ନାରୀ ରୂପେ ନାରାୟଣୀ, ମାଁ ତାରାତାରିଣୀ, ଘଟଗାଁତାରିଣୀ,ଭୈରବୀ ,ଠାକୁରାଣୀ,

ଭଗବତୀ ମାଁ ମହାଲକ୍ଷ୍ମୀ, ମାଁ ପାର୍ବତୀ, ମାଁ ସୀତା ମାଁ ସରସ୍ବତୀ ,ମାଁ କାଳୀ, ମାଁ ଦୂର୍ଗା ଏପରି ଅନେକ ରୂପରେ ପୂଜ୍ୟପୂଜା ପାଇଆସିବା ପରେ ମଧ୍ୟ ଏହି ସ୍ବର୍ଣ୍ଣୀମ ଭାରତ ବର୍ଷରେ ନାରୀ ଅବଳା ଦୁର୍ବଳ ରହିଛି।

" ନାରୀ ମାଟି ହାଣ୍ଡି ଓ ପୁରୁଷ ପିତ୍ତଳ ମାଠିଆ" ଏହି କଥୋପକଥନ ରେ ଯୁଗ ବିତିଚାଲିଛି।

ଭାବଧାରା ପ୍ରକ୍ରିୟା ମୁଖ୍ୟ ବିଚାର ଶୈଳୀ ପ୍ରତ୍ୟେକ ମୁହୁର୍ତ୍ତ

ସଂଯମତା ରକ୍ଷାକରି ଚଳପ୍ରଚଳ ହେଲେ ସବୁ ଉନ୍ନତି ଚିରସ୍ଥାୟୀ।

ଆଜି ଦେଶ ପୂରାପୂରି ବିଦେଶୀ ଅଧୀନ ଓ ପରମ୍ପରା ହୀନ ହୋଇ ନିଜର ଗୋଡକୁ ନିଜେହିଁ କୁରାଢ଼ୀ ମାରି ବସିଛି। ପାଶ୍ଚାତ୍ୟ ସଂସ୍କୃତି ରକ୍ଷଣଶୀଳ ପରମ୍ପରା ଲୋପ ପାଇ ସବୁ ବୈଦେଶିକ ନୀତିରୀତି ଅନୁସରଣ କରି

ଦେଶର ପ୍ରଗତିକୁ ବାଧାପ୍ରାପ୍ତ ହୋଇଛି।

ପୋଷାକ ପିନ୍ଧିବା ରହଣି ଚାଲିଚଳନ ହାବଭାବ ସବୁ ବହିଷ୍କୃତ କରି ସ୍ବଦେଶ ପ୍ରତି ସହମତ ହେଲେ ସବୁ ପ୍ରଗତି ଚିରସ୍ଥାୟୀ ହୋଇଯିବ ।

"ଯ‌ହିଁ ନାରୀ ତହିଁ ଲକ୍ଷ୍ମୀ ତହିଁ ସ୍ବର୍ଗଧାମ

ଶ୍ମଶାନ ସେ ଗୃହ ଯହିଁ ନାହିଁ ନାରୀ‌ନାମ

ଏପରି ନାରୀକୁ ସେବା କରେ ଅନାଦର

ନିର୍ବୋଧ ରାକ୍ଷସ ସେହି ପାଷାଣ୍ଡ ପାମର।।"

ଭାବନା ର ପରିବର୍ତ୍ତନ ର୍ହିଁ ପ୍ରଗତି ର ପରିବର୍ତ୍ତନ ସମ୍ଭବପର ହୋଇଥାଏ।

ଯେଉଁ ଠି ଭାବନା ଉପଯୁକ୍ତ ନୀତି ମୂଳକ, ଆଦର୍ଶବାଦୀ, ସୌଜନ୍ୟଶୀଳ ଓ ସମ୍ମାନ ଜନକ, ନିଃସ୍ଵାର୍ଥପର,ଆସ୍ତିକ,ଶୁଦ୍ଧିମନ ନଥାଏ,

ସେହି ସ୍ଥାନ ଯେତେ ଉନ୍ନତି ହେଲେ ମଧ୍ୟ

ପଛୁଆ ହିଁ ରହିବା ସ୍ବାଭାବିକ ହୋଇଥାଏ।।

"ରସମୟପୁର ନାରୀ ରସମୟ ଭାବଗିର

କରିଲେ ପ୍ରଚାର ଆନନ୍ଦ ସାଗର

ପଲ୍ଲବୀ ରହିବ ମର୍ତ୍ତପୁର।।"

୧---ନାରୀ ସ୍ବୟ୍ଯଂସିଦ୍ଧା

୨---ମଧୁର ଭାଷିଣୀଏଣୁ "ଇଡା" କୁହନ୍ତି,

୩---ସେ ରମଣୀୟା ଏଣୁ "ରନ୍ତା"

୪---ସ୍ବୀକାରଯୋଗ୍ୟ ଏଣୁ "ହବ୍ୟା"

୫---ମନୋହରସ୍ବରୂପା ଏଣୁ"କାମ୍ୟା"

୬---ଆନନ୍ଦଦାୟିନୀ ଏଣୁ "ଚନ୍ଦ୍ରା"

୭---ଶ୍ରେଷ୍ଠଶୀଳରେପ୍ରକାଶ ମାନା ଏଣୁ "ଜ୍ୟୋତା"

୮---ଆତ୍ମସତ୍ତାରେ ଅବିନାଶୀ ଏଣୁ "ଅଦିତି"

୯---ଶୁଦ୍ଧପୁତ ବିଜ୍ଞାନ ବାଣୀ ସ୍ୱରୂପା ଏଣୁ "

ସରସ୍ବତୀ"

୧୦---ଅତ୍ୟନ୍ତ ପ୍ରଶଂସାଯୋଗ୍ୟ ଏଣୁ "ମହି"

୧୧---ଉତ୍ତମ ବାଣୀ ଯୁକ୍ତା ଓ ବେଦଜ୍ଞା ଏଣୁ "ବିଶ୍ରୁତି

ଆଦେଶ ଅର୍ଥାତ୍ ପ୍ରତି ରାଜ୍ୟରୁ ପ୍ରତି ସହରରୁ ପ୍ରତି ଗ୍ରାମରୁ ପ୍ରତି ଗୃହ ରୁ ସମ୍ମାନ ପ୍ରଦାନ କରାଯିବା ଦ୍ଵାରା ନାରୀ ଜାତିକୁ ଶ୍ରେଷ୍ଠ ମର୍ଯ୍ୟାଦା ମିଳିବାର ସମ୍ଭାବନା ରହିଥାଏ ।

ସେ ଜାୟା ଜନନୀ ଭଗିନୀ ରୂପରେ ପରିବାରର ମୁଁ ପରିଚାଳକ ହୋଇଥାଏ। ଏକାଧାରରେ କହିବାକୁ ଗଲେ ନାରୀ ସର୍ବ ଶକ୍ତିବାନ ସାଜି ସମସ୍ତ ଦହ ଗଞ୍ଜ କୁ ଏକାକୀ ସହ୍ୟ କରି ଅନ୍ୟମାନଙ୍କ ମୁଖରେ ସୁଖଶାନ୍ତି ବଜାୟ ରଖିଥାଏ। ସେ ଧୈର୍ଯ୍ୟ ର ମୂର୍ତ୍ତି,ଧରଣୀ ପରି ସହନଶକ୍ତିର ଆଧାର ରେ ପ୍ରତ୍ୟେକ କାର୍ଯ୍ୟ କୁ ସୁଚାରୁରୂପେ ପ୍ରତିପାଦନ କରିବା ସହ ସମସ୍ତ ଗୁରୁ ଦାୟିତ୍ବ ବହନ କରିବାରେ ସାମର୍ଥ୍ୟ ହାସଲ କରିପାରିଛି ।

ସେ ଦୁହିତା ରୂପେ ଦୁଇ କୂଳକୁ ଉଦ୍ଧାର କରି

ସମସ୍ତଙ୍କ ପ୍ରିୟପାତ୍ର ହୋଇଥାଏ ।

ନାରୀର ଉନ୍ନତି ରେ ଦେଶର ଉନ୍ନତି ବିକଶିତ ହୋଇ ଥାଏ। ଗୃହର ସମସ୍ତ ଦାୟିତ୍ବ ସହ ବାହାର କାମରେ ମଧ୍ୟ ସ୍ବାମୀ ଙ୍କ ସହକର୍ମୀ ସହଧର୍ମିଣୀ ସହ ହର୍ଷ ଚିତ୍ତରେ ଦାୟିତ୍ଵ ନିର୍ବାହ କରିଥାଏ।

ପ୍ରତିଟି କାର୍ଯ୍ୟରେ ନାରୀଜାତିର ଭୂମିକା ମହତ୍ୱ ଅତ୍ୟଧିକ ରହିଥାଏ। ନାରୀ ସଂପୂର୍ଣ୍ଣ ତ୍ୟାଗ ଓ ସର୍ମପଣ ଭାବ ନେଇ ସଂକଳ୍ପବଦ୍ଧ ହୋଇ କାମ କରିଥାନ୍ତି।ପର ଆପଣା ଭେଦ ଭାବ ନରଖି ନିଃସ୍ଵାର୍ଥପର ଭାବନା ସହ ପରିବାର ସମାଜସେବା ଓ ଦେଶର ପ୍ରଗତି ପାଇଁ ଆଗ୍ରହୀ ହୋଇଥାଏ କିନ୍ତୁ ତା'ର ଭାବନା କୁ କୌଣସି ମତେ ବୁଝିବା ଅସମ୍ଭବ। ପୁରୁଷ ପ୍ରଧାନ ଦେଶରେ ନାରୀ ଯେତେ ଅଗ୍ରଣୀ ରହିଲେ ମଧ୍ୟ ତାକୁ ହୀନମନ୍ୟତା ଦେଇ ଅଧିନରେ ରଖିବା ସ୍ବାଭାବିକ।

ନାରୀ ଶିକ୍ଷିତ ହୋଇ ଗୃହ ,ବାହାର, ଅଫିସ ଅନୁଷ୍ଠାନ ରାଜନୈତିକ ସମାଜ ସେବା ରାଷ୍ଟ୍ରପତି , ପ୍ରଧାନମନ୍ତ୍ରୀ, ସଚିବ, ବିଚାରପତି ବ୍ୟାଙ୍କ ଏପରି ସମସ୍ତ କାଯ୍ୟରେ ଯଥେଷ୍ଟ ପରାକ୍ରମୀ ହେବା ସତ୍ବେ ସେ କଦାଚିତ ସ୍ବାଧୀନ ନୁହେଁ ,ଦେଶ ଯେତେ ପ୍ରଗତି ଶୀଳ ହେଲେ ମଧ୍ୟ ନାରୀକୁ ଏହି ଅଧିକାର ମିଳିନାହିଁ ଯେ ସେ ସ୍ବାଧୀନ ଓ ସୁରକ୍ଷିତ । ଛୋଟ ଶିଶୁ ଠାରୁ ଆରମ୍ଭ କରି ପ୍ରାପ୍ତ ବୟସ୍କା ବୁଢୀ ପର୍ଯ୍ୟନ୍ତ ଯୌନ ନିର୍ଯାତନା ର ଶିକାର,ଯୌତୁକ ନିର୍ଯାତନା ଓ ଅପବ୍ୟବହାର ର ନିତ୍ୟ ଶିକାର ହେଉଛନ୍ତି । ଏ ପରିପ୍ରେକ୍ଷୀରେ ସମାଜରେ କୁତ୍ସିତ ଦୁଷ୍କର୍ମ ଘଟଣା କେବଳ ନାରୀକୁ ନେଇ ହୋଇଥାଏ। ଦୃଷ୍ଟି କୋଣ ଓ ବିଚାର ଶକ୍ତି କୁ ବଦଳାଇଲେ ସମଗ୍ର ବ୍ରହ୍ମାଣ୍ଡ ବଦଳିବା ଅନିବାଯ୍ୟ ସମଗ୍ର ଭୁମଣ୍ଡଳେ ନାରୀ କେବଳ ବିଳାସ ଓ କ୍ରୀଡା ସାମଗ୍ରୀ ହୋଇ ଭ୍ରାନ୍ତ ଧାରଣା ସାମ୍ରାଜ୍ୟ ଗଢି ପୁରୁଷ ନାରୀ କାନ୍ଧରେ

ବନ୍ଧୁକ ରଖି ଶିକାର କରି ଆସିଛି।ବ୍ୟବହାଯ୍ୟ ବସ୍ତୁ ରୂପେ ଗ୍ରହଣ କରି ହୀନଚକ୍ଷୁରେ ଦେଖୁଛନ୍ତି।

ମାତା, ଭଗିନୀ, କନ୍ୟା, ସ୍ତ୍ରୀ ଭାଉଜ ହୋଇମଧ୍ୟ ଅନ୍ୟାୟ ଅତ୍ୟାଚାର ଶୋଷଣ ର ପଦାର୍ଥ ପାଲଟିଛନ୍ତି।

ଯେତେଦିନ ପର୍ଯ୍ୟନ୍ତ ମଦ ନିଶା ସାମଗ୍ରୀ ବର୍ଜନ କରି ନିଜ ବିବେକକୁ ପରିବର୍ତ୍ତନ ନ କରିପାରିବେ ସେତେଦିନ ପର୍ଯ୍ୟନ୍ତ ଦେଶ ପ୍ରଗତିଶୀଳ ହେଲେ ମଧ୍ୟ କଳଙ୍କିତ ହୋଇ ରହିବ।

ଅହମିକା କାମ ପ୍ରବୃତ୍ତି ହିଂସା ଦ୍ୱେଷର ତିରସ୍କାର ନ ହୋଇଛି ସେତେ ପର୍ଯ୍ୟନ୍ତ ଦେଶ ପଛୁଆ ରହିବ।

ନାରୀ ଅନ୍ତର ମନରେ ଖୋଲା ହସ ହସିଲେ ଦେଶ ହସିବ ପରିବାର ହସିବ ସମାଜ ହସିବ

ଓ ଜଗତ ଉନ୍ନତି ର ଚରମ ସୀମାରେ ପହଞ୍ଚିବା ସୁନିଶ୍ଚିତ।।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ---୯୩୪୮୨୮୫୪୧୬

ନାରୀ ସଶକ୍ତିକରଣ

ଦେଶର ପ୍ରଗତି ରେ ନାରୀର ଭୂମିକା ମହତ୍ୱ ପୂର୍ଣ୍ଣ