୧ - ସଫଳତା ଦିଗରେ ପ୍ରୋତ୍ସାହିତ

ମଣିଷ ଜୀବନରେ ସଫଳତା ବିଫଳତା ଲାଗି ରହିଥାଏ। ବିଫଳତାରୁ ଅନେକ କିଛି ଶିଖୁବାକୁ ମିଳିଥାଏ । ବିଫଳତା ହିଁ ସଫଳତା ଲାଗି ବାଟ ଦେଖାଇଥାଏ । ଅନ୍ୟ ପକ୍ଷରେ ବିଫଳତାକୁ ସଫଳତା ଲାଗି ଗୋଟିଏ ଗୋଟିଏ ପାହାଚ ବୋଲି ବିବେଚନା କରାଯାଏ । ବିଫଳତା ମଣିଷକୁ ଆହୁରି ଦୃଢ଼, ଆତ୍ମ ବିଶ୍ଵାସୀ କରିବା ସହିତ ସଫଳତା ଦିଗରେ ପ୍ରୋତ୍ସାହିତ କରିଥାଏ।

ମଣିଷ ଜୀବନରେ ଅନେକ ବାଧାବିଘ୍ନ ଦେଇ ଗତି କରିବାକୁ ହୋଇଥାଏ। ସଫଳତା ଲାଭ କରିଥିବା ଅନେକ ବ୍ୟକ୍ତି ବିଚାର କରନ୍ତି ଯେ, ସଫଳତା ଲାଗି ଅନେକ ବିଫଳତାର ପଥ ଅତିକ୍ରାନ୍ତ କରିବାକୁ ହେବା। ଏଥି ଲାଗି ସେମାନେ ଭାଙ୍ଗି ନ ପତି ଏହାକୁ ଅତିକ୍ରମ କରିବାକୁ ସର୍ବଦା ମନରେ ଅଦମ୍ୟ ସାହସ ସଞ୍ଚୟ କରି କଠିନ ପରିସ୍ଥିତିର ସାମ୍ନା କରିଥାନ୍ତି ।

୨ - ସଫଳତା ପାଇବା ଲାଗି ସବୁବେଳେ ଉତ୍ସାହିତ ରହିବେ କିପରି?

ସଫଳତା ପାଇବା ଲାଗି ସବୁବେଳେ ପ୍ରକୃତ ଲକ୍ଷ୍ୟ ସ୍ଥିର କରନ୍ତୁ । ଏହାକୁ ହାସଲ କରିବା ଲାଗି ନିଜକୁ ପୂର୍ଣ୍ଣ ମାତ୍ରାରେ ନିୟୋଜିତ କରନ୍ତୁ । ଲକ୍ଷ୍ୟ ନେଇ ସବୁ ବେଳେ ସଚେତନ ରହିଲେ ଲକ୍ଷ୍ୟ ପଥରୁ ହଟିବେ ନାହିଁ ।

ସଫଳତା ଲାଗି ଉତ୍ସାହର ଏକ ଗୁରୁତ୍ବପୂର୍ଣ୍ଣ ଭୂମିକା ରହିଛି। ଉତ୍ସାହ ବଜାୟ ରଖିବା ଲାଗି ସବୁବେଳେ ଏମିତି ଏକ ପରିବେଶ ଚୟନ କରନ୍ତୁ ଯେଉଁ ଠାରେ ନିଜକୁ କୌଣସି ସମୟରେ ନିରୁତ୍ସାହିତ ଅନୁଭବ କରିବେ ନାହିଁ । ନିଜ ଚାରିପାଖରେ ଏଭଳି ଲୋକଙ୍କ ପାଖରେ ରୁହନ୍ତୁ ଯେଉଁମାନେ ଆପଣଙ୍କୁ ଉତ୍ସାହିତ କରୁଥିବେ ।

୩ - ଟିମ୍ ୱାର୍କ

କାମକୁ ସେତେବେଳେ ଉପଭୋଗ କରି ହେବ ଯେତେବେଳେ ଆମେ ଗୋଷ୍ଠୀବଦ୍ଧ ହୋଇ କାମ କରିବା ସମୟରେ ସହକର୍ମୀ ଙ୍କ ଚିନ୍ତାଧାରାକୁ ସମ୍ମାନ ପ୍ରଦାନ କରିବା । ନିଜ ଚିନ୍ତାଧାରା ଯେମିତି ନିଜ ପାଇଁ ବହୁ ଗୁରୁତ୍ବ ରଖେ। ସେହିପରି ଅନ୍ୟମାନଙ୍କର ଚିନ୍ତାଧାରା ମଧ୍ୟ ମହତ୍ତ୍ୱପୂର୍ଣ୍ଣ । ସମସ୍ତଙ୍କ ଚିନ୍ତାଧାରା ମିଶିଲେ ବହୁ ଗୁରୁତ୍ଵପୂର୍ଣ୍ଣ ସମସ୍ୟାର ସମାଧାନ ହୋଇପାରେ । ଦକ୍ଷତା ମଧ୍ୟ ବୃଦ୍ଧି ପାଏ ।

୪ - ଅସଫଳତାର ଭୟ

ହାରିଯିବାର ମାନସିକତାଠାରୁ ସବୁ ସମୟରେ ଦୂରେଇ ରହିବା ଉଚିତ । ନୂତନ ଚିନ୍ତା ଯେ, ସଦାବେଳେ ସଫଳତାର ସ୍ଵାଦ ଚଖାଇବ ତାହାର କୌଣସି ନିର୍ଦ୍ଦିଷ୍ଟତା ନାହିଁ। କିନ୍ତୁ ଏହା ନିଶ୍ଚିତ ଶିକ୍ଷା ପ୍ରଦାନ କରିବା । ବାରମ୍ବାର ଅସଫଳତା ହିଁ ସଫଳତାର ବାଟ ଦେଖାଇବ । ଏହା ବହୁ ବିଶିଷ୍ଟ ବ୍ୟକ୍ତିଙ୍କ କ୍ଷେତ୍ରରେ ଘଟିଛି।

୫ - କ୍ୟାରିୟରରେ ପରିବର୍ତ୍ତନ ଆଣିବାକୁ ଚାହୁଁଛନ୍ତି ଆପଣ ନିମ୍ନୋକ୍ତ ଦିଗ ପ୍ରତି ଦୃଷ୍ଟି ଦେବା ଉଚିତ୍

୧ - କେଉଁ କାରଣକୁ ନେଇ ଆପଣ କ୍ୟାରିୟର୍ ରେ ପରିବର୍ତ୍ତନ ଚାହୁଁଛନ୍ତି ?

୨ - ଆପଣଙ୍କ ନିଷ୍ପତ୍ତିର ଯୁକ୍ତିଯୁକ୍ତ କାରଣ ରହିଛି ନା କୌଣସି ଆବେଗକୁ ନେଇ କ୍ୟାରିୟର ପରିବର୍ତ୍ତନ ପାଇଁ ବାଧ୍ୟ ହେଉଛନ୍ତି ?

୩ - ଯେଉଁ ନୂତନ କ୍ୟାରିୟର ବାଛିବେ । ସେଥିରେ ନିଜକୁ ଖାପଖୁଆଇ କାମ କରିବା ସହିତ ନିଜ କ୍ୟାରିୟର୍ କୁ ବିକଶିତ କରିପାରିବେ ତ ?

୪ - ଆପଣ ଯେଉଁ ନୂତନ ବିଜନେସ୍ ଆରମ୍ଭ କରିବା ପାଇଁ ପାଦ ବଢାଉଛନ୍ତି ସେହି କ୍ଷେତ୍ରରେ ପ୍ରାରମ୍ଭିକ ଅବସ୍ଥାରେ ଯେଉଁ ସମସ୍ୟା ଦେଖାଦେବ ତାହାକୁ ସାମ୍ନା କରିବା ପାଇଁ ବିଭିନ୍ନ କ୍ଷେତ୍ରରୁ ସମର୍ଥ କି ?

୫ - ନୂତନ ପଦକ୍ଷେପରେ ହୁଏତ ଆପଣଙ୍କୁ ସଫଳତା ମିଳିପାରେ ବା ବିଫଳତା, ଏଥିରେ ଆପଣଙ୍କ ପରିବାର ସମସ୍ତ ପ୍ରତିକୂଳ ପରିସ୍ଥିତିକୁ ସାମ୍ନା କରିବା ପାଇଁ ପ୍ରସ୍ତୁତ କି?

୬ - ଅହଂକାର

ଆମେ ଏଭଳି ବ୍ୟକ୍ତିଙ୍କୁ ଦେଖୁଥବା ଯେଉଁ ମାନେ ଅନ୍ୟମାନଙ୍କୁ ସମ୍ମାନ ଦିଅନ୍ତି ନାହିଁ । ବଡ଼ ବଡ଼ ପାଟି କରି ଅନ୍ୟମାନଙ୍କୁ ଦବାଇବାକୁ ଚେଷ୍ଟା କରିଥାନ୍ତି । ସବୁବେଳେ ଅନ୍ୟମାନଙ୍କ ସହ କଳହରେ ବ୍ୟସ୍ତ ରୁହନ୍ତି । ଆତ୍ମଗର୍ବ ଯୋଗୁ ଅନ୍ୟମାନଙ୍କୁ ତଳୁଆ କରି ସେମାନେ ଖୁସି ଯାଇଥାନ୍ତି । ଏହା ଅତ୍ୟନ୍ତ ଖରାପ ଅଭ୍ୟାସ । କାର୍ଯ୍ୟଜୀବନ ହେଉ ବା ବ୍ୟକ୍ତିଗତ ଜୀବନ ଏଭଳି ନକାରାତ୍ମକ ଅଭ୍ୟାସ ଆଦୌ ଗ୍ରହଣୀୟ ନୁହେଁ । ଏଭଳି ବ୍ୟକ୍ତିଙ୍କୁ ଅନ୍ୟମାନଙ୍କଠାରୁ ସମ୍ମାନ ମିଳେନାହିଁ । ବ୍ୟକ୍ତିତ୍ଵ ଉପରେ ଏହାର କୁପ୍ରଭାବ ପଡ଼ିଥାଏ । ଏହି ଗୁଣକୁ ନିଜ ଠାରୁ ଦୂରେଇ ରଖନ୍ତୁ

୭ - ଇଣ୍ଟରଭ୍ୟୁ ଟିପ୍ସ

ଚାକିରି ନିମନ୍ତେ ଇଣ୍ଟରଭ୍ୟୁ ଦେବା ସମୟରେ ଆପଣ ନର୍ଭସ ହୋଇଯାଉଛନ୍ତି କି?

ଏହା ହେବା ସ୍ଵାଭାବିକ । କିନ୍ତୁ ଏପରି କିଛି ଟିପ୍ସ ଅଛି, ଯାହାକୁ ଧ୍ୟାନରେ ରଖ ଆପଣ ଏହାକୁ ଦୂର କରିପାରିବେ । ନିମ୍ନରେ ଦିଆଯାଇଥିବା ଟିପ୍ସଗୁଡିକ ଆପଣଙ୍କ ଲାଗି କିଛି ମାତ୍ରାରେ ସହାୟକ ହେବ ।

୧- ଇଣ୍ଟରଭ୍ୟୁ ଦେବା ପାଇଁ ଦିନର ସବୁଠାରୁ ଭଲ ସମୟ ବାଛନ୍ତୁ।ଆପଣଙ୍କ ପାଇଁ ଏବଂ ଇଣ୍ଟରଭ୍ୟୁ ନେଉଥିବା ବ୍ୟକ୍ତିଙ୍କ ପାଇଁ ଅନୁକୂଳ ହେଉଥିବା ସମୟକୁ ଇଣ୍ଟରଭ୍ୟୁଲ୍ୟ ପାଇଁ ବାଛନ୍ତୁ । ସାଧାରଣତଃ ଅଧିକ ସକାଳ ସମୟକୁ ଏଡାନ୍ତୁ ।

୨- ଆପଣଙ୍କ କାର୍ଯ୍ୟର ନମୂନା ସହ Multitasking ବିଷୟରେ ଅବଗତ କରାନ୍ତୁ । ଯଦି ସେ ୩୦ ରୁ ୫୦ ବର୍ଷ ବୟସ୍କ ହୋଇଥିବେ ତା'ହେଲେ ସେ ଆପଣଙ୍କ କ୍ରିଏଟିଭିଟିକୁ ଅଧକ ଗୁରୁତ୍ଵ ଦେବେ ।

୩- ଇଣ୍ଟରଭ୍ୟୁ ନେଉଥବା ବ୍ୟକ୍ତିଜଣକ ଯଦି ଜଣେ ଭେଟେରାନ୍ ହୋଇଥିବେ ତା'ହେଲେ ସେ ପ୍ରାର୍ଥୀଙ୍କ ନିକଟରେ କାର୍ଯ୍ୟ ସମ୍ପାଦନ କ୍ଷେତ୍ର ରେ କର୍ତ୍ତବ୍ୟନିଷ୍ଠାକୁ ପରଖୁଥାନ୍ତି । ଏଣୁ ଇଣ୍ଟରଭ୍ୟୁ ନେଉଥବା ବ୍ୟକ୍ତିଙ୍କ ବୟସକୁ ଦୃଷ୍ଟିରେ ରଖୁ ତାଙ୍କ ସହ ସେହିପରି ଡିଲ୍ କରନ୍ତୁ ।

୪- ଇଣ୍ଟେରଭ୍ୟୁ ନେଉଥବା ବ୍ୟକ୍ତି ଏବଂ ଆପଣଙ୍କ ମଧ୍ୟରେ ଯଦି ଏକ ପ୍ରକାର ଆଇଡିଆ ଏବଂ ଇଣ୍ଟ୍ରେଷ୍ଟ ରହିଥାଏ ତାହା ଆପଣଙ୍କ ଲାଗି ସକାରାତ୍ମକ ସାବ୍ୟସ୍ତ ହୋଇପାରେ ।

୮ - ଅଳସୁଆ ମନୋଭାବ

କାର୍ଯ୍ୟରେ ସକ୍ରିୟ ନ ରହି ସର୍ବଦା ମାନ୍ଦା ତଥା ଅଳସୁଆପଣ ଦେଖାଇବା ଦୃଢ଼ ବ୍ୟକ୍ତିତ୍ୱର ପରିଚୟ ନୁହେଁ । ଏଥିରୁ ନିଜକୁ ଦୂରେଇ ରଖନ୍ତୁ।

୯ - ସଫଳ ଉଦ୍ୟୋଗୀ ହେବାପାଇଁ ଅନେକ ଘାତ ପ୍ରତିଘାତର ସାମ୍ନା କରିବାକୁ ହୁଏ।

ଉଦ୍ୟୋଗୀ ହେବା ଏକ ସାଧାରଣ କଥା ନୁହେଁ । ନିଜ ବ୍ୟବସାୟ ତଥା ଉଦ୍ୟୋଗକୁ ସଫଳ କରାଇବାକୁ ଅନେକ ଘାତ ପ୍ରତିଘାତର ସାମ୍ନା କରିବାକୁ ହୁଏ । ଯଦି ଆପଣ ପ୍ରଥମ ପିଢ଼ିର ଉଦ୍ୟୋଗୀ ହୋଇଥାନ୍ତି ତେବେ ବାଣିଜ୍ୟକୁ ପ୍ରତିଷ୍ଠିତ କରାଇବା ଲାଗି ଅନେକ ସମସ୍ୟାର ସମ୍ମୁଖୀନ ହେବାକୁ ପଡେ। ଏପରି ଖରାପ ସମୟ ମଧ୍ୟ ଆସେ, ଯାହାକୁ ସାମ୍ନା କରିନ ପାରି ଅନେକେ ବ୍ୟବସାୟ ବନ୍ଦ କରିଦିଅନ୍ତି । ମାତ୍ର ବିଶେଷଜ୍ଞମାନେ କୁହନ୍ତି, ଏପରି ପରିସ୍ଥିତିରେ ଭାଙ୍ଗିନପଡି ସାହସର ସହ ପ୍ରତିକୂଳ ପରିସ୍ଥିତିକୁ ସାମ୍ନା କରିବା ଉଚିତ । ଉଦ୍ୟୋଗୀ ହେବା ବର୍ତ୍ତମାନ ଏକ ଟ୍ରେଣ୍ଡରେ ପରିଣତ ହୋଇଯାଇଛି । ବର୍ତ୍ତମାନ ଆଇଆଇଟି ଏବଂ ଆଇଆଇଏମ୍ ଗ୍ରାଜୁଏଟ୍ ମାନେ ନିଜର ଷ୍ଟାର୍ଟ ଅପ୍ ମାନ ଖୋଲିବାକୁ କୋଟି କୋଟି ଟଙ୍କାର ପ୍ୟାକେଜ ଅବା ଚାକିରୀକୁ ଛାଡି ଦେଉଛନ୍ତି।

୧୦ - ଗବେଷଣା ଓ ଅଧ୍ୟୟନ

ବିଭିନ୍ନ ସୂତ୍ରରୁ ପ୍ରସିଦ୍ଧ ବ୍ୟକ୍ତିଙ୍କ ସମ୍ପର୍କରେ ତଥ୍ୟ ସଂଗ୍ରହ କରନ୍ତୁ । କୌଣସି ଅଭିନେତ୍ରୀ ବା ଅଭିନେତାଙ୍କ ସମ୍ପର୍କରେ ଜାଣିବାକୁ ଚାହୁଁଥିଲେ। ତାଙ୍କ ଅଭିନୀତ ଚଳଚ୍ଚିତ୍ର ଦେଖନ୍ତୁ, ତାଙ୍କ ସମ୍ପର୍କରେ ପୂର୍ବରୁ ପ୍ରକାଶିତ ଲେଖା ପଢିବା ତଥା ଇଣ୍ଟରନେଟରୁ ଖୋଜି ତଥ୍ୟ ସଂଗ୍ରହ କରିବା ଉଚିତ୍ । କେବଳ ସେତିକି ନୁହେଁ ଅଭିନୟ ବ୍ୟତୀତ ସେ ଆଉ କେଉଁଥିରେ ରୁଚି ରଖନ୍ତି ସେ ସମ୍ପର୍କରେ ଜାଣିବା ଉଚିତ୍ । ଫଳରେ ସୁଯୋଗ ମିଳିଲେ ସାକ୍ଷାତକାର ପାଇଁ ଆପଣ ଉତ୍ତମ ଭାବେ ପ୍ରସ୍ତୁତ ହୋଇପାରିବେ । ବିଶିଷ୍ଟ ବ୍ୟକ୍ତିବିଶେଷଙ୍କ ସମ୍ପର୍କରେ ଅଧିକରୁ ଅଧିକ ନିର୍ଭୁଲ ତଥ୍ୟ ରଖନ୍ତୁ , ସେ ଯେଉଁଥି ପାଇଁ ପ୍ରସିଦ୍ଧ। ତାହା ବାଦ୍ ଆଉ କଣ କରନ୍ତି, କେଉଁଥିରେ ରୁଚି ରଖନ୍ତି, ତାଙ୍କ ପାଠପଢା, ତାଙ୍କ ସଂଘର୍ଷ କାହାଣୀ ସମସ୍ତ ସମ୍ପର୍କରେ ଜାଣିବା ପାଇଁ ଚେଷ୍ଟା କରନ୍ତୁ । ତାଙ୍କ ଦ୍ବାରା ଲିଖିତ ପୁସ୍ତକ ପଢିବା ପାଇଁ ଭୁଲନ୍ତୁ ନାହିଁ । ଫଳରେ ସାକ୍ଷାତକାର ନେଲା ବେଳେ ସହଜ ହେବ।

Jyotiprajna Dey

Balasore, Odisha

MOTIVATIONAL QUOTES (୧୦ଟି ପ୍ରେରଣାତ୍ମକ ଉଦ୍ଧୃତ)