ମୋ ମାଟି ଓଡ଼ିଶା , ଯିଏ ଯାବୁଡି ଧରିଛି କଳା ସଂସ୍କୃତି ସଭ୍ୟତା କୁ | ମୋ ମାଟି ସ୍ୱାଭିମାନ ର ମାଟି ଯିଏ ଶିଖାଇଛି ଖଟି ଖାଉ ଆଉ ସ୍ୱାଭିମାନ ସହ ବଞ୍ଚ । ସ୍ଵଳ୍ପ ପଇସା ରେ କେମିତି ବଞ୍ଚିବା ପାଇଁ ହୁଏ ତା ଆମ ଓଡ଼ିଶା ମାଟି ଶିଖାଇଛି।

ଆଉ ଆମର ଆଶା ଏତେ ବଡ ନୁହଁ ,ବାସ୍ ଆମକୁ ଦୁଇ ଓଳି ଦୁଇ ମୁଠା ଖାଦ୍ୟର ଆବଶ୍ୟକ । ଆଉ ପିନ୍ଧିବା ପାଇଁ ସୂତା ଶାଢୀର ଆବଶ୍ୟକ ।

ଆମ ଜୀବନ ଶୈଳି ଭାରି ସରଳ ।

ଆମ ବଞ୍ଚିବାର ରାହା ହେଉଛି କ୍ଷେତ ଆଉ ଆମ ଖାଦ୍ୟ ପଖାଳ ଭାତ । ଆମେ ସାଧା ସିଧା ଜୀବନ ଶୈଳିକୁ ଆପଣେଇ ନେଇ ନେଇଛୁ।

I

ତେଣୁ ଆମକୁ ପଖାଳ ଶାଗଭଜା ,ଆଳୁ ଚଟଣି , ବଡ଼ିଚୁରା , ଡାଲି , ଶଜନା ଛୁଇଁ ରାଇ , ଆଉ ଆମ୍ବୁଲ ର ସ୍ଵାଦ ତ ଜଣେ ଓଡ଼ିଆ ହିଁ କହିପାରିବ ।

ମୋ ରାଜ୍ୟ ଲୋକ କେତେ ସରଳ , କେତେ ନିରିହ ତାହା ତାଙ୍କ ଖାଦ୍ୟରୁ ହିଁ ଅନୁମାନ କରିପାରୁଥିବେ ।

ବହୁ ଦେଶ ବିଦେଶରୁ ସାହେବ ମାନେ କୋଟ, ସୁଟ୍ .ବୁଟ୍ ପିନ୍ଧି ଆସିଥାନ୍ତି। ମୋ ର ଆଉ ଆମ ସଭିଙ୍କର ପ୍ରିୟ ପ୍ରଭୁ ଜଗନ୍ନାଥ ଙ୍କୁ ଦେଖିବା ପାଇଁ । ଏହା ହିଁ ଆମ ଗର୍ବ ଗୌରବ। , ହଁ ଆଜ୍ଞା ମୋ ଜଗାର ସବୁଠୁ ବଡ ବଜାର ଅଛି ଯାହାର ନାମ ଆନନ୍ଦ ବଜାର ଯେଉଁଠି ପ୍ରତିଦିନ ର ଖାଦ୍ୟ ମେନୁ 60 ପଉଟି , ଯାହାର ମୂଲ୍ୟାଙ୍କ ଭାଷାରେ ବର୍ଣ୍ଣନା କରିବା ଅସମ୍ଭବ । ଆଉ 56 ପ୍ରକାର ବ୍ୟଞ୍ଜନ

ଯେପରି- ଅନ୍ନ, ଖାଣ୍ଟି ଗୁଆଘିଅରେ ତିଆରି ଘିଅ ଅନ୍ନ ,

ଶାଗଭଜା, ଶାଗମୁଗ, ମିଠା ଡାଲି , ଶାଲାଟ, ବଢିବେଶର, କାନିକା , ଅଦାପଖାଳ , ମିଠା ପଖାଳ, ପଖାଳ, ଛେନା ଝିଲି ,ମୁଆଁ , ରଶାବଳି , ତାଡିଆ , ରସଗୋଲା, ଲଡୁ, ଛେନାପୋଡ଼, ରସାବଳୀ ,ଇତ୍ୟାଦି ଅନେକ ପ୍ରକାର ର।ଯାହା ଆମ ଜଗା ର ପସନ୍ଦ ତାହା ଆମ ଓଡ଼ିଆ ଙ୍କର ପସନ୍ଦ । ତାହା ହିଁ ଆମ ଓଡ଼ିଆ ର ଖାଦ୍ୟ । ଓଡ଼ିଶାରେ ସବୁଠୁ ବଡ଼ କଥା ହେଲା ଭକ୍ତ ଆଉ ଭଗବାନ ସରସ୍ପର ପରିପୂରକ । ତେଣୁ ପ୍ରଭୁଙ୍କ ପାଖରେ ଯାହା ଭୋଗ ଲାଗି ହୁଏ ତାହା ଆମ୍ ଓଡ଼ିଆ ଙ୍କ ପ୍ରିୟ ଖାଦ୍ୟ ଭାବେ ପରିଚିତ । ଜୟ ଜଗନ୍ନାଥ ଜୟ ଓଡ଼ିଶା ମାଟି ।

ଲେଖିକା- ରାଜଶ୍ରୀ ପଣ୍ଡା

ଭଦ୍ରକ

ଓଡ଼ିଆ ଖାଦ୍ୟ