ଓଡିଶାରେ ରଜପର୍ବ --ସେଵେ ଆଉ ଏଵେ

===================

ବର୍ଷକ ଵାର ମାସ । ଵାର ମାସରେ ତେର ପର୍ବ। ସେଥିମଧ୍ୟରୁ ରଜ ପର୍ବ ଅନ୍ୟତମ ।ଓଡ଼ିଶାର ଏହା ମୁଖ୍ୟ ପର୍ବ ।ଏହି ପର୍ବ ଗଣ ପର୍ବ ନାମରେ ମଧ୍ୟ ଜଣାଶୁଣା।ଏହାକୁ ମଧ୍ୟ କୃଷି ଭିତ୍ତିକ ପର୍ବ କୁହାଯାଏ । ତିନି ଦିନ ଧରି ଗାଁ ଠୁ ସହର ସଭିଏଁ ରଜ ପର୍ବକୁ ପାଳନ କରିଥାନ୍ତି ।ଲୋକମାନଙ୍କ ମଧ୍ୟରେ ଉଲ୍ଲାସ ଓ ଆନନ୍ଦ ଦେଖିବାକୁ ମିଳେ ।

ପୂର୍ବଦିନ ମାନଙ୍କର ପୃଷ୍ଠା ଓଲଟାଇଲେ ଜଣାଯିଵ ଯେ ,ସେ ସମୟର ରଜ ଏବଂ ବର୍ତ୍ତମାନର ରଜ ପର୍ବରେ ଅନେକ କିଛି ପାର୍ଥକ୍ୟ ଦେଖିବାକୁ ମିଳୁଛି । ସେ ସମୟରେ ରଜପର୍ବର

କିଛି ଦିନ ପୂର୍ବରୁ ରଜ ପାଇଁ ଘରେ ଘରେ ପ୍ରସ୍ତୁତି ପର୍ବ ଦେଖିବାକୁ ମିଳେ ।ଯେପରି -- ଘର ଲିପା ପୋଛା , ଲୁଗାପଟା ସଫା , ଘରଦ୍ବାର ସଫା ସୁତୁରା , ଚାଉଳ ବଟା, ରଜ ପାଇଁ ଦୋଳି ତିଆରି କରିଵା ଇତ୍ୟାଦି । ବର୍ତ୍ତମାନ ସମୟରେ ଯେହେତୁ ଗାଁ ଗାଁ ରେ କୋଠାଘର, ତେଣୁ ଲିପାପୋଛାର ଆୟୋଜନ ଦେଖିବାକୁ ମିଳୁନାହିଁ । ଏପରିକି ଅନ୍ୟ କୌଣସି ଆୟୋଜନ ମଧ୍ୟ ଦେଖିବାକୁ ମିଳୁନାହିଁ ।

ଅନ୍ୟ ଏକ ପ୍ରମୁଖ କାରଣ ଏହା ଯେ ଆଜିକାଲି ସମୟରେ ଲୋକମାନେ ସହର ମୁହାଁ ହେଇଯାଇଥିବାରୁ

ପୂର୍ବ ପରି ରଜ ପର୍ବର ଆନନ୍ଦ ନାହିଁ ।ବର୍ତ୍ତମାନ ସମୟରେ ପୋଡପିଠା ବଦଳରେ ପିଜା ବର୍ଗର ଖାଇବାକୁ ଅଧିକ ପସନ୍ଦ କରୁଛନ୍ତି ।ପିତାମାତା ମାନେ ନିଜ ପିଲାମାନଙ୍କୁ ରଜ ସମୟରେ ଗାଁକୁ ନଯାଇ ପାର୍କକୁ ଦୋଳି ଖେଳେଇବା ପାଇଁ ନେଇଯାଉଛନ୍ତି ।

ବର୍ତ୍ତମାନର ଵ୍ୟସ୍ତ ବହୁଳ ଜୀଵନ ଏବଂ ଆଧୁନିକ ନାଁରେ ନିଜ ପରମ୍ପରାକୁ ଲୋକମାନେ ଭୁଲି ଗଲେଣି ।ଆଗ କାଳରେ ରଜ ସମୟରେ ନୂଆ ପୋଷାକ ପିନ୍ଧି ସଜଵାଜ ହୋଇ ଖିଲିପାନ ସହିତ ପୋଡ ପିଠାଖାଇ ରଜ ଗୀତ ଶୁଣିବାକୁ ମିଳୁଥିଲା ।ପୁଅ ପିଲାମାନଙ୍କର ବାଗୁଡି, ତାସ୍ ଓ ଲୁଡୁ ଖେଳର ଆସର ଦେଖିବାକୁ ମିଳୁଥିଲା । ଝିଅ ଵୋହୂମାନେ କୌଣସି କାର୍ଯ୍ୟ ଏହି ସମୟରେ କରନ୍ତି ନାହିଁ ।ଋତୁଵତୀ ନାରୀମାନେ କଦଳୀ ପାଟୁଆରେ ଚାଲନ୍ତି । କିନ୍ତୁ ବର୍ତ୍ତମାନ ସମୟରେ ରଜ ପର୍ବ ସମ୍ପୂର୍ଣ୍ଣ ରୂପ ଵଦଳିଗଲାଣି । ଲୁଡୁ , ବାଗୁଡି , ତାସ୍

ଖେଳ ଵଦଳରେ ପିଲାମାନେ ରଜ ପର୍ବକୁ ନେଇ ରିଲିସ୍ ତିଆରି କରୁଛନ୍ତି ଫୋନ୍ ରେ ଅଧିକ ସମୟ ଵିତଉଛନ୍ତି

ଶେଷରେ ଏତିକି କହିବି ମଣିଷ ଯେତେ ଆଧୁନିକ ହେଲେ ମଧ୍ୟ ଯେକୌଣସି ଉଚ୍ଚ ପଦ ପଦବୀରେ କାର୍ଯ୍ୟ କଲେ ମଧ୍ୟ ନିଜ ଗାଁ ମାଟି, ପରମ୍ପରା ଓ ସଂସ୍କୃତିକୁ କେଵେ ଭୁଲିବା ଉଚିତ ନୁହେଁ ।

ଓଡିଶାରେ ରଜପର୍ବ -- ସେଵେ ଆଉ ଏଵେ

ଉପକ୍ରମ