ପାଗଳ

ଆରେ ବାପ୍ ରେ,

ଆଉ ବଳ ପାଉନି, ଏତେ ଉଚ୍ଚା ରାସ୍ତା।ଲାଗୁଛି ମୋ ସାଇକେଲ୍ ଟା ପୂରା ଠିଆ ହେଇଯିବ। ଗୋଡ଼ ଥକି ପଡିଲାଣି। ଏତେ ଜୋର୍ ରେ କିଏ ପ୍ୟାଡେଲ୍ ମାରିବ ଯେ,

ଚୁପ୍।।। ପ୍ୟାଡେଲ୍ ମାର୍। ସମସ୍ତେ ଯେମିତି ଯାଉଛନ୍ତି,ତୁ ଵି ସେମିତି ଯିବୁ । ତୁ କଣ ଭି .ଆଇ.ପି ନା କଣ?

ତତେ ସବୁ କଷ୍ଟ ହଉଛି ନା।।।ଆରେ.....

ହଉ ଆଉ ବେଶି କେଁ କେଁ ହନା ,ଯାଉଛି।।।।

ଓଃ କି କଷ୍ଟ।

ଏଇ ଖରାବେଳେ ରେ , ହାଲିଆ ହାଲିଆ ଲାଗୁଛି।କିଏ ଗୋଟେ ସର୍ବତ କରିକି ଦିଅନ୍ତା କି। ପୁରା ଢ଼କ ଢ଼କ କରିକି ପିଇ ଦିଅନ୍ତି। ହେ, ସେ ଭାଗ୍ୟ କାଇଁ,ଆମେ ତ ବାଵା ତୁରାଣି ପିଆ ଲୋକ।ଭଲା ସେଇଆକୁ ଟିକେ ମିଳନ୍ତା ସିନା।

ହେଇ ହେଇ ହେଇ ସାମଲ୍ ଘର ଝିଅ।।।।।

ନା,ମ। ସେ କାହିଁକି ହବ?

ତତେ ସବୁ ଦେଖାଯାଉଛି ନା? ପକା ମାଢୁଆ ଅଛୁ ଆଉ।।।।

ହଁ ସେଇତ। ତା ହାତ ହଲା ଚାଲି ଦେଖିକି ମୁଁ ଦୂରରୁ ପା କହିଦେମି ସେଇ ବୋଲି।

ଚୁପ୍ ତୋ ଆଖିରେ ବିଣ୍ଡା ଲଗା।ପର ଝିଅ କୁ ସବୁବେଳେ ଗୋଟେ ଦେଖୁଛୁ !!!

ମଲା ଟିକେ ଦେଖିନେଲେ କଣ ହେଇଯାଉଛି ଯେ,

ରହ ରହ ରହ।।।ନା,ରେ ସେ ଆଉ କିଏ? ମୁଁ ଭାବୁଥିଲି ସାମଲ୍ ଝିଅ।

ହଁ ସେ ଯିଏ ହଉ।।।।ମୋର କଣ ଗଲା?

ଆକାଶ ଟା କଳା କଳା କିଆଁ ଦେଖାଯାଉଛି? ବର୍ଷା ହଵନା କଣ?ହୁଅନ୍ତାକି ଟିକେ,ମୁଁ ନାଚନ୍ତି ବର୍ଷା ପାଣିରେ।।।

ହେ ମୋ ବଉ ଦେଖିଲେ ମୋତେ ଗୋଡେଇକି ପିଟିବ। ସେଦିନ ଯେମିତି ବଉ କୁ କହିଲି,

ବଉ ଲୋ, ବଉ।।ସବୁଦିନ ତୁ ରୋଷେଇ କରୁଛୁ ଆଜି ମୁଁ ଟିକେ କରନ୍ତି। ମୋ କଥା ଶୁଣି ବଉ ର ମୁହଁ କୁରୁକୁରା ଭଳିଆ ତେଢେ ମେଢେ ହେଇଯାଇଥିଲା।।।।।।।

ହା ହା ହା ହା।।।।।

ଯାହା ହଉ ରାଜି ତ ହେଲା।।।ହେଲେ ମୁଁ କଲି କଣ?

କୁଲା ଟାକୁ ଚୁଲି ରେ ବସେଇ ଦେଲି ,ଆଳୁ ଦୁଇଟା ପକେଇଦେଲି,ଖଡିକା ମାରି ଚାଲିଲି।।।।

କୁଲା ଟା ପୋଡିକି କଣା ହେଇଗଲା।ଆଳୁ ଚୁଲିରେ ଗଳିପଡିଲା।

ବଉ ସେପଟୁ ଦଉଡିଆସିଲା।।।ସେଇ ଖଡିକା ଛଡେଇକି ଛେଚି ପକେଇଲା।

ଓଫ୍ କି ମାଡ ରେ,ମୋ ପିଠି ରେ ଖଡିକା ଚିହ୍ନ ପଡିଗଲା।।।।।।

ହେଇ ଟିପି ଟିପି ପକେଇଲା ଆଉ.....

ଏବେ ଏତେ ଜୋର ଖରା ହଉଥିଲା,ଏବେ ପୁଣି ବର୍ଷା।

ଧେତ୍ ତେରି ଭୂଲିଗଲି ଆଉ।।।।

ମୁଁ ଯାଉଛି କୁଆଡେ,

ହଁ ହଁ ମନେ ପଡିଲା।।।।।।ନା ରେ ସତର ମନେ ପଡୁନି।

ରହ ରହ ଭାବେ। ହେସ୍, ମୁଣ୍ଡରେ କିଛି ପଶୁନି।।।।।ଦେ ଛାଡ୍।।।

ଆରେ, ଏ ରାସ୍ତା ମଝିରେ ବାଡ଼ କିଏ ଦେଲା।

ଓଃ ଏଟା ଟ୍ରେନ୍ ଫାଟକ।।।।

ଟ୍ରେନ୍ ଯିବ ବୋଧେ।ହଉ ଯାଉ ଦେଖିବା।

ଲାଇନ୍ ସେପଟ ଫାଟକ ପାଖରେ ଏତେ ଲୋକ ଯାମ୍ ହେଇଗଲେଣି।

ଏପଟେ ବି ଯାମ୍।।।।

ଗୋଟେ ବଡ଼ ଯୁଦ୍ଧ ହବ ବୋଧେ।

ଫାଟକ ଉଠିଗଲେ,ଲୋକ ସବୁ ପିଟା ପିଟି ହେଇ ଯିବେ ଆଉ।।।ମଜା ହବ।।।

ହେଇ ହେଇ ହେଇ ଟ୍ରେନ୍ ଆସିଲା।।।।

ଛୁକୁ ଛୁକୁ ଛୁକୁ ଛୁକୁ ଛୁକୁ.........

ଲୋକ ଗୁଡା ମୋ ମୁହଁ କୁ କାହିଁକି ଅନେଇଛନ୍ତି ଯେ ?

ଫାଟକ ଉଠିଲା।

ଆକ୍ରମଣ।।।।।।।।।।।।

କାଇଁ ଯୁଦ୍ଧ ହେଲାନି ତ!!!!

(କ୍ରମଶଃ)

ଅବିକଶିତ ଗାଳ୍ପିକ - ସୌମ୍ୟ ରଞ୍ଜନ ରାୟ

ଭୂୟାଁଉଆସ ,ଗୁଆମାଳ ,ଭଦ୍ରକ

ପାଗଳ |Pagala | A story On a mad boy

ସମସ୍ତଙ୍କୁ କହି ରଖିବାକୁ ଚାହୁଁଛି ଯେ ମୁଁ ପାଗଳ ନୁହେଁ।ମୋ ମୁଣ୍ଡ କିନ୍ତୁ ଖରାପ!