ଓଡ଼ିଶା ଅଟଇ ଆମ ଖାଦ୍ୟର ଭଣ୍ଡାର

ଭିନ୍ନ ଜିଲ୍ଲାରେ ଭିନ୍ନ ଖାଦ୍ୟ ଅଟଇ ଆମର।।

ଅନୁଗୁଳରେ ପ୍ରସିଦ୍ଧ ଅଟେ ଦହି ପଖାଳ

ବିଶ୍ବରେ ଏହାର ଏବେ ପଡ଼ିଛି ଚହଳ।।

କରଡ଼ି ବେସର ପାଇଁ ପ୍ରସିଦ୍ଧ ବୌଦ୍ଧ

ସଭିଙ୍କୁ କିମିଆ କରେ ଏହାର ସ୍ଵାଦ।।

ଭଦ୍ରକରେ ପାଳୁ ଅଲଡୁ ଓ ଛେନା ମୁଡୁକି

ଖାଇବା ପାଇଁ ଯେ ଏଠି ଲୋକେ କରିଥାନ୍ତି ବାକି।।

ବଲାଙ୍ଗୀରରେ ପ୍ରସିଦ୍ଧ ଅଟେ ଚାଉଳ ବରା

କେତେ ଯେ ସ୍ଵାଦିଷ୍ଟ ଅଟେ ସତେ ମନ ଭରା।।

ବରଗଡ଼ ପ୍ରସିଦ୍ଧ ଅଟେ ଆମ୍ବିଳା ପାଇଁ

ଖାଇବାକୁ ଲୋକମାନେ ଏଠି ଧାଆଁ ଧାଇଁ।।

ବାଲେଶ୍ଵରରେ ପ୍ରସିଦ୍ଧ ଅଟେ ପରା ଗଜା

ଗୋଟେ ପରେ ଗୋଟେ ଖାଇ କରୁଥାନ୍ତି ମଜା।।

କଟକରେ ପ୍ରସିଦ୍ଧ ଅଟେ ଦହିବରା ଆଳୁଦମ୍

ଦହିପାଣି ଦେବାରେ ଦୋକାନୀ କରେ ନାହିଁ ଯମା କମ୍।।

ସ୍ଵାଦିଷ୍ଟ ଅଟଇ ପରା ଦେବଗଡ଼ ବେସର

ଯେତେ ଖାଇଲେ ବି ମନହୁଏ ଆତୁର।।

ଢେଙ୍କାନାଳ ପ୍ରସିଦ୍ଧ ଅଟେ ବରା ପାଇଁ

ଗୋଟେ ପରେ ଗୋଟେ ଯାଉଥାନ୍ତି ଖାଇ।।

ଗଞ୍ଜାମରେ ପ୍ରସିଦ୍ଧ ଅଟେ ପାମ୍ପଡ଼,ଆଚାର

ପାଟିରୁ ଲାଳ ବାହାରେ ଶୁଣିଲେ ନାଁ ଏହାର।।

ଗଜପତିରେ ପ୍ରସିଦ୍ଧ ଆଳୁ ପୋଟଳ ରସା

ଯେତେ ଖାଇଲେ ବି ପୁଣି ମନେ ରହେ ଆଶା।।

ଝାରସୁଗୁଡାରେ ଚକୁଳି ପିଠା ଅଟେ ଯେ ପ୍ରସିଦ୍ଧ

ଥରେ ଖାଇ ପୁଣି ଖାଆନ୍ତି ଯଦି କରେ କିଏ ବାଧ୍ୟ।।

ଯାଜପୁରରେ ଚିଙ୍ଗୁଡ଼ି କଷା ଅଟଇ ପ୍ରସିଦ୍ଧ

ଲୋକଙ୍କୁ କିମିଆ କରେ ଆମିଷର ଗନ୍ଧ।।

ଜଗତସିଂହପୁରରେ ଅଟେ ପ୍ରସିଦ୍ଧ କଙ୍କଡା କଷା

ଆମିଷରେ ପରା ବଢେ ଲୋକଙ୍କର ନିଶା।।

ଖୋର୍ଦ୍ଧା ଅଟେ ପ୍ରସିଦ୍ଧ କୋରାଖଇ ପାଇଁ

ପୂଜା ପର୍ବରେ ଏହା ଭୋଗ ଲାଗି ଥାଇ।।

କେନ୍ଦୁଝରରେ ପ୍ରସିଦ୍ଧ ଅଟେ ପରା ବଡ଼ି

ହେଉଥାନ୍ତି ଖାଇବାକୁ ଲୋକେ ଛଡ଼ା ଛଡି।।

କଳାହାଣ୍ଡିରେ ଆରିସା ପିଠା ଅଟଇ ପ୍ରସିଦ୍ଧ

ଖାଇବାକୁ ପରା ଏହା ଲାଗେ ବଡ଼ ସ୍ଵାଦ।।

ଝରା ଅଟକାଳି ପାଇଁ ପ୍ରସିଦ୍ଧ କନ୍ଧମାଳ

ଖାଇବାକୁ ଲୋକ ଯେ ହୁଅନ୍ତି ମାଳମାଳ।।

କୋରାପୁଟରେ ପ୍ରସିଦ୍ଧ ଅଟେ କରଡ଼ି ଭଜା

ଖାଇବାକୁ ଏହା ଲାଗେ ଅତି ମଜା।।

କେନ୍ଦ୍ରାପଡାରେ ପ୍ରସିଦ୍ଧ ଅଟେ ରସାବଳି

ସ୍ଵାଦିଷ୍ଟ ଏତେ ଯେ ଲୋଭ ହୁଏନି ସମ୍ଭାଳି।।

ଶୁଖୁଆ ପାଇଁ ପ୍ରସିଦ୍ଧ ମାଲକାନଗିରି

ପଖାଳ ସହ ଏହାର କିଏ ହେବ ସରି।।

ମୟୂରଭଞ୍ଜ ମୁଢ଼ି ମାଂସ ପାଇଁ ପ୍ରସିଦ୍ଧ ଅଟଇ

ଯେତେ ଖାଇଲେ ବି ତାର ସ୍ଵାଦ ବଢୁଥାଇ।।

ଆଳୁ ବିଲାତି ଖଟା ପାଇଁ ନବରଙ୍ଗପୁର ଯେ ପ୍ରସିଦ୍ଧ

ଭାତ ସହ ଖାଇଲେ ବେଶୀ ଲାଗଇ ସୁଆଦ।।

ନୂଆପଡ଼ା ପ୍ରସିଦ୍ଧ କରଡ଼ି ପାଇଁ

ପାଟିରେ ମାରିଲେ ମନ ନିଏ ମୋହି।।

ଛେନାପୋଡ଼ ପାଇଁ ପ୍ରସିଦ୍ଧ ଅଟେ ନୟାଗଡ଼

ଖାଇବାକୁ ସବୁବେଳେ ଚାଲେ ଧାଆଁ ଦଉଡ।।

ପୁରୀରେ ମହାପ୍ରସାଦ ଓ ଛେନାଝିଲ୍ଲି

ଖାଇଲେ ଲୋକେ ଖୁସିରେ ହୁଅନ୍ତି ଖିଲିଖିଲି।।

ରାୟଗଡାରେ ପ୍ରସିଦ୍ଧ ଅଟେ ଛତୁରାଇ

ଖାଇବାକୁ ଲୋକଙ୍କୁ କରିଥାଏ ବାଇ।।

ସମ୍ବଲପୁର ପ୍ରସିଦ୍ଧ ଅଟେ ଚକାପିଠା ପାଇଁ

ପର୍ବ ପର୍ବାଣୀରେ ଲୋକେ ହୁଅନ୍ତି ଖୁଆ ଖୋଇ।।

ସାରୁପତ୍ର ମାଗୁର ପାଇଁ ପ୍ରସିଦ୍ଧ ସୁନ୍ଦରଗଡ଼

ସଭିଏଁ ଖାଆନ୍ତି ଏଠି ଛୁଆଠାରୁ ବଡ଼।।

୩୦ ଗୋଟି ଜିଲ୍ଲାର ପରା ଅଟେ ଏହି ଖାଦ୍ୟ

ଯାହା ପାଇଁ ଓଡ଼ିଶା ଆମ ଅଟଇ ପ୍ରସିଦ୍ଧ।।

ଓଡ଼ିଆ ଖାଦ୍ୟ

ଓଡ଼ିଶା ଅଟଇ ଆମ ଖାଦ୍ୟର ଭଣ୍ଡାର