ରଜ ବଜାର କୁ ଓଡ଼ିଆ ସିନେମା ପାଇଁ ସବୁଠାରୁ ଉତ୍କୃଷ୍ଟ ସମୟ ବୋଲି କୁହାଯାଏ। ପ୍ରତିବର୍ଷ ଭଳି ଏଥର ବି ରଜ ରେ କେତେ ଗୋଟି ଓଡ଼ିଆ ସିନେମା ରିଲିଜ୍ ହୋଇଛି ସେଥିମଧ୍ୟରୁ ଅଶୋକ ପତିଙ୍କ ନିର୍ଦ୍ଦେଶନାରେ ନିର୍ମିତ , ତୃପ୍ତି ଶତପଥୀ ଙ୍କ ପ୍ରୋଜୋଜିତ ଓ ବାବୁଶାନ୍-ଏଲିନା ଙ୍କ ଅଭିନୀତ "ପାବାର୍" ହେଉଛି ଗୋଟିଏ। ଆଜି ବିଶ୍ୱ ସଙ୍ଗୀତ ଦିବସ ରେ ଆମେ ଏହାର ମ୍ୟୁଜିକ ଆଲବମ୍ ର ସମୀକ୍ଷା କରିବା।

ଭାରତୀୟ ସିନେମା ରେ ମ୍ୟୁଜିକ୍ ର ଭୂମିକା କୁ ଅଣଦେଖା କରିହେବ ନାହିଁ ଅନେକ ସମୟରେ ମ୍ୟୁଜୀକ ର ସଫଳତା ନିର୍ଦ୍ଧାରଣ କରିଥାଏ ସିନେମା ର ସଫଳତା। ବହୁ ପ୍ରତିକ୍ଷୀତ "ପାବାର୍" ର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଏବେକାର ଟ୍ରେଣ୍ଡିଂ କମ୍ପୋଜର ଗୌରବ ଆନନ୍ଦ।ସିନେମା ରେ ସମୁଦାୟ ଚାରୋଟି ଗୀତ ଅଛି ଯାହାକୁ ଲେଖିଛନ୍ତି ଓଡ଼ିଶା ର ଷ୍ଟାର୍ ଲେଖକ ବାପୁ ଗୋସ୍ୱାମୀ ଓ କିଛି ବର୍ଷ ହେଲା ଭିନ୍ନ ସ୍ଵାଦ ର ଲେଖା ରେ ମନ ଜିଣିଥିବା ଜେପି ୱାର୍ଡ ସ୍ମିଥ , ଏଥିରେ କଣ୍ଠ ଦାନ କରିଛନ୍ତି ଆଗ ଧାଡ଼ି ର କଣ୍ଠ ଶିଳ୍ପୀ ଅସୀମା ପଣ୍ଡା , ମଣ୍ଟୁ ଛୁରିଆ, ସ୍ଵୟଂ ପାଢ଼ୀ, ଅନନ୍ୟା ଶ୍ରୀତମ ନନ୍ଦ , ଅନୁରାଗ ଦାସ , ବାବୁଶାନ୍ ମହାନ୍ତି ଓ ସୋମେଶ ଶତପଥି ଙ୍କ ଟିମ୍ ଏହି ଗୀତ କୁ ସଜେଇଛନ୍ତି।

ଏହାର ପ୍ରଥମ ସଙ୍ଗୀତ ହେଉଛି "ନାଲି ଶାଢ଼ୀ" ଯାହାକୁ ଲେଖିଛନ୍ତି ଜେପି ୱାର୍ଡ ଶ୍ମିଥ ଓ ଗାଇଛନ୍ତି ବାବୁଶାନ୍ ମହାନ୍ତି। ଦମନ ପରଠାରୁ ଗୌରବ ଆନନ୍ଦ ଓ ଜେପି ୱାର୍ଡ ସ୍ମିଥ ଙ୍କ ର ଭିନ୍ନ ଯୋଡ଼ି କୁ ଲୋକ ମାନେ ଅନେକ ପସନ୍ଦ କରିଛନ୍ତି। ଚିରାଚରିତ ଶବ୍ଦ କୁ ଲିରିକ୍ସ ରେ ନରଖି ସାଧାରଣ ଓଡ଼ିଆ ଶବ୍ଦ କୁ Jp wordsmith ବହୁ ସୁନ୍ଦର ଭାବରେ ପରିବେଷଣ କରି ପାରନ୍ତି। ଏହି ଗୀତ ରେ ମଧ୍ୟ ଦୁହିଁଙ୍କ ଚମତ୍କାର ଯାଦୁକରୀ ଦେଖିବାକୁ ମିଳିଛି। ଶୃତଳିଖନ , ମାଟି ସୁରେଇ , ଛିଟ ପକା ଏଭଳି ଅନେକ ଶବ୍ଦ ରେ ସେ ଗୀତ କୁ ଖାଣ୍ଟି ଓଡ଼ିଆ ଗୀତ ରେ ଗଢ଼ି ତୋଳିଛନ୍ତି। ଗୌରବ ଆନନ୍ଦ ମଧ୍ୟ ସୁନ୍ଦର ଭାବରେ ସ୍ୱର କରିଛନ୍ତି। ବ୍ୟକ୍ତିଗତ ଭାବରେ ହୁକ୍ ଲାଇନ୍ ର ସ୍ୱର ଟି ପ୍ରଥମ ଥର ପସନ୍ଦ ଆସି ନଥିଲା ହେଲେ ତାହା କିଛି ସମୟ ରେ ଠିକ୍ ହୋଇଗଲା। ଏବେ ଆସିବା ଗାୟକ ଙ୍କ ଉପରେ। ବାବୁଶାନ୍ ଜଣେ ଅଭିନେତା ସହ ଚମତ୍କାର କଣ୍ଠଶିଳ୍ପୀ ସେ ପୂର୍ବରୁ ମଧ୍ୟ ଅନେକ ସୁନ୍ଦର ସୁନ୍ଦର ଗୀତ ଭେଟି ଦେଇଛନ୍ତି ଏହି ଗୀତ ରେ ମଧ୍ୟ ସେ କମ୍ପୋଜିସନ୍ କୁ ପୁରାପୁରି ନ୍ୟାୟ କରିଛନ୍ତି। ଏହି ଗୀତ ଆପଣଙ୍କ ମନ କୁ ନିହାତି ଛୁଇଁବ।

ଦ୍ଵିତୀୟ ଗୀତ ହେଉଛି "ଲାଲ୍ ଟହ ଟହ" ଯାହା ବାବୁଶାନ୍ ଙ୍କ ଅଭିନୀତ ଲୋଫର୍ ଫିଲ୍ମ ର ଗୀତ ର ରିମେକ୍ ଯାହାକୁ ମୂଳ ଭାବରେ ଗୁଡଲି ରଥ ବନେଇ ଥିଲେ ଓ ଉମା- ସଞ୍ଜୁ ଓ ତାହା ଏବେବି ଲୋକ ମାନଙ୍କ ମନରେ ଅଛି। ଏହି ରିମେକ୍ ଗୀତ କୁ ଲେଖିଛନ୍ତି ଷ୍ଟାର୍ ଲେଖକ ବାପୁ ଗୋସ୍ୱାମୀ ଓ ଗାଇଛନ୍ତି ଚର୍ଚ୍ଚିତ ଗାୟିକା ଅସୀମା ପଣ୍ଡା ଓ ଚର୍ଚ୍ଚିତ ଗାୟକ ମଣ୍ଟୁ ଛୁରିଆ। ସତ କହିବାକୁ ଗଲେ ଏ ଗୀତ ରେ ସବୁ କିଛି ଅଛି ଯାହାକି ଲୋକଙ୍କୁ ପସନ୍ଦ ଆସିବ ହେଲେ କୋଉଠି ନା କୋଉଠି ମୂଳ ଗୀତ ର ପ୍ରସିଦ୍ଧି ଏତେ ଯେ ଯାହା ଅନେକ ଲୋକଙ୍କୁ ନିରାଶ କରିଛି। ଗୀତ ର ଲେଖା ବହୁତ ସୁନ୍ଦର ଲେଖିଛନ୍ତି ବାପୁ ଗୋସ୍ୱାମୀ କିନ୍ତୁ ଏମିତି ଲାଗିଲା ବାକି ଲେଖା ସହିତ ହୁକ୍ ଲାଇନ୍ "ଲାଲ୍ ଟହ ଟହ ଦେଇ ଗୋଲାପ" କୁ ଜବରଦସ୍ତି ଫିଟ୍ କରାଯାଇଛି। ଗୀତ ର ବିଟ ମଧ୍ୟ ଭଲ ଅଛି। ହୁଏତ ଏହା ଏକ ରୀମେକ୍ ନ ହୋଇ ମୌଳିକ ଗୀତ ହୋଇଥିଲେ ବେଶ୍ ଭଲ ହୋଇଥାନ୍ତା। ଓଡ଼ିଶା ରେ ଯଦି କୌଣସି ସିଙ୍ଗର ଡିମାଣ୍ଡ ରେ ଥାଆନ୍ତି ସେ ହେଉଛନ୍ତି ଅସୀମା ପଣ୍ଡା ଆଉ ଆଇଟମ ଗୀତ ରେ ସେ ଆହୁରି ସୁନ୍ଦର ଗାଆନ୍ତି ଓ ସମ୍ବଲପୁରୀ ଓଡ଼ିଆ ଗାୟକ ମଣ୍ଟୁ ଛୁରିଆ ମଧ୍ୟ ଏହିପରି ଗୀତ ପାଇଁ ବହୁତ୍ ପ୍ରସିଦ୍ଧ। ସେମାନେ ବହୁତ୍ ସୁନ୍ଦର ଭାବରେ ଗାଇଲେ ମଧ୍ୟ ଯେହେତୁ ଏହା ଏକ ରୀମେକ ଲୋକ ମାନେ ମୂଳ ଗାୟକ ସଞ୍ଜୁ ମହାନ୍ତି ଓ ଉମାକାନ୍ତ ବାରିକ ଙ୍କ ଅନୁପସ୍ଥିତି କୁ ଗୀତ ରେ ଅନୁଭବ କଲେ। ଦେଖିବାକୁ ଗଲେ ଯଦିଓ ଏହି ଗୀତ ବର୍ତ୍ତମାନ ହିଟ୍ ହୋଇଯିବ ହେଲେ ପୁର୍ବ ଗୀତ ଭଳି ଅଧିକ ଦିନ ମନେ ରହିବାରେ ଅକ୍ଷମ ହେବ।

ଏହାର ତୃତୀୟ ଗୀତ ହେଉଛି "ପାବର୍ ଫୁଲ"। ଏହାକୁ ଲେଖିଛନ୍ତି ବାପୁ ଗୋସ୍ୱାମୀ ଓ ଗାଇଛନ୍ତି ଅନୁରାଗ ଦାସ। ବାପୁ ଗୋସ୍ୱାମୀ ବହୁତ୍ ସୁନ୍ଦର ଭାବରେ ରାଜନୀତିକ ବାତାବରଣ କୁ କଲମ ମୁନରେ ରେ ଅଙ୍କିଛନ୍ତି। ଦେଶୀୟ ଭାଷା ସହ ବହୁତ୍ ବଢିଆ ଭାବରେ ବାପୁ ଗୋସ୍ୱାମୀ ଗୀତ ର ରଚନା କରିଛନ୍ତି। "ସତ କାନ୍ଥ ରେ ମିଛ ପୋଷ୍ଟର" ଲାଇନ୍ ଟି ବହୁତ୍ ମନକୁ ଛୁଇଁଲା ଓ catchy ବନେଇଛନ୍ତି ଏହାକୁ ଗୌରବ। ଗୌରବ ଙ୍କ ସଙ୍ଗୀତ ନିର୍ଦ୍ଦେଶନା ରେ ଆଲବମ୍ ରେ ଅନୁରାଗ ଦାସ ଙ୍କୁ ଅନେକ ସମୟରେ ଶୁଣିବାକୁ ମିଳିଥାଏ। ତାଙ୍କର ବଳିଷ୍ଠ ସ୍ୱର ଓ ଶୈଳୀ ଏହି ଗୀତ କୁ ଆହୁରି ଶ୍ରୁତି ମଧୁର କରିଛି। ଏହି ଗୀତ କୁ ଥିମ୍ ସଙ୍ଗ ଭାବରେ ମଧ୍ୟ ସିନେମା ରେ ବ୍ୟବହାର ହୋଇଛି।

ଏହାର ଚତୁର୍ଥ ତଥା ଶେଷ ଗୀତ ହେଉଛି "ଅଖା ଡିଆଁ"। ଏହାକୁ ଲେଖିଛନ୍ତି ଜେପି ୱାର୍ଡ ସ୍ମିଥ JP Wordsmith ଓ କଣ୍ଠ ଦାନ କରିଛନ୍ତି ଅନନ୍ୟା ଶ୍ରୀତମ ନନ୍ଦ ଓ ସ୍ଵୟଂ ପାଢ଼ୀ। ଏହା ଏକ ଚମତ୍କାର ଗୀତ ଓ ଗୀତରେ ସମସ୍ତେ ସୁନ୍ଦର କାମ କରିଛନ୍ତି। ପ୍ରଥମେ ଏହି ଗୀତ ର ରଚନା ଜେପି ୱାର୍ଡ ସ୍ମିଥ ଏମିତି ଭାବରେ କରିଛନ୍ତି ଯେ ପ୍ରଥମ ଥରକରେ ଆପଣ ଆକୃଷ୍ଟ ହୋଇଯିବେ। ପ୍ରତିଟି ଧାଡ଼ି ରେ ଓଡ଼ିଆ ଶବ୍ଦାବଳୀ ର ଚମତ୍କାରିତା ଦେଖି ପାରିବେ ଓ ବହୁତ୍ ସରଳ ସୁନ୍ଦର ଭାବରେ ଗୌରବ ଆନନ୍ଦ ସ୍ୱର କରିଛନ୍ତି। ହୁଇସିଲ ର ବ୍ୟବହାର ଏହାର ସୁନ୍ଦରତା କୁ ଦୁଇ ଗୁଣ କରିଦେଇଛି। ଏହି ଗୀତ କୁ ଯେଉଁ ସରଳତା ଆବଶ୍ୟକ ଥିଲା ଅନନ୍ୟା ଓ ସ୍ୱୟମ ଦେବାରେ ସଂପୂର୍ଣ୍ଣ ସକ୍ଷମ ହୋଇଛନ୍ତି। ଗାଉଁଲି ଭଲ ପାଇବା ର ସରଳତା ତାଙ୍କ ଉଚ୍ଚାରଣ ରୁ ଝଲସି ଉଠୁଥାଏ। ଏହି ଗୀତ ମୋ ପାଇଁ ଏ ଆଲବମ୍ ର ସବୁଠାରୁ ଭଲ ଗୀତ।

ଶେଷ ରେ ଏତିକି କହିବି ଆଲବମ୍ ଟି ଏକ ଭଲ ଆଲବମ୍ ରେ ଗଣା ଯିବ। ଅଯଥା ଗୀତ କରି ଆଲବମ୍ ର ମାଧୁର୍ଯ୍ୟ କୁ ନଷ୍ଟ କରାଯାଇନାହିଁ। ଗୌରବ ଆନନ୍ଦ ପ୍ରତିଥର ଭଳି କଳାତ୍ମକ ଓ ବ୍ୟାବସାୟିକ ସନ୍ତୁଳନ ରଖିବାରେ ସକ୍ଷମ ହୋଇଛନ୍ତି। ଯଦି ଆପଣ ଓଡ଼ିଆ ଗୀତ ଶୁଣିବାକୁ ପସନ୍ଦ କରନ୍ତି ତେବେ ଶୁଣି କେମିତି ଲାଗିଲା କମେଣ୍ଟ ରେ ଜଣାନ୍ତୁ।

Movie- Pabar Odia film

Direction - Ashok Pati

Starring - Babushan mohanty, Elina Samantray

Music- Gourav Anand

Lyrics- Bapu Goswami , Jp wordsmith

Singer - Aseema Panda , Swayam Padhi, Babushan mohanty, Ananya Nanda , Anurag Das , Mantu Chhuria

Arrangements- Somesh Satpathy teams

ଧନ୍ୟବାଦ

କୈବଲ୍ୟ ନାୟକ।

"ପାବାର୍" ଓଡ଼ିଆ ସିନେମା ଆଲବମ୍ ସମୀକ୍ଷା | Pabar Odia film music album review

Music Review/ ସଙ୍ଗୀତ ସମୀକ୍ଷା