II କାରାବଲୋକନ II

`````````````````````````````

କରାଗ୍ରେ ଵସତେ ଲକ୍ଷ୍ମୀଃ କରମଧ୍ୟେ ସରସ୍ଵତୀ ।

କରମୂଳେ ତୁ ଗୋଵିନ୍ଦଃ ପ୍ରଭାତେ କରଦର୍ଶନମ୍ ॥

~ ହସ୍ତର ଅଗ୍ରଭାଗରେ ଲକ୍ଷ୍ମୀ, ମଧ୍ୟ ସ୍ଥଳରେ ସରସ୍ବତୀ ଏବଂ ମୂଳରେ ଭଗବାନ ଗୋବିନ୍ଦ ଅବସ୍ଥାନ କରିଥାନ୍ତି । ତେଣୁ ପ୍ରାତଃ ଶଯ୍ୟା ତ୍ୟାଗ ପରେ ସତକର୍ମର ପ୍ରତୀକ ହସ୍ତର ପାପୁଲିକୁ ଦର୍ଶନ କରିବା ଉଚିତ୍ l

II ଭୂମି ବନ୍ଦନ II

````````````````````````

ସମୁଦ୍ରଵସନେ ଦେଵୀ ପର୍ଵତଃ ତନ ମଣ୍ଡଳେ ।

ଵିଷ୍ଣୁପତ୍ନୀ ନମସ୍ତୁଭ୍ୟଂ ପାଦସ୍ପର୍ଶଂ କ୍ଷମସ୍ଵ ମେ ॥

ନମୋଽସ୍ତୁ ପ୍ରିୟଦତ୍ତାୟୈ ତୁଭ୍ୟଂ ଦେଵୀ ଵସୁନ୍ଧରେ ।

ତ୍ଵଂ ମାତା ସର୍ଵ ଲୋକାନାଂ ପାଦନ୍ୟାସଂ କ୍ଷମସ୍ଵ ମେ ॥

II ପବିତ୍ରୀକରଣ II

```````````````````

ଓଁ ଅପଵିତ୍ରଃ ପଵିତ୍ରୋ ଵା ସର୍ଵାଵସ୍ଥାଂ ଗତୋଽପି ଵା ।

ଯଃ ସ୍ମରେତ୍ ପୁଣ୍ଡରୀକାକ୍ଷଂ ସ ବାହ୍ୟାଭ୍ୟନ୍ତରଃ ଶୁଚିଃ ॥

ଅତିନୀଳ ଘନଶ୍ୟାମଂ ନଳିନାୟତ ଲୋଚନମ୍ I

ସ୍ମରାମି ପୁଣ୍ଡରୀକାକ୍ଷଂ ତେନ ସ୍ନାତୋ ଭବାମ୍ୟହମ୍ II

ପାପହଂ ପାପ କର୍ମାହଂ ପାପାତ୍ମା ପାପ ସମ୍ଭଵଃ I

ତ୍ରାହିମାଂ ପୁଣ୍ଡରୀକାକ୍ଷଂ ସର୍ବପାପ ହାରୋଽହରିଃ II

॥ପ୍ରାଣାୟାମଃ॥

`````````````````````

II ଓଁ ଭୂଃ ଓଁ ଭୁଵଃ ଓଁ ସ୍ଵଃ ଓଁ ମହଃ ଓଁ ଜନଃ ଓଁ ତପଃ ଓଁ ସତ୍ୟମ୍ I ଓଁ ତତ୍ସଵିତୁର୍ଵରେଣ୍ୟଂ ଭର୍ଗୋ ଦେଵସ୍ୟ ଧୀମହି ଧିୟୋୟୋନଃ ପ୍ରଚୋଦୟାତ୍ ଓଁ II ଓଁ ଆପଃ ଜ୍ୟୋତିଃ ରସୋଽମୃତଂ ବ୍ରହ୍ମା ଭୂର୍ଭୁଵଃ ସ୍ଵରୋମ୍ ॥

II ସଂକଳ୍ପିକରଣ II

``````````````````````````

ତ୍ରୈଲୋକ୍ୟ ଚୈତନ୍ୟ ମୟାଦି ଦେବ!

ଶ୍ରୀନାଥ! ଶ୍ରୀବିଷ୍ଣୋ! ଭବଦଙ୍ଗାୟେବ I

ପ୍ରାତଃ ସମୂତ୍ଥାୟ ତବ ପ୍ରିୟାର୍ଥଂ

ସଂସାର ଯାତ୍ରାଂ ଅନୁବର୍ତ୍ତୟିସ୍ୟେ II

ସୁପ୍ତଃ ପ୍ରବୋଧିତୋ ବିଷ୍ଣୋ ହୃଷିକେଶେନ ଯତ୍-ତ୍ୱୟା I

ଯଦ୍ ତତ୍ କାରୟସେ କାର୍ଯ୍ୟଂ ତତ୍ କରୋମି ତ୍ୱଦାଜ୍ଞୟା II

II ଋଷି ଏବଂ ପ୍ରକୃତି ପ୍ରାତଃସ୍ମରଣମ୍ II

````````````````````````````````````````

ଭୃଗୁଃ ବଶିଷ୍ଠଃ କ୍ରତୁଃ ଅଙ୍ଗିରାଶ୍ଚ ମନୁଃ

ପୁଲସ୍ତ୍ୟଃ ପୁଲହଶ୍ଚ ଗୌତମଃ ।

ରୈଭ୍ୟୋ ମରୀଚିଶ୍ଚ୍ୟଵନଶ୍ଚ ଦକ୍ଷଃ

କୁର୍ଵନ୍ତୁ ସର୍ଵେ ମମ ସୁପ୍ରଭାତମ୍ ॥

- (ବାମନ ପୁରାଣ ୧୪/୩୩ )

ସନତ୍ କୁମାରଃ ସନକଃ ସନନ୍ଦନଃ

ସନାତନୋ-ଽପ୍ୟାସୁରି-ପିଙ୍ଗଳୌ ଚ ।

ସପ୍ତସ୍ଵରାଃ ସପ୍ତ ରସାତଳାନି

କୁର୍ଵନ୍ତୁ ସର୍ଵେ ମମ ସୁପ୍ରଭାତମ୍ ॥

- (ବାମନ ପୁରାଣ ୧୪/୨୪)

ସପ୍ତାର୍ଣଵାଃ ସପ୍ତ- କୁଳା ଚଳାଶ୍ଚ

ସପ୍ତର୍ଷୟୋ ଦ୍ଵୀପ-ଵନାନି ସପ୍ତ ।

ଭୂରାଦି କୃତ୍ଵା ଭୁଵନାନି ସପ୍ତ

କୁର୍ଵନ୍ତୁ ସର୍ଵେ ମମ ସୁପ୍ରଭାତମ୍ ॥

- (ବାମନ ପୁରାଣ ୧୪/୨୭)

ପୃଥ୍ଵୀ ସଗନ୍ଧା ସରସାସ୍ତଥାପଃ ସ୍ପର୍ଶୀ ଚ

ଵାୟୁଃ ଜ୍ୱଳନଂ ଚ ତେଜଃ ।

ନଭଃ ସଶବ୍ଦଂ ମହତା ସହୈଵ

କୁର୍ଵନ୍ତୁ ସର୍ଵେ ମମ ସୁପ୍ରଭାତମ୍ ॥

- (ବାମନ ପୁରାଣ ୧୪/୨୬)

ଇତ୍ଥଂ ପ୍ରଭାତେ ପରମଂ ପଵିତ୍ରଂ ପଠେଦ୍

ସ୍ମରେଦ୍ ଵା ଶୃଣୁୟାଚ୍ଚ ତଦ୍ଵତ୍ ।

ଦୁଃଖ ପ୍ରଣାଶସ୍ତ୍ଵିହ ସୁପ୍ରଭାତେ ଭଵେଚ୍ଚ

ନିତ୍ୟଂ ଭଗଵତ୍-ପ୍ରସାଦାତ୍ ॥

- (ବାମନ ପୁରାଣ ୧୪/୨୮)

॥ ପଞ୍ଚଦେବ ପ୍ରାତଃସ୍ମରଣମ୍ ॥

(ଶ୍ରୀଗଣେଶ, ଶ୍ରୀସୂର୍ଯ୍ୟ, ଶ୍ରୀବିଷ୍ଣୁ, ଶ୍ରୀଶିବ, ଶ୍ରୀଦେବୀ)

````````````````````````````````````````````````````````

ପ୍ରାତଃ ସ୍ମରାମି ଗଣନାଥଂ ଅନାଥବନ୍ଧୁଂ,

ସିନ୍ଦୂରପୂର ପରିଶୋଭିତ ଗଣ୍ଡ ଯୁଗ୍ମମ୍ ।

ଉଦ୍ଦଣ୍ଡ ଵିଘ୍ନ ପରିଖଣ୍ଡନ ଚଣ୍ଡ ଦଣ୍ଡଂ

ଆଖଣ୍ଡଳାଦି ସୁରନାୟକ ଵୃନ୍ଦଵନ୍ଦ୍ୟମ୍ ॥ ୧॥

ପ୍ରାତଃ ସ୍ମରାମି ଖଳୁ ତତ୍ସଵିତୁର୍ଵରେଣ୍ୟଂ,

ରୂପଂ ହି ମଣ୍ଡଳ ମୃଚୋଽଥ ତନୁର୍ଯ୍ୟଜୂଂଷି ।

ସାମାନି ଯସ୍ୟ କିରଣାଃ ପ୍ରଭଵାଦି ହେତୁଂ,

ବ୍ରହ୍ମାହରାତ୍ମକଂ ଅଲକ୍ଷ୍ୟଂ ଅଚିନ୍ତ୍ୟ ରୂପମ୍ ॥ ୨ ॥

ପ୍ରାତଃ ସ୍ମରାମି ଭଵଭୀତି ମହାର୍ତିନାଶଂ,

ନାରାୟଣଂ ଗରୁଡ ଵାହନଂ ଅବ୍ଜନାଭମ୍ ।

ଗ୍ରାହାଭିଭୂତ ଵରଵାରଣ ମୁକ୍ତିହେତୁଂ,

ଚକ୍ରାୟୁଧଂ ତରୁଣ ଵାରିଜ ପତ୍ର ନେତ୍ରମ୍ ॥ ୩ ॥

ପ୍ରାତଃ ସ୍ମରାମି ଭଵଭୀତିହରଂ ସୁରେଶଂ,

ଗଙ୍ଗାଧରଂ ଵୃଷଭଵାହନଂ ଅମ୍ବିକେଶମ୍ ।

ଖଟ୍ଵାଙ୍ଗଶୂଳ ଵରଦା ଭୟ ହସ୍ତମୀଶଂ,

ସଂସାର ରୋଗହରଂ ଓୌଷଧଂ ଅଦ୍ଵିତୀୟମ୍ ॥ ୪ ॥

ପ୍ରାତଃ ସ୍ମରାମି ଶରଦିନ୍ଦୁ କରୋଜ୍ଜ୍ଵଳାଭାଂ,

ସଦ୍ରତ୍ନଵନ୍ମ କରକୁଣ୍ଡଳ ହାରଭୂଷାମ୍ ।

ଦିଵ୍ୟାୟୁଧୋର୍ଜିତ ସୁନୀଳ ସହସ୍ରହସ୍ତାଂ,

ରକ୍ତୋତ୍ପଳାଭ ଚରଣାଂ ମହତୀଂ ପରେଶାମ୍ ॥ ୫॥

|| ଇତିଶ୍ରୀ ପଞ୍ଚଦେବ ପ୍ରାତଃସ୍ମରଣଂ ସମ୍ପୂର୍ଣ୍ଣମ୍ ||

II ପୁଣ୍ୟଶ୍ଲୋକାଃ ପ୍ରାତଃ ସ୍ମରଣମ୍ II

`````````````````````````````````````````````

ପୁଣ୍ୟଶ୍ଲୋକୋ ନଳୋ ରାଜା ପୁଣ୍ୟଶ୍ଲୋକୋ ଯୁଧିଷ୍ଠିରଃ ।

ପୁଣ୍ୟଶ୍ଲୋକା ଚ ବୈଦେହୀ ପୁଣ୍ୟଶ୍ଲୋକୋ ଜନାର୍ଦ୍ଦନଃ ॥

II ସପ୍ତଚିରଞ୍ଜିବୀ ପ୍ରାତଃ ସ୍ମରଣମ୍ II

``````````````````````````````````````````

ଅଶ୍ଵତ୍ଥାମା ବଳିଃ ବ୍ୟାସୋ ହନୂମାଂଶ୍ଚ ଵିଭୀଷଣଃ ।

କୃପଃ ପରଶୁରାମଶ୍ଚ ସପ୍ତୈତେ ଚିରଜୀଵିନଃ ॥

ସପ୍ତୈତାନ୍ ସଂସ୍ମରେ ନ୍ନିତ୍ୟଂ ମାର୍କଣ୍ଡେୟଂ ତଥାଷ୍ଟମମ୍ ।

ଜୀଵେତ୍ ଵର୍ଷ ଶତଂ ସୋଽପି ସର୍ବ ବ୍ୟାଧି ଵିଵର୍ଜିତଃ ॥

II ହକାରାଦି-ପଞ୍ଚଦେଵ ପ୍ରାତଃ ସ୍ମରଣମ୍ II

```````````````````````````````````````````````

ହରଂ ହରିଂ ହରିଶ୍ଚନ୍ଦ୍ରଂ ହନୁମନ୍ତଂ ହଳାୟୁଧମ୍ ।

ପଞ୍ଚକଂ ହଂ ସ୍ମରେତ୍ ନିତ୍ୟଂ ଘୋର-ସଙ୍କଟନାଶନମ୍ ॥

II ପଞ୍ଚକନ୍ୟା ପ୍ରାତଃ ସ୍ମରଣମ୍ II

```````````````````````````````````````````

ଅହଲ୍ୟା ଦ୍ରୌପଦୀ କୁନ୍ତୀ ତାରା ମନ୍ଦୋଦରୀ ସ୍ତଥା I

ପଞ୍ଚକନ୍ୟାଃ ସ୍ମରେତ୍ ନିତ୍ୟଂ ମହାପାତକ ନାଶନମ୍ II

II ପଞ୍ଚଦେଵୀ ପ୍ରାତଃସ୍ମରଣମ୍ II

``````````````````````````````````

ଉମା ଉଷା ଚ ଵୈଦେହୀ ରମା ଗଙ୍ଗେତି ପଞ୍ଚକମ୍ ।

ପ୍ରାତଃ ଏଵ ସ୍ମରେତ୍ ନିତ୍ୟଂ ସୌଭାଗ୍ୟଂ ଵର୍ଦ୍ଧତେ ସଦା ॥

II ସପ୍ତର୍ଷି ପ୍ରାତଃସ୍ମରଣମ୍ II

``````````````````````````````````

କଶ୍ୟପୋଽତ୍ରିଃ ଭରଦ୍ଵାଜୋ ଵିଶ୍ଵାମିତ୍ରୋଽଥ ଗୋତମଃ ।

ଜମଦଗ୍ନିଃ ବସିଷ୍ଠଶ୍ଚ ସପ୍ତୈତେ ଋଷୟଃ ସ୍ମୃତାଃ ॥

ତେଷାଂ ଵଂଶାନୁ ଵଂଶାନାଂ ଵେଦ ମନ୍ତ୍ରସ୍ୟ ଦ୍ରଷ୍ଟୃଣାମ୍ ।

ସଂସ୍ମରାମି ସଦା ଚୈଵ ଭକ୍ତ୍ୟା ଧର୍ମମାର୍ଗ ପ୍ରଦର୍ଶକାନ୍ ॥

II ରାଜର୍ଷି ପ୍ରାତଃ ସ୍ମରଣମ୍ II

``````````````````````````````````

କର୍କୋଟକସ୍ୟ ନାଗସ୍ୟ ଦମୟନ୍ତ୍ୟା ନଳସ୍ୟ ଚ ।

ଋତୁପର୍ଣସ୍ୟ ରାଜର୍ଷେଃ କୀର୍ତ୍ତନଂ କଳି ନାଶନମ୍ ॥

II ପଞ୍ଚୈତାନ୍ ପ୍ରାତଃ ସ୍ମରଣମ୍ II

``````````````````````````````````````````

କପିଳ କାଳୀୟଽନନ୍ତୋ ବାସୁକୀ ତକ୍ଷକ-ସ୍ତଥା I

ପଞ୍ଚୈତାନ୍ ସ୍ମରେନ୍ନିତ୍ୟଂ ବିଷ୍ଣୁ ବାଧା ନ ବାଧତେ II

ସୋମନାଥୋ ବୈଦ୍ୟନାଥୋ ଧନ୍ଵନ୍ତରୀ ତଥାଶ୍ବିନୌ

ପଞ୍ଚୈତାନ୍ ଯଃ ସ୍ମରେନ୍ନିତ୍ୟଂ ବ୍ୟାଧୀସ୍ତସ୍ୟ ନ ଜାୟତେ II

ରାମ ଲକ୍ଷ୍ମଣୌ ସୀତା ଚ ସୁଗ୍ରୀବୋ ହନୁମାନ କପି I

ପଞ୍ଚୈତାନ୍ ଯଃ ସ୍ମରେନ୍ନିତ୍ୟଂ ମହାବାଧା ପ୍ରମୁଚ୍ୟତେ II

ବଳୀ ବିଭୀଷଣ ଭୀଷ୍ମଃ ପ୍ରହଲ୍ଲାଦୋ ନାରଦୋ ଧ୍ରୁଵଃ II

ଷଢେତେ ବୈଷ୍ଣବାଃ ପ୍ରୋକ୍ତ ସ୍ମରାଣାଂ ପାପ ନାଶନମ୍ II

II ସପ୍ତ ମୋକ୍ଷପୁରୀ ପ୍ରାତଃ ସ୍ମରଣମ୍ II

`````````````````````````````````````````````````````

ଅଯୋଧ୍ୟା ମଥୁରା ମାୟା କାଶୀ କାଞ୍ଚୀ ଅଵନ୍ତିକା I

ପୁରୀ ଦ୍ଵାରାଵତୀ ଚୈଵ ସପ୍ତୈତା ମୋକ୍ଷଦାୟିକାଃ II

ମହେନ୍ଦ୍ରୋ ମଳୟଃ ସହ୍ୟୋ ଦେଵତାତ୍ମା ହିମାଲୟଃ I

ଧ୍ୟେୟୋ ରୈଵତକୋ ଵିନ୍ଧ୍ୟୋ ଗିରିଶ୍ଚ ଅରାବଳିଃ ତଥା II

ଗଙ୍ଗା ସିନ୍ଧୁଶ୍ଚ କାଵେରୀ ଯମୁନା ଚ ସରସ୍ଵତୀ I

ରେଵା ମହାନଦୀ ଗୋଦା ବ୍ରହ୍ମପୁତ୍ରା ପୁନାତୁ ମମ୍ II

ପ୍ରୟାଗା ପାଟଳୀପୁତ୍ରଂ ଵିଜୟାନଗରଂ ପୁରୀମ୍ I

ଇନ୍ଦ୍ରପ୍ରସ୍ଥଂ ଗୟାଂ ଚୈଵ ପ୍ରତ୍ୟୁଷେ ପ୍ରତ୍ୟହଂ ସ୍ମରେତ୍ II

II ପ୍ରାତଃ ତୀର୍ଥ ସ୍ତୁତିଃ II

``````````````````````````````````

ଗଙ୍ଗେଃ ଚ ଯମୁନେ ଚୈଵ ଗୋଦାବରୀ ସରସ୍ଵତୀ ।

ନର୍ମଦେ ସିନ୍ଧୁ କାବେରୀ ଜଳେଽସ୍ମିନ୍ ସନ୍ନିଧିଂ କୁରୁ ॥

କୁରୁକ୍ଷେତ୍ର-ଗୟା-ଗଙ୍ଗା-ପ୍ରଭାସ-ପୁଷ୍କରାଣୀ ଚ ।

ଏତାନି ପୁଣ୍ୟତୀର୍ଥାନି ସ୍ନାନକାଳେ ଭବନ୍ତିଽହ ॥

ତ୍ଵଂ ରାଜା ସର୍ଵତୀର୍ଥାନାଂ ତ୍ଵମେଵ ଜଗତଃ ପିତା ।

ଯାଚିତଂ ଦେହି ମେ ତୀର୍ଥଂ ତୀର୍ଥରାଜ! ନମୋଽସ୍ତୁତେ ॥

ପୁଷ୍କରାଦ୍ୟାନି ତୀର୍ଥାନି ଗଙ୍ଗାଦ୍ୟାଃ ସରିତାସ୍ତଥା ।

ଆଗଚ୍ଛନ୍ତୁ ପଵିତ୍ରାଣି ସ୍ନାନକାଳେ ସଦା ମମ ॥

ଵିଷ୍ଣୁ -ପାଦାଵ୍ଜ-ସମ୍ଭୂତେ ଗଙ୍ଗେ ତ୍ରିପଥଗାମିନୀ ।

ଧର୍ମ ଦ୍ରଵେତି ଵିଖ୍ୟାତେ ପାପଂ ମେ ହର ଜାହ୍ନବୀ! ॥

II ବାରଣାସ୍ୟାଂ ପ୍ରାତଃ ସ୍ମରଣମ୍ II

````````````````````````````````````````````````

ବାରଣାସ୍ୟାଂ ଭୈରବୋ ଦେବଃ ସଂସାର ଭୟନାଶନଃ I

ଅନେକ ଜନ୍ମ କୃତଂ ପାପଂ ସ୍ମରଣେନ ବିନଶ୍ୟନ୍ତି II

ବାରଣାସ୍ୟାଂ ପୂର୍ବ ଭାଗେ ଵ୍ୟାସୋ ନାରାୟଣଃ ସ୍ୱୟଂ I

ତସ୍ୟ ସ୍ମରଣ ମାତ୍ରେଣ ଅଜ୍ଞାନୀ ଜ୍ଞାନଵାନ୍ ଭଵେତ II

ବାରଣାସ୍ୟାଂ ପଶ୍ଚିମେ ଭାଗେ ଭୀମଚଣ୍ଡୀ ମହାସତୀ I

ତସ୍ୟାଂ ସ୍ମରଣ ମାତ୍ରେଣ ସର୍ବଦା ବିଜୟୀ ଭଵେତ II

ବାରଣାସ୍ୟାଂ ଉତ୍ତରେ ଭାଗେ ସୁମନ୍ତୁଃ ନାମ ବୈ ଦ୍ଵିଜଃ I

ତସ୍ୟ ସ୍ମରଣ ମାତ୍ରେଣ ନିର୍ଦ୍ଧନୋ ଧନଵାନ୍ ଭବେତ II

ବାରଣାସ୍ୟାଂ ଦକ୍ଷିଣ ଭାଗେ କୂକୂଟୋ ନାମ ବ୍ରାହ୍ମଣଃ I

ତସ୍ୟ ସ୍ମରଣ ମାତ୍ରେଣ ଦୁଃସ୍ୱପ୍ନ ସୁସ୍ୱପ୍ନ ଭବେତ୍ II

॥ ଦ୍ଵାଦଶ ଜ୍ୟୋତିର୍ଲିଙ୍ଗାନି ସ୍ମରଣମ୍ ॥

```````````````````````````````````````````````````````

ସୌରାଷ୍ଟ୍ରେ ସୋମନାଥଂ ଚ ଶ୍ରୀଶୈଳେ ମଲ୍ଲିକାର୍ଜୁନମ୍ ।

ଉଜ୍ଜୟିନ୍ୟାଂ ମହାକାଳଂ ଓଁକାରଂ ଅମଳେଶ୍ଵରମ୍ ॥

ପରଲ୍ୟାଂ ଵୈଦ୍ୟନାଥଂ ଚ ଡାକିନ୍ୟାଂ ଭୀମଶଙ୍କରମ୍ ।

ସେତୁବନ୍ଧେ ତୁ ରାମେଶଂ ନାଗେଶଂ ଦାରୁକାଵନେ ॥

ଵାରାଣସ୍ୟାଂ ତୁ ଵିଶ୍ଵେଶଂ ତ୍ର୍ୟମ୍ବକଂ ଗୌତମୀତଟେ ।

ହିମାଳୟେ ତୁ କେଦାରଂ ଘୁଶ୍ମେଶଂ ଚ ଶିଵାଳୟେ ॥

ଏତାନି ଜ୍ୟୋତିର୍ଲିଙ୍ଗାନି ସାୟଂ ପ୍ରାତଃ ପଠେନ୍ନରଃ ।

ସପ୍ତଜନ୍ମ କୃତଂ ପାପଂ ସ୍ମରଣେନ ଵିନଶ୍ୟତି ॥

ଏତେଶାଂ ଦର୍ଶନାତ୍ ଦେଵ ପାତକଂ ନୈଵ ତିଷ୍ଠତି ।

କର୍ମକ୍ଷୟୋ ଭଵେତ୍ ତସ୍ୟ ଯସ୍ୟ ତୁଷ୍ଟୋ ମହେଶ୍ଵରଃ ॥

II ଦୀପସ୍ତୁତିଃ II

````````````````````````

ଦୀପୋ ଜ୍ୟୋତିଃ ପରଂବ୍ରହ୍ମ ଦୀପୋ ଜ୍ୟୋତିଃ ଜନାର୍ଦ୍ଦନଃ ।

ଦୀପୋ ହରତୁ ମେ ପାପଂ ଦୀପଜ୍ୟୋତିଃ ନମୋଽସ୍ତୁତେ ॥ ୧॥

ଶୁଭଂ କରୋତୁ କଲ୍ୟାଣଂ ଆରୋଗ୍ୟଂ ସୁଖସମ୍ପଦାମ୍ ।

ଶତ୍ରୁବୃଦ୍ଧି ବିନାଶାୟ ଦୀପଜ୍ୟୋତିଃ ନମୋଽସ୍ତୁତେ ॥ ୨॥

ଶୁଭଂ ଭଵତୁ କଲ୍ୟାଣଂ ଆରୋଗ୍ୟଂ ପୁଷ୍ଟିଵର୍ଧନମ୍ ।

ଆତ୍ମତତ୍ତ୍ଵ ପ୍ରବୋଧାୟ ଦୀପଜ୍ୟୋତିଃ ନମୋଽସ୍ତୁତେ ॥ ୩॥

II ପ୍ରାତଃ ସ୍ତୁତିଃ II

``````````````````````````````````

ନାରାୟଣ ପରବେଦା ନାରାୟଣ ପରକ୍ଷରା I

ନାରାୟଣ ପରମୁକ୍ତି ନାରାୟଣ ପରଗତିଃ II

ରାମ ନାରାୟଣାନନ୍ତ ମୁକୁନ୍ଦ ମଧୁସୂଦନ I

କୃଷ୍ଣ କେଶବ କଂସାରେ ହରେ ବୈକୁଣ୍ଠବାମନ II

ହରେ ରାମ ହରେ ରାମ ରାମ ରାମ ହରେ ହରେ I

ହରେ କୃଷ୍ଣ ରାମ ହରେ କୃଷ୍ଣ କୃଷ୍ଣ କୃଷ୍ଣ ହରେ ହରେ II

ଆଦିତ୍ୟାୟ ଚ ସୋମାୟ ମଙ୍ଗଳାୟ ବୁଧାୟ ଚ ।

ଗୁରୁ ଶୁକ୍ର ଶନିଭ୍ୟଶ୍ଚ ରାହଵେ କେତଵେ ନମଃ ॥

ପ୍ରଭାତେ ଯଃ ସ୍ମରେକ୍ ନିତ୍ୟଂ ଦୁର୍ଗା ଦୁର୍ଗାକ୍ଷର ଦ୍ଵୟମ୍ I

ଆପଦାହ ତସ୍ୟ ନଶ୍ୟନ୍ତି ତମଃ ସୂର୍ଯ୍ୟୋଦୟେ ଯଥା II

ଶିବେ କାଳୀ ଶିବେ କାଳୀ କାଳୀ କାଳୀ ଶିବେ ଶିବେ I

ଶିବେ ଦୁର୍ଗେ ଶିବେ ଦୁର୍ଗେ ଦୁର୍ଗେ ଦୁର୍ଗେ ଶିବେ ଶିବେ II

ବର୍ଣାନାଂ ଅର୍ଥ ସଂଘାନାଂ ରସାନାଂ ଚ୍ଛନ୍ଦସାଂ ଅପି I

ମଙ୍ଗଳନାଂ ଚ କର୍ତ୍ତାରୌ ବନ୍ଦେ ବାଣୀ-ବିନାୟକୌ II

ଭବାନୀ ଶଙ୍କରୌ ବନ୍ଦେ ଶ୍ରଦ୍ଧା ବିଶ୍ୱାସ ରୁପିଣୌ I

ଯାଭ୍ୟାଂ ବିନା ନ ପଶ୍ୟନ୍ତି ସିଦ୍ଧାଃ ତଂ ଈଶ୍ୱରମ୍ II

ଗଣନାଥଃ ସରସ୍ଵତୀ ରଵି-ଶୁକ୍ର-ବୃହସ୍ପତିନ୍ I

ପଞ୍ଚୈତାନି ସ୍ମରେତ୍ ନିତ୍ୟଂ ଵେଦଵାଣୀ ପ୍ରଵୃତ୍ତୟେ ॥

ବନ୍ଦେ ବୋଧମୟଂ ନିତ୍ୟଂ ଗୁରୁମ୍ ଶଙ୍କର ରୁପିଣୌ I

ଯମାଶ୍ରିତୋ ହି ଵକ୍ରୋଽପି ଚନ୍ଦ୍ରଃ ସର୍ବତ୍ର ବନ୍ଦ୍ୟତେ II

ସୀତା ରାମ ଗୁଣଗ୍ରାମ ପୁଣ୍ୟାରଣ୍ୟ ବିହାରିଣୌ I

ବନ୍ଦେ ବିଶୁଦ୍ଧ ବିଜ୍ଞାନୌ କବିଶ୍ଵର କପିଶ୍ଵରୌ II

ଶଙ୍ଖଭୃତ୍ ନନ୍ଦକୀ ଚକ୍ରୀ ଶାଙ୍ଗଧନ୍ୱା ଗଦାଧରଃ ।

ରଥାଙ୍ଗ ପାଣିଃ ଅକ୍ଷୋଭ୍ୟାଃ ସର୍ବପ୍ରହରଣାୟୁଧଃ ।।

ହରେ ମୁରାରେ ମଧୁ କୈଟଭାରେ

ଗୋପାଳ ଗୋବିନ୍ଦ ମୁକୁନ୍ଦ ସୌରେ I

ଯଞେଶ ନାରାୟଣ କୃଷ୍ଣ ବିଷ୍ଣୁ

ନିରାଶ୍ରୟ ମାଂ ଜଗଦୀଶ ରକ୍ଷ II

II ପ୍ରାତଃ ସ୍ମରଣ ମଙ୍ଗଳସ୍ତୋତ୍ରମ୍ II

```````````````````````````````````````````````````````````

ଉତ୍ତିଷ୍ଠୋତ୍ତିଷ୍ଠ ଗୋଵିନ୍ଦଃ ଉତ୍ତିଷ୍ଠ ଗରୁଡଧ୍ଵଜଃ ।

ଉତ୍ତିଷ୍ଠ କମଳାକାନ୍ତ ତ୍ରୈଲୋକ୍ୟଂ ମଙ୍ଗଳଂ କୁରୁ ॥ ୧॥

ମଙ୍ଗଳଂ ଭଗଵାନ୍ ଵିଷ୍ଣୁଃ ମଙ୍ଗଳଂ ଗରୁଡଧ୍ଵଜଃ ।

ମଙ୍ଗଳଂ ପୁଣ୍ଡରୀକାକ୍ଷଃ ମଙ୍ଗଳାୟ ତନଂ ହରିଃ ॥ ୨॥

ଓଁ ଵିଷ୍ଣୁଂ ଜିଷ୍ଣୁଂ ମହାଵିଷ୍ଣୁଂ ପ୍ରଭଵିଷ୍ଣୁଂ ମହେଶ୍ଵରମ୍ ।

ଅନେକ ରୂପଂ ଦୈତ୍ୟାନ୍ତଂ ନମାମି ପୁରୁଷୋତ୍ତମମ୍ ॥

ମୂକଂ କରୋତି ଵାଚାଳଂ ପଙ୍ଗୁଂ ଲଙ୍ଘୟତେ ଗିରିମ୍ ।

ଯକ୍ କୃପା ତମହଂ ଵନ୍ଦେ ପରମାନନ୍ଦ ମାଧଵମ୍ ॥ ୩॥

ନମୋ ବ୍ରହ୍ମଣ୍ୟ ଦେଵାୟ ଗୋ-ବ୍ରାହ୍ମଣ ହିତାୟ ଚ ।

ଜଗଦ୍ଧିତାୟ କୃଷ୍ଣାୟ ଗୋଵିନ୍ଦାୟ ନମୋ ନମଃ ॥ ୪॥

କୃଷ୍ଣାୟ ଵାସୁଦେଵାୟ ଦେଵକୀ ନନ୍ଦନାୟ ଚ ।

ନନ୍ଦଗୋପ କୁମାରାୟ ଗୋଵିନ୍ଦାୟ ନମୋ ନମଃ ॥ ୫॥

ଆକାଶାତ୍ ପତିତଂ ତୋୟଂ ଯଥା ଗଚ୍ଛତି ସାଗରମ୍ ।

ସର୍ଵଦେଵ ନମସ୍କାରଃ କେଶଵଂ ପ୍ରତି ଗଚ୍ଛତି ॥ ୫॥

ମୂଳେ ବ୍ରହ୍ମା ତ୍ଵଚି ଵିଷ୍ଣୁଃ ଶାଖାୟାଂ ଶଙ୍କର ଏଵ ଚ ।

ପତ୍ରେ ପତ୍ରେ ସର୍ଵଦେଵା ଵାସୁଦେଵାୟତେ ନମଃ ॥ ୬॥

ତଦେଵ ଲଗ୍ନଂ ସୁଦିନଂ ତଦେଵ, ତାରାବଳଂ ଚନ୍ଦ୍ରବଳଂ ତଦେଵ ।

ଵିଦ୍ୟାବଳଂ ଦୈଵବଳଂ ତଦେଵ, ଲକ୍ଷ୍ମୀପତେ ତେଙ୍ଘ୍ରିଯୁଗଂ ସ୍ମରାମି ॥ ॥

ତ୍ଵମେଵ ମାତା ଚ ପିତା ତ୍ଵମେଵ ତ୍ଵମେଵ ବନ୍ଧୁଶ୍ଚ ସଖା ତ୍ଵମେଵ ।

ତ୍ଵମେଵ ଵିଦ୍ୟା ଦ୍ରଵିଣଂ ତ୍ଵମେଵ ତ୍ଵମେଵ ସର୍ଵଂ ମମ ଦେଵଦେଵ ॥ ୭॥

II ଇତି ପ୍ରାତଃ ସ୍ମରଣ ମଙ୍ଗଳ ସ୍ତୋତ୍ରଂ ସମାପ୍ତମ୍ II

II ମଙ୍ଗଳ ସ୍ତୋତ୍ରମ୍ II

``````````````````````````````````

ଗଣାଧିପୋ ଭାନୁ-ଶଶୀ-ଧରାସୁତୋ ବୁଧୋ-ଗୁରୁଃ ଭାର୍ଗଵ ସୂର୍ଯ୍ୟନନ୍ଦନାଃ ।

ରାହୁଶ୍ଚ କେତୁଶ୍ଚ ପରଂ ନଵଗ୍ରହାଃ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୧॥

ଉପେନ୍ଦ୍ର ଇନ୍ଦ୍ରୋ ଵରୁଣୋ ହୁତାଶନଃ ତ୍ରିଵିକ୍ରମୋ ଭାନୁସଖଃ ଚତୁର୍ଭୁଜଃ ।

ଗନ୍ଧର୍ଵ-ଯକ୍ଷୋରଗ-ସିଦ୍ଧ-ଚାରଣାଃ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୨॥

ନଳୋ ଦଧୀଚିଃ ସଗରଃ ପୁରୂରଵା ଶାକୁନ୍ତଳେୟୋ ଭରତୋ ଧନଞ୍ଜୟଃ ।

ରାମତ୍ରୟଂ ଵୈନ୍ୟବଳୀ ଯୁଧିଷ୍ଠିରଃ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୩॥

ମନୁ-ର୍ମରୀଚି-ର୍ଭୃଗୁ-ଦକ୍ଷ-ନାରଦାଃ ପାରାଶରୋ ଵ୍ୟାସ-ଵସିଷ୍ଠ-ଭାର୍ଗଵାଃ ।

ଵାଲ୍ମୀକି-କୁମ୍ଭୋଦ୍ଭଵ-ଗର୍ଗ-ଗୌତମାଃ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୪॥

ରମ୍ଭାଶଚୀ ସତ୍ୟଵତୀ ଚ ଦେଵକୀ ଗୌରୀ ଚ ଲକ୍ଷ୍ମୀଶ୍ଚ ଦିତିଶ୍ଚ ରୁକ୍ମିଣୀ ।

କୂର୍ମୋ ଗଜେନ୍ଦ୍ରଃ ସଚରାଽଚରା ଧରା କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୫॥

ଗଙ୍ଗା ଚ କ୍ଷିପ୍ରା ୟମୁନା ସରସ୍ଵତୀ ଗୋଦାଵରୀ ନେତ୍ରଵତୀ ଚ ନର୍ମଦା ।

ସା ଚନ୍ଦ୍ରଭାଗା ଵରୁଣା ତ୍ଵସୀ ନଦୀ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୬॥

ତୁଙ୍ଗ-ପ୍ରଭାସୋ ଗୁରୁଚକ୍ର ପୁଷ୍କରଂ ଗୟା ଵିମୁକ୍ତା ବଦରୀ ଵଟେଶ୍ଵରଃ ।

କେଦାର-ପମ୍ପାସରସଃ ଚ ନୈମିଷଂ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୭॥

ଶଙ୍ଖଶ୍ଚ ଦୂର୍ଵାସିତ-ପତ୍ର-ଚାମରଂ ମଣି ପ୍ରଦୀପୋ ଵରରତ୍ନ କାଞ୍ଚନମ୍ ।

ସମ୍ପୂର୍ଣ କୁମ୍ଭଃ ସୁହୃତୋ ହୁତାଶନଃ କୁର୍ଵନ୍ତୁ ଵଃ ପୂର୍ଣମନୋରଥଂ ସଦା ॥ ୮॥

ପ୍ରୟାଣକାଳେ ଯଦି ଵା ସୁମଙ୍ଗଳେ ପ୍ରଭାତ କାଳେ ଚ ନୃପାଭିଷେଚନେ ।

ଧର୍ମାର୍ଥକାମାୟ ଜୟାୟ ଭାଷିତ ଵ୍ୟାସେନ କୁର୍ଯ୍ୟାତ୍ତୁ ମନୋରଥଂ ହି ତତ୍ ॥ ୯॥

II ଇତି ଵ୍ୟାସକୃତଂ ମଙ୍ଗଳସ୍ତୋତ୍ରଂ ସମାପ୍ତମ୍ II

****************************************

॥ ପ୍ରାତଃ ପଠନୀୟ :

ଏକଶ୍ଲୋକୀ-ଚତୁଃଶ୍ଲୋକୀ-ସପ୍ତଶ୍ଲୋକୀ ସ୍ତୋତ୍ରମ୍ ॥

****************************************

॥ ଏକଶ୍ଲୋକୀ ଗୀତା ॥

``````````````````````````````````

ଯତ୍ର ଯୋଗେଶ୍ଵରଃ କୃଷ୍ଣୋ ଯତ୍ର ପାର୍ଥୋ ଧନୁର୍ଦ୍ଧରଃ ।

ତତ୍ର ଶ୍ରୀଃ ବିଜୟୋ ଭୂତିଃ ଧ୍ରୁଵା ନୀତିଃ ମତିଃ ମମ ॥ ୧୮-୭୮॥

॥ ଏକଶ୍ଲୋକୀ ବିଷ୍ଣୁ ସହସ୍ରନାମ ॥

``````````````````````````````````````````````````

ନମଃ ସ୍ତ୍ଵନନ୍ତାୟ ସହସ୍ରମୂର୍ତ୍ତୟେ, ସହସ୍ରପାଦାକ୍ଷି ଶିରୋରୁ ବାହଵେ ।

ସହସ୍ରନାମ୍ନେ ପୁରୁଷାୟ ଶାଶ୍ଵତେ, ସହସ୍ରକୋଟୀ ଯୁଗଧାରିଣେ ନମଃ ॥

ଶଙ୍ଖଭୃତ୍ ନନ୍ଦକୀ ଚକ୍ରୀ ଶାଙ୍ଗଧନ୍ୱା ଗଦାଧରଃ ।

ରଥାଙ୍ଗପାଣିଃ ଅକ୍ଷୋଭ୍ୟାଃ ସର୍ବପ୍ରହରଣାୟୁଧଃ ।।

॥ ଏକଶ୍ଲୋକୀ ନଵଗ୍ରହସ୍ତୋତ୍ରମ୍ ॥

```````````````````````````````````````````````

ବ୍ରହ୍ମାମୁରାରୀ ସ୍ତ୍ରୀପୁରାନ୍ତକାରୀ ଭାନୁ-ଶଶି-ଭୂମିସୁତୋ ବୁଧଶ୍ଚ I

ଗୁରୁଶ୍ଚ ଶୁକ୍ରଃ ଶନି-ରାହୁ-କେତବଃ ସର୍ବେଗ୍ରହାଃ ଶାନ୍ତିକରାଃ ଭବନ୍ତୁ II

॥ ଏକଶ୍ଲୋକୀ ରାମାୟଣମ୍ ॥

`````````````````````````````````````````

ଆଦୌ ରାମ ତପୋଵନାଦି ଗମନଂ ହତ୍ଵା ମୃଗଂ କାଞ୍ଚନଂ,

ଵୈଦେହୀ ହରଣଂ ଜଟାୟୁ ମରଣଂ ସୁଗ୍ରୀଵ ସମ୍ଭାଷଣମ୍ ।

ଵାଳୀ ନିଗ୍ରହଣଂ ସମୁଦ୍ରତରଣଂ ଲଙ୍କାପୁରୀ ଦାହନଂ,

ପଶ୍ଚାଦ୍ ରାଵଣ କୁମ୍ଭକର୍ଣ୍ଣ ହନନଂ ଏତଦ୍ଧି ରାମାୟଣମ୍ ॥

॥ ଏକଶ୍ଲୋକୀ ମହାଭାରତମ୍ ॥

``````````````````````````````````````````

ଆଦୌ ପାଣ୍ଡଵ ଧାର୍ତରାଷ୍ଟ୍ର ଜନନଂ ଲାକ୍ଷାଗୃହେ ଦାହନଂ,

ଦ୍ୟୂତଂ ଶ୍ରୀହରଣଂ ଵନେ ଵିହରଣଂ ମତ୍ସ୍ୟାଳୟେ ଵର୍ତନମ୍ ।

ଲୀଲା ଗୋ ଗ୍ରହଣଂ ରଣେ ଵିହରଣଂ ସନ୍ଧିକ୍ରିୟା ଜୃମ୍ଭଣଂ,

ପଶ୍ଚାଦ୍ ଭୀଷ୍ମ ଦୁର୍ଯ୍ୟୋଧନାଦି ନିଧନଂ ହ୍ୟେତନି ମହାଭାରତମ୍ ॥

॥ ଏକଶ୍ଲୋକୀ ଭାଗଵତମ୍ ॥

`````````````````````````````````````````

ଆଦୌ ଦେଵକୀ ଦେଵୀ ଗର୍ଭଜନନଂ ଗୋପୀଗୃହେ ଵର୍ଧନମ୍,

ମାୟାପୂତନ ଜୀଵିତାପ ହରଣଂ ଗୋଵର୍ଧନ ଉଦ୍ଧାରଣମ୍ ।

କଂସ ଚ୍ଛେଦନ କୌରଵାଦି ହନନଂ କୁନ୍ତୀସୁତାଂ ପାଳନମ୍,

ଏତଦ୍ ଭାଗଵତଂ ପୁରାଣ କଥିତଂ ଶ୍ରୀକୃଷ୍ଣ ଲୀଳାମୃତମ୍ ॥

॥ ଏକଶ୍ଲୋକୀ ଦୁର୍ଗା ॥

``````````````````````````````````

ଯା ଅମ୍ବା ମଧୁକୈଟଭ ପ୍ରମଥିନୀ ଯା ମାହିଷୋନ୍ ମୂଳିନୀ,

ଯା ଧୂମ୍ରେକ୍ଷଣ ଚଣ୍ଡ ମୁଣ୍ଡ ମଥିନୀ ଯା ରକ୍ତବୀଜାଶିନୀ ।

ଶକ୍ତିଃ ଶୁମ୍ଭ ନିଶୁମ୍ଭ ଦୈତ୍ୟଦଳିନୀ ଯା ସିଦ୍ଧଲକ୍ଷ୍ମୀଃ ପରା,

ସା ଦୁର୍ଗା ନଵକୋଟି ଵିଶ୍ଵସହିତା ମାଂ ପାତୁ ଵିଶ୍ଵେଶ୍ଵରୀ ॥

॥ ଚତୁଃଶ୍ଲୋକୀ ଭାଗଵତମ୍ ॥

``````````````````````````````````

ଶ୍ରୀଭଗଵାନୁଵାଚ -

ଜ୍ଞାନଂ ପରମଗୁହ୍ୟଂ ମେ ଯଦ୍ଵିଜ୍ଞାନ ସମନ୍ଵିତମ୍ ।

ସରହସ୍ୟଂ ତଦଙ୍ଗଂ ଚ ଗୃହାଣ ଗଦିତଂ ମୟା ॥ ୧॥

ଯାଵାନହଂ ୟଥାଭାଵୋ ୟଦ୍ରୂପଗୁଣକର୍ମକଃ ।

ତଥୈଵ ତତ୍ତ୍ଵଵିଜ୍ଞାନଂ ଅସ୍ତୁ ତେ ମଦନୁଗ୍ରହାତ୍ ॥ ୨॥

ଅହଂ ଏଵାସଂ ଏଵାଗ୍ରେ ନାନ୍ୟଦ୍ୟତ୍ସଦସତ୍ପରମ୍ ।

ପଶ୍ଚାଦହଂ ଯଦେତଚ୍ଚ ଯୋଽଵଶିଷ୍ୟେତ ସୋଽସ୍ମ୍ୟହମ୍ ॥ ୩॥

ଋତେଽର୍ଥଂ ୟତ୍ପ୍ରତୀୟେତ ନ ପ୍ରତୀୟେତ ଚାତ୍ମନି ।

ତଦ୍ଵିଦ୍ୟାଦାତ୍ମନୋ ମାୟାଂ ଯଥାଽଽଭାସୋ ଯଥା ତମଃ ॥ ୪॥

ଯଥା ମହାନ୍ତି ଭୂତାନି ଭୂତେଷୂଚ୍ଚାଵଚେଷ୍ଵନୁ ।

ପ୍ରଵିଷ୍ଟାନ୍ୟପ୍ରଵିଷ୍ଟାନି ତଥା ତେଷୁ ନ ତେଷ୍ଵହମ୍ ॥ ୫॥

ଏତାଵଦେଵ ଜିଜ୍ଞାସ୍ୟଂ ତତ୍ତ୍ଵଜିଜ୍ଞାସୁନାଽଽତ୍ମନଃ ।

ଅନ୍ଵୟଵ୍ୟତିରେକାଭ୍ୟାଂ ୟତ୍ସ୍ୟାତ୍ସର୍ଵତ୍ର ସର୍ଵଦା ॥ ୬॥

ଏତନ୍ମତଂ ସମାତିଷ୍ଠ ପରମେଣ ସମାଧିନା ।

ଭଵାନ୍କଲ୍ପଵିକଲ୍ପେଷୁ ନ ଵିମୁହ୍ୟତି କର୍ହିଚିତ୍ ॥ ୭॥

॥ ଇତି ଶ୍ରୀମଦ୍ଭାଗଵତେ ମହାପୁରାଣେଽଷ୍ଟାଦଶସାହସ୍ର୍ୟାଂ ସଂହିତାୟାଂ

ଵୈୟସିକ୍ୟାଂ ଦ୍ଵିତୀୟସ୍କନ୍ଧେ ଭଗବତ୍-ବ୍ରହ୍ମ ସମ୍ବାଦେ ଚତୁଃଶ୍ଲୋକୀଭାଗଵତଂ ସମାପ୍ତମ୍ ॥

॥ ସପ୍ତଶ୍ଲୋକୀ ଗୀତା ॥

``````````````````````````````````

ଓଁ ଓମିତ୍ୟେକାକ୍ଷରଂ ବ୍ରହ୍ମ ବ୍ୟାହରନ୍-ମାମନୁସ୍ମରନ୍ ।

ଯଃ ପ୍ରୟାତି ତ୍ୟଜନ୍ ଦେହଂ ସ ଯାତି ପରମାଂ ଗତିମ୍ ॥ ୮-୧୩॥

ସ୍ଥାନେ ହୃଷୀକେଶ ତଵ ପ୍ରକୀର୍ତ୍ୟା ଜଗତ୍ ପ୍ରହୃଷ୍ୟତ୍ୟନୁରଜ୍ୟତେ ଚ ।

ରକ୍ଷାଂସି ଭୀତାନି ଦିଶୋ ଦ୍ରଵନ୍ତି ସର୍ଵେ ନମସ୍ୟନ୍ତି ଚ ସିଦ୍ଧସଙ୍ଘାଃ ॥ ୧୧-୩୬॥

ସର୍ଵତଃ ପାଣିପାଦଂ ତତ୍ ସର୍ବତୋଽକ୍ଷିଶିରୋମୁଖମ୍ ।

ସର୍ଵତଃ ଶୃତିମଲ୍ଲୋକେ ସର୍ଵମାଵୃତ୍ୟ ତିଷ୍ଠତି ॥ ୧୩-୧୪॥

କଵିଂ ପୁରାଣମନୁଶାସିତାର-ମଣୋରଣୀୟଂସମନୁସ୍ମରେଦ୍ୟଃ ।

ସର୍ଵସ୍ୟ ଧାତାରମଚିନ୍ତ୍ୟରୂପ-ମାଦିତ୍ୟଵର୍ଣଂ ତମସଃ ପରସ୍ତାତ୍ ॥ ୮-୯॥

ଊର୍ଧ୍ଵମୂଳଂ ଅଧଃ ଶାଖଂ ଅଶ୍ଵତ୍ଥଂ ପ୍ରାହୁଃ ଅଵ୍ୟୟମ୍ ।

ଛନ୍ଦାଂସି ଯସ୍ୟ ପର୍ଣାନି ଯସ୍ତଂ ଵେଦ ସ ଵେଦ ଵିତ୍ ॥ ୧୫-୧॥

ସର୍ଵସ୍ୟ ଚାହଂ ହୃଦି ସନ୍ନିଵିଷ୍ଟୋ ମତ୍ତଃ ସ୍ମୃତିଃ ର୍ଜ୍ଞାନମପୋହନଂ ଚ ।

ଵେଦୈଶ୍ଚ ସର୍ଵୈରହମେଵ ଵେଦ୍ୟୋ ଵେଦାନ୍ତକୃଦ୍ଵେଦଵିଦେଵ ଚାହମ୍ ॥ ୧୫-୧୫॥

ମନ୍ମନା ଭଵ ମଦ୍ଭକ୍ତୋ ମଦ୍ୟାଜୀ ମାଂ ନମସ୍କୁରୁ ।

ମାମେଵୈଷ୍ୟସି ଯୁକ୍ତ୍ଵୈଵମାତ୍ମାନଂ ମତ୍ପରାୟଣଃ ॥ ୯-୩୪॥

II ଇତି ଶ୍ରୀମଦ୍ ଭଗଵଦ୍ ଗୀତା ସୂପନିଷତ୍ସୁ ବ୍ରହ୍ମଵିଦ୍ୟାୟାଂ

ଯୋଗଶାସ୍ତ୍ରେ ଶ୍ରୀକୃଷ୍ଣାର୍ଜୁନ ସମ୍ଵାଦେ ସପ୍ତଶ୍ଲୋକୀ ଗୀତା ସମ୍ପୂର୍ଣା ॥

॥ ଶ୍ରୀଦୁର୍ଗା ସପ୍ତ-ଶ୍ଲୋକୀ ॥

``````````````````````````````````

ଅଥ ସପ୍ତଶ୍ଲୋକୀ ଦୁର୍ଗା :

ଶିଵ ଉଵାଚ -

ଦେଵୀ ତ୍ଵଂ ଭକ୍ତସୁଲଭେ ସର୍ଵକାର୍ଯ୍ୟ ଵିଧାୟିନୀ ।

କଳୌ ହି କାର୍ଯ୍ୟ ସିଦ୍ଧ୍ୟର୍ଥଂ ଉପାୟଂ ବ୍ରୂହି ଯତ୍ନତଃ ॥

ଦେଵ୍ୟୁଵାଚ -

ଶୃଣୁ ଦେଵ ପ୍ରଵକ୍ଷ୍ୟାମି କଳୌ ସର୍ଵେଷ୍ଟ ସାଧନମ୍ ।

ମୟା ତଵୈଵ ସ୍ନେହେନା ଅପି ଅମ୍ବା ସ୍ତୁତିଃ ପ୍ରକାଶ୍ୟତେ ॥

ଵିନିଯୋଗ :- ଓଁ ଅସ୍ୟ ଶ୍ରୀଦୁର୍ଗା ସପ୍ତଶ୍ଲୋକୀ ସ୍ତୋତ୍ର ମହାମନ୍ତ୍ରସ୍ୟ, ନାରାୟଣ ଋଷିଃ । ଅନୁଷ୍ଟୁଭାଦୀନି ଛନ୍ଦାଂସି ।ଶ୍ରୀମହାକାଳୀ-ମହାଲକ୍ଷ୍ମୀ-ମହାସରସ୍ଵତ୍ୟୋ ଦେଵତାଃ ।

ଶ୍ରୀଦୂର୍ଗା ପ୍ରୀତ୍ୟର୍ଥଂ ସପ୍ତଶ୍ଲୋକୀ ଦୁର୍ଗାପାଠେ ଵିନିଯୋଗଃ ॥

ଜ୍ଞାନିନାଂ ଅପି ଚେତାଂସି ଦେଵୀ ଭଗଵତୀ ହି ସା ।

ବଲାଦାକୃଷ୍ୟ ମୋହାୟ ମହାମାୟା ପ୍ରୟଚ୍ଛତି ॥ ୧॥

ଦୁର୍ଗେ ସ୍ମୃତା ହରସି ଭୀତିଂ ଅଶେଷଜନ୍ତୋଃ,

ସ୍ଵସ୍ଥୈଃ ସ୍ମୃତାଂ ଅତିଂ ଅତୀଵ ଶୁଭାଂ ଦଦାସି ।

ଦାରିଦ୍ର୍ୟ ଦୁଃଖ ଭୟହାରିଣୀ କା ତ୍ଵଦନ୍ୟା,

ସର୍ଵୋପକାର କରଣାୟ ସଦାଽଽର୍ଦ୍ରଚିତ୍ତା ॥ ୨॥

ସର୍ଵମଙ୍ଗଳ ମାଙ୍ଗଲ୍ୟେ ଶିଵେ ସର୍ଵାର୍ଥସାଧିକେ ।

ଶରଣ୍ୟେ ତ୍ର୍ୟମ୍ବକେ ଗୌରୀ ନାରାୟଣୀ ନମୋଽସ୍ତୁତେ ॥ ୩॥

ଶରଣାଗତ ଦୀନାର୍ତ ପରିତ୍ରାଣ ପରାୟଣେ ।

ସର୍ଵସ୍ୟାର୍ତିହରେ ଦେବୀ ନାରାୟଣୀ ନମୋଽସ୍ତୁତେ ॥ ୪॥

ସର୍ଵସ୍ଵରୂପେ ସର୍ଵେଶେ ସର୍ଵଶକ୍ତି ସମନ୍ଵିତେ ।

ଭୟେଭ୍ୟଃ ତ୍ରାହି ନୋ ଦେବୀ ଦୁର୍ଗେ ଦେବୀ ନମୋଽସ୍ତୁତେ ॥ ୫॥

ରୋଗାନ୍ ଶେଷାନ୍ ପହଂସି ତୁଷ୍ଟା ରୁଷ୍ଟା ତୁ କାମାନ୍ ସକଳାନଭୀଷ୍ଟାନ୍ ।

ତ୍ଵାଂ ଆଶ୍ରିତାନାଂ ନ ଵିପନ୍ନରାଣାଂ ତ୍ଵାମାଶ୍ରିତା ହ୍ୟାଶ୍ରୟତାଂ ପ୍ରୟାନ୍ତି ॥ ୬॥

ସର୍ଵାବାଧାପ୍ରଶମନଂ ତ୍ରୈଲୋକ୍ୟସ୍ୟ ଅଖିଳେଶ୍ଵରୀ ।

ଏଵଂ ଏଵ ତ୍ଵୟା କାର୍ଯ୍ୟଂ ଅସ୍ମଦ୍ଵୈରୀ ଵିନାଶନମ୍ ॥ ୭॥

॥ ଇତି ଶ୍ରୀଦୁର୍ଗାସପ୍ତଶ୍ଲୋକୀ ସମ୍ପୂର୍ଣା ॥

II ନଵନାଗ ସ୍ତୁତିଃ II

``````````````````````````````````

ଅନନ୍ତଂ ଵାସୁକିଂ ଶେଷଂ ପଦ୍ମନାଭଂ ଚ କମ୍ବଲମ୍ ।

ଶଙ୍ଖପାଳଂ ଧୃତରାଷ୍ଟ୍ରଂ ତକ୍ଷକଂ କାଳୀୟଂ ତଥା ॥ ୧॥

ଏତାନି ନଵ ନାମାନି ନାଗାନାଂ ଚ ମହାତ୍ମନାମ୍ ।

ସାୟଂ କାଳେ ପଠେନ୍ନିତ୍ୟଂ ପ୍ରାତଃ କାଳେ ଵିଶେଷତଃ ।

ତସ୍ୟ ଵିଷ ଭୟଂ ନାସ୍ତି ସର୍ଵତ୍ର ଵିଜୟୀ ଭଵେତ୍ ॥ ୨॥

II ନଵଦୁର୍ଗା ନାମସ୍ତୋତ୍ରମ୍ II

``````````````````````````````````

ପ୍ରଥମଂ ଶୈଳପୁତ୍ରୀ ଚ ଦ୍ଵିତୀୟଂ ବ୍ରହ୍ମଚାରିଣୀ ।

ତୃତୀୟଂ ଚନ୍ଦ୍ରଘଣ୍ଟେତି କୂଷ୍ମାଣ୍ଡେତି ଚତୁର୍ଥକମ୍ ॥ ୧॥

ପଞ୍ଚମଂ ସ୍କନ୍ଦମାତେତି ଷଷ୍ଠଂ କାତ୍ୟାୟନୀତି ଚ ।

ସପ୍ତମଂ କାଳରାତ୍ରିଶ୍ଚ ମହାଗୌରୀତି ଚାଷ୍ଟମମ୍ ॥ ୨॥

ନଵମଂ ସିଦ୍ଧିଦାତ୍ରୀ ଚ ନଵ ଦୁର୍ଗାଃ ପ୍ରକୀର୍ତିତାଃ ।

II ଦଶମହାଵିଦ୍ୟା ନାମସ୍ତୋତ୍ରମ୍ II

````````````````````````````````````````````````

କାଲୀ ତାରା ମହାଵିଦ୍ୟା ଷୋଡଶୀ ଭୁଵନେଶ୍ଵରୀ ।

ଭୈରଵୀ ଛିନ୍ନମସ୍ତାଂ ଚ ଵିଦ୍ୟା ଧୂମାଵତୀ ତଥା ॥ ୧॥

ବଗଳା ସିଦ୍ଧିଵିଦ୍ୟା ଚ ମାତଙ୍ଗୀ କମଳାତ୍ମିକା ।

ଏତା ଦଶ ମହାଵିଦ୍ୟାଃ ସିଦ୍ଧିଵିଦ୍ୟାଃ ପ୍ରକୀର୍ତ୍ତିତାଃ ॥ ୨॥

******************************************

ବିଷ୍ଣୁ ଦଶାବତାର ଓ ନବଗ୍ରହ ସଂପର୍କ :-

----------------------------------------------

ସୂର୍ଯ୍ୟରୂପୀ ନୃସିଂହଶ୍ଚ ରାମଚନ୍ଦ୍ରସ୍ତୁ ଚନ୍ଦ୍ରମାଃ I

ପର୍ଶୁରାମଃ ତଥା ଭୌମୋ ବାମନଶ୍ଚ ବୁଧଃ ତଥା II

ବୃହସ୍ପତିଃ ବଳଭଦ୍ର ରୂପୀ ଚ ଶୁକ୍ରଃ ଶୁକର ରୂପଧୃକ୍ I

କଳ୍କୀରୂପୀ ଚ ଶୌରୀସ୍ତୁ ରାହୁଶ୍ଚ ଵୌଦ୍ଧ ରୂପଧୃକ୍ II

କେତୁସ୍ତୁ କୂର୍ମରୂପୀ ଚ ମୀନରୂପୀ ଚ ଲଗ୍ନକ° I

ଯ ଏତାଂ ଚିନ୍ତୟେତ୍ ତସ୍ୟ ଗ୍ରହରୂପୀ ଜନାର୍ଦ୍ଦନଃ II

******************************************

ଆକାଶାତ୍ ପତିତଂ ତ୍ୱୟା ଯଥା ଗଚ୍ଛତି ସାଗରାଃ |

ସର୍ଵଦେବ ନମସ୍କାରଂ କେଶଵଂ ପ୍ରତି ଗଚ୍ଛତି ||

ଭାବାର୍ଥ:- ହେ ପ୍ରଭୁ! ଯେଉଁମାନେ ଅନ୍ୟ ଦେବତା ମାନଙ୍କୁ ଭକ୍ତି କରନ୍ତି ଓ ସେମାନଙ୍କୁ ଆପଣଙ୍କ ଠାରୁ ଭିନ୍ନ ବୋଲି ଭାବନ୍ତି, ସେମାନେ ମଧ୍ୟ ବାସ୍ତବରେ ଆପଣଙ୍କର ହିଁ ଆରାଧନା କରନ୍ତି;କାରଣ ଆପଣ ହିଁ ସମସ୍ତ ଦେବତାଙ୍କ ରୁପରେ ଅଛନ୍ତି ଓ ଆପଣ ହେଉଛନ୍ତି ସର୍ବେଶ୍ୱର। ହେ ପ୍ରଭୁ ! ପର୍ବତରୁ ବାହାରୁଥିବା ସବୁ ନଦୀ ଯେପରି ବୃଷ୍ଟିଜଳରେ ପୂର୍ଣହୋଇ ବିଭିନ୍ନ ପଥଦେଇ ଭ୍ରମି ଭ୍ରମି ଶେଷରେ ଯାଇ ସମୁଦ୍ରରେ ମିଶନ୍ତି, ସବୁପ୍ରକାର ଉପାସନା ମାର୍ଗ ମଧ୍ୟ ସେହିପରି ଶେଷରେ ଆପଣଙ୍କ ପାଖରେ ପହଞ୍ଚି ଏକାକାର ହୋଇଯାଏ !!

⚫❗⚫

ଶ୍ରୀଜଗନ୍ନାଥ ସ୍ଵାମୀ ନୟନ ପଥଗାମୀ ଭବତୁ ମେ !!

ତୁମେ ଚାରିଯୁଗ...ତୁମେ ଚାରିବେଦ...!

ତୁମେ ନାଦବ୍ରହ୍ମ...ତୁମେ ବ୍ରହ୍ମନାଦ...।

ସୃଷ୍ଟି ସମ୍ଭବ ରେ ତୁମେ...ସୃଷ୍ଟି ସଂହାର ରେ ତୁମେ !

ବିଶ୍ୱ ବଳୟ ରେ ତୁମେ..ମହାପ୍ରଳୟ ରେ ତୁମେ !

ତୁମେ ହିଁ ଅତୀତ...ତୁମେ ବର୍ତ୍ତମାନ...!

ତୁମେ ପୁଣି ଭବିଷ୍ୟତ..ଯୁଗେ ଯୁଗେ ଜଗନ୍ନାଥ !

ଯୁଗେ ଯୁଗେ ଜଗନ୍ନାଥ.....!!

ତୁମେ ଅବତାରୀ...ତୁମେ ଅବତାର !

ତୁମେ ତ ଓଁକାର ମୟ...ତୁମେ ନିର୍ବିକାର !

ତୁମେ ନିରାକାର...ତୁମେ ତ ଅବର୍ଣ୍ଣନୀୟ !

ଅବ୍ୟକ୍ତ ଅନିତ୍ୟ ତୁମେ...ଅପୂର୍ବ ଅଦ୍ଭୁତ ତୁମେ !

ଅସୀମ ଅଚିନ୍ତ୍ୟ ତୁମେ...ଅନାଦି ଅନନ୍ତ ତୁମେ !

ମୁକ୍ତିର ମୋକ୍ଷରେ ତୁମେ...ପ୍ରାପ୍ତିର ଅପ୍ରାପ୍ତିରେ ତୁମେ !

ତୁମର ଅଦେଖା ହାତ...ଯୁଗେ ଯୁଗେ ଜଗନ୍ନାଥ !

ଯୁଗେ ଯୁଗେ ଜଗନ୍ନାଥ.....!!

ପ୍ରଭୁ ତୁମେ ହିଁ ଅଣୁ...ତୁମେ ପରମାଣୁ !

ତୁମେ ତ ପରମବ୍ରହ୍ମ...ତୁମେ ପ୍ରାଣ ବିନ୍ଦୁ !

ତୁମେ କୃପାସିନ୍ଧୁ...ତୁମେ ତ ପୁରୁଷୋତ୍ତମ !

ଭୂମିରେ ଭୁମାରେ ତୁମେ...ଦୟାରେ କ୍ଷମାରେ ତୁମେ !

ଭାବରେ ଭକ୍ତିରେ ତୁମେ...ଜପରେ ତପରେ ତୁମେ !

ତୁମେ ରାମାୟଣ...ତୁମେ ପାରାୟଣ...!

ତୁମେ ଗୀତା, ଭାଗବତ...ଯୁଗେ ଯୁଗେ ଜଗନ୍ନାଥ !

ଯୁଗେ ଯୁଗେ ଜଗନ୍ନାଥ...ଜୟ ଜଗନ୍ନାଥ.

ନିତ୍ୟ ପଠନୀୟ : ପ୍ରାତଃ ସ୍ମରଣମ୍

ନିତ୍ୟ ପଠନୀୟ : ପ୍ରାତଃ ସ୍ମରଣମ୍