पाणी द्रव स्थायु बाष्प
पाणी असे नाना रूप
जीवन सारे कसे व्यर्थ
*पाण्याविना ...*

पाणी असता सुस्वास्थ्य
पाणी नसता अस्वास्थ्य
सुआरोग्य कैसे मिळे
*पाण्याविना ...*

पाणी सुजल निर्मल
करी स्वछ तन मन
सदा वाटे ते बेचैन
*पाण्याविना ...*

पाणी बहू उपयोगी
घरा दारा शेतामधी
कोमेजती तन धान
*पाण्याविना ...*

तृषार्तांसी करी तृप्त
असो वैरी किंवा आप्त
विवादासी फुटे तोंड
*पाण्याविना ...*

पाणी सृजन जीवन
जीवांसाठी संजीवन
कैसी कल्पावी ही सृष्टी
*पाण्याविना ...*

पाण्या नसे शिळेपण
नको त्याची उधळण
सारे होई ते वैराण
*पाण्याविना ...*

पाणी असे अनमोल
कैसे व्हावे त्याचे मोल
धरा होई ती मलूल
*पाण्याविना...*

पाणी पृथ्वीचे अमृत
साठा त्याचा मर्यादित
जपू अळवावरचाही थेंब
*जीवांसाठी ...*

*****************************

पाण्याविना

जागतिक जल दिन निमित्याने काव्य