"କୁହନ୍ତୁ କେମିତି ଅଛନ୍ତି ଆପଣ।ଆଶା କରୁଛି ଜଗନ୍ନାଥ ଙ୍କ କୃପା ରୁ ସୁଖ ରେ ଥିବେ।"

ଉପରୋକ୍ତ ଉକ୍ତି ଟିରେ ବ୍ୟକ୍ତି ଙ୍କ ପ୍ରତି ଉଚିତ ସମ୍ମାନ, ବ୍ୟକ୍ତି ଟି ସହ ଭାବ ର ଆଦାନ ପ୍ରଦାନର ପ୍ରଥମ ମଜବୁତ ସୋପାନ ଏବଂ ସର୍ବୋପରି କର୍ଣ ମଧୁର ଧ୍ବନି ଟି ଆମ ଓଡ଼ିଆ ଭାଷା ର ପରିଚୟ। ଅନ୍ୟ ସହ ନିଜ ମନର ଭାବନା କୁ ବାଣ୍ଟିବା ପାଇଁ ବ୍ୟବହାର କରୁଥିବା ମାଧ୍ୟମ କୁ ଭାଷା ବୋଲି କହିପାରିବା। ତେବେ ଏହାର ଆରମ୍ଭ କେବେ ହୋଇଥିଲା ତାର କୌଣସି ଜ୍ଞାନ କାହା ପାଖରେ ନାହିଁ। ଓଡ଼ିଆ ଆମ ଭାଷା,ଆମ ମାତୃଭାଷା,ଆମ ଗର୍ବ,ଆମ ପରିଚୟ।ତେବେ ଦୁନିଆ ରେ ପ୍ରାୟ ୭୦୦୦ ଟି ଭାଷା ରହିଛି। କେବଳ ଭାରତ ରେ ୧୨୧ ଟି ଭାଷା ରହିଛି।ତା ମଧ୍ୟ ରୁ ଓଡ଼ିଆ ଭାଷା ଅନ୍ୟତମ ।ତେବେ ଏ ଭାଷାର ଉଦ୍ଭାବନ କେବେ ହୋଇଥିଲା ତାର କୌଣସି ପ୍ରାମାଣିକ ଇତିହାସ ନାହିଁ।

ଇତିହାସ

••••••

ଓଡ଼ିଆ ଭାଷା କୁ ଜାଣିବା ପୂର୍ବରୁ ଜାଣିବାକୁ ପଡ଼ିବ ଓଡ଼ିଶା ବିଷୟରେ। ଓଡ଼ିଶା ର ପୂର୍ବ ନାମ ଓଡ୍ର ବୋଲି ଜଣାପଡିଛି। ବିଭିନ୍ନ ଗ୍ରନ୍ଥ ଏବଂ ପୁରାତନ ଲେଖକ ମାନେ ଏହାର ପ୍ରମାଣ ଦେଇଛନ୍ତି। ଓଡ଼ିଶା ର ଏହି ପୂର୍ବ ନାମ ଅନୁଯାୟୀ ଏଠିକାର ଅଧିବାସୀ ଙ୍କୁ ଓଡକ ବା ଓଡ୍ର ବୋଲି ସମ୍ବୋଧନ କଲେ । ଓଡ଼ିଆ ଭାଷା ଏକ ଇଣ୍ଡୋ-ଆର୍ୟ ଭାଷା ।ଭାଷାବିଜ୍ଞାନୀ ମାନେ ମତ ଦିଅନ୍ତି ଯେ ଓଡ଼ିଆ ଭାଷା ଆଜକୁ ୨୫୦୦ ବର୍ଷ ତଳୁ ବୋଲାଯାଇ ଆସୁଛି। ଝାରସୁଗୁଡ଼ା, କଳାହାଣ୍ଡି ର ବିଭିନ୍ନ ଗୁମ୍ଫା ରୁ ମିଳିଥିବା ବିଭିନ୍ନ ଚିତ୍ରକଳା ଅକ୍ଷର ଲିପି ଏହାର ପ୍ରମାଣ।

ଧଉଳୀ, ଖଣ୍ଡଗିରି, ହାତିଗୁମ୍ଫା ର ଶିଳାଲିପି ଆଦିରୁ ଜଣାଯାଏ ଯେ ଆଧୁନିକ ଓଡ଼ିଆ ଭାଷାର ମୂଳ ଆସିଛି ପାଲି ଭାଷା ରୁ ଏବଂ ଏହା ବ୍ରାହ୍ମୀ ଲିପିରେ ଲିଖିତ। ଓଡ଼ିଆ ଭାଷା ର ବ୍ୟବହାର ୭ଶତାବ୍ଦୀ ରେ ତାଳ ପତ୍ରରେ ଦେଖିବାକୁ ମିଳେ ଯାହା ପ୍ରମାଣ କରେ ଯେ ଏହା ଏକ ବହୁ ପୁରାତନ ଭାଷା। ନେପାଳ ର ଚର୍ଯା ସାହିତ୍ୟ ହେଉଛି ଓଡ଼ିଆ ସାହିତ୍ୟର ସବୁଠୁ ବଡ଼ ଗନ୍ତାଘର।ବାକି ଭାରତୀୟ ଭାଷା ଅପେକ୍ଷା ଓଡ଼ିଆ ଭାଷା ପାର୍ସୀ ବା ଆରବୀ ଭାଷା ର ପ୍ରଭାବ ଖୁବ୍ କମ୍।

ଭାଷା ସମ୍ମାନ

•••••••••

ଭାରତର ୨୨ଟି ଜାତୀୟ ଭାଷା ମଧ୍ୟରୁ ଓଡ଼ିଆ ଅନ୍ୟତମ।ସରକାରୀ ଭାଷାର ମାନ୍ୟତା ପ୍ରାପ୍ତ କରିବା ପୃର୍ବରୁ ହିନ୍ଦୀ ତଥା ଇଂରାଜୀରେ ଓଡ଼ିଶା କୁ Orissa ବା उरीसा ବୋଲି ସମ୍ବୋଧନ କରାଯାଉଥିଲା। ଦୀର୍ଘ ଦିନର ଦାବି ପରେ ୨୦୧୪ ମସିହା ୨୦ ଫେବୃଆରୀ ରେ ଆମ ଭାଷା ଭାରତର ଷଷ୍ଠ ଶାସ୍ତ୍ରୀୟଭାଷାର ମାନ୍ୟତା ପ୍ରାପ୍ତ ହୋଇଥିଲା। ମାର୍ଚ୍ଚ ୧୧ ତାରିଖରେ ଏହାର ବିଜ୍ଞପ୍ତି ପ୍ରକାଶ କରିଥିବାରୁ ଏହି ଦିନ ଟିକୁ ଶାସ୍ତ୍ରୀୟ ଓଡ଼ିଆ ଭାଷା ଦିବସ ରୁପେ ପାଳନ କରାଯାଇଥାଏ।

ବର୍ତମାନ ସମୟ

••••••••••

ଭାରତ ର ପୂର୍ବ ଉପକୂଳ ରେ , ବଙ୍ଗୋପସାଗର ର ତଟ ରେ ଅବସ୍ଥିତ ଆମ ରାଜ୍ୟ ଓଡ଼ିଆ।୩କୋଟି ଲୋକଙ୍କ ଏହି ରାଜ୍ୟର ମାତୃଭାଷା ଓଡିଆ।ତାଠୁ ଆହୁରି ସୁନ୍ଦର କଥା ଟି ଏଠି ଓଡ଼ିଆ ରେ ବି ବିଭିନ୍ନତା ଅଛି। ଓଡ଼ିଶା ଛଡା ଝାରଖଣ୍ଡ, ଛତିଶଗଡ଼ର ତଥା ପଶ୍ଚିମବଙ୍ଗର, ଉପକୂଳ ଆନ୍ଧ୍ର ର ବିଭିନ୍ନ ସ୍ଥାନରେ ମଧ୍ୟ ଓଡ଼ିଆ ଭାଷା ବ୍ୟବହାର ହୁଏ। ଓଡ଼ିଆ ଝାଡ଼ଖଣ୍ଡ ର ୨ୟ ଭାଷା ର ମାନ୍ୟତା ପାଇଛି। ଜଗନ୍ନାଥଙ୍କ ସବୁଠୁ ପ୍ରିୟ ଓଡ଼ିଆ।

ଆଜିର ଏଇ ଐତିହ୍ୟ କୁ ପାଇବା ପାଇଁ ଆମ ରାଜ୍ୟ ତଥା ରାଜ୍ୟ ବାସୀ ବହୁ ଲଢେଇ ଲଢ଼ିଛନ୍ତି।ଆମର କର୍ତ୍ତବ୍ୟ ଯେ ଆମେ ଏହି ଧରୋହର କୁ ସମ୍ମାନ ର ସହ ଆଗକୁ ବଢ଼ାଇବା। ଓଡ଼ିଆ ଲେଖିବା, ଓଡ଼ିଆ ପଢିବା। ଓଡ଼ିଆ ଭାଷା କୁ ଗର୍ବରେ କହିବା ।

ଏବଂ ସେଥିପାଇଁ ଆମର ପ୍ରିୟ କବି, ସ୍ବଭାବ କବି ଗଙ୍ଗାଧର ମେହେର ବି କରିଯାଇଛନ୍ତି ---

ମାତୃଭୂମି, ମାତୃଭାଷାର ମମତା ଯା ହୃଦେ ଜନମି ନାହିଁ,

ତାକୁ ଯଦି ଜ୍ଞାନୀ ଗଣରେ ଗଣିବା, ଅଜ୍ଞାନୀ ରହିବେ କାହିଁ ‌।।rm

ପରମିତା ମିଶ୍ର

ବ୍ରହ୍ମପୁର -୧୦

ଓଡ଼ିଶା ରେ ଓଡ଼ିଆ (odia in odisha)

"କୁହନ୍ତୁ କେମିତି ଅଛନ୍ତି ଆପଣ।ଆଶା କରୁଛି ଜଗନ୍ନାଥ ଙ୍କ କୃପା ରୁ ସୁଖ ରେ ଥିବେ।"