ହାଡ଼ି ପୁଣି ଶ୍ରୀମନ୍ଦିର ରେ ସେବା। ! ସତରେ କଣ ଏହା ସମ୍ଭବ ? ଗୋଟେ ହାଡ଼ି କଣ ଶ୍ରୀମନ୍ଦିର ରେ ସେବା କରିପାରେ ?

ଉତ୍ତର :- ହଁ ଆଜ୍ଞା ହାଡ଼ି ର ମଧ୍ୟ ଶ୍ରୀମନ୍ଦିର ରେ ବିଶିଷ୍ଟ ସେବା ରହିଛି ତାହା କେବେ ଆଉ କିପରି ଆରମ୍ଭ ହେଲା ଆସନ୍ତୁ ଜାଣିବା ।

ଅନେକ ଦିନ ତଳ ର କଥା ପ୍ରାୟ ରାଜା ଯଯାତି କେଶରୀ ଙ୍କ ସମୟ ର କଥା , ଋଷିକୂଲ୍ୟା ନଦୀ କୁଳ ରେ ଗୋଟେ ଛୋଟ ଚାଳ ଘରେ ରହୁଥାଏ ଏକ ହାଡ଼ି ଟିଏ । ଛୋଟ ଜାତି ବୋଲି ଭାରି ମାନେତା ତାର । ସେଇ ଗ୍ରାମ ର କାହାକୁ ଛୁଁଏନି ସେ , ବ୍ରାହ୍ମଣ ବୈଷ୍ଣବ ଦେଖିଲେ ଦୂର ରୁ ସାଷ୍ଟାଙ୍ଗ ପ୍ରଣିପାତ କରେ। କିନ୍ତୁ ଗରିବ ହେଲେ ମଧ୍ୟ କୃଷ୍ଣ ପ୍ରେମ ରେ ନିଜକୁ ହଜେଇଦିଏ , ଘର ପାଖ କୃଷ୍ଣ ମନ୍ଦିର ରେ ସବୁ ଦିନ ବାଜା ବଜେଇ ନାମ କୀର୍ତ୍ତନ କରେ ଆଉ ମନ୍ଦିର ରେ ବାହାରୁ ଥିବା ପ୍ରସାଦ ଖାଇ ବଞ୍ଚି ଯାଏ । ଏକା ମଣିଷ ଟିଏ ସଂସାର ବୋଲି ତାର କିଛି ନାଇଁ , ସେ ସମ୍ପୂର୍ଣ୍ଣ ଏକା। ଦିନକର କଥା ସେ କୃଷ୍ଣ ମନ୍ଦିର ଯାଇଥାଏ ସବୁ ଦିନ ପରି ନାମ ସଂକୀର୍ତନ କରିବା କୁ ଏପଟେ ଭୋକ ପ୍ରବଳ ମନ ରେ ଥାଏ ପ୍ରସାଦ ଖାଇ କୀର୍ତ୍ତନ କରି ସେଇଠାରେ ହିଁ ଶୋଇଯିବି । ସେଦିନ ଏକାଦଶୀ ଥାଏ କିନ୍ତୁ ହାଡ଼ି କି ଜାଣେ ଏକାଦଶୀ ସେ ତ କର୍ମ କାଣ୍ଡ ଠୁ ବହୁତ ଦୂର ରେ । ସେଦିନ ମନ୍ଦିର ରେ ପହଂଚି ଦେଖିଲା ଏକ ବ୍ରହ୍ମ ରାକ୍ଷସ, ବିଶାଳ ତା ଶରୀର ବଡ ଭୟଙ୍କର ତା ରୂପ । ରାକ୍ଷସ ଟି ବସି କୃଷ୍ଣ ପ୍ରସାଦ ଖାଉଛି। ଚକିତ ହେଇଗଲା ହାଡ଼ି ଟି ଇଏ ମୁଁ କଣ ଦେଖୁଚି ? ଇଏ ବ୍ରହ୍ମ ରାକ୍ଷସ କଣ ଏଠି ? ଡରି ଡରି ପାଖକୁ ଗଲା । କହିଲା ହେ ! ବ୍ରାହ୍ମଣ ଦେବତା ମତେ ପ୍ରବଳ ଭୋକ ମୁଁ ଏ ପ୍ରସାଦ ଖାଇ ନିଜ ଭୋକ ଦୂର କରେ, ଦୟାକରି ମତେ ପ୍ରସାଦ ଦିଅନ୍ତୁ , ମୁଁ ମୋ ଭୋକ ମେଣ୍ଟେଇ ଦେବି ଆପଣ ଙ୍କ ଭୋକ ମେଣ୍ଟିବା ପାଇଁ ମୋ ଶରୀର ଅଛି । ମୋତେ ଗ୍ରହଣ କରି ଆପଣ ତୃପ୍ତ ହେଇଯିବେ । ବ୍ରହ୍ମ ରାକ୍ଷସ ଟି କିଛି ନ କହି ପ୍ରସାଦ ହାଡ଼ି ଟିକୁ ଦେଇଦେଲେ । ହାଡ଼ି ପ୍ରସାଦ ଖାଇ କହିଲା ମୋ ପେଟ ତ ପୁରିଗଲା ଏବେ ଆପଣ ମତେ ଗ୍ରହଣ କରନ୍ତୁ । କିନ୍ତୁ ରାକ୍ଷସ ମନା କଲା କହିଲା ମୁଁ ତୁମକୁ ଖାଇ ପାରିବିନି । ଆଜି ଏକାଦଶୀ ତୁମେ ହିଁ ଚାହିଁଲେ ମତେ ରାକ୍ଷସ ଯୋନି ରୁ ମୁକ୍ତି ଦେଇ ପାରିବ । ହାଡ଼ି ଚକିତ ହେଇଗଲା । କହିଲା ମୁଁ ? ମୁଁ କିପରି ପାରିବି ? ମତେ ତ କିଛି ଜଣା ନାଇଁ । ବ୍ରହ୍ମ ରାକ୍ଷସ କହିଲା ମୁଁ ଯାହା ଯାହା କହୁଛି ସେଇୟା ସେଇୟା କର । ବ୍ରହ୍ମ ରାକ୍ଷସ କହିଲା ନିଜ ହାତ ମୁଠା କର ,। କୁହ ହେ ନାରାୟଣ ! ଆଜି ଏକାଦଶୀ ର ସମସ୍ତ ଫଳ ମୋର ମୁଁ ଏହି ବ୍ରହ୍ମ ରାକ୍ଷସ କୁ ଦେଉଛି ତା ପରେ ହାତ ଖୋଲି ଦିଅ । ହାଡ଼ି ସାଙ୍ଗେ ସାଙ୍ଗେ ସେଇୟା କଲେ । ତତକ୍ଷଣାତ ହାଡ଼ି ଟି ଦେଖିଲା ଆଉ ବ୍ରହ୍ମ ରାକ୍ଷସ ତା ପାଖରେ ନାଇଁ ସୁନ୍ଦର ରୂପ ସମ୍ପର୍ଣ୍ଣ ଜଣେ ବ୍ରାହ୍ମଣ ଆତ୍ମା ସେଠି ଅଛନ୍ତି । ଚକିତ ହେଇଗଲା ହାଡ଼ି । ଏ କଣ? ପଣ୍ଡିତେ ଆଜ୍ଞା ଆପଣ ! କିନ୍ତୁ ଆପଣ ବ୍ରହ୍ମ ରାକ୍ଷସ କିପରି ହେଲେ? ଆପଣ ଆମ ଗ୍ରାମ ର ବା କର୍ମ କାଣ୍ଡ ବ୍ରାହ୍ମଣ ଗୋସେଇଁ । ସେଠି ସବୁ କଥା ଆତ୍ମା ଟି କହିଲା , ବ୍ରାହ୍ମଣ କହିଲେ ମୁଁ ଦେବ କର୍ମ କରି କର୍ମ କାଣ୍ଡ କରି ଅନେକ ଦେବ ଧନ ନିଜେ ଖାଇଛି , ନିଜକୁ ଠିକ ପ୍ରମାଣିତ କରିବା କୁ ଯାଇ ଅନେକ ମନ୍ତ୍ର ଭୁଲ କହିଛି ତାର ଫଳ ସ୍ୱରୂପ ମୁଁ ମଲା ପରେ ଆଜି ରାକ୍ଷସ ହେଇ ବୁଲୁଥିଲି , ହେ କୃଷ୍ଣ ଭକ୍ତ ! ତୁମ ଏକାଦଶୀ ଫଳ ଆଜି ମତେ ଏ ପାପ ରୁ ମୁକ୍ତି ଦେଲା । ତମକୁ ମୁଁ ବର ଦଉଚି ତୁମେ ଚର୍ମ ଆଖି ରେ ନାରାୟଣ ଙ୍କ ଦର୍ଶନ ପାଇବ , ଏ କଥା ଶୁଣି ହାଡ଼ି ଟି କାନ୍ଦ କାନ୍ଦ ହେଇଗଲା। ମୋ ଭଳିଆ ଅଧମ ପୁଣି ଚର୍ମ ଆଖି ରେ ପ୍ରଭୁ ଙ୍କୁ ଦେଖିବ, ଆଉ କଣ ଦରକାର ଏ ଜୀବନ ରେ? ଏତିକି କହି ବ୍ରାହ୍ମଣ ଙ୍କ ଆତ୍ମା ଗାୟବ ହେଇଗଲେ । ଖୁସି ର ଲୁହ ଆଉ ପ୍ରେମ ଭରା ଭକ୍ତି ରେ ସେଇ କୃଷ୍ଣ ମନ୍ଦିର ରେ ନିଦ ହେଇ ଯାଇଛି ହାଡ଼ି କୁ । ସ୍ବପ୍ନ ରେ ଦେଖେ ତ ସାକ୍ଷାତ ଶ୍ରୀ କୃଷ୍ଣ ଆଉ ରାଧା ତା ପାଖେ ଅଛନ୍ତି ସେ ପ୍ରଭୁ ଙ୍କ ଗୋଡ ତଳେ ପଡିଛି । କିଛି ସମୟ ରେ ହାଡ଼ି ନିଦ ଭାଙ୍ଗିଗଲା , କିନ୍ତୁ ଦେଖିଲା ବେଳକୁ ସେ ଆଉ କୃଷ୍ଣ ମନ୍ଦିର ରେ ନାହିଁ । ଶ୍ରୀମନ୍ଦିର ଦକ୍ଷିଣ ଦ୍ୱାର ସମୁଖରେ ନିଜକୁ ପାଇଲା । ଆଉ ସାମ୍ନା ରେ ରାଜା ଯଯାତି କେଶରୀ ଠିଆ ହେଇଛନ୍ତି , ଡରିଗଲା ହାଡ଼ି ଟି କହିଲା ରାଜନ ମୁଁ କିଛି ଜାଣିନି କେମିତି ଏଠି କୁ ଆସିଲି ତାହା ମଧ୍ୟ ଜାଣିନି ମୁଁ କୃଷ୍ଣ ମନ୍ଦିର ରେ ଶୋଇଥିଲି । ରାଜା ସବୁ ଶୁଣିକି ହସିଲେ ଆଉ କହିଲେ ତୁମ ବାଜା ମଧ୍ୟ ଏଠି ଅଛି, ୟାକୁ ବଜେଇକି ହରି କୀର୍ତ୍ତନ କରି ପାରିବ ? ହାଡ଼ି ଖୁସି ହେଇଗଲା ଆଉ ସେଇ ଦକ୍ଷିଣ ଦ୍ଵାର ନିକଟ ରେ ବାଜା ବଜେଇ ନିମଗ୍ନ ହେଇଗଲା ହରି କୀର୍ତ୍ତନ ରେ। ଅତ୍ୟନ୍ତ ଖୁସି ହେଇଗଲେ ରାଜା ହାଡ଼ି କୁ ବନ୍ଦାପନା କରି ,। ନୂତନ ବସ୍ତ୍ର ପିନ୍ଧେଇ ପାଛୋଟି ନେଇଗଲେ ଶ୍ରୀମନ୍ଦିର କୁ ହାଡ଼ି କିଛି ବୁଝି ପାରୁ ନଥାଏ । ପଚାରିଲା ମହାରାଜ ମୋର ଏଠି କାମ କଣ ? ମୁଁ ତ ଅଛୁଆଁ । ରାଜା କହିଲେ ପ୍ରଭୁ ସ୍ୱପ୍ନାଦେଶ କରିଛନ୍ତି, ଗୋଟେ ଦିନ ରେ ୩ଟା ଧୂପ ପୂଜା ହୁଏ । ପଣ୍ଡା ଯେତେବେଳେ ପୂଜା ବସିକି ଘଣ୍ଟି ବଜେଇବେ ତୁମେ ଜୟ ବିଜୟ ଦ୍ଵାର ପାଖେ ରହି ବାଜା ବଜେଇ ହରି କୀର୍ତ୍ତନ ରେ ମାତି ଯିବ। ତୁମ ବାଜା ଶୁଣି ପ୍ରଭୁ ଖାଇବେ । ଧୂପ ପରେ ଦ୍ଵାର ଖୋଲିବା ପୂର୍ବରୁ ତୁମ ବାଜା ବନ୍ଦ ହବ । ଏହା ଛଡା ଜାନି ଯାତ୍ରା ଯେତେବେଳେ ବି ପ୍ରଭୁ ଙ୍କର ଚଳନ୍ତି ପ୍ରତିମା ବାହାରିବେ ଆଗରେ ଆଗରେ ତୁମେ ବାଜା ବଜେଇ ବଜେଇ ଯିବ ପଛରେ ପ୍ରଭୁ ବିଜେ କରିବେ । ଏ କଥା ଶୁଣି ହାଡ଼ି ଖୁସି ର ସୀମା ରହିଲାନି । ଆନନ୍ଦ ରେ ନାଚି ଉଠିଲା । ତାର ସଂସାର ନଥିବା ରୁ ତା ବିବାହ ବନ୍ଦୋବସ୍ତ ରାଜା କରି ତା ସଂସାର ମଧ୍ୟ ବଢ଼େଇଲେ , ଯେମିତି ତା ପର ପିଢ଼ି ମଧ୍ୟ ଏ କାମ କରି ପାରିବେ । ଆଜି ବି ତାଙ୍କ ବଂଶ ଧର ଧୂପ ସମୟ ରେ ବାଜା ବଜାଉଛନ୍ତି , ଆଉ ଆପଣ ମାନେ ଜାଣିଥିବେ ଚଳନ୍ତି ପ୍ରତିମା ଯେତେବେଳେ ବି ବାହାରନ୍ତି ତାଙ୍କ ଆଗରେ ଏହି ହାଡ଼ି ବଂଶଜ ମାନେ ଆଜି ବି ବାଜା ବଜେଇ ବଜେଇ ଯାଇଥାନ୍ତି । ଏଇ ହଉଚି ଜଗନ୍ନାଥ କରୁଣା ଏଇ ହଉଛି ଜଗନ୍ନାଥ ମହିମା , ଏଥିରୁ ସ୍ପଷ୍ଟ ଯେ ସେ ଜାତି, ଧର୍ମ, ବର୍ଣ୍ଣ ରୁ ଉର୍ଦ୍ଧ ରେ ସେ କେବଳ ଭକ୍ତ ର କେବଳ ଆଉ କେବଳ ଭକ୍ତ ର ।

ପରଂବ୍ରହ୍ମ ଶ୍ରୀ ଜଗନ୍ନାଥ ଆଉ ତାଙ୍କର ବିଶିଷ୍ଟ ହାଡ଼ି ସେବା

ପରଂବ୍ରହ୍ମ ଶ୍ରୀ ଜଗନ୍ନାଥ ଆଉ ତାଙ୍କର ବିଶିଷ୍ଟ ହାଡ଼ି ସେବା