ଉପକ୍ରମ:-

ସାମ୍ପ୍ରତିକ ବିଜ୍ଞାନ ଯୁଗରେ ମୋବାଇଲ୍ ଏକ ଉପହାର ସଦୃଶ୍ୟ । ଏହା ମାନବ ସମାଜ ପାଇଁ ବିଜ୍ଞାନ ର ଅଦ୍ଭୁତ ଓ ଚମତ୍କାର ଉପହାର। ଯଦିଓ ମୋବାଇଲ ପ୍ରଥମେ କେବଳ ବାର୍ତ୍ତାଳାପ ପାଇଁ ବ୍ୟବହୃତ ହେଉଥିଲା, କିନ୍ତୁ ଆଜିର ଡିଜିଟାଲ ଯୁଗରେ ଏହା ଭିଡିଓ କଲିଙ୍ଗ, ଡକ୍ୟୁମେଣ୍ଟ ଆଦାନ ପ୍ରଦାନ ଓ ଟଙ୍କା କାରବାର କ୍ଷେତ୍ରରେ ଏକ ଅଦ୍ଭୁତ ପୂର୍ଣ୍ଣ ସଫଳତା ହାସଲ କରିପାରିଛି। ଏହି ମୋବାଇଲ ଫୋନ ସମାଜର ସବୁ ବର୍ଗର ଲୋକ ମାନଙ୍କ ପାଇଁ ଆଜି ଅତ୍ୟନ୍ତ ଆବଶ୍ୟକୀୟ ସାମଗ୍ରୀ ହୋଇପାରିଛି। ସିଏ ଗରିବ ଶ୍ରେଣୀର ଦିନ ମଜୁରିଆ ହେଉ କିମ୍ବା ଅଟ୍ଟାଳିକାର ଧନୀ ଆଜି ସମସ୍ତଙ୍କ ହାତରେ ମୋବାଇଲ ଅଛି।

ମୋବାଇଲ୍ ଫୋନ୍ – ହିତ ଠାରୁ ଅହିତ ଅଧିକ :-

ଆଜିର ଦିନରେ ମୋବାଇଲ ଫୋନ କେବଳ ଏକ ଫୋନ୍ ହୋଇରହିନାହି। ଏହା ଏବେ ମାନବ ମାତ୍ରର ଏକ ପ୍ରକାର ସର୍ବସ୍ବ ହୋଇଯାଇଛି। ଫୋନଟି ଭିତରେ ରହିଛି ବ୍ୟବହାରକାରୀ ମଣିଷର ସାରା ଦୁନିଆଁ, ଯାହାକି ତାର ଦୈନନ୍ଦିନ ଜୀବନଯାତ୍ରାର ଚାଳକ ସାଜିଛି।ମଣିଷର ଜୀବନ ଶୈଳୀ ସମ୍ପୂର୍ଣ୍ଣ ବଦଳି ଯାଇଛି। ‘ମୋବାଇଲ୍‌ ଫୋନ୍‌’ ହିଁ ଆଣିଛି ଏଭଳି ପରିବର୍ତ୍ତନ। ଏହାକୁ ଆୟୁଧ କରି ସମସ୍ତେ ସବୁକିଛି ନିଜ ହାତମୁଠାରେ ରଖିବାକୁ ଚାହୁଛନ୍ତି। ଶିକ୍ଷା, ସ୍ବାସ୍ଥ୍ୟ, ଆର୍ଥିକ, ସାମାଜିକ ଜୀବନ ସବୁଠାରେ ଏହା ଯୋଡ଼ି ହୋଇଗଲାଣି। ନିଜ ସଂପର୍କୀୟଙ୍କଠାରୁ ବି ଏବେ ସେ ଆହୁରି ନିଜର।

ମନେହେଉଛି, ‘ମୋବାଇଲ୍ ଫୋନ୍‌’ ବିନା ଯେଭଳି ସବୁକିଛି ଅସମ୍ଭବ! କଥାବାର୍ତ୍ତା ହେବା ପ୍ରାଥମିକ ଆବଶ୍ୟକତା ଥିଲା। ଏବେ ଏହାକୁ ଟପି ଘରର ବିଦ୍ୟୁତ୍ ବିଲ୍ ପଇଠ, ରାସନ କିଣିବା, ବ୍ୟାଙ୍କ ଆକାଉଣ୍ଟ ପରିଚାଳନା, ଖବର, ମନୋରଂଜନ- ସବୁଥିରେ ଏହାର ନିର୍ଭରଶୀଳତା ବଢ଼ିଛି। ତା’ ମାୟାଜାଲରେ ବୟସ୍କଙ୍କ ଠୁ ଯୁବକ, ଯୁବତୀ, ଛୋଟପିଲା ସମସ୍ତେ ଛନ୍ଦି ହୋଇଯାଇଛନ୍ତି। ମାତ୍ରାଧିକ ନିର୍ଭରଶୀଳତା ଏବେ ଲାଭ ଅପେକ୍ଷା କ୍ଷତିକୁ ବହୁଗୁଣିତ କରିସାରିଲାଣି। ‘ହାତ ମୁଠାରେ ଦୁନିଆ’ ବୋଲି ଏକଦା ସ୍ଲୋଗାନ ଦିଆଯାଇଥିଲା। ଏବେ କିନ୍ତୁ ‘ହାତମୁଠାରେ ପୁଳାପୁଳା ବିପଦ; ମୃତ୍ୟୁ ବି’। ଏମିତି କିଛି ବୟାନ କରେ ବର୍ଷ ୨୦୨୩ର ଘଟଣା, ଦୁର୍ଘଟଣା।

ପିଲା ବି ମୋବାଇଲ୍ ଫୋନ୍‌ ମାୟାରେ ବାୟା:-

ମୋବାଇଲ୍ ଫୋନ୍‌ ମାୟାରେ ଛୋଟ ଛୁଆ ବି ବାୟା। ନାନା ବାୟା ଗପ ଶୁଣାଇ ପାରୁନଥିବା ମାଆ ଏବେ ଅଝଟ ପିଲାଙ୍କୁ ବୁଝାଇବା ଲାଗି ମୋବାଇଲ୍ ଫୋନ୍‌ ଧରାଇ ଦେଉଛନ୍ତି। ଏହି ମାୟା ତାଙ୍କୁ ପରବର୍ତ୍ତୀ ସମୟରେ ଏମିତି ବାୟା କରୁଛି ଯେ ନିଜ ଅଜାଣତରେ ସେମାନେ ଅପରାଧୀଙ୍କ ହାତ ମୁଠାକୁ ଚାଲି ଆସୁଛନ୍ତି। ଛୋଟପିଲା ଏହାର ବିଭିନ୍ନ ଗେମିଂ ଆପ୍‌ ବ୍ୟବହାର କରି ଲୁଟ୍‌ର ଶିକାର ହେବା ଜଣାପଡ଼ିବା ପରେ ନେଇ ଚିନ୍ତା ବଢ଼ିଛି। ଗୋଟିଏ ସମୟରେ ବ୍ଲୁ-ହ୍ବେଲ୍, ମୋମୋ ଗେମ୍, ପବ୍‌ଜି, ଫ୍ରିଫାୟାର୍‌ ଗେମ୍‌ସକୁ ନେଇ ସାରା ଦେଶରେ କୋକୁଆ ଭୟ ସୃଷ୍ଟି ହୋଇଥିଲା। ମୋମୋ ଗେମ୍ ଯୋଗୁଁ ଭୁବନେଶ୍ବରର ଇଞ୍ଜିନିୟରିଙ୍ଗ ଛାତ୍ର ଉମାକାନ୍ତ ବେହେରା (୨୫) ଆତ୍ମହତ୍ୟା କରିବା ଏହାର ଗୋଟିଏ ଉଦାହରଣ। ଅନ୍‌ଲାଇନ୍ ଗେମ୍ ଖେଳି ଟଙ୍କା ହରାଇବା ଏବଂ ପରେ ପରିବାର ଲୋକଙ୍କ ତାଗିଦ୍ ପାଇଁ ଯୋଡ଼ା ଅଞ୍ଚଳର ଅଷ୍ଟମ ଶ୍ରେଣୀ ଛାତ୍ର ଅମିତାଂଶୁ ଆପଟ ଆତ୍ମହତ୍ୟା କରିବା ଆଉ ଗୋଟିଏ ଘଟଣା।

ଖୋର୍ଦ୍ଧାରେ ଜଣେ ଶିକ୍ଷକ ମୋବାଇଲ୍ ଫୋନ୍‌ ଧରି ପକାଇବାରୁ ସଂପୃକ୍ତ ଛାତ୍ର ଆତ୍ମହତ୍ୟା କରିବା ଭଳି ଚରମ ପଦକ୍ଷେପ ନେଇଥିଲା।

ଆତଙ୍କବାଦର ଅସ୍ତ୍ର:-

ବିସ୍ଫୋରଣ ଘଟାଇ ଲୋକଙ୍କ ମନରେ ଆତଙ୍କ ବୁଣୁଥିବା ଦୁର୍ଦାନ୍ତ ଅପରାଧୀ ଏବେ ଆତଙ୍କବାଦର ନୂଆ ପରିଭାଷା ଉନ୍ମୋଚନ କଲେଣି। ମୋବାଇଲ୍‌ ଫୋନ୍‌ ଜରିଆରେ ସାରାଦେଶର ତଥ୍ୟକୁ ହାତେଇବା ସହିତ ଯେ କୌଣସି ସ୍ଥାନରୁ ଆତଙ୍କବାଦୀ କାର୍ଯ୍ୟକଳାପକୁ ନିୟନ୍ତ୍ରଣ କରୁଛନ୍ତି ଓ ପରିଚାଳନା ବି। ଗତ ଫେବ୍ରୁଆରିରେ ହନିଟ୍ରାପ୍‌ର ଶିକାର ହୋଇ ବାଲେଶ୍ବର ଜିଲ୍ଲା ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ ବାବୁରାମ ନାମକ ଜଣେ ଯୁବକ ମୋବାଇଲ୍ ଜରିଆରେ ପାକିସ୍ତାନକୁ ଗୁପ୍ତ ତଥ୍ୟ ପ୍ରେରଣ ଘଟଣା ସାମ୍ନାକୁ ଆସିଥିଲା। ବର୍ଷଶେଷ ବେଳକୁ ଯାଜପୁର ଜିଲ୍ଲା ଧର୍ମଶାଳାରୁ ସନ୍ଦିଗ୍ଧ ଈଶାନ ବୁଖାରୀକୁ କ୍ରାଇମବ୍ରାଞ୍ଚ ଏସ୍‌ଟିଏଫ୍ ଗିରଫ କରି ଜେରା କରୁଛି। ମୋବାଇଲ୍‌କୁ ଅସ୍ତ୍ର କରି ଜଣେ ପରେ ଜଣେ ଝିଅକୁ ଫସାଇବା, ସେ ଅଞ୍ଚଳରେ ଆଡ୍ଡା ଜମାଇ ଲୋକଙ୍କ ବିଶ୍ବାସଭାଜନ ହେବା ଥିଲା ତାର କାମ। ସେ କେତେ ତଥ୍ୟ ଦେଇଛି, ସେ ରହସ୍ୟ ଉନ୍ମୋଚନ ହୋଇନି, ମାତ୍ର ଏକାଧିକ ରାଜ୍ୟର ପୁଲିସକୁ ଈଶାନ ଚକ୍‌ମା ଦେଇ ଛଦ୍ମବେଶରେ ବୁଲୁଥିଲା।

କେବଳ ସେତିକି ନୁହେଁ, ପାକିସ୍ତାନୀ ଗୁଇନ୍ଦା ଓ ଆତଙ୍କୀ ଏଜେଣ୍ଟ ଓଡ଼ିଶାରେ ଜାଲ ବିଛାଇବା କ୍ଷେତ୍ରରେ ମୋବାଇଲ୍‌ ଫୋନ୍‌କୁ ଭରପୂର ବ୍ୟବହାର କରୁଛନ୍ତି। ହଜାର ହଜାର ବେନାମୀ ସିମ୍ ବ୍ୟବହାର କରି ହ୍ବାଟ୍ସଆପ୍ ଆକାଉଣ୍ଟ୍ର ଓଟିପି, ଟ୍ବିଟର(ଏକ୍ସ), ଫେସ୍‌ବୁକ, ଇନ୍‌ଷ୍ଚା, ଟେଲିଗ୍ରାମ ଆକାଉଣ୍ଟ୍ ଓଟିପି ହାତେଇ ଅପରାଧର ନୂଆ ଫର୍ଦ ଯୋଡ଼ିଛନ୍ତି। ରୢାକେଟ୍‌ର ମୁଖ୍ୟ ନୟାଗଡ଼ ଇଟାମାଟିର ପଠାଣୀ ସାମନ୍ତ ଲେଙ୍କା, ଆଇଟିଆଇ କଲେଜ ଅଞ୍ଚଳର ସରୋଜ କୁମାର ନାୟକ, ପ୍ରଦ୍ୟୁମ୍ନ ସାହୁ, ଯାଜପୁର ଜିଲ୍ଲା ସୁଜନପୁର ଅଞ୍ଚଳର ସୌମ୍ୟ ପଟ୍ଟନାୟକ, ବରି ଅଞ୍ଚଳର ପ୍ରୀତମ କର, ମହାରାଷ୍ଟ୍ରରୁ ଅଭିଜିତ୍ ସଞ୍ଜୟ ଜାମ୍ବୁରେ ଓ ମହମ୍ମଦ ଇକବାଲ୍ ହୁସେନ୍‌କୁ ଗିରଫ କରିବା ପରେ ଆତଙ୍କୀ ଲିଙ୍କ୍ କଥା ପଦାକୁ ଆସିଥିଲା। ଏବେ ବି ମାମଲାର ତଦନ୍ତ ଜାରି ରହିଛି।

୧୧% ଦୁର୍ଘଟଣାର କାରଣ:-

ପ୍ରାଥମିକତା କ’ଣ? ଗାଡ଼ି ଚାଳନା ନା କଥାବାର୍ତ୍ତା? ଏହି ନିଷ୍ପତ୍ତି ଅଭାବରେ ରାଜ୍ୟରେ ଅପରାଧର ଯେଉଁ ନୂଆ ଦିଗ ଉନ୍ମୋଚିତ ହୋଇଛି, ତାହା ଛାତି ଥରାଇଦେବା ଭଳି। ରାସ୍ତାରେ ଗା଼ଡି ଚଳାଇବା ସମୟରେ ଚାଳକ କାନରେ ମୋବାଇଲ୍ ଫୋନ୍‌ ଦେଇ କଥା ହେବା ସଡ଼କ ଦୁର୍ଘଟଣାର ଅନେକ କାରଣ ମଧ୍ୟରୁ ଏକ ପ୍ରମୁଖ କାରଣ ଭାବେ ଉଭା ହେଲାଣି। ରାଜ୍ୟରେ ହେଇଥିବା ସଡ଼କ ଦୁର୍ଘଟଣାର ୧୧% ମୋବାଇଲ୍ ଫୋନ୍‌ ଜନିତ ବୋଲି ପରିବହନ ବିଭାଗ ସୂତ୍ରରୁ ପ୍ରକାଶ। କଥାବାର୍ତ୍ତାରେ ଚାଳକ ଏତେ ମଜ୍ଜି ଯାଉଛନ୍ତି ଯେ ଗାଡ଼ି ସେମାନଙ୍କ ନିୟନ୍ତ୍ରଣ ବାହାରକୁ ଚାଲିଯାଉଛି। କାହାର ଜୀବନ ଯାଉଛି ତ, ଆଉ କିଏ ପଙ୍ଗୁ ହୋଇଯାଉଛି। ଦୁର୍ଘଟଣା କାରଣରୁ ବ୍ୟକ୍ତି ଅପେକ୍ଷା ପରିବାର ସର୍ବାଦୌ କ୍ଷତି ସହିଥାଏ। ମୋବାଇଲ୍ ଫୋନ୍‌ ଜନିତ ଅସାବଧାନତା କାରଣରୁ ରୋଷେଇ ଘରେ ବିସ୍ଫୋରଣ ବା ଅଗ୍ନିକାଣ୍ଡ ଘଟିବାର ନଜିର ମଧ୍ୟ ଦେଖାଗଲାଣି।

ଏଆଇ ଚ୍ୟାଲେଞ୍ଜ:-

ପିକ୍‌ନିକ୍ ଯାନ୍ତୁ କି କୌଣସି ଉତ୍ସବ। ମୋବାଇଲ୍‌ ଫୋନ୍‌ରେ ଫଟୋ ଉଠାଇବା ଓ ଏହାକୁ ତୁରନ୍ତ ଯେ କୌଣସି ସାମାଜିକ ଗଣମାଧ୍ୟମରେ ଛାଡ଼ିବା ଖାଲି ଫେସନ୍‌ ନୁହେଁ, ଏନେଇ ପ୍ରତିଯୋଗିତା ଚାଲିଛି। କିନ୍ତୁ ଆମ ଅଜାଣତରେ ସେହି ପୋଷ୍ଟ୍ କାଳ ସାଜୁଛି। ତା’ରି ମାଧ୍ୟମରେ ଆମ ଚିତ୍ର, ଚରିତ୍ରକୁ କଳଙ୍କିତ କରାଯାଉଛି। ଏହାର ବଡ଼ ଅସ୍ତ୍ର ସାଜିଛି ଏଆଇ(ଆର୍ଟିଫିସିଆଲ୍ ଇଣ୍ଟେଲିଜେନ୍ସି)। ଦେଶର ପ୍ରଧାନମନ୍ତ୍ରୀ ମଧ୍ୟ ଏହାର ଶିକାର ହୋଇଛନ୍ତି। ଓଡ଼ିଶାରେ ଏଯାଏ ଠୋସ୍ ଭାବେ ଏଆଇ ପ୍ରଭାବ ଠାବ ହୋଇଥିବା ପୁଲିସ କହିନାହିଁ। କିନ୍ତୁ ନିକଟରେ କଟକରେ ଏକ ମାମଲାର ତଦନ୍ତ ବେଳେ ଏହି ପ୍ରସଙ୍ଗଟି ଆଲୋଚନାକୁ ଆସିଥିଲା। ଆଗକୁ ଏଆଇ ଭୟ ଜଳଜଳ।

ଆତ୍ମହତ୍ୟା, ଯୌନ ଶୋଷଣ:-

ମୋବାଇଲ୍‌ ଫୋନ୍‌ର ପ୍ରବେଶ ଏବେ କଲେଜ ସୀମା ଡ଼େଇଁ କ୍ଲାସ୍‌ରୁମ୍‌ରେ ବି ପଶିଲାଣି। ପିଲାଙ୍କ ପାଠପଢ଼ା ବ୍ୟାଗ୍, ବସ୍ତାନିରେ ବି ତାର ଆଡ୍ଡା। ମୋବାଇଲ୍ ଫୋନ୍‌ ଜରିଆରେ ଫେସବୁକ୍‌, ଇନ୍‌ଷ୍ଟା ଓ ଅନ୍ୟ ଡେଟିଙ୍ଗ ସାଇଟ୍‌ରେ ଯୋଡ଼ି ହୋଇ କିଏ କେତେବେଳେ ବିପଦକୁ ଚାଲିଆସୁଛନ୍ତି, ତାହା ଜାଣିବା ମୁସ୍କିଲ୍‌। ଏହା ଧୀରେଧୀରେ ଶୋଷଣ ଓ ଆତ୍ମହତ୍ୟା ଆଡ଼କୁ ବି ଟାଣିନେଉଛି। ପ୍ରଥମେ ବନ୍ଧୁତା, ପରେ ପ୍ରେମ ଓ ଲିଭ୍‌ ଇନ୍‌। ମିଛ ବିଶ୍ବାସ ବେଳେ ବେଳେ ସତ ମନେକରି ମୋବାଇଲ୍‌ ଜରିଆରେ ସବୁ କଥାବାର୍ତ୍ତା ଚାଲୁଛି। ସେଥିରୁ ବ୍ଲାକ୍‌ମେଲିଂ ବି ଜନ୍ମନେଉଛି। ଅନ୍ତରଙ୍ଗ ମୁହୂର୍ତ୍ତର ଫଟୋ ଓ ଭିଡିଓ ନେଣଦେଣ ଯାଏ ସବୁକିଛି ଚାଲୁଛି। ପରେ ଏହା ଜରିଆରେ ଲକ୍ଷ ଲକ୍ଷ ଟଙ୍କା ଆଦାୟ କରୁଛନ୍ତି ଖଳନାୟକମାନେ। ଏ ସଂକ୍ରାନ୍ତ ଅପରାଧ ଏବେ ଉପରମୁହାଁ ପାଲଟିଛି। ବହୁ ଚର୍ଚ୍ଚିତ ଅର୍ଚ୍ଚନା ନାଗ, ମାନସ ସ୍ବାଇଁ ଆଦି ମାମଲା ଏହାର ଉଦାହରଣ। ଏନ୍‌ସିଆର୍‌ବି ରିପୋର୍ଟ ଅନୁସାରେ ପାଖାପାଖି ୭୩୦୦ରୁ ଅଧିକ ମାମଲା ଏ ସଂକ୍ରାନ୍ତରେ ରୁଜୁ ହୋଇଛି। ଚଳିତବର୍ଷ କମିସନରେଟ୍ ପୁଲିସ ରାଜସ୍ଥାନରୁ ମହମ୍ମଦ ଆଝାରୁଦ୍ଦିନ୍ ଅନସାରୀ ଓ ସକିର୍ ଖାନ୍‌କୁ ଗିରଫ କରିଥିଲା।

ଠକଙ୍କ କବ୍‌ଜାରେ:-

ସାଇବର ଠକ ଏବେ ସାରା ବିଶ୍ବରେ ଆତଙ୍କ ସୃଷ୍ଟି କରିଛନ୍ତି। ସେମାନେ ବିଶ୍ବକୁ କବ୍‌ଜା କରିବାକୁ ବସିଲେଣି। ମୋବାଇଲ୍ ଫୋନ୍‌ ସେମାନଙ୍କ ପାଇଁ ମୁଖ୍ୟ ଅସ୍ତ୍ର ପାଲଟିଛି। କେତେବେଳେ କ୍ରେଡିଟ କାର୍ଡ ତ ପୁଣି କେତେବେଳେ ଲୋନ୍ ଆପ୍, ନ୍ୟୁଡ୍ କଲ, ଫେକ୍ କଲ୍ ମାଧ୍ୟମରେ ସେମାନେ ଲୋକଙ୍କୁ ଲୁଟି ଚାଲିଛନ୍ତି। ସେହିପରି ପୁଞ୍ଜି ନିବେଶ, କ୍ରେଡିଟ୍ କାର୍ଡ, ବୀମା, ବିଦ୍ୟୁତ୍ ବିଲ୍ ପୈଠ, ଅନ୍‌ଲାଇନ୍ ସପିଙ୍ଗ୍‌, ଟ୍ରାଭେଲ ଟିକେଟ୍ ମାଧ୍ୟମରେ ମଧ୍ୟ ଲୋକଙ୍କୁ ଠକୁଛନ୍ତି ସାଇବର ଠକ। ଗତ ୫ ବର୍ଷରେ ରାଜ୍ୟରେ ପାଖାପାଖି ୫୫,୫୦୦ ସାଇବର ଠକେଇ ଅଭିଯୋଗ ହୋଇଛି। ଏହି ସମୟରେ ବିଭିନ୍ନ ଥାନା ଓ ସାଇବର ଥାନାରେ ୯୫୮୦ଟି ମାମଲା ରୁଜୁ ହୋଇଛି। ଏହାଛଡ଼ା ଅନେକ ଘଟଣା ମଧ୍ୟ ପୁଲିସ ପାଖରେ ପହଞ୍ଚିପାରୁ ନାହିଁ। ୨୦୧୮ରୁ ୨୦୨୩ ମଧ୍ୟରେ ସାଇବର ଅପରାଧୀ ରାଜ୍ୟରୁ ୧୪୦ କୋଟିରୁ ଊର୍ଧ୍ବ ଟଙ୍କା ଲୁଟି ନେଇଥିବା ଜଣାପଡ଼ିଛି। ସେହିପରି ୨୦୨୦ରୁ ୨୦୨୩ (ସେପ୍ଟେମ୍ବର ୨୮ ପର୍ଯ୍ୟନ୍ତ) ନ୍ୟାସନାଲ ସାଇବର କ୍ରାଇମ ରିପୋର୍ଟିଙ୍ଗ ପୋର୍ଟାଲ (ଏନସିଆରପି) ମାଧ୍ୟମରେ ୨୨,୪୦୮ ଅଭିଯୋଗ ଆସିଛି। ସାଇବର ହେଲ୍ପ ଡେସ୍କ ଜରିଆରେ ୨୦୨୧(ଫେବ୍ରୁଆରୀ ୨୮ରୁ) ୨୦୨୩ (ଜାନୁଆରୀ) ପର୍ଯ୍ୟନ୍ତ ସାଇବର ଠକେଇ ସଂକ୍ରାନ୍ତରେ ୧୯,୫୦୮ଟି ଅଭିଯୋଗ ଆସିଛି। ସେଥିରୁ ଠକେଇର ଶିକାର ବିଭିନ୍ନ ବ୍ୟକ୍ତିଙ୍କୁ ୩ କୋଟି ୬୦ ଲକ୍ଷ ୭୦ ହଜାର ୬୪୨ ଟଙ୍କା ଫେରସ୍ତ କରାଯାଇଛି। ବିଭିନ୍ନ ବ୍ୟାଙ୍କ ଆକାଉଣ୍ଟରେ ୧୧ କୋଟି ୨୮ ଲକ୍ଷ ଟଙ୍କା ଫ୍ରିଜ୍ କରା ଯାଇଛି। ଠକେଇର ମୋଟ୍ ପରିମାଣ ନେଇ କ୍ରାଇମବ୍ରାଞ୍ଚ ପକ୍ଷରୁ ତଥ୍ୟ ଦିଆଯାଇ ନ ଥିବାବେଳେ ଏହା ୧୦୦ କୋଟିକୁ ଟପିଯିବ ବୋଲି କୁହାଯାଉଛି।

ଅପରାଧୀର ପ୍ରମୁଖ ଅସ୍ତ୍ର, ମୋବାଇଲ୍‌ରେ ୯୦% ବ୍ଲୁ-ପ୍ରିଣ୍ଟ୍:-

ଅପରାଧ ଘଟାଇ କିଭଳି ପୁଲିସ ଓ ଗୁଇନ୍ଦାକୁ ଚକ୍‌ମା ଦେବେ, ଯେଭଳି ସେମାନଙ୍କ ଅପରେସନର ବିନ୍ଦୁ ବିସର୍ଗ ତଦନ୍ତ ବେଳେ ମିଳିବ ନାହିଁ, ସେଥିପାଇଁ ଅତ୍ୟାଧୁନିକ ଜ୍ଞାନ କୌଶଳକୁ ଆପଣାଇ ଅପରାଧର ନକ୍ସା ପ୍ରସ୍ତୁତ କରୁଛନ୍ତି ଅପରାଧୀ। ମୁଖ୍ୟ ମାଧ୍ୟମ ସାଜିଛି ମୋବାଇଲ୍। ହତ୍ୟା, ନିଶା କାରବାର, ବନ୍ଧୁକ ଚୋରା ଚାଲାଣ, ସିନ୍ଧିଚୋରି ଠୁ ଡକାୟତି ଘଟାଇବା ପୂର୍ବରୁ ହ୍ବାଟସ୍ଆପ୍ ବା ବିଭିନ୍ନ ଚାଟିଂ ଆପ୍‌ରେ ନିଜର ଗ୍ରୁପ୍ କରି ଅପରାଧ ଘଟାଉଥିବା ପ୍ରମାଣମିଳିଛି ଏବର୍ଷ। ଏପରିକି କୋଡ୍‌ରେ ଅପରାଧର ଡିଲ୍ ହେଉଛି। ଏକଥା ଲେଖିବା ବେଳେ ମନେପଡ଼େ ମୋବାଇଲ୍‌ରେ ଅନ୍ତରଙ୍ଗ ମୁହୂର୍ତ୍ତର ରେକଡିଂରୁ ଘଟିଥିଲା ମାନସ ସ୍ବାଇଁ ହତ୍ୟାକାଣ୍ଡ। ଚିପ୍ ହାତେଇବା ପାଇଁ ହତ୍ୟାକାଣ୍ଡ ରଚନା ହୋଇଥିଲା। ସେହିଭଳି ମୋବାଇଲ୍‌ କୋଡ୍ ବ୍ୟବହାର କରି କନ୍ଧମାଳରୁ ବାହାର ରାଜ୍ୟକୁ ଗଞ୍ଜେଇ ଚାଲାଣ କରୁଥିଲେ ୬ଜଣିଆ ଗ୍ୟାଙ୍ଗ୍। ସ୍ପେସାଲ୍ କ୍ରାଇମ୍ ୟୁନିଟ୍ ଏମାନଙ୍କୁ ଗିରଫ କରିଥିଲା। ଏପଟେ ପଶ୍ଚିମବଙ୍ଗରୁ ଓଡ଼ିଶାକୁ ଆସୁଥିଲା ହେରୋଇନ୍ ଓ ଏହି କାରବାରକୁ ବି ନିୟନ୍ତ୍ରଣ କରୁଥିଲା ମୋବାଇଲ୍, ଯାହା ଏସ୍‌ଟିଏଫ୍ ଧରିବା ପରେ ସାମ୍ନାକୁ ଆସିଥିଲା। ଏ ତାଲିକା ବେଶ୍ ଲମ୍ବା। ଏପରିକି ବଜ୍ରକାପ୍ତା କାରବାରରେ ମଧ୍ୟ ମୋବାଇଲ୍‌ ଫୋନ୍‌କୁ ଅସ୍ତ୍ର କରାଯାଉଛି। ଏବର୍ଷ ଘଟିଥିବା ପ୍ରତି ଶହେ ଅପରାଧ ମଧ୍ୟରୁ ୯୦ରୁ ଅଧିକ ମାମଲାରେ ମୋବାଇଲ୍ ଫୋନ୍‌କୁ ପ୍ରମୁଖ ଉପକରଣ ଭାବେ ହତ୍ୟାକାଣ୍ଡରେ ବ୍ୟବହାର କରାଯାଇଛି। ଅନ୍ୟପକ୍ଷରେ ପୁଲିସ ଅପରାଧର ଖିଅ ଧରିବାରେ ବି ମୋବାଇଲ୍‌ ଫୋନ୍‌କୁ ବ୍ୟବହାର କରୁଛନ୍ତି।

ମୋବାଇଲ ବ୍ୟବହାରର ଉପକାରିତା:-

→ ମୋବାଇଲ୍ ଦ୍ବାରା ଯୋଗାଯୋଗ କ୍ଷେତ୍ରରେ କେବଳ ବାର୍ତ୍ତାଳାପ ନୁହେଁ ବର୍ତ୍ତମାନ ଆମେ ଅନେକ ଆପ୍ ମାଧ୍ୟମରେ ଚାହୁଁଥିବା ଯେକୌଣସି ସମୟରେ ଆମର ବନ୍ଧୁ, ସମ୍ପର୍କୀୟଙ୍କ ସହିତ ସଂଯୁକ୍ତ ହୋଇପାରୁଛୁ ।

--->ସ୍ମାର୍ଟଫୋନ୍ ସାହାଯ୍ୟ ରେ ଆମେ ଅନ୍ୟ ସହିତ ଭିଡିଓ କଲିଂ ରେ କଥା ହୋଇ ପାରୁଛେ।

-->ଆଜିର ଆଧୁନିକ ଯୁଗରେ ଲୋକମାନେ ଫୋନ୍ ଯୋଗେ ଲାଇଭ ଟ୍ରାଫିକ ସ୍ମୃତି, ଟ୍ରେନ୍ ର ଲାଇଭ ସ୍ଥିତି ଆକଳନ କରି ଠିକ୍ ସମୟରେ ପହଞ୍ଚିବା ପାଇଁ ଉପଯୁକ୍ତ ନିଷ୍ପତ୍ତି ନେଇପାରୁଛି । ଏହା ସହିତ ବସ,ଟ୍ରେନ ରେ ଟିକଟ ବୁକିଂ ମୋବାଇଲ୍ ସାହାଯ୍ୟରେ କରାଯାଇପାରୁଛି।

→ ମୋବାଇଲ୍ ଟେକ୍ନୋଲୋଜିର ଉନ୍ନତି ଫଳରେ ବିରତି ସମୟରେ ଆମେ ସଙ୍ଗୀତ ଶୁଣିବା, ଚଳଚ୍ଚିତ୍ର ଦେଖ‌ିବା, ଆମର ପ୍ରିୟ ଟିଭି ଶୋ ଦେଖୁବା ଏବଂ ଯେ କୌଣସି ସ୍ଥାନରେ ଥିଲେ ମଧ୍ୟ ଲାଇଭ କ୍ରୀଡା ଓ ବ୍ରେକିଂ ନିଉଜ ସହଜରେ ଦେଖୂପରୁଛୁ।

→ ଆଜିକାଲି ଅନେକ ପ୍ରକାରର ସରକାରୀ କାର୍ଯ୍ୟ ପାଇଁ ମୋବାଇଲ୍ ବ୍ୟବହୃତ ହୁଏ । ମିଟିଂ କାର୍ଯ୍ୟସୂଚୀ ଠାରୁ ଆରମ୍ଭ କରି ଡକ୍ୟୁମେଣ୍ଟ୍‌ ପଠାଇବା ଓ ଗ୍ରହଣ କରିବା ଏବଂ ଉପସ୍ଥାପନା କ୍ଷେତ୍ରରେ ମୋବାଇଲ୍ ଅଧିକ ସହାୟକ ହୋଇପାରିଛି।

→ ସ୍ମାର୍ଟଫୋନରେ ମୋବାଇଲ୍ ବ୍ୟାଙ୍କି ବ୍ୟବହାର କରି ଯେ କୌଣସି ସମୟରେ ଟଙ୍କା ଆଦାନ ପ୍ରଦାନ କରାଯାଇପାରୁଛି । ଆହୁରି ମଧ୍ୟ ଜଣେ ନିଜ ଆକାଉଣ୍ଟ୍ ବିବରଣୀ, ଆକାଉଣ୍ଡ ରେ ଥିବା ଟଙ୍କା ପରିମାଣ ନିଜ ମୋବାଇଲ୍ ରେ ଜାଣି ପାରୁଛି।

ମୋବାଇଲ ବ୍ୟବହାରର ଅପକରିତା :-

→ ବର୍ତ୍ତମାନ ଦିନରେ ବିଶ୍ବର ଯୁବବର୍ଗ ପାଇଁ ମୋବାଇଲ ଏକ ନିଶା ପାଇଢିଛି। ଆରଣ୍ୟଳ ନ ଥିଲେ ମଧ୍ୟ ମୋବାଇଲ ରେ ସମୟ ନଷ୍ଟ କରୁଛନ୍ତି ।

-->ଛାତ୍ର ଛାତ୍ରୀ ମାନେ ମୋବାଇଲ୍ ରେ ଅଧିକା ସମୟ ବିତାଉଛନ୍ତି।

ଫଳରେ ସେମାନଙ୍କ ପାଠ ପଢ଼ା ରେ ବ୍ୟାଘାତ ସୃଷ୍ଟି ହେଉଛି।

→ ଅଧିକ ସମୟ ମୋବାଇଲ ବ୍ୟବହାର କଲେ ଆଖ୍ ଦୃଷ୍ଟି ଶକ୍ତି କମିଯାଏ ଏବଂ ମସ୍ତିସ୍କ ମଧ୍ଯ ପ୍ରଭାବିତ ହୁଏ।

→ ଛୋଟ ପିଲାମାନେ ମୋବାଇଲ୍ ଗେମ୍ ରେ ଅଭ୍ୟସ୍ତ ହୋଇ ଶାରୀରିକ କ୍ରୀଡା ପାଇଁ ଅନିଚ୍ଛା ପ୍ରକାଶ କରନ୍ତି ।ଏହି ମୋବାଇଲ ଗେମ୍ ବେଳେବେଳେ ପିଲାଙ୍କୁ ବିପଦଗାମୀ କରିଥାଏ।

→ କୌଣସି କାର୍ଯ୍ୟ କରୁଥିବା ସମୟରେ ମୋବାଇଲ ବ୍ୟବହାର କରିବା ଦ୍ବାରା ମଣିଷ ଅସାବଧାନ ହୋଇ କାର୍ଯ୍ୟରେ ଭୁଲ କରିଥାଏ। ଗାଡ଼ି ଚଳାଇବା ସମୟରେ ମୋବାଇଲ ବ୍ୟବହାର କଲେ ଦୁର୍ଘଟଣା ଘଟେ।

ମୋବାଇଲ୍ ଫୋନ୍… ଏହା ଏବେ, ସମସ୍ତଙ୍କ ପାଇଁ ଏକ ଅତ୍ୟାବଶ୍ୟକ ସାମଗ୍ରୀ କହିଲେ ଭୁଲ ହେବନି । ମୋବାଇଲ୍ ଫୋନ୍ ଏବେ, କେବଳ କଥାବାର୍ତ୍ତାର ମାଧ୍ୟମରେ ସୀମିତ ନାହିଁ । ବରଂ ଏହାର ବ୍ୟବହାର ଦିନକୁ ଦିନ ହେଉଛି ବ୍ୟାପକ । ଯୋଗାଯୋଗର ପରିଧିରୁ ବାହାରି, ଏହା ଏବେ ବିଭିନ୍ନ ଜରୁରିକାଳୀନ ଓ ଅତ୍ୟାବଶ୍ୟକ ସେବା ପ୍ରଦାନର ପାଲଟିଛି ମାଧ୍ୟମ । ଆପଣ ଜାଣନ୍ତି କି… କେବେ ଉଦ୍ଭାବିତ ହୋଇଥିଲା ଏହି ମୋବାଇଲ୍ ଫୋନ୍ ! ହଁ, ଆଜ୍ଞା… ମୋବାଇଲ୍ ଫୋନକୁ ପୂରିଛି ୫୦ ବର୍ଷ । ୧୯୭୩ ଏପ୍ରିଲ ୩ ତାରିଖରେ ଉଦ୍ଭାବନ ହୋଇଥିଲା ମୋବାଇଲ୍ ଫୋନ୍ । ମୋଟୋରୋଲା କମ୍ପାନିର ସେତେବେଳର କର୍ମଚାରୀ ମାର୍ଟିନ୍ କୁପର୍ ହିଁ ମୋବାଇଲ୍ ଫୋନ୍ ଉଦ୍ଭାବନ କରିଥିଲେ । ପ୍ରଥମ କଲ୍ କରିଥିଲେ ତାଙ୍କ ବନ୍ଧୁ ତଥା ପ୍ରତିନ୍ଦବନ୍ଦୀ କମ୍ପାନି- ବେଲ୍ ଲାବୋରେଟୋରିଜର ଜୋଏଲ୍ ଏଞ୍ଜେଲଙ୍କ ପାଖକୁ । ନ୍ୟୁୟର୍କ ସହରର ୫୩ ଓ ୫୪ ନମ୍ବର ଗଳିରେ ଚାଲୁଥିବା ବେଳେ ଜୋଏଲ୍ ଏଞ୍ଜେଲଙ୍କୁ ଏହି ଐତିହାସିକ ଫୋନ୍ କଲ୍ କରିଥିଲେ ମାର୍ଟିନ୍ କୁପର୍ । ଜୋଏଲଙ୍କୁ ସେ କଣ କହିଥିଲେ ଜାଣନ୍ତି… ‘ଜୋଏଲ୍, ମୁଁ ମାର୍ଟି କହୁଛି । ମୁଁ, ତୁମକୁ ସେଲ୍ ଫୋନ୍‌ରୁ କଲ୍ କରିଛି । ଏହା ପ୍ରକୃତରେ ଏକ ପୋର୍ଟେବୁଲ୍ ସେଲ୍ ଫୋନ୍’। ମାର୍ଟିନ୍ କୁପରଙ୍କ ଏହି ଫୋନ୍ କଲ୍‌ରେ ସ୍ତବ୍ଧ ହୋଇ ଯାଇଥିଲେ ଜୋଏଲ୍ । ପୋର୍ଟେବୁଲ୍ ସେଲ୍ ଫୋନ୍ ନିର୍ମାଣ ପାଇଁ ମୋଟୋରୋଲା କମ୍ପାନି ଏକ ପ୍ରକଳ୍ପ ହାତକୁ ନେଇଥିଲା । ଯାହାର ନାଁ ଥିଲା, DynaTAC ବା Dynamic Adaptive Total Area Coverage । ଯାହାର ମୁଖ୍ୟ ଥିଲେ ମାର୍ଟିନ୍ କୁପର୍ ।

ବର୍ତ୍ତମାନର ମୋବାଇଲ୍ ଫୋନ୍‌ର ଲୁକ୍ ଏବଂ ସାଇଜ୍ ଠାରୁ ଭିନ୍ନ ଥିଲା ସେତେବେଳର ମୋବାଇଲ୍ ଫୋନ୍ । ଆକାରରେ ବହୁତ ବଡ଼ ଏବଂ ଓଜନିଆ ଥିଲା । ମାତ୍ର ୨୫ ମିନିଟ୍ କଥାବାର୍ତ୍ତା କରିବାକୁ ୧୦ ଘଣ୍ଟା ରିଚାର୍ଜ କରିବାକୁ ପଡୁଥିଲା । ତେବେ ୧୦ ବର୍ଷ ପରେ ଏହା ମାର୍କେଟକୁ ଆସିଥିଲା । ଆମେରିକାରେ ହିଁ ପ୍ରଥମେ ଉପଲବ୍ଧ ହୋଇଥିଲା ମୋବାଇଲ୍ ଫୋନ୍ । ୧୯୮୩ରେ ମୋଟୋରୋଲା କମ୍ପାନି ହିଁ ତାର DynaTAC 8000X ମୋବାଇଲ୍ ଫୋନ୍ ଆମେରିକା ମାର୍କେଟକୁ ଛାଡ଼ିଥିଲା । ଜାଣନ୍ତି, କେତେ ଥିଲା ଦାମ ! ସେତେବେଳେ ଦାମ୍ ଥିଲା ୩, ୯୯୫ ଆମେରିକୀୟ ଡଲାର୍ । ଓଜନ ଥିଲା ପାଖାପାଖି ୧ କେଜି । ୧୦ ଘଣ୍ଟାର ରିଚାର୍ଜରେ ମାତ୍ର ୨୫ ମିନିଟ୍ କଥାବାର୍ତ୍ତା, କିନ୍ତୁ ଓଜନ ଦୃଷ୍ଟିରୁ ଦେଖିବାକୁ ଗଲେ ମୋବାଇଲ୍ ଫୋନ୍‌କୁ ୨୫ ମିନିଟ୍ ହାତରେ ଧରି ରଖିବା ସମ୍ଭବ ହେଉ ନଥିଲା ।

୫୦ ବର୍ଷ ପୂର୍ବେ ମାନବ ଜଗତକୁ ଏହି ଅମୂଲ୍ୟ ଉପହାର ଦେଇଥିବା ମାର୍ଟିନ୍ କୁପର୍ କିନ୍ତୁ ଏବେ ମୋଟୋରୋଲା ନୁହେଁ ବରଂ ଟପ୍-ଏଣ୍ଡ ଆଇ-ଫୋନ୍ ବ୍ୟବହାର କରୁଛନ୍ତି । ତେବେ ମୋବାଇଲ୍ ଫୋନର ବହୁଳ ବ୍ୟବହାର, ମାନବ ସମାଜ ଏବଂ ମଣିଷର ସ୍ବାସ୍ଥ୍ୟ ପାଇଁ ଭଲ ନୁହେଁ ବୋଲି ବାରମ୍ବାର କହି ଚାଲିଛନ୍ତି ମାର୍ଟିନ୍ କୁପର୍ ।

ଇତିହାସ:-

୧୯୭୩ ଏପ୍ରିଲ ୩ ତାରିଖରେ ମୋବାଇଲ୍ ଫୋନ୍ ବା ସେଲ୍ ଫୋନ୍ର ଜନ୍ମ । ଅର୍ଥାତ୍ ଉଦ୍ଭାବନ । ମୋଟୋରୋଲା କମ୍ପାନୀରେ ସେତେବେଳେ ଚାକିରି କରୁଥ‌ିବା ମାର୍ଟିନ୍ କୁପର୍ ଙ୍କୁ ମୋବାଇଲ୍ ଫୋନ୍ର ଜନ୍ମଦାତା କୁହାଯାଏ। ସେ ତାଙ୍କ ତିଆରି ମୋବାଇଲ୍ ଫୋନୁ ପ୍ରଥମେ ତାଙ୍କ ବନ୍ଧୁ ଜୋଏଲ୍ ଏଞ୍ଜେଲଙ୍କୁ କରିଥିଲେ କଲ୍

। ତାଙ୍କର ପ୍ରଥମ ଦୁଇ ଧାଡି କଥା ଥିଲା... ‘ ଜୋଏଲ୍, ମୁଁ ମାର୍ଟି କହୁଛି । ମୁଁ, ତୁମକୁ ସେଲ୍ ଫୋନ୍ୟୁ କଲ୍ କରିଛି । ଏହା ପ୍ରକୃତରେ ଏକ ପୋର୍ଟେବୁଲ୍ ସେଲ୍ ଫୋନ୍'। ଏହି ଫୋନ୍ କଲେ ସୁବ୍ଧ ହୋଇ ଯାଇଥିଲେ ଜୋଏଲ୍ ।

ତେବେ ମାର୍କେଟୁ ଆସିବାକୁ ମୋଟରଲା ସେଲ୍ ଫୋନ୍ମୁ ଲାଗି ଯାଇଥିଲା ୧୦ ବର୍ଷ । ୧୯୮୩ରେ ଏହା ପ୍ରଥମେ ଆମେରିକା ମାର୍କେଟ ଆସିଥ୍‌ଲା ।କିନ୍ତୁ ତାହାର ଆକାର ଥିଲା ବହୁତ ବଡ । ଏକ ଇଟା ଖଣ୍ଡ ଭଳି । ସେହି ସେଲ୍ ଫୋନ୍ର ମୋଟେଇ ଥୂଲା ୧୩ ସେଣ୍ଟିମିଟର ଆଉ ଚଉଡା ୪.୪୫ ସେଣ୍ଟିମିଟର । ସେହି ମୋବାଇଲ ଫୋନ୍ର ମାତ୍ର ୨୫ ମିନିଟ୍ କଥାବାର୍ତ୍ତା ହେବାକୁ ବ୍ୟାଟେରୀକୁ ୧୦ ଘଣ୍ଟା ଚାର୍ଜ କରିବାକୁ ପଡୁଥିଲା । ଓଜନ ଏତେ ଥିଲା ଯେ, ତାହାକୁ ୨୫ ମିନିଟ୍ ହାତରେ ଧରି କଥା CC ହେବା କଷ୍ଟକର । ଆଉ ସେତେବେଳେ MILIN IĄ વૃmI 91, ଆମେରିକୀୟ ଡଲାର୍ ।

ସମୟ ଆଗକୁ ଚାଲିଲା, ବଦଳିଲା ସେଲ୍ ଫୋନ୍ ଫିଚର । ୩ ଡିସେମ୍ବର ୧୯୯୨ରେ ଭୋଡାଫୋନରେ କାମ କରୁଥିବା ରିଚାର୍ଡ ଜାରଭିସଙ୍କୁ ପ୍ରଥମ ମେସେଜ ମିଳିଥିଲା ମେରି କ୍ରିସମସ୍ ୱିସ୍ । ନୋକିଆ କମ୍ପାନୀ ମୋବାଇଲ ଫୋନର ପରିସର ବଢାଇବା ପାଇଁ ଆରମ୍ଭ କରିଥିଲା ଅଭିନବ ପ୍ରୟାସ । ୧୯୯୭ରେ ନୋକିଆ ୬୧୧୦ ମୋବାଇଲ ଲଞ୍ଚ କରିଥିଲା । ଯେଉଁଥୂରେ ସ୍ନେକ୍ ଗେମ୍ସ ରହିଥିଲା । ଯାହାକି ଖୁବ୍ ଲୋକପ୍ରିୟ ହୋଇଥିଲା । ଦୁଇ ବର୍ଷ ପରେ ଆସିଥିଲା ନୋକିଆ ୭୧୧୦ ମଡେଲ୍ । ଏହା ପ୍ରଥମ କରି ବେତାର ନେଟୱାର୍କ ମାଧ୍ୟମରେ ବ୍ରାଉଜିଂ ପ୍ରଦାନ କରୁଥିଲା ।

୨୦୦୧ରେ ଜାପାନ ପ୍ରଥମ ଦେଶ ଭାବରେ 3G ମୋବାଇଲ୍ ନେଟୱାର୍କ ସୁବିଧା ଉପଲବ୍ଦ କରାଇଥିଲା । ତାହାହିଁ ଲୋକଙ୍କୁ ହାଇ ସ୍ପିଡ୍ ଇଣ୍ଟରନେଟ୍ ର ସୁବିଧା ଦେଖାଇଥିଲା । କେବଳ ଏତିକି ନୁହେଁ, ୧୯୯୯ରେ Kyocera VP 210 ଫୋନ୍ ଲଞ୍ଚ କରାଯାଇଥିଲା ଯାହା ଭିଡିଓ କଲିଂ ବୈଶିଷ୍ଟ ସହିତ ଆସିଥିଲା ଏବଂ ଗୋଟିଏ ବର୍ଷ ପରେ ଲଞ୍ଚ କରିଥିବା Sharp SH04 ଫୋନ୍ ରେ ଥୂଲା ବ୍ୟାକ୍ କ୍ୟାମେରା । ତେବେ ସେଲ୍ ଫୋନ୍ ବାଦଶାହ – ଆଇଫୋନ୍‌ ୨୦୦୭ରେ କରିଥିଲା ବଜାର ପ୍ରବେଶ । ୨୦୦୯ରେ ଆସିଥ୍‌ଲା ହ୍ବାଟସପ୍, ଯାହାକି ସେଲ୍ ଫୋନ୍ ର ଲୋକ ପ୍ରିୟତାକୁ ରକେଟ୍ ସ୍ପିଡ୍ ଦେଇଥିଲା । ଆଉ ୨୦୧୨ରେ ଅଧୂକ ଲୋକପ୍ରିୟ ହୋଇଥିଲା SMS । ୫ ଏପ୍ରିଲ ୨୦୧୯ରେ 5G ଲଞ୍ଚ କଲା ଦକ୍ଷିଣ କୋରିଆ । ଏବେ ଫାଇଭ୍ ଜି ମୋବାଇଲ୍ ଫୋନ୍ମୁ ଆହୁରି କରିଛି ଆକର୍ଷଣୀୟ ।

ରୂପାନ୍ତରିତ ଏବଂ ବିକଶିତ ଯାତ୍ରା ସହ ୫୦ ରଟର ଅତିକ୍ରମ କରିଛି ସେଲ୍ ଫୋନ୍ । ଅନେକ ନିର୍ମାତା କମ୍ପାନୀ, ଅନେକ ଅପରେଟ ଷ୍ଟାଇଲ୍ ଫିଚର ପ୍ରତିଯୋଗୀତାରେ ରେ ଦିନୁ ଦିନୁ ଆହୁରି କ୍ୟୁଟ୍ ଆଉ ଆଫର୍ଡେବଲ୍ । ମଣିଷକୁ ପୁରା ଅପଡେଟ୍ ରଖୁବାର ସବୁ ଭରସା । ତେବେ ସେଲ୍ ଫୋନ୍ର ସବୁଠୁ ବଡ଼ ବଳ ଇଣ୍ଟରନେଟ୍ । ତେବେ ଏପରି ଜରୁରୀ ଆବଶ୍ୟକତା ଭିତରେ ดิ ମୋବାଇଲ୍ ଫୋନ୍ର ବହୁଳ ବ୍ୟବହାର ମଣିଷର ଅନେକ କ୍ଷତି କରୁଛି ।ସ୍ବାସ୍ଥ୍ୟ ବିଶେଷଜ୍ଞ ବୈଜ୍ଞାନିକ ସତର୍କ କରିଚାଲିଛନ୍ତି ବାରମ୍ବାର । ମୋବାଇଲ୍ ଫୋନରେ ମାନିଆ ଯେମିତି, ଆବଶ୍ୟକତାର ସୀମା ଭିତରେ ସବୁ କିଛି ଠିକ୍ ସେମିତି ।

ଉପସଂହାର :-

ସାମ୍ପ୍ରତିକ ସମୟରେ ମୋବାଇଲର ବ୍ୟବହାର ବହୁଳ ମାତ୍ରାରେ କରାଯାଉଛି। ମୋବାଇଲ୍ ର ବ୍ୟବହାର ଉଭୟ ସକରାତ୍ମକ ଏବଂ ନକାରାତ୍ମକ ହୋଇପାରେ। ଏହାକୁ ସଠିକ୍ ଭାବରେ ବ୍ୟବହାର କରି ପାରିଲେ ଏହା ମାନବ ସମାଜ ପାଇଁ ଅଭିଶାପ ନହୋଇ ଆଶୀର୍ବାଦ ସଦୃଶ କାର୍ଯ୍ୟ କରିବ ଏଥିରେ ଦ୍ବିମତ ନାହିଁ।ଯେହେତୁ ମୋବାଇଲ୍ ଆମ ଜୀବନର ଏକ ଅଂଶ ହୋଇଗଲାଣି, ତେଣୁ ଆମେ ଏହାକୁ ଉପଯକ ଉପାୟରେ ବ୍ୟବହାର କରିବା ଉଚିତ।

ମୋବାଇଲ୍ ଫୋନର ଇତିହାସ: ଏହା ବିଶ୍ୱକୁ କିପରି ପରିବର୍ତ୍ତନ କରୁଛି How It's Changing the World

History of the Mobile Phone: How It's Changing the World