି ଚାଲେ ଟଙ୍କା ପାଇଁ ସବୁ ନାଟ । ଯାହାର ଟଙ୍କା ଅଛି ତା'ର ସବୁଅଛି ଆଉ ଯାହାର ଟଙ୍କା ନାହିଁ ତା' ପାଖରେ ଆଉ ବାକି ସବୁ ଜିନିଷ ଥିଲେ ବି ତାହା ଛୋଟ। ଏହା ଉଚିତ୍ କିମ୍ବା ପ୍ରକୃତ ଉକ୍ତି ହୋଇ ନ ପାରେ, କିନ୍ତୁ ମୋ ଦୃଷ୍ଟିରେ ମୁଁ ଯାହା ଦେଖିଛି ଆଜିର ସମାଜରେ ଏହ ଗୋଟିଏ ପ୍ରଚଳିତ ଘଟଣା।

ଦ୍ୱିତୀୟ ରେ ରହିଛି ସମ୍ପର୍କ:- ଆଜିର ସମାଜ ରେ ପରସ୍ପର ମଧ୍ୟରେ ଯେଉଁ ସମ୍ପର୍କ ରହିଛି ତା'ର ପ୍ରକୃତ ମୂଲ୍ୟବୋଧ, ଭାବ ବିନିମୟ , ଯେପରି ରହିବା କଥା ସେପରି ଆଉ ରହୁନାହିଁ।

ବାସ୍ କେବଳ ସମ୍ପର୍କ ଅଛି ତାହା ବି କେବଳ 'formality maintaine' ପାଇଁ ଅଥବା ଲୋକ ଦେଖଣିଆ ପାଇଁ ।

ତାପରେ ଆଜିର ଏହି ସମାଜରେ ଯିଏ ଭବିଷ୍ୟତ ଆଗାମୀ ଭବିଷ୍ୟତ ର କର୍ଣ୍ଣଧାର ବୋଲି ବିବେଚିତ ହୁଏ, ସେ ହେଉଛି ଆଜିର ଯୁବପିଢୀ :- ଯିଏ ଆଜି ପାଲଟିଛି technology ର ଦାସ, ବିଡମ୍ୱିତ ଚରିତ୍ର l ଆଜିର ଏହି ସମାଜରେ ସମସ୍ତ ସୁବିଧା, ସୁଯୋଗ ଅଛି କିନ୍ତୁ ସେଥି ମଧ୍ୟରେ ପ୍ରତିଦ୍ୱନ୍ଦିତା ଅନେକ ଏଵଂ ସେହି ମଧ୍ୟରେ ସମସ୍ତେ ଏତିକି ବ୍ୟସ୍ତ ଯେ ନିଜେ ନିଜର ନିଜତ୍ବକୁ ହଜେଇ ଦେଲା ଭଳି ପ୍ରତିତ ହୁଏ।

ଉପରୋକ୍ତ କିଛି ବିନ୍ଦୁ ଗୁଡ଼ିକ ଯାହା ଚୁମ୍ବକରେ ପ୍ରତିପାଦିତ, କାରଣ ସମାଜ ଏକ ବଡ଼ , ବିସ୍ତୀର୍ଣ୍ଣ ବିଷୟ ଆଉ ତା'ର ବିନ୍ଦୁ ଅନେଗୁଡ଼ିଏ ଯାହାର ବର୍ଣ୍ଣନା ସ୍ୱଳ୍ପ ଆଲୋଚନାରେ କରିବା ଅସମ୍ଭବ,, ତେଣୁକରି କିଛି ଅନୁଭୂତ କରିଥିବା ପ୍ରତିଛବିର ଆକ୍ଷରିକ ରୂପ ।

ଯାହାକୁ ଚିନ୍ତା ପର୍ଯ୍ୟବେକ୍ଷଣ କରି କେତେ ମାତ୍ର ରେ ଠିକ୍ ଭୁଲ୍ ତାହା ବିବେଚନା କରିବା ଆବଶ୍ୟକ। ତା ସହ କିପରି ଆଜିର ସମାଜରେ ଥିବା ଭୁଲ୍ କୁ ସଂଶୋଧନ କରି ଠିକ୍ କୁ ଆହୁରି ଉଚ୍ଚତର ସ୍ଥାନକୁ ନେବା ଆବଶ୍ୟକ l

ମୋ ଦୃଷ୍ଟିରେ ଆଜିର ସମାଜ:-

ସମାଜ ବିଷୟରେ ନିଜସ୍ଵ ଅନୁଭୂତ ପରିକଳ୍ପନା