ଭାରତର ବହୁତ ନଦୀ ପୂର୍ବ ମୁଖୀ ଅଟନ୍ତି, ଅର୍ଥାତ ବେଙ୍ଗାଳ ସାଗର ଦିଗରେ ପ୍ରବାହିତ ହୁଅନ୍ତି। କିନ୍ତୁ, ନର୍ମଦା ଏକ ଅପୂର୍ବ ନଦୀ ଅଟେ ଯାହା ପଶ୍ଚିମ ଦିଗରେ ଭଗିରଥୀ ଭଳି ଓଲଟା ଅରବୀ ସାଗରରେ ବିଲୀନ ହୁଏ। ଏହି ଅନନ୍ୟ ଗୁଣ ନିମନ୍ତେ, ନର୍ମଦା ନଦୀ ଭାରତର ଏକ ଅଶ୍ଚର୍ଯ୍ୟ ଏବଂ ଐତିହାସିକ ନଦୀ ଭାବେ ପରିଚିତ।

ନର୍ମଦା ନଦୀର ଉତ୍ପତ୍ତି ଏବଂ ଏହାର ଅପୂର୍ବ ବୈଶିଷ୍ଟ୍ୟ

ନର୍ମଦା ନଦୀ ମଧ୍ୟ ପ୍ରଦେଶର ଅମରକଣ୍ଟକ ପର୍ବତରୁ ଉତ୍ପନ୍ନ ହୋଇଛି। ଏହି ନଦୀ ୧,୩୧୨ କି.ମି. ଲମ୍ବ ଅଟେ ଏବଂ ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା ଏବଂ ଗୁଜରାଟ ମାଧ୍ୟମରେ ପ୍ରବାହିତ ହୋଇ ଅରବୀ ସାଗରରେ ମିଶିଯାଏ। ଏହି ନଦୀ ଭାରତର ୭ଟି ପବିତ୍ର ନଦୀ ମଧ୍ୟରୁ ଗୋଟିଏ।

ନର୍ମଦା ନଦୀ ଓଲଟା ବୋହିବା

ମହାନଦୀ, ଗଙ୍ଗା, ବ୍ରହ୍ମପୁତ୍ର ଭଳି ଅଧିକାଂଶ ନଦୀ ଏବଂ ଏଠି ଥିବା ଅନ୍ୟାନ୍ୟ ନଦୀ ଏକ ସାଧାରଣ ନିୟମ ଅନୁଯାୟୀ ପୂର୍ବ ମୁଖୀ ପ୍ରବାହିତ ହୋଇଥାନ୍ତି। କିନ୍ତୁ, ନର୍ମଦା ଏକ ଅପୂର୍ବ ନଦୀ ଯାହା ଏହି ସାଧାରଣ ନିୟମକୁ ଭାଙ୍ଗି ପଶ୍ଚିମ ମୁଖୀ ପ୍ରବାହିତ ହୋଇ ଅରବୀ ସାଗରରେ ବିଲିନ ହୁଏ।

ଏହି ରହସ୍ୟ ପଛରେ ବୈଜ୍ଞାନିକ କାରଣ

(୧) ଭୂତତ୍ୱିକ ଗଠନ: ଏହି ନଦୀ ଏକ ଗଭୀର ନଦୀ ନଦୀଘାଟ ମାଧ୍ୟମରେ ପ୍ରବାହିତ ଏବଂ ଏହାର ପାର୍ଶ୍ୱରେ ଏକ ଉଚ୍ଚ ପର୍ବତମାଳା ଥିବାରୁ ଏହା ପଶ୍ଚିମ ମୁଖୀ ହୋଇଛି।

(୨) ଘାଟ ଭୂଭାଗର ଅସାଧାରଣ ଗଠନ: ଏହି ଅଞ୍ଚଳର ଉଚ୍ଚ ଏବଂ ନିମ୍ନ ଭୂଭାଗ ଏପରି ଗଠିତ ଯେ ନଦୀକୁ ଓଲଟା ଦିଗରେ ପ୍ରବାହିତ କରିଥାଏ।

(୩) ଭୂକମ୍ପ ଏବଂ ପ୍ରାଚୀନ ପ୍ରାକୃତିକ ପରିବର୍ତ୍ତନ: ଏହି ଅଞ୍ଚଳରେ ପ୍ରାଚୀନକାଳରୁ ଅନେକ ଭୂମିକମ୍ପ ଏବଂ ଜଳବାୟୁ ପରିବର୍ତ୍ତନ ହୋଇଛି, ଯାହାର ଫଳରେ ଏହି ନଦୀ ଏମିତି ଭିନ୍ନ ଗଠନ ଗ୍ରହଣ କରିଛି।

ନର୍ମଦା ନଦୀର ଇତିହାସ ଏବଂ ଧାର୍ମିକ ମହତ୍ତ୍ୱ

ମହାଭାରତ, ରାମାୟଣ ଏବଂ ପୁରାଣମାନରେ ନର୍ମଦା ନଦୀକୁ ଏକ ପବିତ୍ର ନଦୀ ଭାବରେ ଉଲ୍ଲେଖ କରାଯାଇଛି। ଏହି ନଦୀ ଭାଗୀରଥୀ ଭଳି ମୋକ୍ଷଦାୟିନୀ ହୋଇଥାଏ ।ନର୍ମଦା ପରିକ୍ରମା କଲେ ଜୀବନର ଅନେକ ପାପ ଦୂରେଇ ଯାଏ ବୋଲି ମାନ୍ୟତା ରହିଅଛି।

ବର୍ତ୍ତମାନ ପରିସ୍ଥିତି ଏବଂ ସମସ୍ୟା

(୧) ଜଳ ପ୍ରଦୂଷଣ – ଅନେକ କାରଖାନା ଏବଂ ଉଦ୍ୟୋଗ ନଦୀରେ ରସାୟନ ପ୍ରବାହ କରୁଛି।

(୨) ବନ ବିନାଶ – ଅଧିକାଂଶ ନଦୀ କୂଳର ବନ ଧ୍ବଂସ ହୋଇ ମୃଦା କ୍ଷୟ ଏବଂ ଜଳସ୍ରୋତ ଶୁଖିଯାଉଛି।

(୩) ଅତ୍ୟଧିକ ଜଳ ଉପଯୋଗ – ଚାଷ, ଶିଳ୍ପ ଏବଂ ଘରେ ବ୍ୟବହାର ନିମନ୍ତେ ଅଧିକ ପରିମାଣରେ ନଦୀରୁ ଜଳ ତୋଳାଯାଉଛି।

ନର୍ମଦା ନଦୀ ସୁରକ୍ଷା ଉପାୟ

(୧) ଜଳ ପ୍ରଦୂଷଣ ରୋକିବା

(୨) ବୃକ୍ଷରୋପଣ ଓ ପ୍ରାକୃତିକ ସଂରକ୍ଷଣ

(୩) ନଦୀ ପରିକ୍ରମା ସୁରକ୍ଷିତ କରିବା

ପରିଶେଷରେ

ନର୍ମଦା ନଦୀ ଏକ ଅପୂର୍ବ ଏବଂ ରହସ୍ୟମୟ ନଦୀ। ଏହି ନଦୀ ସଂସ୍କୃତି, ଧର୍ମ ଏବଂ ପ୍ରାକୃତିକ ସଂରକ୍ଷଣର ଏକ ଗୁରୁତ୍ଵପୂର୍ଣ୍ଣ ଅଂଶ। ଏହାକୁ ସୁରକ୍ଷା କରିବା ଆମ ସମସ୍ତଙ୍କ ଦାୟିତ୍ୱ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ନର୍ମଦା ନଦୀ ଓଲଟା ବୋହିବା: ଏକ ଅପୂର୍ବ ଅଦ୍ଭୁତ ତଥ୍ୟ

ନର୍ମଦା ନଦୀ ଓଲଟା ବୋହିବା: ଏକ ଅପୂର୍ବ ଅଦ୍ଭୁତ ତଥ୍ୟ