ନାରୀ ମାନେ ସର୍ବଗୁଣ ସମ୍ପର୍ଣ୍ଣା।ସତରେ ଚପଲ ସିଲେଇ ଠୁ ଚଣ୍ଡୀପାଠ ଯାଏଁ ତାଙ୍କୁ ସବୁକିଛି ଜଣା!ସେମିତି ନାରୀମାନେ ଖେଳକୁଦ ରେ ମଧ୍ୟ ବାଜିମାତ୍।ସେମାନେ କ୍ରୀଡା ରେ ମଧ୍ୟ ନିଜର ଅଲୌକିକ ପ୍ରତିଭା ପରିଦର୍ଶିତ କରି ସମାଜ କୁ ଅବାକ୍ କରିଦେଇଛନ୍ତି।କ୍ରୀଡା ର ପାରଙ୍ଗମତା ସେମାନଙ୍କୁ ଦେଶ ବିଦେଶରେ ବିଖ୍ୟାତ କରେଇଛି।ସେହି ଅନେକ ଜଣ ମହିଳା କ୍ରୀଡାବିତ୍ ଙ୍କ ମଧ୍ୟରୁ ଆମ ଓଡିଶା ର ମହିଳା କ୍ରୀଡାବିତ୍ ଦୂତୀଚାନ୍ଦ୍ ଅନ୍ୟତମ।ସେ ହେଉଛନ୍ତି ଆମ ଓଡିଶା ମାଟିର ଗର୍ବ ଓ ଗୌରବ।

ଦୂତୀ ଚାନ୍ଦ୍ ୩ ଫେବୃୟାରୀ ୧୯୯୬ରେ ଓଡ଼ିଶାର ଯାଜପୁର ଜିଲ୍ଲାସ୍ଥ ଗୋପାଳପୁରରେ ଜନ୍ମ ଗ୍ରହଣ କରିଥିଲେ।ପିତା ଚକ୍ରଧର ଆନନ୍ଦ ଓ ମାତା ଅଖୁଜି ଆନନ୍ଦ ବୁଣାକାର ପରିବାରର ଅଟନ୍ତି।ଭଉଣୀ ସରସ୍ୱତୀ ଚାନ୍ଦ ହେଉଛନ୍ତି ଦୂତୀଙ୍କର ପ୍ରେରଣାର ଉତ୍ସ।ସେ ଜଣେ ମହିଳା ଧାବିକା ଅଟନ୍ତି।ଦାରିଦ୍ର୍ୟତା ଓ ଅନିୟମିତ ତାଲିମ ସତ୍ତ୍ୱେ ନିଜ ପରିଶ୍ରମ ବଳରେ ସେ ଅନେକ ପଦକ ହାସଲ କରିପାରିଛନ୍ତି।୨୦୧୨ ମସିହାରେ ଦୂତୀ ୧୮ ବର୍ଷରୁ କମ୍ ୧୦୦ମି. ଦୌଡ଼ରେ ଜାତୀୟ ଚ୍ୟାମ୍ପିୟନ ହେଲେ ମାତ୍ର ସମୟ:୧୧.୮ ସେ. ରେ।ଏଇଠୁ ଆରମ୍ଭ ହୋଇଥିଲା ତାଙ୍କ କ୍ରୀଡା ଜୀବନୀ।

ସେ ପୁଣେରେ ଆୟୋଜିତ Asian Championships ରେ ୨୦୦ ମି. ଦୌଡ଼ ମାତ୍ର ୨୩ . ୮୧୧ ସେ. ରେ ପୂର୍ଣ୍ଣ କରି ବ୍ରୋଞ୍ଜ ପଦକ ଅକ୍ତିଆର କରିଥିଲେ।୨୦୧୩ରେ ଦୂତୀ ପ୍ରଥମ ଭାରତୀୟ ଭାବେ World Youth Championships ର ଫାଇନାଲରେ ପ୍ରବେଶ କରିଥିଲେ।ସେହି ବର୍ଷ ରାଞ୍ଚିରେ ଆୟୋଜିତ National Senior Athletics Championships ରେ ୧୦୦ ମି. ଦୌଡ଼ ମାତ୍ର ୧୧.୭୩ ସେ.ରେ ପୂର୍ଣ୍ଣ କରି ସ୍ୱର୍ଣ୍ଣ ପଦକ ଅକ୍ତିଆର କରିଥିଲେ।ସେ ମଧ୍ୟ ଉକ୍ତ କ୍ରୀଡ଼ାର ୨୦୦ ମି. ଦୌଡ଼ରେ ନିଜ କ୍ୟାରିୟର ଶ୍ରେଷ୍ଠ (ସମୟ ୨୧.୭୩ ସେ.) ରେକର୍ଡ କରି ସ୍ୱର୍ଣ୍ଣ ପଦକ ହାସଲ କରିଥିଲେ।

୨୦୧୮ ଏସୀୟ କ୍ରୀଡାରେ, ୧୦୦ମି ଦୌଡ଼ ପ୍ରତିଯୋଗିତାରେ ସେ ରୌପ୍ୟପଦକ ହାସଲ କରିଥିଲେ।ଏଥିରେ ସେ ୧୦୦ମି ଦୌଡ଼ ମାତ୍ର ୧୧.୩୨ ସେକେଣ୍ଡରେ ଶେଷ କରିଥିଲେ।୨୦୧୯ରେ ହୋଇଥିବା ଫେଡେରେସନ କପରେ ସେ ୧୧.୪୫ ସେକେଣ୍ଡରେ ୧୦୦ ମିଟର ଦୂରତା ଅତିକ୍ରମ କରି ସ୍ୱର୍ଣ୍ଣ ପଦକ ଲାଭ କରିଥିଲେ।୨୦୧୯ରେ ଇଟାଲିର ନାପୋଲିଠାରେ ଅନୁଷ୍ଠିତ ବିଶ୍ୱ ବିଶ୍ୱବିଦ୍ୟାଳୟ କ୍ରୀଡ଼ାରେ ସେ ମହିଳା ୧୦୦ ମିଟର ଦୌଡ଼ରେ ସ୍ୱର୍ଣ୍ଣ ପଦକ ହାସଲ କରିଥିଲେ।ଏହି କୃତିତ୍ୱଦ୍ୱାରା, ବିଶ୍ୱ ବିଶ୍ୱବିଦ୍ୟାଳୟ କ୍ରୀଡ଼ାରେ ଟ୍ରାକ ଇଭେଣ୍ଟରେ ସ୍ୱର୍ଣ୍ଣ ପଦକ ହାସଲ କରିବାରେ ସେ ପ୍ରଥମ ଭାରତୀୟ ହେବାର ଗୌରବ ହାସଲ କରିଥିଲେ।

ବର୍ତ୍ତମାନ ସେ କିଟ୍ ୟୁନିଭର୍ସିଟି ରେ ଲ' ପଢୁଛନ୍ତି।ମାତ୍ର ୨୮ ବର୍ଷିୟା ଦୂତୀ ବର୍ତ୍ତମାନ ୧୦୦ ମି. ଦୌଡ଼ରେ ଜାତୀୟ ଚ୍ୟାମ୍ପିୟନ ଅଟନ୍ତି।୨୦୨୦ ମସିହାରେ ତାଙ୍କୁ ଅର୍ଜୁନ ପୁରସ୍କାରରେ ମଧ୍ୟ ସମ୍ମାନୀତ କରାଯାଇଥିଲା।ବାସ୍ତବରେ ଦୂତୀ ମହିଳା ମାନଙ୍କ ପାଇଁ ଏକ ଉଦାହରଣ ସୃଷ୍ଟି କରିପାରିଛନ୍ତି।

ଓଡିଶାର ମହିଳା କ୍ରୀଡାବିତ୍/Female athletes of odisha

କ୍ରୀଡା ରେ ମହିଳା ମାନଙ୍କ ବିସ୍ମୟକର ସମ୍ପାଦନା/Female's amazing Performance in sports