(1)-"ଯିଏ ମଣିଷ ର ଦୋଷ ନ ଦେଖି ଗୁଣ ଦେଖେ ସେ ହିଁ ଅସଲି ପଣ୍ଡିତ "

ବ୍ୟାଖ୍ୟା -ମଣିଷ ମାତ୍ର କେ ଦୋଷ ଥିବ ହେଲେ, କିଛି ଭଲ ଗୁଣ ବି ତ ଥିବ, କିନ୍ତୁ ଆମେ ପରର ଦୋଷ କୁ ଯେତେ ସହଜ ରେ ଦେଖୁ, ତାହାରି ଗୁଣକୁ ଚିନ୍ହି ପାରୁ ନାହିଁ |ତେଣୁ ଉପରୁ ନ ଦେଖି ଭିତରୁ ଦେଖିବା ଉଚିତ |

(2)"ସବୁ କ୍ଷେତ୍ରରେ ନୀରବତା ମୂର୍ଖାମୀ ର ପରିଚୟ "

ବ୍ୟାଖ୍ୟା -ନୀରବତା ଜ୍ଞାନୀ ର ପରିଚୟ, କିନ୍ତୁ କିଛି କ୍ଷେତ୍ର ରେ ହେଲେ, ସବୁ ପରିସ୍ଥିତି ରେ ନୁହେଁ |ଯେଉଁଠି କହିବା ଜରୁରୀ, ସେଠି ନିଜର ବକ୍ତବ୍ୟ ରଖିବା ବୁଦ୍ଧିମାନ ର ପରିଚୟ,ଝିଅ ବୋଲି ଅନ୍ୟ ହାତର କ୍ରୀଡାନକ ସଦୃଶ ନିଜ ଲୁହକୁ ଚାପି ରଖି, ନିରର୍ଥକ ହସ ନିହାତି ମୂର୍ଖାମୀ ର ପରିଚୟ ଅଟେ |

(3)-"ଜୀବନ ର ନିରାଟ ସତ୍ୟ ତୁମ ପାଇଁ ତୁମେ"

ବ୍ୟାଖ୍ୟା -ସତ୍ୟ ସହ ବଞ୍ଚିବା ଖୁବ ଭଲ, ତୁମେ ଜାଣିରଖିବା ଉଚିତ ତୁମେ ଏକା ଆସିଛ ଏକା ଯିବି କେହି ନାହିଁ, ରହିବେ ନାହିଁ ତୁମ ପାଇଁ ସମସ୍ତେ ତୁମ ବାଟର ବାଟୋଇ ସାଜି ଆସିବେ ଓ ଯିବେ, ତୁମେ ହିଁ ତୁମ ପାଇଁ ଯଥେଷ୍ଟ |ଏହି ସତ୍ୟ କୁ ମାନି ନେଲେ ତୁମେ ଖୁସି ରେ ବଞ୍ଚିବା ଶିଖିଯିବ |

(4)-"ଯୌବନ ଦୁଇ ଦିନ ର ଗୁଣ କାଳ କାଳ ର "

ବ୍ୟାଖ୍ୟା -କଥାରେ ଅଛି ଯୌବନ ଜୀବନ ର ଫଗୁଣ ପରି ଆସେ ନବ ପୁଷ୍ପିତ ଫୁଲ ପରି ଏବଂ ଗଲା ବେଳେ ଦେଇଯାଏ ପତ୍ର ଝଡା | ତେଣୁ ଜୀବନ ସାଥି ବାଛିବା ବେଳେ ତାହାର ସୁନ୍ଦର ଚେହେରା ନୁହେଁ ବରଂ ତାର ମନ ଏବଂ ଗୁଣ ଦେଖି ବାଛିବା ଉଚିତ, ଯିଏ କାଳ କାଳ କୁ ସେମିତି ରହିବ ତୁମ ସହ ଓ ତୁମ ପାଇଁ |

(5) "ଆଧୁନିକ ନାରୀ ପୋଷାକ ରୁ ନୁହେଁ ଚିନ୍ତାଧାରା ରୁ "

ବ୍ୟାଖ୍ୟା -ହଁ ମୁଁ ଆଧୁନିକ ନାରୀ ମୋ ଜିନ୍ସ ଟପ୍ସ ରୁ ନୁହେଁ ବିଚାର ଧାରରୁ

ବାହ୍ୟ ଆବରଣ ମାତ୍ର ଅଢେଇ ଦିନର ଅଭ୍ୟନ୍ତର ର ଚିନ୍ତା ଧାରା କାଳ କାଳ କୁ |ମୁଁ ଆଧୁନିକ ମୋ ଶିକ୍ଷା ରୁ, ମୋ ଚିନ୍ତାଧାର ରୁ ଏବଂ ଜୀବନ କୁ ଦେଖିବା ର ମୋ ଦୃଷ୍ଟି ଭଙ୍ଗୀ ରୁ |

ନାରୀ ଜୀବନ ର କିଛି କଥା

ମୋ କଲମ ରୁ ଦୁଇପଦ