କଟକ ସ୍ଥିତ ବିଶେଶ୍ଵର ଫୁଡୁ (ଫାର୍ମ-ବି ) ଉଦ୍ୟୋଗର ପ୍ରତିଷ୍ଠାତା ଓ ନିର୍ଦ୍ଦେଶିକା ରଶ୍ମି ସାହୁ ଚଳିତ ବର୍ଷର ସ୍ପେନ ମାଦ୍ରିଦ୍ ରେ

ଆଇଡବ୍ଲୁୟ୍ଯଇସି ଫାଉଣ୍ଡେସନ ତରଫରୁ ଆୟୋଜିତ ଆନ୍ତର୍ଜାତିକ ମହିଳା ଉଦ୍ୟୋଗୀ ସମାବେଶ ୨୦୨୨ ରେ ସମ୍ମାନଜନକ ମହିଳା ଉଦ୍ୟୋଗୀ ଶ୍ରେଷ୍ଠ୨୦୨୨ ସମ୍ମାନରେ ସମ୍ମାନିତ କରାଯାଇଥିଲା ।

ଅନେକ ପ୍ରତିଭାବାନ ଆନ୍ତର୍ଜାତିକ ମହିଳା ଉଦ୍ୟୋଗୀ ମାନଙ୍କ ସମାବେଶ ସ୍ପେନ ରେ ଆୟୋଜିତ ହୋଇଥିବା ବେଳେ ଭାରତର ତିନୋଟି ମହିଳାଙ୍କୁ ଯୋଗ୍ୟ ଚୟନ କରାଯାଇଥିବା ବେଳେ ଆମ ଓଡ଼ିଶା ର ପ୍ରଥମ ମହିଳା ଶ୍ରୀମତୀ ରଶ୍ମି ସାହୁ ଯୋଗ୍ୟ ବିବେଚିତ ହୋଇ ଶ୍ରେଷ୍ଠ ମହିଳା ଉଦ୍ୟୋଗୀ- ୨୨ ସମ୍ମାନ ପାଇଁ ଓଡ଼ିଶା ପ୍ରଦେଶ କୁ ଗୌରବ ମଣ୍ଡିତ କରିଛନ୍ତି।

ଓଡ଼ିଶା ର ଅଗ୍ରଣୀ ଖାଦ୍ୟ ପ୍ରସ୍ତୁତକାରୀ ଉଦ୍ୟୋଗ ବିଶେଶ୍ଵର ଫୁଡ୍ ପ୍ରାଇଭେଟ୍ ଲିମିଟେଡ ର ପ୍ରତିଷ୍ଠାତା ଓ ନିର୍ଦ୍ଦେଶିକା ଭାବେ ଚୟନ ପ୍ରକ୍ରିୟାରେ କୃତିତ୍ଵ ଅର୍ଜନ କରିଛନ୍ତି। ଓଡ଼ିଶା ରେ ଜନ୍ମଗ୍ରହଣ କରିବା ପରେ ଅନେକ ଦେଶ ବିଦେଶର ଭ୍ରମଣ କରି ଖାଦ୍ୟ ପ୍ରସ୍ତୁତିକରଣ ଓ ପ୍ୟାକେଜିଂ କ୍ଷେତ୍ରରେ ସଫଳ ଅଭିଜ୍ଞତା ଅର୍ଜନ କରି ଇଟାଲିୟନ ଓ ଅନ୍ୟାନ୍ୟ ଦେଶ ମାଧ୍ୟମରେ କୃଷି ଭିତ୍ତିକ ସ୍ବାସ୍ଥ୍ୟ ହିତକର ଖାଦ୍ୟ ଗୁଡିକ ଯଥା---

ଓଟସ,

କର୍ଣ୍ଣପ୍ଲେକ୍ସ,

ମ୍ୟୁସେଲି,

ଚକୋଚିସ,

ଗ୍ଲୁଟିନ ଫ୍ରି ଅଟା,

କୁକିଜ୍

ଆଦି ପ୍ରସ୍ତୁତ କରି ପାରିଛନ୍ତି। ଓଡ଼ିଶା ର ଘରେ ଘରେ ପରିଚିତ ରୁଚି ଉଦ୍ୟୋଗ ଅଧିନସ୍ଥ ଫ୍ରୋଜିଟର ମଧ୍ୟ ପ୍ରତିଷ୍ଠାତା ହେଉଛନ୍ତି ରଶ୍ମି ସାହୁ।ଫ୍ରୋଜିଟ ଓଡ଼ିଶା ରପ୍ରଥମ ଫ୍ରୋଜନ ଫୁଡ୍ ଉଦ୍ୟୋଗ ହେଉଥିବା ବେଳେ ଶ୍ରୀମତୀ ସାହୁ ଫ୍ରୋଜିଟ ମାଧ୍ୟମରେ ବିଭିନ୍ନ ପ୍ରକାର ଯୁଗୋପଯୋଗୀ ରେଡି-ଟୁ-ଇଟ,ରେଡି-ଟୁ- କୁକ ପ୍ରିମିୟମ, ମୃଦୁ ପାନୀୟ ଓ ସ୍ବାସ୍ଥ୍ୟ ହିତକର ଖାଦ୍ୟ ଯଥା--

ସତୁଆ,

ଚୂଡା ପାଉଡର,

ଦଲିଆ

ମାଣ୍ଡିଆ ଇତ୍ୟାଦି ଅନେକ ପ୍ରକାର ଖାଦ୍ୟ ପ୍ରସ୍ତୁତ କରିପାରିଛନ୍ତି। ଏହି ସମସ୍ତ ଖାଦ୍ୟ ପଦାର୍ଥକୁ ଓଡ଼ିଶା ଓ ଓଡ଼ିଶା ବାହାରେ(ପୋଡପିଠା) ଓ କ୍ଷୀରିକୁ ସ୍ବତନ୍ତ୍ର ପ୍ୟାକେଜିଂ ମାଧ୍ୟମରେ ଫ୍ରୋଜିଟ ଦେଶବିଦେଶରେ ଖାଉଟିମାନଙ୍କୁ ପରଷିବା ରେ ସଫଳ ଦକ୍ଷତା ହାସଲ କରିଛନ୍ତି।

ଡ଼ଃ ଶରତ କୁମାର ସାହୁ ଙ୍କ ସୁକନ୍ୟା ଅଟନ୍ତି ରଶ୍ମି ସାହୁ । ଜଣେ ସଫଳ ପିତାଙ୍କ ପ୍ରେରଣା ପଦାଙ୍କ ଅନୁସରଣ କରି ଖୁବ୍ କମ୍ ସମୟରେ ଦେଶ ବିଦେଶରେ ଖ୍ୟାତନାମା ଅର୍ଜନ କରିଛନ୍ତି। ଓଡ଼ିଶା, ବିହାର, ଝାଡ଼ଖଣ୍ଡ,ଆସାମ, ଦିଲ୍ଲୀ, ପଶ୍ଚିମବଙ୍ଗ, ଆନ୍ଧ୍ର ପ୍ରଦେଶ, ଉତ୍ତର ପ୍ରଦେଶ ଆଦି ଅନେକ ରାଜ୍ୟରେ ନିଜର ବ୍ୟବସାୟିକ ସାମ୍ରାଜ୍ୟ ବିସ୍ତାର କରି ପାରିଛନ୍ତି। ଏତଦ୍ ବ୍ୟତୀତ ୧୦ଟି ବିଦେଶରେ ପରିଭ୍ରମଣ କରିବା ସହିତ୧୦୦ରୁ ଉର୍ଦ୍ଧ୍ବ ଜାତୀୟ ଓ ଅନ୍ତର୍ଜାତୀୟ ଖାଦ୍ୟ ସମ୍ମିଳନୀ ସମାବେଶ ରେ ପ୍ରତିନିଧିତ୍ଵ କରିପାରିଛନ୍ତି।ଆଇସିଡବ୍ଲୁୟୁଇସି ଶ୍ରେଷ୍ଠ ଉଦ୍ୟୋଗ ମହିଳା ସମ୍ମାନ -୨୦୨୨ ତାଙ୍କ ପାଇଁ, ଓଡ଼ିଶା ଓ ଓଡ଼ିଶା ବାସୀଙ୍କ ତଥା ଭାରତ ବାସୀ ଙ୍କ ଗର୍ବ ଓ ଗୌରବର ଏହି ପୁରସ୍କାର ତାଙ୍କୁ ଆଗକୁ ବୃଦ୍ଧି କରିବାରେ ପ୍ରେରଣା ଯୋଗାଇବା ସହ ଆନ୍ତର୍ଜାତିୟ ବଜାରରେ ଫାର୍ମ -ବି,ଫ୍ରୋଜିଟ ଓ ରୁଚିର ଚାହିଦା ବୃଦ୍ଧି ଘଟିବା ସହ ସଫଳତାର ଶୀର୍ଷକୁ ପହଞ୍ଚିପାରେ ଏହା ବିଶ୍ଵାସ ରଖିଛନ୍ତି ।ନିଜ ପିତା ଓ ଓଡ଼ିଶା ଦେଶବାସୀ ତଥା ସହକର୍ମୀ ମାନଙ୍କ ସାହାଯ୍ୟ ଓ ପ୍ରେରଣା କାରଣରୁ ଏହି ସଫଳ ପାଇଛନ୍ତି ଏବଂ ସମସ୍ତଙ୍କୁ କୃତଜ୍ଞତା ଜ୍ଞାପନ କରିଛନ୍ତିି ।

ଏହି ପରି ସଫଳ ମହିଳା ଉଦ୍ୟୋଗୀ ଆମ ଓଡ଼ିଶା ରେ ରହିଥିବା ସମସ୍ତ ମହିଳାଙ୍କ ପ୍ରେରଣାର ଉତ୍ସ।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

--ମୋ--୯୩୪୮୨୮୫୪୧୬

ଓଡ଼ିଶା ର ସଫଳ ମହିଳା ଉଦ୍ୟୋଗୀ

ସଫଳତା ମହିଳା ଉଦ୍ୟୋଗୀଙ୍କ ଅନୁଭବ