"ପୁରୀ ରେ ଜାତି ନାହିଁ

କି

କଟକ ରେ ରାତି ନାହିଁ "

କଟକ ବିଷୟରେ ଭାବିଲେ ଏହି କଥାଟି ମନେପଡେ, ସତରେ ପୁରୀ ରେ ଯେପରି କୌଣସି ଜାତି ପ୍ରତି ଭେଦ ଭାବ ନାହିଁ ଠିକ ସେହିପରି କଟକ ରେ କଣ ଦିନ କଣ ରାତି |ଏହି ରୌପ୍ୟ ନଗରୀ କଟକ ନଗରୀ, ଯେଉଁଠି ରହିଛି ଉତ୍କଳ ର ଗର୍ବ ଗୌରବ କଥା, ସ୍ୱାଧୀନତା ପରବର୍ତ୍ତୀ ହେଉ କିମ୍ବା ପୂର୍ବବତ୍ତୀ ଅବସ୍ଥା ଏହି ନଗରୀ ର ଅନେକ ଭୂମିକା ରହିଛି, ନିଜର ଦୀର୍ଘ ଇତିହାସ ରହିଛି, କେତେ ବୀର ଜନ୍ମ ନେଇଛନ୍ତି ଏବଂ ନିଜ ର କର୍ମ ସାରି ଏହାରି କୋଳ ରେ ଶୋଇପଡିଛନ୍ତି ନିରୋଳା ରେ |

କର୍ମବୀର ଗୌରୀଶଙ୍କର, ଆର୍ତ୍ତ ବଲ୍ଲଭ ମହାନ୍ତି, ଉତ୍କଳ ଗୌରବ ମଧୁସୂଦନ ଦାସ, ଏହି ମହାପୁରୁଷ ପାଇଁ କଟକ ଆଜି ଧନ୍ୟ, ଉତ୍କଳ ଦୀପିକା, ସମାଜ ପରି ପତ୍ରିକା ଯାହାର ଅଙ୍କ ରୁ ପ୍ରକାଶିତ ହୋଇଥିଲା |

ଏହି ସହର ରେ ଓଡ଼ିଆ ସଂସ୍କୃତି ଓ ପରମ୍ପରା ନିଆରା ଢଙ୍ଗ ରେ ପାଳିତ ହୁଏ,ସବୁ ପର୍ବ ମଧ୍ଯ ରେ ଦଶହରା ଟି ଖୁବ ପ୍ରସିଦ୍ଧ, ମା ଦୁର୍ଗା ଆଗମନ ପାଇଁ କଟକ ମାସ ଟି ଆଗରୁ ନିଜକୁ ପ୍ରସ୍ତୁତ କରେ, ଜାଗା ଜାଗା ରେ ଆଲୋକ ପ୍ରଜ୍ବଳିତ ହୁଏ, ବଡ଼ ବଡ଼ ମଣ୍ଡପ ରେ ମହିଷାମର୍ଦିନୀ ମା ସୁନା ଓ ରୁପା ମୁକୁଟ ପିନ୍ଧି ଖୁବ ସୁନ୍ଦର ଦିଶୁଥାନ୍ତି, ସପ୍ତମୀ ଠୁ ଦଶମୀ ପର୍ଯ୍ୟନ୍ତ କଟକ ରେ ଜନଗହଳି ର ସମାଗମ ଘଟେ, କେତେ ଯେ ଭିଡ଼ କହି ହୁଏ ନା, ଝିଅ କୁ ବିଦା କଲା ବେଳ ର ଅଶ୍ରୁଳ ଦୃଶ୍ୟ ଦେଖିବାକୁ ମିଳେ ଭସାଣି ଦିନ,ଦୋକାନ ବଜାର ବନ୍ଧ ଥାଏ ଲୋକ ମାନେ ସବୁ ଆସିଥାନ୍ତି ମା ଙ୍କୁ ବିଦାୟ ଦେବା ଲାଗି, କଲେଜ ଛକ ଠାରୁ ବକ୍ସିବଜାର ଓ ଆହୁରି ଅଧିକ ରାସ୍ତା ପର୍ଯ୍ୟନ୍ତ ମୁରଣ୍ମୟୀ ପ୍ରତିମା ର ଭିଡ଼ ଲାଗିଥାଏ |

ମୁଁ ମୋ କାହାଣୀ ରେ ମୋ ଜୀବନ ର ଅନୁଭୂତି ଟିକୁ ରଖୁଛି, ମୁଁ ସ୍ନାତକ ଓ ସ୍ନାତକୋତ୍ତର ପଢିବା ବେଳେ ବୁଲି ଦେଖିଥିବା କଟକ ସହର କୁ |

ଘରେ ସବୁବେଳେ କଥା ହୁଅନ୍ତି ଚଣ୍ଡୀ ମନ୍ଦିର ଯିବା, ମୁଁ ଥରେ ଅଧେ ଯାଇଥିଲେ ବି ମନରୁ ପାସୋରି ଯାଇଥାଏ ଏହି ମନ୍ଦିର ଟି, ଖ୍ରୀଷ୍ଟ ମହାବିଦ୍ୟାଳୟ ରେ ନାମ ଲେଖା ପରେ, ବୋଉ ମତେ କହିଲା ଆଜି ଟିକେ ଚଣ୍ଡୀ ମନ୍ଦିର ଯିବୁ , ମୁଁ କହିଲି କୋଉଠି ଅଛି ମୋ କଲେଜ ଠୁ ଦୁର ହେବ ବଧେ, ବାବା କହିଲେ ଆଲୋ ହୁଣ୍ଡୀ ତୁ ତମେ କଲେଜ ର ପଛ ଗେଟ ରେ ଛିଡା ହେଲେ ସାମ୍ନା ରେ ଚଣ୍ଡୀ ମନ୍ଦିର ଦେଖାଯିବ, ମୁଁ କଲେଜ ଆସି ଦେଖେଇ ଆରେ ସତେ ତ ଏତେ ପାଖରେ ଥାଇ ମଧ୍ଯ ମୁଁ କଲେଜ ଆସିବ ର ବର୍ଷେ ମଧ୍ୟ ରେ ଦେଖିନି, ସେଠିକୁ ଗଲି ମା କଟକ ଚଣ୍ଡୀ କଟକ ର ଅଧିଷ୍ଠାତ୍ରୀ ଦେବୀ ଙ୍କୁ ଦେଖି ଲି, ମନ ରେ ଭାରି ରାଗ ଆସିଲା ନିଜ ପ୍ରତି କେଡେ ଗଧ ଟିଏ ମୁଁ, ଏତେ ପାଖରେ ମା ଥାଇ ତାଙ୍କୁ ଦେଖି ନାହିଁ, ସେଠୁ ସ୍ଥିର କଲି, ଏହି କଲେଜ ଜୀବନ ରେ ଯେତିକି ମୋ ଦ୍ୱାରା ସମ୍ଭବ ସ୍ଥାନ ବୁଲିବି ଓ ଦେଖିବି |

ଏହାପରେ ମୋର ସ୍ନାତକୋତ୍ତର ଆରମ୍ବ ହେଲେ, ତାହାବି ଶୈଳବାଳ ମହାବିଦ୍ୟାଳୟ ରେ, ସେଠି ପଢିବା ବେଳେ, ମୁଁ ବାରବାଟୀ ଯିବି ବୋଲି ସ୍ଥିର କଲି, ସେଠୁ ସହପାଠୀ ଙ୍କୁ ରାଜି କରି ଆମେ ଚାଲିଲୁ, ଗଡ଼ଚଣ୍ଡୀ ଓ କିଲ୍ଲା ପଡିଆ, ବାରବାଟୀ ଦୁର୍ଗ ଆଦି ଦେଖିବାକୁ, ସେଠୁ ବୁଖାରି ବାବା ପାର୍କ ର ପରିଦର୍ଶନ ମଧ୍ଯ କଲୁ, ବାରବାଟୀ ବିଶାଳ ଦୁର୍ଗ ଯାହାବିଷୟ ରେ କେତେ ପଡ଼ିଛୁ ହେଲେ ଆଜି ଦର୍ଶନ ମିଳିଲା, କିଲ୍ଲା ପଡିଆ ରେ କେତେ ସୈନିକ ମାନଙ୍କୁ ତାଲିମ ଦିଆଯାଉ ଥିଲା, ତାକୁ ଦେଖିବା ରୁ ମନେ ପଡିଲା |

STAE MARITIME MUSEUM ଦେଇ ପ୍ରତିଦିନ କଲେଜ ଯାଏ ହେଲେ କେବେ ଦେଖିବା ର ସୌଭାଗ୍ୟ ପ୍ରାପ୍ତି ହେଇନଥିଲ,2021

ଅକ୍ଟୋବର ରେ ଏହା କୁ ଦେଖିବା କୁ, ଗଲି ଖୁବ ସୁନ୍ଦର ପ୍ରୟାସ କରିଛନ୍ତି ଆମ ଓଡିଶା ସରକାରୀ, ଯେଉଁଠି ନୌବଣିଜ ର ଏତେ ବଡ଼ ବନ୍ଦର ଥିଲା ତାକୁ ଏବେ museum କରି ଆଗାମୀ ପିଢ଼ି ପାଇଁ ନିଜ ର ପୁରୁଣା ପରମ୍ପରା ଓ ଗୌରବ ର ଇତିହାସ କୁ ସଂରକ୍ଷଣ କରିଛନ୍ତି ଓ ଆମେ ସବୁ ଜାଣୁ ଏହି ନୌବଣିଜ ର ପରାମ୍ପରା ର ପ୍ରତିକ ସ୍ୱରୂପ ଆମ କଟକ ରେ କାର୍ତ୍ତିକ ପୂର୍ଣ୍ଣିମା ଦିନ ଐତିହାସିକ ବାଲିଯାତ୍ରା ର ଆୟୋଜନ ହୁଏ, ଯାହା ଏସିଆ ର ସବୁଠୁ ବଡ଼ ଯାତ୍ରା ଅଟେ |

କଟକ କୁ ବର୍ଷକ ବାରମାସ ପାଣି ଯୋଗାଉଥିବା ନଦୀ ମହାନଦୀ ଯେଉଁଥିରେ ବଡି ଆସିଲେ, ବଡ଼ ବଡ଼ ଗେଟ ଖୋଲିଲେ ଆନିକଟ ପୋଲ ଉପରେ ଦର୍ଶକ ଙ୍କ ଭିଡ଼ ଜମେ, ସେମିତି ବି ଗ୍ରୀଷ୍ମ କାଳ ରେ ମହାନଦୀ ର ସୁନ୍ଦର ଦୃଶ୍ୟ ପାଇଁ ଗୋଧୂଳି ଲଗ୍ନ ରେ କେତେ ଯେ ଗହଳି ଲାଗେ,

ସାହିତ୍ୟ ପ୍ରତି ଆଗ୍ରହ ମତେ ନେଇଯାଇଥିଲା, କଟକ ର ଟାଉନ ହଲ ପାଖକୁ ଯେଉଁଠି ଉତ୍କଳ ସାହିତ୍ୟ ସମାଜ ଓ ସାରଳା ସାହିତ୍ୟ ଭବନ ଦେଖିବା ର ସୌଭାଗ୍ୟ ଏବଂ ସେଠାରେ ଆୟୋଜିତ ସାହିତ୍ୟିକ ସଭାରେ ଯୋଗ ଦେବାର ସୁଯୋଗ ମତେ ମିଳିଥିଲା, ଏହା ସମ୍ଭବ ହୋଇଥିଲା ମୋ ଅଧ୍ୟାପକ ଙ୍କ ସାହାଯ୍ୟ ରେ, ଅବଶ୍ୟ ବାଟ ଦେଖିବା ପାଇଁ ତଥା ସହପାଠୀ ଙ୍କୁ ପରଦିନ ଉଚିତ ସମୟ ରେ ସେହି ସ୍ଥାନ କୁ ନେବା ପାଇଁ ମତେ ପୂର୍ବ ଦିନ ଖରାବେଳେ ଏହି ସ୍ଥାନ କୁ ଖୋଜିବାକୁ ପଡିଥିଲା,ତାହାବି Google map ସାହାଯ୍ୟ ରେ |

, ବାଲୁ ବଜାର, ବିନୋଦ ବିହାରୀ ଛକ, ଓଡ଼ିଆ ବଜାର, ଆକାଶ ବାଣୀ କେନ୍ଦ୍ର, ହାଇକୋର୍ଟ, ନରାଜ ର ମୁଣ୍ଡୁଳି ବା ମୟୁର ଗାଁ, ଧବଳେଶ୍ୱର, ଲୋକସେବା ଆୟୋଗ, ଏହିପରି ଅନେକ ସ୍ଥାନ ଅଛି ଆମ କଟକ ରେ |

ମୁଁ ମୋ କାହାଣୀ ରୁ ମୁଁ ଦେଖିଥିବା କଟକ ସହର ବିଷୟରେ ବର୍ଣ୍ଣନା କଲି ଯାହା କଟକ ନଗରୀ ର ତାଳ ରୁ ତିଳେ ମାତ୍ର ଅଟେ |

ଓଡିଶା ର ପ୍ରାଚୀନ ସହର କଟକ