ନମଇ ନୃସିଂହ ଚରଣ, ଅନାଦି ପରମ କାରଣ।

ଯାହାର ଆଦି ମଧ୍ଯ ଅନ୍ତେ,ବିଚାର ନପଟେ ଜଗତେ।।

ପୁରୀ ଜିଲ୍ଲା କପିଳେଶ୍ୱର ଗ୍ରାମର ୧୪୯୦ ମସିହାରେ ଜନ୍ମିତ ଅତିବଡ଼ି ଜଗନ୍ନାଥ ଦାସଙ୍କ ଦ୍ୱାରା ରଚିତ ଶ୍ରୀମଦ୍ ଭାଗବତ ।ଅତିବଡ଼ି ଜଗନ୍ନାଥ ଦାସ ପଞ୍ଚସଖା ମଧ୍ୟରୁ ଜଣେ ଥିଲେ ମହାପ୍ରଭୁ ଜଗନ୍ନାଥଙ୍କ ପରମଭକ୍ତ ଥିଲେ ସେ ।

ଭାଦ୍ରବ ପୂର୍ଣ୍ଣମୀ ତିଥିରେ ଭାଗବତଙ୍କ ଜନ୍ମ, ଭାଗବତ କହିଲେ ଏହା ସ୍ୱୟଂ ଭଗବାନଙ୍କର ଅବତାର ଯାହାର ନିତ୍ୟ ପ୍ରାର୍ଥନା ଦ୍ବାରା ଜୀବନ ସମ୍ପୂର୍ଣ୍ଣ ପରିବର୍ତ୍ତନ ହେବା ସହ ମନୁଷ୍ୟ ଭଗବାନଙ୍କର ନିକଟତର ହୋଇଥାନ୍ତି। କୁହାଯାଏ ଜୀବନର ଶେଷ ସମୟ ପର୍ଯ୍ୟନ୍ତ ଭାଗବତ ଶୁଣିଲେ ବା ପଠନ କଲେ ବୈକୁଣ୍ଠ ପ୍ରାପ୍ତି ହୋଇଥାଏ ଏବଂ ଏହା ସତ୍ୟ ମଧ୍ୟ ।

ଭାଗବତ କଣ ଏବଂ ଭାଗବତ କାହାକୁ କୁହାଯାଏ ?

ଯେଉଁ ଗ୍ରନ୍ଥରେ ହିୟଗ୍ରୀବ ବ୍ରହ୍ମବିଦ୍ୟା ଅର୍ଥାତ ନାରାୟଣ କବଚ ତଥା ବୃତ୍ତାସୁର ର ପ୍ରସଙ୍ଗ ଅଛି, ଯାହାର ବାରସ୍କନ୍ଧ ବିଶିଷ୍ଟ ଅଠର ହଜାର ଶ୍ଳୋକ ଯୁକ୍ତ ଏବଂ ଗାୟତ୍ରୀରୁ ଆରମ୍ଭ ହୋଇଛି, ସେହି ଗ୍ରନ୍ଥକୁ ବିଦ୍ୱାନମାନେ ଶ୍ରୀମଦ୍ ଭାଗବତ ବୋଲି ଜାଣନ୍ତି ।

କୁହାଯାଏ ଜୀବନ ଯଦି ଭାଗବତମୟ ନହେଲା ଜୀବନଟା ବୃଥା ହୋଇଥାଏ, ଅର୍ଥାତ୍ ଭଗବତ ସମ୍ବନ୍ଧି ଭାଗବତ। ଦୁଃଖ, କଷ୍ଟ,ଜଞାଳ ଭରା ନଦୀ କୁ ଭାଗବତ ପଠନ ଓ ଶୁଣିବା ଦ୍ୱାରା ଭାଗବତ ନାମୀ ନୋକା ସରଳ ଓ ସୁନ୍ଦର ଭବେ ପାର କରାଯାଇପାରେ ।

ଭାଗବତ ତୁଳସୀ ଗଙ୍ଗାୟ ଭକ୍ତଜନେ।

ଚତୁର୍ଦ୍ଧା ବିଗ୍ରହ କୃଷ୍ଣ ଏଇ ଚାରି ସନେ ।

ଯଦି କୋଣସି ଧାତୁରେ ମୂର୍ତ୍ତି ଗଢ଼ିବା ପରେ କୌଣସି ବୈଷ୍ଣବଙ୍କ ଦ୍ବାରା ପ୍ରାଣ ପ୍ରତିଷ୍ଠା କରିବା ପରେ ସେ ବିଗ୍ରହ ରୂପରେ ପୂଜିତ ହୋଇଥାନ୍ତି ହେଲେ ଭାଗବତ, ତୁଳସୀ, ଗଙ୍ଗା ଏବଂ ଭକ୍ତଜନ ବୈଷ୍ଣବ ଏହି ଚାରିଜଣ ଭଗବାନ କୃଷ୍ଣଙ୍କର ଚାରି ବିଗ୍ରହ। ଯେପରି ବୃନ୍ଦାବତୀ ବୃକ୍ଷ ହେଲେ ବି ସାଧାରଣ ବୃକ୍ଷ ନୁହଁନ୍ତି ଭଗବତୀ ସ୍ବରୁପ, ଅନ୍ନ ମହାପ୍ରସାଦ ରୂପରେ ପ୍ରକାଶିତ ହେଲେ ମଧ୍ୟ ସାଧାରଣ ଚାଉଳରେ ପରିଗଣିତ ନୁହେଁ ତା ସ୍ୱୟଂ ଭଗବାନ ସ୍ୱରୂପ, ସେହିପରି ଭାଗବତ କେବଳ ଗ୍ରନ୍ଥ ମାତ୍ର ନୁହେଁ ଏହା ସାକ୍ଷାତ ଭଗବାନ ସ୍ୱରୂପ ।

ଓଡିଶା ରେ ଗାଁ ଏବଂ ଘରେ ଘରେ ଭାଗବତ ମନ୍ଦିର ରହିଛି। ଯେଉଁଠି ସ୍ବତନ୍ତ୍ର ଭାବେ ଭାଗବତ ଗ୍ରନ୍ଥ କୁ ପୂଜା ଅର୍ଚ୍ଚନା କରାଯାଏ ଏବଂ ପ୍ରତିଦିନ ସନ୍ଧ୍ୟାରେ ଭାଗବତର ଏକ ଅଧ୍ୟାୟ ପଠନ କରାଯାଏ ।ଆଗରୁ ପ୍ରତି ଗାଁ ମୁଣ୍ଡରେ ଭାଗବତ ଟୁଙ୍ଗି ଦେଖିବାକୁ ମିଳୁଥିଲା ଯେଉଁଠି ପ୍ରତ୍ୟେକ ସନ୍ଧ୍ୟାରେ ଗ୍ରାମର ବୟୋଜ୍ୟେଷ୍ଠ ମାନେ ଏକାଠି ହୋଇ ଦୀପ ଲଗାଇ ଭାଗବତର ଅଧ୍ୟୟନ କରି ସଂକୀର୍ତ୍ତନ କରୁଥିଲେ,ଏବଂ ଭାଗବତ ଜନ୍ମ ପୁର୍ଣ୍ଣମି ପୂର୍ବ ରୁ ସମସ୍ତ ଅଧାୟ ସମାପ୍ତ କରି ପୁଣି ପ୍ରଥମରୁ ଅଧୟନ ଆଡମ୍ବରରେ ପଠନ ଆରମ୍ବ କରାଯାଉଥିଲା ହେଲେ ଏବଂ ଏହା ସମୟାନୁକ୍ରମେ କେବେ କୋଚିତ କେଉଁଠାରେ ଦେଖିବାକୁ ମିଳୁଛି ଯାହା ଆଗାମୀ ଭବିଷ୍ୟତ ପାଇଁ ଏକ ସଠିକ୍ ମାର୍ଗ ଦର୍ଶକ ନୁହେଁ ।ଆଧୁନିକୀକରଣର ସମାଜରେ ମାନବ ଜାତିକୁ ଭାଗବତ ବୁଝିବା କଷ୍ଟସାଧ୍ୟ ହେଲେ ମଧ୍ୟ ଏହା ଆମ ଜୀବନ ଶୈଳୀ ପାଇଁ ନିତ୍ୟାନ୍ତ ଆବଶ୍ୟକ,ଆଗମୀ ଯୁବପିଢ଼ିଙ୍କ ପାଖରେ ଆମ ସଂସ୍କୃତି ଓ ସଭ୍ୟତା ବଜାୟ ରଖିବା ନିତ୍ୟାନ୍ତ ଆବଶ୍ୟକ ।

ଆଗରୁ ଯଦି କୋଣସି ବିବାହ ପ୍ରସ୍ତାବ କୌଣସି କନ୍ୟା ପାଇଁ ଆସିଲେ ପୁଅ ଘରର କନ୍ୟା ପ୍ରତି ପ୍ରଶ୍ନ ଭାଗବତ ପଢ଼ିବାର ଶିକ୍ଷା ଜଣା ଅଛି କି ନାହିଁ ବୋଲି ପଚରା ଯାଉଥିଲା, ଏହା ଏକ ନୂତନ ବୋହୂ ର ପ୍ରଥା ଓ କର୍ତ୍ତବ୍ୟ ରହିଥିଲା, ଯାହା ପିଢ଼ି ପରି ଚାଲିଥିଲା। ଭାଗବତ ପୁରାଣର ପଢ଼ିବାର ଶୈଳୀ ଏବଂ ସ୍ୱରୂପ ଅତୀବ ମନୋରମ। ଶ୍ରୀଜଗନ୍ନାଥ ମନ୍ଦିରରେ ପ୍ରତ୍ୟେକ ଦିନ ଭାଗବତ ପଢ଼ାଯାଏ। ଅନେକ ଜ୍ଞାନୀଜନ କୁହନ୍ତି ଭାଗବତ ପଢା ସ୍ୱରରେ ଶୁଣିଲେ ଜ୍ୱରରେ ପୀଡିତ ବ୍ୟକ୍ତି ଉଠି ବସନ୍ତି।

ସେହିପରି ମହିମା ଅଛି ଆଧ୍ୟାତ୍ମିକ ଭାଗବତ ଗ୍ରନ୍ଥରେ ।ଭାଗବତ ଗୁରୁଶିଷ୍ୟ ପରମ୍ପରା କ୍ରମରେ ଚାଲିଆସିଛି ଯଥା ସ୍ୱୟଂ ଭଗବାନ ନାରାୟଣ ଏହାକୁ ବ୍ରହ୍ମାଙ୍କୁ ଦେଲେ ବ୍ରହ୍ମା ଦେଲେ ନାରଦଙ୍କୁ, ନାରଦ ଦେଲେ ବ୍ୟାସ ଦେବଙ୍କୁ ଏବଂ ବ୍ୟାସଦେବ ଦେଲେ ଶୁକଦେବଙ୍କୁ ।ଏଣୁ ଭାଗବତ ଯେତେ ବିସ୍ତୀର୍ଣ୍ଣ ହେବ ଆହୁରି ସେତେ ମାଧୁର୍ଯ୍ୟ ହେଉଥିବ ।

ଶ୍ରୀକୃଷ୍ଣଙ୍କର ମଙ୍ଗଳମୟ ଶାର୍ଦିକ ଅବତାର ଶ୍ରୀମଦ୍ ଭାଗବତ। ପ୍ରଥମ ଓ ଦ୍ୱିତୀୟ ସ୍କନ୍ଦ ତାଙ୍କର ପାଦ ଯୁଗଳ। ତୃତୀୟ ଓ ଚତୁର୍ଥ ତାଙ୍କର ଦୁଇ ଜଙ୍ଘ।ପଞ୍ଚମ ସ୍କନ୍ଦ ତାଙ୍କର ନାଭିପ୍ରଦେଶ। ଷଷ୍ଠ ସ୍କନ୍ଦ ତାଙ୍କର ବକ୍ଷସ୍ଥଳ।ସପ୍ତମ ଓ ଅଷ୍ଟମସ୍କନ୍ଧ ତାଙ୍କର ବାହୁଯୁଗଳ। ନବମସ୍କନ୍ଧ ତାଙ୍କର ଗ୍ରୀବା ପ୍ରଦେଶ । ଦଶମସ୍କନ୍ଧ ତାହାଙ୍କ ପ୍ରଫୁଲ ମୁଖାରବିନ୍ଦ। ଏକାଦଶ ସ୍କନ୍ଦ ଲଲାଟ ବେଶ ଏବଂ ଦ୍ୱାଦଶ ସ୍କନ୍ଧ ତାହାଙ୍କର ମସ୍ତକ,ଏହି ପରି ଭାବରେ ଭାଗବତ ଗ୍ରନ୍ଥରେ ପ୍ରଭୁ ନାରାୟଣଙ୍କୁ ସୁନ୍ଦର ଭାବେ ବର୍ଣ୍ଣିତ କରାଯାଇଛି ।

ଓଡିଆ ଭାଗବତର ମହତ୍ତ୍ୱ ଓ ଏହାର ଉତ୍ପତ୍ତି(Significance of odia Bhagabata and its origin)

ଭାଗବତ