ବିଷୟ ପ୍ରବେଶ -

******************

ହକର କିମ୍ବା କ୍ଷୁଦ୍ର ବିକ୍ରେତା ମାନଙ୍କ ଦ୍ୱାରା ରାସ୍ତାରେ କିମ୍ବା ସର୍ବସାଧାରଣ ସ୍ଥାନରେ ଯେପରିକି ବଜାର, ମେଳା, କିମ୍ବା ପାର୍କ ରେ ଷ୍ଟ୍ରିଟ୍ ଫୁଡ୍ ବିକ୍ରି କରାଯାଉଥିବାର ଦେଖାଯାଇଥାଏ। ଏହା ସାଧାରଣତଃ ଏକ ପୋର୍ଟେବଲ୍ ଫୁଡ୍ ବୁଥ୍, ଖାଦ୍ୟ କାର୍ଟ କିମ୍ବା ଖାଦ୍ୟ ଟ୍ରକରୁ ବିକ୍ରି ହୋଇଥାଏ। ଷ୍ଟ୍ରିଟ୍ ଫୁଡ୍ ଗୁଡିକ ସାଧାରଣତଃ ଏକ ନିର୍ଦ୍ଦିଷ୍ଟ ଅଞ୍ଚଳ କୁ ନେଇ ଲୋକପ୍ରିୟ ହୋଇଥାଏ କିମ୍ବା ଏକ ନିର୍ଦ୍ଦିଷ୍ଟ ଅଞ୍ଚଳ ରେ ଉତ୍ପତ୍ତି ଲାଭ କରି ଏକ ବୃହତ ଭୂଖଣ୍ଡ ବା ଏକ ପ୍ରଦେଶ ମଧ୍ୟରେ ଲୋକଆଦୃତି ଲାଭ କରିଥାଏ।ଏହି ଷ୍ଟ୍ରିଟ୍ ଫୁଡ୍ ର ସ୍ବାଦ ଓ ପ୍ରକାର ଅଞ୍ଚଳ ଏବଂ ସଂସ୍କୃତି ଅନୁଯାୟୀ ଭିନ୍ନ ଭିନ୍ନ ହୋଇଥାଏ |୨୦୦୭ ମସିହାରେ ଖାଦ୍ୟ ଏବଂ କୃଷି ସଂଗଠନ ଦ୍ବାରା ହୋଇଥିବା ଏକ ଅଧ୍ୟୟନ ଅନୁଯାୟୀ, ପ୍ରତିଦିନ ୨.୫ ବିଲିୟନ ଲୋକ ଷ୍ଟ୍ରିଟ୍ ଖାଦ୍ୟ ଖାଉଛନ୍ତି।ରାସ୍ତାରେ ଚାଲୁ ଚାଲୁ ଖାଦ୍ୟ ସେବନ କରିବା ସଂସ୍କୃତି ଓ ପରମ୍ପରାକୁ ଖଣ୍ଡନ କରିଥାଏ ବୋଲି ,କେତେକ ମତବ୍ୟକ୍ତ କରିଥାନ୍ତି। କିନ୍ତୁ ବିଶେଷ କରି ବିକାଶଶୀଳ ଦେଶ ମାନଙ୍କରେ ସ୍ବଳ୍ପ ବ୍ୟୟ ରେ ,ସ୍ବଳ୍ପ ସମୟ ମଧ୍ୟରେ ଷ୍ଟ୍ରିଟ୍ ଫୁଡ୍ ମିଳିଯାଉଥିବାରୁ ଅନେକ ଏଥିରେ ଉପକୃତ ହୋଇ ପାରିଥାନ୍ତି ,ତେଣୁ ବ୍ଯସ୍ତ ବହୁଳ ଓ କର୍ମମୟ ଜୀବନ ରେ ଏହାର ଗୁରୁତ୍ବ ଅନେକ ରହିଥାଏ।

ଓଡିଶା ହେଉଛି ଚମତ୍କାର ଷ୍ଟ୍ରିଟ୍ ଫୁଡ୍ ର ଅମ୍ଭାର।ଏଠାରେ ଗୁପ୍ ଚୁପ୍ ଠାରୁ ଆରମ୍ଭ କରି ଚଟପଟା ଚାଟ୍ ଓ ଦହିବରା ପର୍ଯ୍ୟନ୍ତ ଭିନ୍ନ ଭିନ୍ନ ଷ୍ଟ୍ରିଟ୍ ଫୁଡ୍ ର ସ୍ବାଦ ଚାଖିବାକୁ ମିଳିଥାଏ। ଓଡ଼ିଶାର ଷ୍ଟ୍ରିଟ୍ ଫୁଡ୍ କେବଳ ଓଡ଼ିଶା ମଧ୍ୟରେ ନୁହେଁ ବରଂ ସମଗ୍ର ଭାରତବର୍ଷରେ ଲୋକ ପ୍ରଶଂସା ହାସଲ କରି ପାରିଛି। ଓଡ଼ିଶାର ପ୍ରତ୍ୟେକ ଜିଲ୍ଲାରେ ରେ ଭିନ୍ନ ଭିନ୍ନ ଷ୍ଟ୍ରିଟ୍ ଫୁଡ୍ ଖାଇବାକୁ ମିଳିଥାଏ।ଭିନ୍ନ ଭିନ୍ନ ଅଞ୍ଚଳର ଭୌଗୋଳିକ ଅବସ୍ଥିତି , ସଂସ୍କୃତି ଓ ପରମ୍ପରା ବିଭିନ୍ନତା ଅନୁସାରେ ଷ୍ଟ୍ରିଟ୍ ଫୁଡ୍ ଗୁଡିକର ସ୍ବାଦ ରେ ମଧ୍ୟ ତାରତମ୍ୟ ଦେଖିବାକୁ ମିଳିଥାଏ। ଓଡ଼ିଶାର ତିରିଶି ଗୋଟି ଜିଲ୍ଲା ମଧ୍ୟରୁ ବିଶେଷ କରି ଉପକୂଳର୍ବୀ ଜିଲ୍ଲା ଗୁଡ଼ିକରେ ଷ୍ଟ୍ରିଟ୍ ଫୁଡ୍ ଗୁଡିକର ସ୍ବତନ୍ତ୍ରତା ଭାରି ନିଆରା। ଏହି ଉପକୂଳବର୍ତ୍ତୀ ଜିଲ୍ଲାମାନଙ୍କ ମଧ୍ୟରେ ଭଦ୍ରକର ଷ୍ଟ୍ରିଟ୍ ଫୁଡ୍ ଗୁଡିକରେ ବିଭିନ୍ନତା ଦେଖିବାକୁ ମିଳିଥାଏ। ପାଳୁଅ ଲଡୁ ପାଇଁ ଲୋକ ଆଦୃତ ହୋଇ ଥିବା ଏ ଜିଲ୍ଲା ନିଜର ଷ୍ଟ୍ରିଟ୍ ଫୁଡ୍ ପାଇଁ ମଧ୍ୟ ସମଗ୍ର ଓଡିଶାରେ ଚହଳ ସୃଷ୍ଟି କରିପାରିଛି।

ଅନ୍ୟ ଜିଲ୍ଲା ଗୁଡ଼ିକରେ ଯେତେବେଳେ ଏକ ସ୍ବତନ୍ତ୍ର ଧରଣର ଷ୍ଟ୍ରିଟ୍ ଫୁଡ୍ ଲୋକପ୍ରିୟତା ହାସଲ୍ କରିଅଛି , ସେତେବେଳେ ଭଦ୍ରକ ରେ ପ୍ରତ୍ୟେକ ଷ୍ଟ୍ରିଟ୍ ଫୁଡ୍ ର ସମାନ ଆଦୃତ ରହିଛି। ଏଠାକାର ଲୋକମାନେ ସ୍ବାଦ କୁ ପରିବର୍ତ୍ତନ କରିବାକୁ ପସନ୍ଦ କରିଥାନ୍ତି।ତେଣୁ ଏମାନେ ଗୋଟିଏ ସ୍ବାଦ ରେ ନିଜକୁ ନ ହଜାଇ ଭିନ୍ନ ଭିନ୍ନ ସ୍ବାଦ କୁ ଆପଣେଇ ଥାନ୍ତି। ଏଠାରେ ଗୁପ୍ ଚୁପ୍ ଓ ଚାଟ୍ ର ଅଧିକ ଚାହିଦା ଥିବା ସତ୍ତ୍ୱେ ପ୍ରତ୍ୟେକ ଷ୍ଟ୍ରିଟ୍ ଫୁଡ୍ କୁ ସମାନ ଆଦୃତ ମିଳିଅଛି।ଭଦ୍ରକରେ ଦେଖିବାକୁ ମିଳୁଥିବା ବା ଲୋକପ୍ରିୟତା ହାସଲ କରିଥିବା ପ୍ରମୁଖ ଷ୍ଟ୍ରିଟ୍ ଫୁଡ୍ ଗୁଡିକ ହେଲା-

୧) ଦହିବରା ଆଳୁଦମ୍ -

******************

ଓଡ଼ିଶାର ରାସ୍ତାଗୁଡ଼ିକ ସ୍ଥାନୀୟ ଷ୍ଟ୍ରିଟ୍ ଫୁଡ୍ ଖାଦ୍ୟର ସୁଗନ୍ଧରେ ଜୀବନ୍ତ ହୋଇଉଠେ ।ଓଡିଶାର ଭଦ୍ରକ ଜିଲ୍ଲାରେ ସବୁଠାରୁ ଲୋକପ୍ରିୟ ଷ୍ଟ୍ରିଟ୍ ଫୁଡ୍ ମଧ୍ୟରୁ ‘ଦହିବରା ଆଳୁଦମ୍’ ପ୍ରମୁଖ । ଏହା ଏକ ସୁଗନ୍ଧିତ ସ୍ନାକ୍ସ। ଆଳୁ ସହିତ ଦହି ଏବଂ ମସଲାରେ ଭିଜାଇ ଏହାକୁ ପ୍ରସ୍ତୁତ କରାଯାଏ। ଆଳୁ କୁ ନେଇ ଆଳୁଦମ୍ ପ୍ରସ୍ତୁତ କରାଯାଏ ଏହାକୁ ଦହିଵରା ପକାଇ ,ମିଠା ଚଟନି ଏବଂ ପିଆଜ ସହ ପରିବେଷଣ କରାଯାଏ।ଏହାର ପ୍ରସ୍ତୁତି କଷ୍ଟଦାୟକ ହୋଇନଥାଏ ତେଣୁ ଏହାକୁ ଯେକୌଣସି ସମୟ ରେ ଆହାର କରିହୋଇଥାଏ।ଏହା କେବଳ ଭଦ୍ରକରେ ପ୍ରସିଦ୍ଧି ତାହା ନୁହେଁ, ଓଡ଼ିଶାର ପ୍ରତ୍ୟେକ ସ୍ଥାନ ରେ ଏହାର ଆଦୃତ ଦେଖିବାକୁ ମିଳିଥାଏ। ଓଡିଶାର ପ୍ରମୁଖ ସହର ମାନଙ୍କରେ ଯେପରିକି କଟକ ରେ ଏହା ସର୍ବାଧିକ ଲୋକପ୍ରିୟତା ହାସଲ କରିଅଛି।

୨) ବରା ଘୁଗୁନି-

*************

ଭଦ୍ରକ ସହରରେ ବା ଓଡ଼ିଶାର ପ୍ରତ୍ୟେକ କ୍ଷେତ୍ରରେ,ପ୍ରତିଟି କୋଣ ଅନୁକୋଣ ରେ ବରା ଘୁଗୁନି ର ଚାହିଦା ଦେଖିଵାକୁ ମିଳିଥାଏ। ମସଲା ସହିତ ଏହାକୁ ତିଆରି କରାଯାଏ ଏବଂ ତା’ପରେ ବହୁ ପରିମାଣର ମସଲା ଏବଂ ହଳଦୀ ସହିତ ମିଶ୍ରିତ ହୁଏ | ବରା ଗୁଡିକ ସାଧାରଣତଃ ଡାଲି ରେ ତିଆରି ହୋଇଥାଏ ଏବଂ ମଟର କୁ ନେଇ ଘୁଗୁନି ପ୍ରସ୍ତୁତି ହୋଇଥାଏ। ଏହାକୁ ଦିନର ଯେକୌଣସି ସମୟ ରେ ଏକ ଉପଯୁକ୍ତ ସ୍ନାକ୍ସ ଭାବରେ ଗ୍ରହଣ କରାଯାଇପାରେ । ଓଡ଼ିଶାର ଅନେକ ଜିଲ୍ଲାରେ ଭିନ୍ନ ଭିନ୍ନ ଛୋଟ ବଡ ସହରରେ ଏହାର ଚାହିଦା ଦେଖିବାକୁ ମିଳିଥାଏ। ଭଦ୍ରକରେ ମଧ୍ୟ ଏହାର ଚାହିଦା ଓ ଲୋକ ଆଦୃତି ପରିଲକ୍ଷିତ ହୋଇଥାଏ।

୩) ଚାଟ୍ -

********

ଚାଟ୍ ଅନ୍ୟ ଏକ ସୁସ୍ୱାଦୁ ଓ ସୁଗନ୍ଧିତ ଷ୍ଟ୍ରିଟ୍ ଫୁଡ୍। ଓଡ଼ିଶାରେ ଦହିବରା ଆଳୁଦମ୍ ଓ ବରା ଘୁଗୁନି ପରି ଏହାର ମଧ୍ୟ ଚାହିଦା ଅଧିକ ଚାହିଦା ଦେଖିବାକୁ ମିଳିଥାଏ।ଭଦ୍ରକ ଜିଲ୍ଲାରେ ମଧ୍ୟ ଏହା ବେଶ୍ ଲୋକ ଆଦୃତ ହାସଲ୍ କରିଅଛି।ଏହା ଭଦ୍ରକର ପ୍ରତ୍ୟେକ ଗଳି କୋଣରେ ମିଳିଯାଇଥାଏ।ଏହା ଅତ୍ୟନ୍ତ ସୁଲଭ ହୋଇଥାଏ ଏବଂ ଏହାକୁ ଦିନର ଯେକୌଣସି ସମୟରେ ଉପଭୋଗ କରାଯାଇପାରେ ।ଆଳୁ, ମଇଦା, ମଟର, ମସଲା, ଟମାଟୋ, ପିଆଜ ଏବଂ ଚଟନୀ ଇତ୍ୟାଦି ଚାଟ୍ ତିଆରିରେ ବ୍ୟବହୃତ ହୋଇଥାଏ।ଏହାକୁ ଚାଟ ମସାଲା ପକାଇ ତାପରେ ଏହାକୁ ସିଜାଯାଇଥାଏ। ଏହାର ସ୍ୱାଦ ତିକ୍ତ, ମିଠା ଏବଂ ମସଲାଯୁକ୍ତ ହୋଇଥାଏ।

୪) ଚକୁଳି ପିଠା -

*************

ଚକୁଳି ପିଠା ଏକ ପ୍ରଧାନ ଓଡିଆ ଖାଦ୍ୟ ଯାହା କି ସମଗ୍ର ଓଡ଼ିଶାରେ ବିଶେଷ କରି ଭଦ୍ରକ ସହର ରେ ଏହାର ଅଧିକ ଚାହିଦା ଦେଖିବାକୁ ମିଳିଥାଏ।ଅରୁଆ ଚାଉଳ ଚୂନା, ବିରି ବଟା, ଲୁଣ ଆଦିକୁ ମିଶାଇ କିଛିଘଣ୍ଟା ରଖାଯାଏ । ଏହା ଭଲଭାବେ ଫୁଲିଗଲେ ତାହାକୁ ତାବାରେ ସୋରିଷ ତେଲ ବା ଘିଅରେ ଭାଜି ତିଆରି କରାଯାଏ ।ସାଧାରଣତଃ ବିରିର ପରିମାଣ ଅନୁସାରେ ଚକୁଳିର ଫୁଲିବା ନିର୍ଭର କରେ । ବିରି ଅଧିକ ଦେଲେ ପିଠା ଫୁଲେ ଓ ନରମ ହୋଇଥାଏ , ଓ କମ ଦେଲେ ଦେଲେ ପିଠା ଟାଣୁଆ ଓ ଖଡ ଖଡିଆ ହୋଇଥାଏ । ଏହା ଦେଖିବାକୁ ରୁଟିପରି ଗୋଲାକାର ଓ ସରୁ ହୋଇଥାଏ । ଓଡ଼ିଶାରେ ଏହି ଖାଦ୍ୟକୁ ଘରୋଇ ପ୍ରସ୍ତୁତି ରେ ଖିଆ ଯାଇଥାଏ। ମାତ୍ର ଏବେ ଏହାକୁ ଷ୍ଟ୍ରିଟ୍ ଫୁଡ୍ ଭାବରେ ବ୍ୟବହାର କରାଯାଉଅଛି।

୫) ଗୁପଚୁପ -

**********

ଗୁପଚୁପ ଓଡ଼ିଶା ର ନୁହେଁ ସମଗ୍ର ଭାରତବର୍ଷରେ ପ୍ରସିଦ୍ଧ ଷ୍ଟ୍ରିଟ୍ ଫୁଡ୍ ର ମାନ୍ୟତା ଲାଭ କରିଛି।ଭଦ୍ରକ ସହରରେ ମଧ୍ୟ ଅଧିକ ପରିମାଣରେ ଗୁପଚୁପ୍ ଷ୍ଟଲ୍ ଦେଖିବାକୁ ମିଳିଥାଏ।ଏହା ଆଳୁ ଚକଟା ଓ ଖଟାପାଣି ସହ ଖିଆଯାଇଥାଏ ।

ମଇଦା ଓ ସୁଜିକୁ ଗୋଟିଏ ପାତ୍ରରେ ଭଲକରି ମିଶାଇବା । ସେଥିରେ ଆବଶ୍ୟକ ପରିମାଣର‌ ପାଣି ଦେଇ ଭଲକରି ଚକଟା ଯାଇଥାଏ । ଚକଟା ହୋଇଥିବା ସୁଜି ଓ ମଇଦାକୁ ଛୋଟ ଛୋଟ ଗୁଳା କରାଯାଏ । ଏହି ଗୁଳାଗୁଡିକୁ ଏକ ଓଦା କପଡାରେ ଟାଇଟ୍ କରି ଅଧଘଣ୍ଟା ଘୋଡେଇ ରଖାଯାଏ ।ଏହା ପରେ ଏହାକୁ ଛୋଟ ଛୋଟ ପୁରୀ ଭଳି ବେଲି ଗରମ ତେଲରେ ଛାଣି ଖୋଲା ରଖାଯାଏ । ଏହା ଥଣ୍ଡା ହୋଇଗଲା ପରେ ଏକ ଟାଇଟ୍‌ ଡବାରେ ରଖାଯାଏ ଅର୍ଥାତ୍ ବାୟୁ ପ୍ରବେଶ କରି ପାରୁନଥିବା ସ୍ଥାନ ରେ ରଖାଯାଏ।

ଅନ୍ୟ ଏକ ଜାଗାରେ ୪/୫ଟା ସିଝା ଆଳୁକୁ ଚୋପା ଛଡ଼ାଇ ଆବଶ୍ୟକ ଅନୁସାରେ ଲୁଣ, ଲଙ୍କାଗୁଣ୍ଡ, ଜିରାଗୁଣ୍ଡ, ସିଝା ମଟର, ଧନିଆ ପତ୍ର ପକାଇ ଚକଡା ଯାଏ । ଅନ୍ୟ ଏକ ପାତ୍ରରେ ତେନ୍ତୁଳିରେ ଆବଶ୍ୟକ ଅନୁସାରେ ପାଣି ଦେଇ ରସ ବାହାର କରାଯାଏ । ସେଥିରେ ଲୁଣ, କଞ୍ଚାଲଙ୍କା ଛେଚି ପକାଇବା ସହିତ ପୋଦିନା ପତ୍ର ଛିଣ୍ଡାଇ ପକାଯାଏ । ଖଟାପାଣି ଓ ଆଳୁ ମସଲା ପ୍ରସ୍ତୁତି ହୋଇଗଲା ପରେ ଗୁପ୍‌ଚୁପ୍ କଣା କରି ସେଥିରେ ଆଳୁ ମସଲା ଓ ଖଟାପାଣି ଦେଇ ପରଷା ଯାଏ ।ଏହା ଅତ୍ୟନ୍ତ ସ୍ବାଦିଷ୍ଟ ଓ ଲୋକ ଅକୃଷ୍ଟ ଷ୍ଟ୍ରିଟ୍ ଫୁଡ୍ ଅଟେ।

୬) ବିରିୟାନୀ-

************

ଭଦ୍ରକ ସହରର ଅନ୍ୟ ଏକ ପ୍ରସିଦ୍ଧ ଷ୍ଟ୍ରିଟ୍ ଫୁଡ୍ ହେଉଛି ବିରିୟାନୀ ।ଏହା ଚାଉଳ ଓ ବିଭିନ୍ନ ପ୍ରକାର ପରିବାର ମିଶ୍ରଣରେ ତିଆରି କରାଯାଇଥାଏ‌। ଏହା ର ଚାହିଦା ଗୋଟିଏ ଅଞ୍ଚଳରେ ସିମୀତ ନ ରହି ସମଗ୍ର ଭାରତୀୟ ଉପମହାଦେଶରେ ଲୋକପ୍ରିୟ ହାସଲ କରିଅଛି। ଏଥିରେ ମୁଖ୍ୟତଃ ଚାଉଳ, ମସୁର, ମସଲା, ମାଂସ ଓ ପରିବା ଇତ୍ୟାଦି ବ୍ୟବ‌ହୃତ ହୋଇଥାଏ ।ଏହା ଉଭୟ ଆମିଷ ଓ ନିରାମିଷ ରେ ପ୍ରସ୍ତୁତ କରାଯାଇଥାଏ।

ବିଷୟ ପ୍ରସ୍ଥାନ -

****************

ଆଜି ର ବ୍ୟସ୍ତତା ମୟ ଜୀବନ ରେ ଘରୋଇ ପ୍ରସ୍ତୁତି ଖାଦ୍ୟ ଦ୍ରବ୍ୟ ଅପେକ୍ଷା ଏହି ଷ୍ଟ୍ରିଟ୍ ଫୁଡ୍ ମାନଙ୍କ ର ଚାହିଦା କ୍ରମଶଃ ବୃଦ୍ଧି ପାଇବାରେ ଲାଗିଛି। ଲୋକ ମାନେ ନିଜ ସମୟ ର ରକ୍ଷା ନିମନ୍ତେ ଓ ସ୍ବଳ୍ପ ବ୍ୟୟରେ ସୁସ୍ବାଦୁ ଖାଦ୍ୟ ପାଇ ଏହି ଷ୍ଟ୍ରିଟ୍ ଫୁଡ୍ ଉପରେ ସଂପୂର୍ଣ୍ଣ ନିର୍ଭରଶୀଳ ହୋଇପଡିଛନ୍ତି। ଷ୍ଟ୍ରିଟ୍ ଫୁଡ୍ ପ୍ରସ୍ତୁତିରେ ଆଜିକାଲି ଅନେକ ଅବହେଳା ଦେଖିବାକୁ ମିଳୁଛି।ଏହାର କାରଣ ଦୋକାନୀ ମାନେ ସ୍ବଳ୍ପ ବ୍ୟୟ ରେ ଅଧିକ ଆୟ ଉପାର୍ଜନ ଉପରେ ଧ୍ୟାନ କେନ୍ଦ୍ରିତ କରୁଛନ୍ତି। ତେଣୁ ଏହାକୁ ଖାଇବା ଦ୍ବାରା ସ୍ବାସ୍ଥ୍ୟ ଉପରେ ଅନେକ କୁ ପ୍ରଭାବ ପଡୁଛି। ଏହି ଖାଦ୍ୟ ଗୁଡିକ ସାଧାରଣ ଭାବେ ସଡକ ପାଖରେ ବିକ୍ରି ହୋଇଥାଏ ମାତ୍ର ଏହି ଖାଦ୍ୟ ଗୁଡିକ ଅଞ୍ଚଳ କୁ ଲୋକ ପ୍ରିୟ କରେଇବାରେ ବିଶେଷ ଭୂମିକା ଗ୍ରହଣ କରିଥାଏ। ଦହିବରା ଆଳୁଦମ୍ ପାଇଁ କଟକ , ଛେନା ଝିଲ୍ଲୀ ପାଇଁ ନିମାପଡା ,କୋରା ଖଇ ପାଇଁ ଭୁବନେଶ୍ୱର, ଚିଙ୍ଗୁଡ଼ି ଘାଣ୍ଟ ପାଇଁ ବାଲେଶ୍ବର, ବଡି ପାଇଁ କେନ୍ଦୁଝର, ଛେନା ପୋଡ ପାଇଁ ନୟାଗଡ ଓ ପାଳୁଅ ଲଡୁ ପାଇଁ ଭଦ୍ରକ ର ପରିଚୟ ପାଇଛୁ। ଏହି ଖାଦ୍ୟ ଦ୍ରବ୍ୟ ଗୁଡିକ ପାଇଁ ଉକ୍ତ ଅଞ୍ଚଳ ଗୁଡିକ ପ୍ରସିଦ୍ଧି ଲାଭ କରିପାରିଛି। ମାତ୍ର ଏହାର ପ୍ରସ୍ତୁତି ରେ ଅବହେଳା ଯୋଗୁଁ ପେଟ ରୋଗ ପରି ଅନେକ ସ୍ବାସ୍ଥ୍ୟ ସମସ୍ୟା ଦେଖିବାକୁ ମିଳୁଅଛି। ତେଣୁ ଏହି ଖାଦ୍ୟ ଉପରେ ସଂପୂର୍ଣ୍ଣ ନିର୍ଭରଶୀଳ ନରହି ଉକ୍ତ ଖାଦ୍ୟ କୁ ଘରୋଇ ପ୍ରସ୍ତୁତି ରେ ବ୍ୟବହାର କଲେ ଶରୀର ପାଇଁ ହିତକର ହେବ।

__________________________________________________

ପ୍ରସ୍ତୁତି -ସୌମ୍ୟ ରଞ୍ଜନ ରାୟ

ଭୂୟାଁ ଉଆସ, ଗୁଆମାଳ, ଭଦ୍ରକ

ମୋ ସହରର ଷ୍ଟ୍ରିଟ୍ ଫୁଡ୍|| Street food in my city

Exploring street food in Bhadrak ,a coastal city of odisha