କବିତା ଶୀର୍ଷକ:-ଆସିବେ କଳା ସାଆନ୍ତ

ପୁରୀ ବଡ଼ଦାଣ୍ଡ ହେଲାଣିରେ ସଜ
ଆସିବେ କଳା ସାଆନ୍ତ,
ହେବ ମହାସ୍ନାନ ଦୁଧ ଘୃତେ ପୁଣି
ଦିନରୁ ରାତି ପର୍ଯ୍ୟନ୍ତ।।

କେଡେ ଶରଧାରେ ଡାକିବେ ଭକତ
ହୁଳହୁଳି ନାଦ ଦେଇ,
ମଙ୍ଗଳ ଆରତୀ ସାରି ଦେବେ ଵେଗି
ପହଣ୍ଡି ହେବେ ଗୋସାଇଁ।।

ତୁଳସୀ ମାଳରେ ପଦମ ଫୁଲରେ
ସଜାଇବେ ସେବାୟତ,
ନାକେ ନୋଥ ପୁଣି ଟାହିଆ ପିନ୍ଧିକି
ଆସିବେ କଳା ସାଆନ୍ତ।।

କଳା ଧଳା ଘୋଡ଼ା ରଥେ ଚାହିଁଛନ୍ତି
ଆସିବେ ଜଗତ ସାଇଁ
ଚଢି ନନ୍ଦିଘୋଷ ମାଉସୀ ବାଡ଼ିକୁ
ଯିବେ ଜଗତ ଗୋସାଇଁ।।

ଭକତ ବତ୍ସଳ ଜଗତର ନାଥ
ଅଟନ୍ତି ଯେ' ଜଗନ୍ନାଥ,
ଭକତ ପାଇଁକି ରତନ ବେଦିରୁ
ଆସିବେ ମୋର ସାଆନ୍ତ ।।

ଦୁଃଖିରଙ୍କିଙ୍କର ଦୁଃଖ କୁ ହରିବେ
କଷ୍ଟକୁ ଦେବେ ଦୂରେଇ,
କଳା ଆଖି ଦେଖି, ମନ ଯିବ ଲାଖି
ଭଜ ମନ ତୁ ଶ୍ରୀହରି ।।

ବରଷକେ ଥରେ ବଡ଼ଦାଣ୍ଡ ଆସି
କରି ପତିତ ଉଦ୍ଧାର
ପଲଙ୍କ ଗାଦିରେ ମୋହ ନାହିଁ ତାଙ୍କ
ମହାନ ତାଙ୍କ ବିଚାର।।

ଗର୍ବ ଅହଙ୍କାର ସବୁ ଭାଙ୍ଗି ଯିବ
ଦେଖିଲେ ଛେରା ପହଁରା
ରାଜାଙ୍କୁ ପହଁରା ଧରାଇ ଦିଅନ୍ତି
ସ୍ଵଚ୍ଛତାର ବାର୍ତ୍ତା ପରା।।

ପାରି ହେଇ ଯିବୁ ମଣିଷ ଯୋନୀରୁ
ଦେଖିଲେ ବାମନ ରୂପ
ମୋହ ମାୟା ଠାରୁ ଯିବୁ ତୁ ଦୂରେଇ
ତୁଟି ଯିବ ତୋର ପାପ ।।

ନାମ:- ସୁନୀତା ଆଚାର୍ଯ୍ୟ,
ଜିଲ୍ଲା:- ବାଲେଶ୍ବର
ଗ୍ରାମ :- ତାଳକୁରୁଣିଆ
ପିନ୍:- ୭୫୬୦୪୪

ମୁଁ ଓ ଜଗନ୍ନାଥ ❤️

କବିତା ଶୀର୍ଷକ:- ଆସିବେ କଳା ସାଆନ୍ତ