ମନେ ଯେ ପକାଅ ଓଡିଆ କେତେ ଭୀଷଣ ଯୁଦ୍ଧ ସହ ସଂଗ୍ରାମ,

ପୂର୍ବେ ଯେବେ ବଳିଗଲା ଇଂରେଜଙ୍କ ଅତ୍ୟାଚାର ତମାମ।

ମନେ ଯେ ପକାଅ ଓଡିଆ ମହିଳା ସଂଗ୍ରାମୀ ମାନଙ୍କ କଷ୍ଟ,

ଜାତି ଦେଶ ସେବା ଲାଗି ଯେଉଁମାନେ ଥିଲେ ସର୍ବଶ୍ରେଷ୍ଠ।

ମନେ ଯେ ପକାଅ ଓଡିଆ ରମାଦେବୀ ଚୌଧୁରୀଙ୍କୁ,

ମାଆ ହୋଇ ବୁଝିଥିଲେ ଆମ ଓଡିଆ ମାନଙ୍କର ଦୁର୍ଦ୍ଦଶା ଆଉ କଷ୍ଟକୁ।

ମନେ ଯେ ପକାଅ ଓଡିଆ ସେହି ଲବଣ ସତ୍ୟାଗ୍ରହ ର ଭୀତ,

ଯେଉଁଥିରେ ସାମିଲ ଥିଲେ ରମାଦେବୀ ହୋଇ ଗାନ୍ଧିଜୀଙ୍କ ମତରେ ପ୍ରଭାବିତ।

ମନେ ଯେ ପକାଅ ଓଡିଆ ଇଂରେଜମାନଙ୍କ ସେ ବୀର ଚାବୁକ ପାହାର,

ସବୁ ସହିଲେ ଯେ ରମାଦେବୀ କାତରେ ହୋଇ ଥରହର।

ମନେ ଯେ ପକାଅ ଓଡିଆ ସେ ଗୋପବନ୍ଧୁ ଚୌଧୁରୀଙ୍କୁ,

ଦେଶ ପାଇଁ ଚିନ୍ତା କରି ରମାଦେବୀ ବିଭା ହେଲେ ଯାହାଙ୍କୁ।

ମନେ ଯେ ପକାଅ ଓଡିଆ ସେ ଖଦୀବସ୍ତ୍ର ପିନ୍ଧା ମହିଳାଙ୍କୁ,

ସ୍ୱାଭିମାନକୁ ଜଗି ଯେ କରୁଥିଲେ ଯାହା କରିବା ଦରକାର ଜଣେ ଓଡିଆଙ୍କୁ।

ମନେ ଯେ ପକାଅ ଓଡିଆ ସେ ଜୀବନପଥେ ର ଲେଖା ବହି,

ଯାହାକୁ ଲେଖି ସେ ଏକାଡେମୀ ପୁରସ୍କାର ର ପ୍ରାପ୍ତ ଥିଲେ ହୋଇ।

ମନେ ଯେ ପକାଅ ଓଡିଆ ସେ ଯେ ସେହି ରମାଦେବୀ,

ଘରେ ଘରେ ମହିଳାଙ୍କୁ ଏକାଠି କରୁଥିଲେ,କହୁଥିଲେ ଦେଶ ପାଇଁ ଜୀବନ ଦେବି।

ମନେ ଯେ ପକାଅ ଓଡିଆ ବଳିଦାନ ଯେ ତାଙ୍କର ଦେଶ ସେବା ପାଇଁ,

ଭୁଲିଗଲ ସେହି ରମାଦେବୀଙ୍କୁ ସେ ପ୍ରାଣ ଦେଇଥିଲେ କ'ଣ ଏଇଥିପାଇଁ?

ଇଂରେଜ ମାନଙ୍କ ସାମ୍ନା କଲେ ଲୋପ କରିବାକୁ ଦେଶରୁ ଅଧର୍ମୀ,

ହେ ଦେଶବାସୀ ସେ ପରା ରମାଦେବୀ ଆମ ଓଡ଼ିଶାର ମହିଳା ସ୍ୱାଧୀନତା ସଂଗ୍ରାମୀ!!

ଓଡିଶାର ମହିଳା ସ୍ୱାଧୀନତା ସଂଗ୍ରାମୀ