ମୋ ନୀରବତାର ଝଙ୍କାରରେ ସ୍ତଦ୍ଦ ଆଜି ମୋ ଦୁନିଆ,

ମୁଁ ବୁଲିବୁଲି ପଚାରିଲି ନିରବତା ବ୍ୟାଖ୍ୟା ଛୋଟ ପଦରେ।।

ନାନା ମୁନି ନାନା ମତ ରେ ଅବୁଝା ମୋ ମନ,

କେହି ପାରିଲିନି କହି ବୁଝିଲା ପରି ନିରବତାର ପ୍ରକୃତ ଅର୍ଥ।।

*ପ୍ରତାରିତ ପ୍ରେମର ଶେଷ ପର୍ଯ୍ୟାୟ କଣ ନିରବତା?

*କନ୍ୟା ହୋଇ ଜନ୍ମ ହେବାର ଭୁଲ କଣ ନିରବତା ?

*ସାମ୍ନା ରେ ଗର୍ଜୁଥିବା ସମୁଦ୍ରର ଢେଉ ମଝି ଦରିଆରେ କାଇଁ ଥାଏ ସ୍ଥିର ତାହା କଣ ନିରବତା?

*ଭୋକ ଥାଇବି ଦାରିଦ୍ରର ଅଭାବରେ ଢୋକାଏ ପାଣି ରେ ଚୁପ୍ ରହିବା କଣ ନିରବତା ?

*ପାପିର ପାପର ଘଡ଼ା ଫୁଲ ଥାଇବି ନିର୍ଦ୍ଦୋଷୀ ଦଣ୍ଡିତ ହେବା କଣ ନିରବତା ?

*ମନର କଥାକୁ ମନରେ ମାରି ଦୁନିଆ ଆଗରେ ଖୁସିରେ ଅଭିନୟ କରିବା କଣ ନିରବତା ?

*ରାଧା ଓ ରୁକ୍ମଣୀ ଏକ ହୋଇବି ନିଜ ସଂପୂର୍ଣ୍ଣତାରେ ଅସମ୍ପୂର୍ଣ୍ଣ ହୋଇ ଦୁନିଆ ରେ ଦେବିଙ୍କ ମୂରତି ହୋଇବି ଚୁପ ରହିବା କଣ ନିରବତା?

*ମା ସିତା ବାରମ୍ବାର ପରୀକ୍ଷା ଦେଇ ସମ୍ପୂର୍ଣ୍ଣ ଥାଇବି ନିଜକୁ ସାବ୍ୟସ୍ତ କରିବା ପରେ ବି ବସୁଧାରେ ଲିନହେବା କଣ ନିରବତା ?

*କୁରୁସଭାରେ ଦ୍ରୌପଦୀଙ୍କ ପ୍ରତି ହୋଇଥିବା ଅନ୍ୟାୟକୁ ଦେଖି ମହାନ୍ ବିର ଙ୍କ ଚୁପ୍ ରହିବା କଣ ନିରବତା ?

*ପ୍ରକୃତିର ତାଣ୍ଡବ ପରେ ସାଧାରଣ ଜୀବନଯାପନରେ ସବୁକିଛି ସ୍ଥିର ହୋଇଯିବା କଣ ନିରବତା ?

*ଦିନଯାକର ଭିଡ ଭିତରୁ ବାହାରି ମୋ ବୋଉ କୋଳରେ ନିଜକୁ ଲୁଚାଇ ଦେବା,ମୁଁ କିଛି ନ କହିବି ମୋ ମୁହଁରେ ଦେଖି ମୋ ନିରବତାରୁ ମୋ ମନକଥା ବୁଝି ଯିବା ମଣିଷ ମୋ ବୋଉ ମୋ ଜୀବନର ଦୁର୍ଲଭ ନିରବତା ଯେଉଁଥିରେ ନା ଅଛି ପ୍ରଶ୍ନ ନା କୌଣସି ସମସ୍ୟା ଖାଲି ସମାଧାନ ହିଁ ସମାଧାନ ଥାଏ ।

*ମୋ ହାତ ପାପୁଲିରେ ସବୁ ଥାଇକି ବି ମୁହୂର୍ତ୍ତକେ ମୋ ଠାରୁ ସବୁ ବିଛିନ୍ନ ହେଇଯିବା ଆଉ ସେ ବିଚ୍ଛିନ୍ନତାରେ ନା ମୋ ଆଖିରେ ଲୁହ ଥିଲା ନା ଓଠରେ ହସ ବାସ୍ ମୋ ଭିତରେ ଗୋଟେ ନିସ୍ତବ୍ଧ ନିରବତା ଥିଲା ।

ଇଏ ତ ସବୁ ଦୁନିଆ ପୁରାଣ ଓ ସମାଜର କଥା ସେସବୁକୁ ଭୁଲି କିଛି ନିରବତାକୁ ମୁଁ ଅତି ଆପଣାର ନିଜ ଭିତରେ ଅଙ୍ଗେ ନିଭେଇଛି ଯାହାକୁ ବର୍ଣ୍ଣନା କରିବା କିଛିଟା ଯନ୍ତ୍ରଣାଦାୟକ ଥିଲା ତ କିଛିଟା ଆରାମ ଦାୟକ।

କାହିଁ କୋଉ ଯୁଗରୁ ଲୁଚିରହଛି ନିରବତାର ନିଛନ୍ନ କାହାଣୀ ଯେଉଁଠି ଦେବାଦେବୀଙ୍କ ଠାରୁ ଆରମ୍ଭ କରି ମଣିଷ ଯାଏଁ ଏମିତି କି ପ୍ରକୃତି ବି ବୁଝିକି ନିରବତା ଅବଲମ୍ବନ କରିଛି।

ଏମିତି ଅନେକ ନୀରବତାର କାରଣ ନିଜ ଭିତରେ ଅନେକ ଥର ଉଙ୍କିମାରେ ସେ ପ୍ରଶ୍ନର ଉତ୍ତର ଖୋଜି ନିରବତାରେ ମୁହଁରେ ଗୋଟେ ହାଲୁକା ସ୍ମିତହାସ୍ୟ ଆସେ ଆଉ ମୁଁ ବି ସେ ନିରବରେ ନୀରବି ଯାଏ ।😔🤫😊

ନୀରବତା

ନିରବରେ ମୋ ନୀରବତା