ମନୁଷ୍ୟ ପ୍ରତ୍ୟେକ କାର୍ଯ୍ୟ କରିବା ପାଇଁ ଶକ୍ତି ଦରକାର ପଡ଼େ। ଆଉ ଏହି ଶକ୍ତି ଆମକୁ ଖାଦ୍ୟରୁ ହିଁ ମିଳିଥାଏ। ମନୁଷ୍ୟର ଖାଦ୍ୟପେୟକୁ ଦୃଷ୍ଟିରେ ରଖି ଆହାରକୁ ଦୁଇ ଭାଗରେ ବିଭକ୍ତ କରାଯାଇଛି। ସେଗୁଡ଼ିକ ହେଲା - ଆମିଷ ଓ ନିରାମିଷ।

ଆମିଷ ଖାଦ୍ୟରେ ଯେତକ ପ୍ରାଣୀଜ ଖାଦ୍ୟ ଯାଏ ଏବଂ ନିରାମିଷ ଖାଦ୍ୟରେ ଯେତେକ ଉଦ୍ଭିଦଜ ଖାଦ୍ୟ ଓ ଗୋଟିଏ ପ୍ରାଣୀଜ ଖାଦ୍ୟ 'କ୍ଷୀର' ଏବଂ ଦୁଗ୍ଧଜାତ ଦ୍ରବ୍ୟ ଯାଏ। ଯେହେତୁ ମନୁଷ୍ୟ ଏକ ସର୍ବାହାରୀ ଏଣୁ ଖାଦ୍ୟରୁ ଶକ୍ତି ପାଇବା ନିମନ୍ତେ ଏହି ଦୁଇଟି ଯାକ ଖାଦ୍ୟ ଉପରେ ନିର୍ଭର କରେ। କିନ୍ତୁ ଧାର୍ମିକ ଓ ସାତ୍ତ୍ୱିକ ଦୃଷ୍ଟିକୋଣରୁ କେତେ ନିରାମିଷାସୀ ହୋଇଥାନ୍ତି।

ପ୍ରତ୍ୟେକ ଖାଦ୍ୟପଦାର୍ଥରେ କେତେକ ରାସାୟନିକ ପଦାର୍ଥ ରହିଥାଏ। ତାହାକୁ ପୋଷକ କୁହାଯାଏ। କିନ୍ତୁ, ଭିନ୍ନ ଭିନ୍ନ ଖାଦ୍ୟ ପଦାର୍ଥରେ ଏହି ପୋଷକ ମଧ୍ୟରେ ପାର୍ଥକ୍ୟ ରହିଥାଏ। ତେଣୁ ମନୁଷ୍ୟ ସୁସ୍ଥ ରହିବା ପାଇଁ ବିଭିନ୍ନ ପ୍ରକାରର ଖାଦ୍ୟ ଖାଇଥାଏ। ଖାଦ୍ୟରେ ଥିବା ମୁଖ୍ୟ ପୋଷକକୁ ଆଧାର କରି ଖାଦ୍ୟକୁ ବିଭିନ୍ନ ପ୍ରକାରରେ ବିଭକ୍ତ କରାଯାଇଛି। ସେଗୁଡ଼ିକ ହେଲା - ଶ୍ଵେତସାର, ପୁଷ୍ଟିସାର, ସ୍ନେହସାର, ଜୀବସାର, ଧାତୁସାର ବା ଖଣିଜ ଲବଣ ଓ ଜଳ।

ଶ୍ୱେତସାର ଆମ ଶରୀରକୁ କାର୍ଯ୍ୟ କରିବାକୁ ଶକ୍ତି ଯୋଗାଇଥାଏ, ପୁଷ୍ଟିସାର ଶରୀର ଗଠନ, ସ୍ନାୟୁ, ଚର୍ମ, ବାଳ ଓ ନଖ ଗଠନ ଏବଂ ଶରୀରରେ କ୍ଷୟକ୍ଷତି ପୂରଣ କରିଥାଏ, ସ୍ନେହସାର ଶରୀରକୁ ଚିକ୍କଣ ରଖିବା ସହ ଚର୍ବି ବୃଦ୍ଧିରେ ସାହାଯ୍ୟ କରେ, ଜୀବସାର ଆମ ଶରୀରକୁ ରୋଗ ପ୍ରତିରୋଧକ ଶକ୍ତି ଯୋଗାଏ ଏବଂ ଧାତୁସାର ଆମ ହାଡ଼କୁ ଶକ୍ତ ରଖିବାରେ ସାହାଯ୍ୟ କରେ।

ଏହି ସବୁ ପୋଷକ ମଧ୍ୟରୁ ମୁଖ୍ୟତଃ ସ୍ନେହସାର ଓ ପୁଷ୍ଟିସାର ଆମ ଶରୀରର ଓଜନ ବୃଦ୍ଧି କରେ। ଶରୀରକୁ ମୋଟା କରିବାରେ ସ୍ନେହସାରର ଭୂମିକା ଅଧିକ ଥାଏ। ଆଉ କେତେକ ପୁଷ୍ଟିସାର ଜାତୀୟ ଖାଦ୍ୟରେ ମଧ୍ୟ ସ୍ନେହସାର ରହିଥାଏ।

ଓଜନ ବୃଦ୍ଧିର କାରଣ କ'ଣ?

ଅଧିକ ଓଜନ ବୃଦ୍ଧି ଏବଂ ମେଦବହୁଳତା ସମୟ ସହିତ ବିକଶିତ ହୋଇପାରେ ଯେତେବେଳେ ଆପଣ ବ୍ୟବହାର କରିବା ଅପେକ୍ଷା ଅଧିକ କ୍ୟାଲୋରୀ ଖାଇଥା’ନ୍ତି। ଏହାକୁ ଏକ ଶକ୍ତି ଅସନ୍ତୁଳନ ଭାବରେ ମଧ୍ୟ ବର୍ଣ୍ଣନା କରାଯାଇଛି: ଯେତେବେଳେ ତୁମର ଶକ୍ତି (କ୍ୟାଲୋରୀ) ତୁମର ଶକ୍ତି ସହିତ ସମାନ ହୁଏ ନାହିଁ (ନିଶ୍ୱାସ ନେବା, ଖାଦ୍ୟ ହଜମ କରିବା ଏବଂ ଶାରୀରିକ ଭାବରେ ସକ୍ରିୟ ହେବା ଭଳି ଜିନିଷ ପାଇଁ ତୁମର ଶରୀର ବ୍ୟବହାର କରୁଥିବା କ୍ୟାଲୋରୀ)।

ଶକ୍ତି ପ୍ରସ୍ତୁତ କରିବା ଏବଂ ସଂରକ୍ଷଣ କରିବା ପାଇଁ ଆପଣ ଖାଉଥିବା ଖାଦ୍ୟରୁ ଆପଣଙ୍କ ଶରୀର କିଛି ପୋଷକ ତତ୍ତ୍ୱ ଯେପରିକି କାର୍ବୋହାଇଡ୍ରେଟ୍ କିମ୍ବା ଶର୍କରା, ପ୍ରୋଟିନ୍ ଏବଂ ଫ୍ୟାଟ୍ ବ୍ୟବହାର କରିଥାଏ।

ଦୈନନ୍ଦିନ ଶରୀରର କାର୍ଯ୍ୟ ଏବଂ ଶାରୀରିକ କାର୍ଯ୍ୟକଳାପରେ ତୁରନ୍ତ ବ୍ୟବହାର ପାଇଁ ଖାଦ୍ୟ ଶକ୍ତିରେ ପରିଣତ ହୁଏ।

ଖାଦ୍ୟ ଆପଣଙ୍କ ଶରୀର ଦ୍ୱାରା ଭବିଷ୍ୟତରେ ବ୍ୟବହାର ପାଇଁ ଶକ୍ତି ଭାବରେ ଗଚ୍ଛିତ ହୁଏ। ଶର୍କରା ଲିଭର ଏବଂ ମାଂସପେଶୀରେ ଗ୍ଲାଇକୋଜେନ ଭାବରେ ଗଚ୍ଛିତ ହୁଏ। ଚର୍ବିଗୁଡିକ ମୁଖ୍ୟତଃ ଫ୍ୟାଟି ଟିସୁରେ ଟ୍ରାଇଗ୍ଲାଇସରାଇଡ୍ ଭାବରେ ଗଚ୍ଛିତ।

ଏକ ଶକ୍ତି ଅସନ୍ତୁଳନ ଆପଣଙ୍କ ଶରୀରକୁ ବର୍ତ୍ତମାନ କିମ୍ବା ଭବିଷ୍ୟତରେ ବ୍ୟବହାର କରିବା ଅପେକ୍ଷା ଅଧିକ ଚର୍ବି ସଂରକ୍ଷଣ କରିଥାଏ। କିନ୍ତୁ ଆପଣଙ୍କର ଅଧିକ ଓଜନ କିମ୍ବା ମୋଟାପଣ ହେବାର ଆଶଙ୍କା ଆପଣ କେତେ ଖାଉଛନ୍ତି ତାହାଠାରୁ ଅଧିକ ନିର୍ଣ୍ଣୟ କରାଯାଏ। ଏଥିରେ ଆପଣ ପ୍ରତିଦିନ ଖାଉଥିବା ଖାଦ୍ୟ ଏବଂ ପାନୀୟର ପ୍ରକାର ଏବଂ ପରିମାଣ, ଆପଣଙ୍କର ଶାରୀରିକ କାର୍ଯ୍ୟକଳାପର ସ୍ତର (ଯେପରିକି ଆପଣ ଅଫିସ୍ ଡେସ୍କରେ ବସିଥାଆନ୍ତି କିମ୍ବା ଦିନସାରା ଆପଣଙ୍କ ପାଦରେ ଥାଆନ୍ତି) ଏବଂ ଆପଣ ପ୍ରତ୍ୟେକ ରାତିରେ କେତେ ସମୟ ଭଲ ଗୁଣାତ୍ମକ ନିଦ ଅନ୍ତର୍ଭୁକ୍ତ କରନ୍ତି, ତାହା ନିର୍ଭର କରେ।

ଏହି ସମସ୍ତ କାରଣ ଏବଂ ଅନ୍ୟାନ୍ୟ ରୋଗ ବି ଓଜନ ବୃଦ୍ଧିରେ ସହାୟକ ହୋଇପାରେ।

ଓଜନ ବୃଦ୍ଧି ଫଳରେ ସମସ୍ୟା ଓ ରୋଗ

ଦୈନନ୍ଦିନ ଜୀବନରେ ବସିବା, ଉଠିବା, ଚାଲିବା, ଧାଇଁବା, କାମ କରିବା ସମୟରେ ଧଇଁ ସଇଁ ହେବା, ଶୀଘ୍ର ହାଲିଆ ହୋଇଯିବା ଇତ୍ୟାଦି ସମସ୍ୟା ଦେଖା ଦେଇଥାଏ। ଏହା ଜଡ଼ା ମନୁଷ୍ୟର ସୁନ୍ଦରତାକୁ ମଧ୍ୟ ନଷ୍ଟ କରିଥାଏ। ମୋଟାପଣ କେବଳ ପ୍ରସାଧନ ଚିନ୍ତା ନୁହେଁ। ଏହା ଏକ ଚିକିତ୍ସା ସମସ୍ୟା ଯାହାକି ଅନ୍ୟାନ୍ୟ ରୋଗ ଏବଂ ସ୍ୱାସ୍ଥ୍ୟ ସମସ୍ୟା ହେବାର ଆଶଙ୍କା ବୃଦ୍ଧିକୁ ସୂଚାଇଥାଏ। ଏଥିରେ ହୃଦ୍ ରୋଗ, ମଧୁମେହ, ଉଚ୍ଚ ରକ୍ତଚାପ, ଉଚ୍ଚ କୋଲେଷ୍ଟ୍ରଲ, ଯକୃତ ରୋଗ, ନିଦ୍ରା ଆପ୍ନିଆ ଏବଂ କେତେକ କର୍କଟ ଅନ୍ତର୍ଭୁକ୍ତ ହୋଇପାରେ।

ଓଜନ କମାଇବା ପାଇଁ ଉପାୟ ଏବଂ ଶାକାହାରୀ ଆହାର ଯୋଜନା

୧. ପ୍ରତ୍ୟେକ ଦିନ ସକାଳ ଓ ସନ୍ଧ୍ୟାରେ ଶୌଚ ହେବା ପରେ କିଛି ଖାଦ୍ୟ ନ ଖାଇ ଦୌଡ଼, ଖେଳକୁଦ, ଯୋଗାସନ ଓ ପ୍ରାଣାୟାମ କରିବା ଉଚିତ।

୨. ଶରୀରରେ ଜଳର ନିୟନ୍ତ୍ରଣ ଠିକ୍ ରଖିବା ଆବଶ୍ୟକ।

୩. ମଳ ପରିଷ୍କାର ପ୍ରତି ଧ୍ୟାନ ଦେବା ଉଚିତ।

୪. ଖାଦ୍ୟ ଲୋଭରେ ଏଣୁତେଣୁ ଜିନିଷ ଭୋକ ନ ଲାଗୁଥିଲେ ଖାଇବା ବନ୍ଦ କରିବା ଉଚିତ।

୫. କମ୍ ଭାତ ଖାଇବା ସହ ତଟକା ଫଳ-ପନିପରିବାରେ ପ୍ରସ୍ତୁତ ହେଉଥିବା ବ୍ୟଞ୍ଜନ ଖାଇବା ଉଚିତ। ମାଛ, ମାଂସ, ଅଣ୍ଡା ତଥା ତେଲ ଓ ଚର୍ବି ଜାତୀୟ ଖାଦ୍ୟ ଖୁବ୍ କମ୍ ଖାଇବା ଉଚିତ ଅଥବା କିଛି ସମୟ (ବର୍ଷ ବା ମାସ) ବ୍ୟବଧାନରେ ଖାଇବା ଉଚିତ। ନିୟମିତ ପୁଷ୍ଟିସାର ଓ ସ୍ନେହସାର ଜାତୀୟ ଖାଇବା ବନ୍ଦ କରିବା ଉଚିତ। ନିୟମିତ ଖାଦ୍ୟରେ ରୁଟିକୁ ସାମିଲ୍ କରିବା ଉଚିତ।

୬. ଦୋକାନ ବଜାରର ଲୋଭନୀୟ ଛଣା ଖାଦ୍ୟ ତଥା ଫାଷ୍ଟ୍ ଫୁଡ୍ ଜାତୀୟ ଖାଦ୍ୟ ଖାଇବା ଅନୁଚିତ।

୭. ପରିଶ୍ରମ ଅନୁସାରେ ଖାଦ୍ୟ ଖାଇବା ଉଚିତ। କମ୍ ପରିଶ୍ରମ କରୁଥିବା ବ୍ୟକ୍ତି ଅଧିକ ଖାଦ୍ୟ ଖାଇବା ଉଚିତ ନୁହଁ।

୮. ଖାଦ୍ୟରେ ବିଭିନ୍ନ ପନିପରିବା ଯେପରିକି ପାଳଙ୍ଗ ଶାଗ, ଫୁଲକୋବି, ଛତୁ, ଲାଉ, କ୍ୟାପସିକମ୍, ମସୁର ଡାଲି, କନ୍ଦମୂଳ, ପିଆଜ, କାକୁଡି, ଗାଜର, କାଲ୍, ବ୍ରସେଲ୍ସ ସ୍ପ୍ରାଉଟ୍, ବନ୍ଧାକୋବି, ଆଇସବର୍ଗ ଲେଟ୍ୟୁସ୍, ବ୍ରୋକୋଲି, ବିଲାତି, ସେଲେରି, ଅସ୍ପାରାଗସ୍, ବିନ୍, ସବୁଜ ମଟର, କଞ୍ଚାଲଙ୍କା, କଖାରୁ ଏବଂ ଶସ୍ୟ ଜାତୀୟ ଖାଦ୍ୟ ବ୍ୟବହାର କଲେ ତାହା ଓଜନ ହ୍ରାସ ପାଇଁ ସହାୟକ ହେବ।

୯. IU ଡାଏଟ୍ ଯୋଜନା ଅନୁସରଣ, ଦିନରେ ଅତି କମରେ ୨ ରୁ ୩ଥର ୪୫ ମିନିଟ୍ HIIT ୱାର୍କଆଉଟ୍ ଏବଂ ମଧ୍ୟବର୍ତ୍ତୀ ଉପବାସକୁ ଅନୁସରଣ କରିବା ଉଚିତ।

୧୦. ମାସରେ ଅନ୍ତତଃ ୩ ରୁ ୪ ଦିନ ଉପବାସ ରହିବା ଦରକାର। ଯଦି ଅତ୍ୟଧିକ ଭୋକ ଲାଗେ ତେବେ ଅଳ୍ପ ଫଳ ଓ ଦୁଗ୍ଧ ଆହାର କରି ରହିବା ଉଚିତ।

୧୧. ବିଭିନ୍ନ ନିଶାପାନ ତଥା ଧୂମପାନ ଆଦି ଠାରୁ ଦୂରେଇ ରହିବା ଉଚିତ।

ଏକ ସୁସ୍ଥ ଏବଂ ସୁନ୍ଦର ଜୀବନ ଯାପନ କରିବା ପାଇଁ ଓଜନ କମାଇବା ନିତାନ୍ତ ଆବଶ୍ୟକ। ଆମେ ଯଦି ନିଜର ଖାଦ୍ୟପେୟ ଏବଂ ପରିଶ୍ରମ ଉପରେ ଧ୍ୟାନ ରଖିବା ତେବେ ନିଶ୍ଚିତ ରୂପେ ଓଜନ କମାଇ ପାରିବା। ଆଉ ସବୁଠୁ ମୂଳ କଥା ହେଉଛି ପ୍ରତିଦିନ ତା'ର ଅଭ୍ୟାସ ଜାରି ରଖିବା। ଯାହା ଫଳରେ ଏହାର ସୁଫଳ ମିଳି ପାରିବ।

=∆=∆=∆=

ଓଜନ କମାଇବା ପାଇଁ ଭାରତୀୟ ଶାକାହାରୀ ଆହାର ଯୋଜନା

ଓଜନ ବୃଦ୍ଧିର ନିୟନ୍ତ୍ରଣ ପାଇଁ ଶାକାହାରୀ ଆହାର