ୟା ଦେବୀ ସର୍ବ ଭୂତେଶୁ ଶକ୍ତି ରୂପେଣ ସଂସ୍ଥିତ

ନମସ୍ତେ ସୁ ନମସ୍ତେ ସୁ ନମସ୍ତେ ସୁ ନମୋ ନମଃ

କଥା ରେ ଅଛି

ଭାଦ୍ରବ ଆଶ୍ୱିନ ଶରତ ରେ

ନିର୍ମଳ ଶୋଭା ଜଗତ ରେ

ଶରତ ର ନିର୍ମଳ ଆକାଶ ସଂକେତ ଦିଏ,ଯେତେବେଳେ ଧରା କାସତଣ୍ଡି ର ଗାଲିଚା ବିଛେଇ ଧଳା ଦିଶେ ,ସେତେବେଳେ ପାର୍ବଣ ଆସେ। ବାର ମାସ ତେର ପର୍ବ ପରି ଯେତେବେଳେ ଶାରଦୀୟ ଦୁର୍ଗାପୂଜା ଆସେ ,ଭକ୍ତ ମାନଙ୍କୁ ଆଶୀର୍ବାଦ ଦେବାକୁ ଓହ୍ଲେଇ ଆସନ୍ତି ମା ଦୁର୍ଗା ଧରା ପୃଷ୍ଠ କୁ।ମା ଯେ ଦୟାମୟୀ, କରୁଣାମୟୀ ,ମାମତମୟୀ ସେ ଆସନ୍ତି ନିଜ ଭକ୍ତଙ୍କ ଦୁଃଖ ହରଣ କରିବାକୁ ।ଅଧର୍ମ ଉପରେ ଧର୍ମ ର ଜୟ ଆଉ ଅସତ୍ୟ ଉପରେ ସତ୍ୟ ର ଜୟ କରି ମା ଦୁର୍ଗା ବ୍ରହ୍ମାଣ୍ଡ କୁ ବାରମ୍ବାର ଅସୁର ମାନଙ୍କ କେବଳ ରୁ ରକ୍ଷା କରିଛନ୍ତି। ମା ଆଦିଶକ୍ତି ,ପାରମ୍ବା ,ଜଗଜ୍ଜନନୀ ଙ୍କ ଉପାସନା କରି ଭକ୍ତ ମାନେ ଦୁଃଖ ,ଶୋକ ,ରୋଗ ,ଭୟ ମୁକ୍ତ ହୁଅନ୍ତି।

ନବରାତ୍ରି ରେ ମା ଙ୍କ ନବଦୁର୍ଗା ରୂପ କୁ ଆରାଧନା କରାଯାଏ।ଏହି ନବଦୁର୍ଗା ହେଉଛନ୍ତି ମା ଙ୍କ ମାତୃଶକ୍ତି ର ପ୍ରତୀକ। ଏହି ନବରାତ୍ରି ର ପୂଜା ବିଧି କେବଳ ମୂର୍ତ୍ତୀ ପୂଜା ରେ କେନ୍ଦ୍ରିତ ନ ରହି ନାରୀ ଶକ୍ତି କୁ ସମ୍ମାନ ଆଉ ମାତୃ ଶକ୍ତି ର ବନ୍ଦନା କରାଯାଏ।ନବରାତ୍ରି ର ଶେଷ ଦିନ ନବ କନ୍ୟା ପୂଜନ ର ବିଧି ରହିଛି । ଛୋଟ ଛୋଟ କନ୍ୟା ମାନଙ୍କୁ ମା ଙ୍କ ରୂପେ ପୂଜା କରାଯାଏ। ଭାରତ ଦେଶ ର ପ୍ରତି କୋଣ ଅନୁକୋଣ ରେ ମା ଙ୍କ ପୂଜା ହୁଏ। ଦଶ ଦିନ ଧରି ମା ଙ୍କ ପାଖରେ ମନ ଲଗେଇ ଭକ୍ତ ନିଜ ମନବାଞ୍ଛା ପୂର୍ଣ୍ଣ କରେ।ଆଶ୍ୱିନ କୃଷ୍ଣ ପ୍ରତିପଦା ରୁ ମା ଙ୍କ ପୂଜା ଆରମ୍ଭ ହେଇ ବିଜୟା ଦଶମୀ ରେ ଶେଷ ହୁଏ।ଏହି ଦଶ ଦିନ ରେ ଲୋକେ ପାରମ୍ପରିକ ନୃତ୍ୟ ଯଥା ଗରବା , ଡାନଡିଆ କରି ଆନନ୍ଦ ଉଲ୍ଲାସ ରେ ଦିନ କରନ୍ତି।

ମା ଦୁର୍ଗା ହେଉଛନ୍ତି ଶକ୍ତି ସ୍ୱରୂପା ।ବ୍ରହ୍ମାଣ୍ଡ ସୃଷ୍ଟି କର୍ତ୍ତା ବ୍ରହ୍ମା ,ପାଳନ କର୍ତ୍ତା ବିଷ୍ଣୁ ଆଉ ବିନାଶ କର୍ତ୍ତା ଶିବ ଶଙ୍କର ଙ୍କ ସତ ଚେଷ୍ଟା ସତ୍ତ୍ଵେ ସଂସାର ରେ ନକାରାତ୍ମକ ଶକ୍ତିର ପ୍ରାଦୁର୍ଭାବ ବଢ଼ିବାରେ ଲାଗିଲା । ଅସୁର ମାନଙ୍କ ଦୌରାତ୍ମ୍ୟ ରୁ ରକ୍ଷା ପାଇଁ ଦେବତା ମାନେ ଶକ୍ତି ଙ୍କୁ ଆରାଧନା କଲେ। ମା ଦୁର୍ଗା ହେଉଛନ୍ତି ମା ପାର୍ବତୀ।ତାଙ୍କ ଠୁ ନବଦୁର୍ଗା ଙ୍କ ର ଉତ୍ପତ୍ତି। ମା ଦୂର୍ଗାଙ୍କ ନ ଟି ସ୍ୱରୂପ ହେଉଛନ୍ତି ଶୈଳପୁତ୍ରୀ,ବ୍ରହ୍ମଚାରିଣୀ, ଚନ୍ଦ୍ରଘଣ୍ଟା, କୁଷ୍ମଣ୍ଡା, ସ୍କନ୍ଧମତା,କାତ୍ୟାୟନୀ,କାଳରାତ୍ରି,ମହାଗୌରି, ସିଦ୍ଧିଦତ୍ରୀ।

ମା ପାର୍ବତୀ ପୂର୍ବ ଜନ୍ମ ରେ ମା ସତୀ ଥିଲେ ଭଗବାନ ଶିବ ଶଙ୍କର ଙ୍କ ଅର୍ଦ୍ଧାଙ୍ଗିନୀ। ଥରେ ଦେବୀ ସତୀ ତାଙ୍କ ବାପା ଦକ୍ଷ ପ୍ରଜାପତି ଙ୍କ ଦ୍ଵାରା ଆୟୋଜିତ ଯଜ୍ଞ ରେ ବିନା ନିମନ୍ତ୍ରଣ ରେ ଯାଇ ନିଜ ସ୍ଵାମୀ ଙ୍କ ଅପମାନ ସହିବାକୁ ପଡି ଥିଲା। ନିଜର ଆରାଧ୍ୟ ଙ୍କ ଅପମାନ ସହି ନ ପାରି ଦେବୀ ସତୀ ପବିତ୍ର ହୋମ ଯଜ୍ଞ ରେ ଆତ୍ମାହୁତି ଦେଲେ।ନିଜ ପ୍ରାଣ ପ୍ରିୟ ପତ୍ନୀଙ୍କ ଦଗ୍ଧ ଶରୀରକୁ ଦେଖି ଭଗବାନ ଶିବ କୋଳ ରେ ଉଠେଇ ନେଇ ବିରହ ଜ୍ୱାଳାରେ ତାଣ୍ଡବ ରଚିଲେ।ଏହା ଦେଖି ଭଗବାନ ବିଷ୍ଣୁ ସଂସାର କୁ ତାଣ୍ଡବ ର ବିଦ୍ୱଂଶ ରୁ ବଞ୍ଚାଇବା ପାଇଁ ନିଜ ସୁଦର୍ଶନ ସାହାଯ୍ୟ ରେ ଦେବୀ ସତୀ ଙ୍କ ଶରୀର କୁ ୫୧ ଖଣ୍ଡ କରି ଦେଲେ।ସେହି ଖଣ୍ଡ ସବୁ ଧରା ପୃଷ୍ଠ ର ବିଭିନ୍ନ ସ୍ଥାନ ରେ ପଡି ଶକ୍ତି ପୀଠ ନାମରେ ପୂଜିତ ହେଲେ।

ଦେବୀ ସତୀ ଙ୍କୁ ହରେଇ ଭଗବାନ ଶିବ ଧ୍ୟାନ ରେ ଲୀନ ହେଇଗଲେ।ଦେବତା ମାନେ ଏହା ଦେଖି ବୋହୁତ ଚିନ୍ତିତ ହେଲେ।ଦେବତା ମାନଙ୍କ ଆରାଧନା ଫଳରେ ଦେବୀ ସତୀ ପୁନର୍ବାର ପର୍ବତ ରାଜା ହିମାଳୟଙ୍କ କନ୍ୟା ରୂପେ ଜନ୍ମ ଗ୍ରହଣ କଲେ।ତେଣୁ ତାଙ୍କ ନାମ ଶୈଳପୁତ୍ରୀ। ମା ଶୈଳପୁତ୍ରୀ ବୃଷଭ ଉପରେ ବିରଜନ୍ତି ଆଉ ସେ ପାର୍ବତୀ ଆଉ ହେମାବତୀ ନାମରେ ପୂଜିତ।ନବରାତ୍ରି ର ପ୍ରଥମ ଦିନ ମା ଶୈଳପୁତ୍ରୀ ଙ୍କୁ ପୂଜା କର ଯାଏ।ତାଙ୍କୁ ପୂଜା କଲେ ଭକ୍ତ ଧାର୍ଯ୍ୟ ଆଉ ସ୍ଥିରତା ର ଆଶୀର୍ବାଦ ପାଏ।

ମା ଦୂର୍ଗାଙ୍କ ଦ୍ଵିତୀୟ ରୂପ ବ୍ରହ୍ମଚାରିଣୀ। ପର୍ବତ ରାଜା ହିମଳୟଙ୍କ କନ୍ୟା ଙ୍କୁ ମହର୍ଷି ନାରଦଙ୍କ ଠୁ ମିଳିଥିବା ଉପଦେଶ କ୍ରମେ ଭଗବାନ ଶିବ ଙ୍କୁ ସ୍ଵାମୀ ରୂପେ ପାଇବା ପାଇଁ ଘୋର ତପସ୍ୟା କଲେ।୧୦୦୦ ବର୍ଷ ପର୍ଯ୍ୟନ୍ତ କେବଳ ଫଳ ମୂଳ ଖାଇ ପରେ ୧୦୦ ବର୍ଷ ଭୂମି ରେ ଥିବା ଶାଗ ଖାଇ ରହିଲେ। ଖରା,ବର୍ଷା,ଶୀତ ସବୁ ସହି ବୋହୁତ କଷ୍ଟ ସହିଲେ।୩୦୦୦ ବର୍ଷ ପର୍ଯ୍ୟନ୍ତ ଶୁଖିଲା ବେଲ ପତ୍ର ଖାଇ ଭଗବାନ ଶିବଙ୍କୁ ଆରାଧନା କଲେ।ପରେ ତପସ୍ୟା ର କଠୋରତା ବଢେଇବା ପାଇଁ ସେଇ ତକ ବି ତ୍ୟାଗ କରି ଦେଲେ।ବର୍ଷ ବର୍ଷ ନିର୍ଜଳ ଉପାସ କରି ତପସ୍ୟା କରିଥିଲେ।ତାଙ୍କ କଠୋର ତପସ୍ୟା ରେ ସନ୍ତୁଷ୍ଟ ହୋଇ ଭଗବାନ ଶିବ ତାଙ୍କୁ ସ୍ବାମୀ ରୂପରେ ପ୍ରାପ୍ତ ହୋଇଥିଲେ।ଦେବୀ ଙ୍କ କଠୋର ତପସ୍ୟା ଯୋଗୁଁ ତାଙ୍କ ନାମ ବ୍ରହ୍ମଚାରିଣୀ।ନବରତ୍ରି ର ଦ୍ଵିତୀୟ ଦିନ ରେ ମା ଙ୍କ ପୂଜା କରାଯାଏ। ମା ଭକ୍ତ କୁ ତପସ୍ୟା ଆଉ ସଂଜମ ର ଶକ୍ତି ଦିଅନ୍ତି ଯେମିତି ଭକ୍ତ ର ଆତ୍ମବଳ ବଢିବ ।

ମା ଦୂର୍ଗାଙ୍କ ତୃତୀୟ ସ୍ୱରୂପ ହେଉଛନ୍ତି ଚନ୍ଦ୍ରଘଣ୍ଟା।ଦେବୀ ଯେତେବେଳେ ଭଗବାନ ଶିବଙ୍କୁ ବିବାହ କଲେ ତାଙ୍କ ବିବାହିତ ରୂପ ଚନ୍ଦ୍ରଘଣ୍ଟା ନାମେ ପୂଜିତ।ତୃତୀୟ ଦିନ ରେ ମାଙ୍କ ପୂଜା ହୁଏ।ଅର୍ଦ୍ଧଚନ୍ଦ୍ର ଆଉ ଘଣ୍ଟି ର ଧ୍ଵନି ରେ ସବୁ ଭୟ ଆଉ ଅନ୍ଧକାର ଦୂର କରିଦିଅନ୍ତି।

କ୍ରମଶଃ......

ନବରାତ୍ରି ରେ ମା ଙ୍କ ଭକ୍ତି,ସଂସ୍କୃତି ଏବଂ ପ୍ରେରଣା

ମା ଦୁର୍ଗା ଙ୍କ ମହିମା ଆଉ ମା ମାଣିକେଶ୍ଵରୀ ଙ୍କ ବିଶ୍ଵ ପ୍ରସିଦ୍ଧ ଛତର ଯାତ୍ରା