ପଛକୁ ଟିକେ ଫେରିବା

ପୁଣି ଫେରିଯିବା ଟିକେ ସେଇ କଳା ଧଳାର ଦୁନିଆକୁ,

ନା ଥିବ ସାମାଜିକ ଗଣମାଧ୍ୟମ ନା ଥିବ ଫୋନ,

ମୁଁ ତୁମକୁ ଲେଖିବି ଚିଠି ଖଣ୍ଡେ,

ଆଉ ତୁମେ ତାକୁ ପ୍ରେମର ସେ ଅନାବିଳ ଦୂରତାକୁ ଚାହିଁ ରହିଥିବ!!

ତା ପ୍ରତିବଦଳରେ ମୁଁ ପୁଣି ଚାହିଁ ରହିଥିବି ତୁମ ହାତଛୁଆଁରେ,

ଲେଖା ହୋଇଥିବା ଓ ସେଥିରେ ଗୋଲାପି ଚୁମ୍ବନର ଦାଗ ଥିବା,

ମୋ ମନରେ ନେଇ କେତେଯେ ଉତ୍କଣ୍ଠାକୁ ଚିଠି ଖଣ୍ଡିଏ ପାଇଁ....!!

ପ୍ରେମ, ଭଲପାଇବା, ଆନନ୍ଦ, ବିରହ, ଅନୁରାଗ, ଅବେଗ, ଅନୁଭଵ

ମାନ, ଅଭିମାନ ଏମିତି କେତେ ଯେ ଭାବନା ସବୁ......

ଯେଉଁଠି ବାସ୍, ତୁମେ ମୋତେ କହିବ ଓ ମୁଁ ତୁମକୁ କହିବି....!!

ପୁଣି ଫେରିଯିବା ଚାଲ ସେଇ ଅଭାବ ଅନଟନର ସହରକୁ

ଯେଉଁଠି ଦେଖାଣିଆ ଠୁ ବହୁଦୂରରେ ମାନବିକତା ଥିବ,

ଆଉ ଅଭାବରେ ଭାବଥିବ, ଆଉ ଭାବରେ ଆମେ ଥିବା,

ପ୍ରେମ ଆକାଶର ଦିଗବଳୟରେ ଆମେ ଇନ୍ଦ୍ରଧନୁ ସାଜିବା,

ଯେଉଁଠି କେବଳ ତୁମେ ମୋ ପ୍ରେମିକା ନ' ଥିବ,

ତୁମେ ଥିବ ସାଜି ମୋର ଅର୍ଦ୍ଧାଙ୍ଗିନୀ!!

ମୋ ତେଲ ନୁଣ ର ସଂସାର ଭିତରେ.....!!

ଯଦି ଦୁହେଁ ଭାଙ୍ଗି ପଡ଼ିଥାନ୍ତେ କେବେ ତାହେଲେ,

ଦୁହେଁ ଦୁହିଁଙ୍କ କାନ୍ଧରେ ମୁଣ୍ଡ ରଖି ଶୋଇପଡ଼ିଥାନ୍ତେ,

ସବୁଦିନ ପାଇଁ ଚୀର ନିଦ୍ରାରେ.........

~✍️ଶିବରାମ ନାୟକ

"ପଛକୁ ଟିକେ ଫେରିବା"