ବିଷୟ ପ୍ରବେଶ -

******************

ଏ ଉତ୍କଳ ପ୍ରଦେଶ ହେଉଛି ଖାଦ୍ୟ ପ୍ରିୟ ପ୍ରଦେଶ। ଏ ପ୍ରଦେଶ ର ମାଲିକ ଯିଏ ଛପନ ଭୋଗ ରେ ପେଟ ଶାନ୍ତି କରୁଛି, ତାର ପ୍ରଜା ମାନେ କେମିତି ବା ପଛରେ ରହିଯିବେ। ଓଡିଆ ଖାଦ୍ୟ କେବଳ ଭାରତ ବର୍ଷ ରେ ନୁହେଁ ସମଗ୍ର ବିଶ୍ବରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି।

ଅନ୍ୟାନ୍ୟ ଆଞ୍ଚଳିକ ଭାରତୀୟ ରୋଷେଇ ତୁଳନାରେ ଓଡିଆ ରୋଷେଇରେ କମ୍ ତେଲ ବ୍ୟବହାର ହୁଏ ଏବଂ କମ୍ ମସଲାଯୁକ୍ତ ହୋଇଥିବାବେଳେ ସ୍ବାଦଯୁକ୍ତ ହୋଇଥାଏ। ଭାତ ହେଉଛି ଏହି ଅଞ୍ଚଳର ମୁଖ୍ୟ ଖାଦ୍ୟ ।

ଓଡିଶାର ପୁରୀ-କଟକ ଅଞ୍ଚଳ ରେ ମିଳୁଥିବା ଖାଦ୍ୟ ଜଗନ୍ନାଥ ମନ୍ଦିର ଦ୍ୱାରା ବହୁତ ପ୍ରଭାବିତ ହୋଇଥାଏ ।ଏହା ବ୍ୟତୀତ ଅନ୍ୟାନ୍ୟ ସ୍ଥାନ ମାନଙ୍କରେ ମଧ୍ୟ ଖାଦ୍ୟ ପାନୀୟ ରେ ବହୁ ବିଶେଷତା ଦେଖିବାକୁ ମିଳିଥାଏ। ମାଛ ଏବଂ ଅନ୍ୟାନ୍ୟ ସାମୁଦ୍ରିକ ଖାଦ୍ୟ ମୁଖ୍ୟତଃ ଉପକୂଳବର୍ତ୍ତୀ ଅଞ୍ଚଳ ରେ ଖିଆଯାଇଥାଏ। ମସଲା ସହିତ କ୍ରାବ୍, ପ୍ରବନ୍ ଏବଂ ଲବଷ୍ଟରରୁ ଅନେକ କରି ପ୍ରସ୍ତୁତ କରାଯାଏ। ନଦୀ ଓ ଜଳସେଚନ କେନାଲରୁ ମଧୁର ଜଳ ମାଛ ରେ ମଧ୍ୟ ଅନେକ ବ୍ୟଞ୍ଜନ ପ୍ରସ୍ତୁତି କରାଯାଏ।

ଖାଦ୍ୟ ପ୍ରାଣୀ ଜୀବନ ନିମନ୍ତେ ଏକ ଅତ୍ୟାବଶ୍ୟକ ପଦାର୍ଥ। ଏହା ଶରୀର କୁ ବିକଶିତ କରିଥାଏ, ଶକ୍ତି ଯୋଗାଇଥାଏ ଏବଂ ବଞ୍ଚି ବାକୁ ସକ୍ଷମ ବନେଇଥାଏ। ଖାଦ୍ୟ ରେ ଭିନ୍ନ ଭିନ୍ନ ଖାଦ୍ୟ ସାର ରହିଛି ଯାହା ଆମ ମାନଙ୍କ ଶରୀର ରେ ଭିନ୍ନ ଭିନ୍ନ କାର୍ଯ୍ୟ ସମ୍ପାଦନ କରିଥାଏ।

ଓଡିଶା ଏକ ଖାଦ୍ୟ ପ୍ରିୟ ପ୍ରଦେଶ ହୋଇଥିବାରୁ ଏଠାକାର ଖାଦ୍ୟ ରେ ସ୍ବତନ୍ତ୍ରଭାବ ଦେଖିବାକୁ ମିଳିଥାଏ।ଏଠାକାର ଖାଦ୍ୟ କେବଳ ନିଜ ପ୍ରଦେଶ ଆବଦ୍ଧ ନ ହୋଇ ଦେଶ ବିଦେଶରେ ମଧ୍ୟ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି। ଏଠାକାର ଖାଦ୍ୟ ରେ ମଧ୍ୟ ବହୁ ତାରତମ୍ୟତା ଦେଖିବାକୁ ମିଳିଥାଏ। ସ୍ଥାନ ଅନୁଯାୟୀ ଖାଦ୍ୟ ର ପ୍ରକାରରେ ମଧ୍ୟ ବହୁ ପରିବର୍ତ୍ତନ ଦେଖିବାକୁ ମିଳିଥାଏ। ପ୍ରତ୍ୟେକ ଖାଇବାରେ ଲୋକ ମାନେ ସାଧାରଣତଃ ଚଟପଟି ଖାଇବାକୁ ଅଧିକ ପସନ୍ଦ କରନ୍ତି। ଚଟପଟି ଅର୍ଥ ମସଲା ଯୁକ୍ତ ଖାଦ୍ୟ। ଏ ମସଲା ଯୁକ୍ତ ଖାଦ୍ୟ ର ଚାହିବା ବହୁ ପୁରୁଣା। ଶରୀର ପାଇଁ କୁ ପ୍ରଭାବ ପକାଇବା ସତ୍ତ୍ୱେ ବି ମସଲା ବିନା ଖାଦ୍ୟ କୁ ଆପଣେଇବାକୁ କେହି ପସନ୍ଦ କରନ୍ତି ନାହିଁ। ତେଣୁ ଅନେକ ଖାଦ୍ୟ କୁ ମସଲା ଯୁକ୍ତ କରି ପ୍ରସ୍ତୁତ କରାଯାଏ। ଯାହା ଖାଦ୍ୟ ର ସୁଆଦ ଓ ସୁନ୍ଦରତାକୁ ଦ୍ବିଗୁଣିତ କରି ଦିଏ। ଖାଦ୍ୟ କୁ ସ୍ବାଦ ସଂପନ୍ନ କରିବା ପାଇଁ ଓଡ଼ିଶାର ଲୋକ ମାନେ ଭିନ୍ନ ଭିନ୍ନ ମସଲା ର ବ୍ୟବହାର କରନ୍ତି। ଏଥିରେ ଅନେକ ପୋଷକ ତତ୍ତ୍ବ ରହିଥାଏ। ଯାହା ମଣିଷ ଶରୀର ବିକାଶ ରେ ଵହୁ ସହାୟକ ହୋଇଥାଏ, ମାତ୍ର ଅତ୍ୟଧିକ ଭାବେ ଏହାର ସେଵନ ପେଟ ସମସ୍ୟା ଭଳି ଅନେକ ସମସ୍ୟା ସୃଷ୍ଟି କରିବାରେ ସାହାଯ୍ୟ କରିଥାଏ। ଏହା ପରେ ବି ଓଡ଼ିଶାର ପିଲା ଠାରୁ ଆରମ୍ଭ କରି ବୁଢା ପର୍ଯ୍ୟନ୍ତ ସମସ୍ତେ ମସଲା ଯୁକ୍ତ ଖାଦ୍ୟ କୁ ଖାଦ୍ୟ ଭାବେ ଗ୍ରହଣ କରିବାକୁ ପସନ୍ଦ କରିଥାନ୍ତି।

ଓଡିଶାରେ ଅନେକ ସୁପ୍ରସିଦ୍ଧ ଲୋକପ୍ରିୟ ମସଲା ଯୁକ୍ତ ଖାଦ୍ୟ ରହିଛି। ଆମିଷ ଓ ନିରାମିଷ ଉଭୟ ରେ ମସଲା ବ୍ୟବହାର କରି ବହୁ ସୁସ୍ବାଦୁ ବ୍ୟଞ୍ଜନ ମାନ ପ୍ରସ୍ତୁତି କରାଯାଏ। ତେଣୁ ଏଠାରେ ପ୍ରମୁଖ ମସଲା ଯୁକ୍ତ ଖାଦ୍ୟ ସମ୍ବନ୍ଧରେ ଆଲୋଚନା କରାଯାଇଅଛି -

ଚିକେନ୍ ଆଳୁ ଝୋଳ -

****************

ଏହା ସାଧାରଣତଃ ପ୍ରତ୍ୟେକ ଓଡ଼ିଆଙ୍କ ର ପ୍ରିୟ ଖାଦ୍ୟ ହୋଇଥାଏ। ବିଶେଷ କରି ମୌସୁମୀ ଆଗମନ ରେ ଏହାର ଚାହିଦା ଦ୍ବିଗୁଣିତ ହୋଇଯାଏ। ଏହାକୁ ପ୍ରସ୍ତୁତ କରିବା ପାଇଁ ଚିକେନ୍,ଆଳୁ ଏବଂ ବିଭିନ୍ନ ମସାଲା ଯେପରିକି ପିଆଜ, ରସୁଣ ,ଅଦା ,ତେଜପତ୍ର , ଗୋଟା ମସଲା, ହଳଦୀ ,ଲୁଣ , ଲଙ୍କା ଏବଂ ସୋରିଷ ତେଲ ର ଆବଶ୍ୟକତା ପଡିଥାଏ। ପ୍ରଥମେ ଆଳୁ କୁ ଭାଜି ରଖାଯାଏ। ତାପରେ କରେଇ ରେ ତେଲ ସହ ଗୋଟା ମସଲା ପକାଇ ଯଥା ଡାଲଚିନି ,ଅଳେଇଚ, ଗୋଲ ମରିଚ ,ତେଜପତ୍ର ଆଦି ପକେଇଲା ପରେ ପିଆଜ ପକାଯାଏ।ଏହା ଭାଜିଲା ପରେ ଅନ୍ୟାନ୍ୟ ମସଲା ପକାଇ ଭଲଭାବେ କଷା ଯାଏ। ତାପରେ ଭଜା ଆଳୁ ଏବଂ ମାଂସ କୁ ପକାଇ ସିଝିବା ଯାଏଁ କଷାଯାଏ।ତାପରେ ସିଝିଲା ପରେ ସେଥିରେ ଉପଯୁକ୍ତ ପରିମାଣ ରେ ପାଣି ଦିଆଯାଇ ଫୁଟା ଯାଏ।ସର୍ବ ଶେଷରେ ସେଥିରେ ଗରମ ମସଲା ପକାଇ ପରିବେଷଣ କରାଯାଏ।

ଭେଣ୍ଡି ସୋରିଷ ମସଲା -

*****************

ଏହା ସାଧାରଣତଃ ପ୍ରତି ଓଡିଆ ଘରେ ଘରେ ପରିଚିତ। ଏହା ଗରିବ କିମ୍ବା ଧନୀ ସମସ୍ତଙ୍କ ଠାରୁ ଆଦୃତ ମିଳିଥାଏ। ଆମେ କହିପାରିବା ଯେ ଏହା ଓଡିଶାର ସବୁଠାରୁ ଲୋକ ଆଦୃତ ଵ୍ୟଞ୍ଜନ। ଏହାକୁ ପ୍ରସ୍ତୁତ ନିମନ୍ତେ ଭେଣ୍ଡି, ସୋରିଷ ତେଲ ,ପିଆଜ, ଲୁଣ ,ଲେମ୍ବୁ ରସ ,ସୋରିଷ,ଜିରା ,ଟମୋଟୋ ,ରସୁଣ ,କଞ୍ଚା ଲଙ୍କା ଆଦିର ପେଷ୍ଟ କରି ବ୍ୟବହାର କରାଯାଏ। ଭେଣ୍ଡି କୁ ମଝିରୁ କାଟି ସୋରିଷ ତେଲ ରେ ଭଜା ଯାଏ। ଏହା ପରେ ତେଲ ରେ ପିଆଜ ଓ ପେଷ୍ଟ ମସଲା କୁ ପକାଇ କଷା ଯାଏ ,ତାପରେ ସେଥିରେ ଭେଣ୍ଡି ପକାଇ କଷା କଷା କରି ଖିଆ ଯାଇଥାଏ।

ମସଲା ଦୋସା-

***********

ମସଲା ଦୋସା ,ଓଡିଶାର ବହୁ ଲୋକ ପସନ୍ଦୀୟ ଜଳଖିଆ ମଧ୍ୟରେ ଅନ୍ୟତମ। ଏଥି ନିମନ୍ତେ ଅରୁଆ ଚାଉଳ, ବିରି ,ଆଳୁ ,ପିଆଜ , କଞ୍ଚା ଲଙ୍କା ,ଅଦା,ବୁଟ ଡାଲି , ସୋରିଷ,ତେଲ ଏବଂ ଲୁଣ ଆବଶ୍ୟକ ହୋଇଥାଏ। ଏହା ପାଇଁ ପ୍ରଥମେ ଚାଉଳ ଓ ବିରିକୁ ବଟାଯାଏ।ଓ ୩ କିମ୍ବା ୪ ଘଣ୍ଟା ପରେ ତାକୁ ଚକୁଳି ପିଠା ଭଳି ତିଆରି କରାଯାଏ।ଆଳୁ ସିଝାଇ ଚୋପା ଛଡାଇ ଅଧା ଅଧା ଚକଟି ଦିଆଯାଏ। କଡାଇରେ ତେଲ ପକାଇ ବୁଟ ଡାଲି ପକାଇ ଲାଲ୍ ହୋଇଗଲା ପରେ ସୋରିଷ ପକାଯାଏ। ସୋରିଷ ଫୁଟିଲା ପରେ ପିଆଜ, ଅଦା ଓ କଞ୍ଚାଲଙ୍କା ପକାଇ ଭଜାଯାଏ। ନରମ ହୋଇ ଆସିଲେ ସିଝା ଆଳୁ , ଲୁଣ ,ହଳଦୀ ଦେଇ ଟିକେ ଟିକେ କରି ଭଜା ଯାଏ।

ଦୋସା ସାଙ୍ଗରେ ନଡ଼ିଆ ଚଟଣି ଦେଲେ ଭଲ ହୋଇଥାଏ । ଅଧକପ୍ ବୁଟଡାଲିକୁ ଶୁଖିଲା କଡ଼ାଇରେ ଭାଜି ଟିକେ ଭିଜାଇ ଦିଅ । ସେଥିରେ ନଡ଼ିଆ କୋରା, ଅଦା, କଞ୍ଚାଲଙ୍କା, ଭଜା ଶୁଖିଲା ଲଙ୍କା ଦେଇ ବାଟି ନିଅ । ବଟା ଟିକେ ଖଦଡ଼ିଆ ହେଲେ ଭଲ ହୁଏ । ବଟା ପରେ ତେଲ ଦେଇ, ସୋରିଷ କୁ ଫୁଟାଅ । ସୋରିଷ ଫୁଟିଲେ ଦୋସା ଆଣ ପରି ପତଳା ହୁଏ । ପ୍ରତ୍ୟେକ ଦୋସା ସଙ୍ଗେ ଏଇ ଚଟଣି ତିଆରି କରି ଖାଇବାକୁ ଦିଆଯାଏ। ତାପରେ ତାଓ୍ବା ଗରମ କରି ତାକୁ ତେଲ କନାରେ ଦୁଇ ତିନି ଥର ପୋଛାଯାଏ, ଯେପରି ତାଓ୍ବାଟା ତେଲିଆ ହୋଇଯିବ। ଗୋଟିଏ ଚଟକା ଚାମଚରେ ଗୋଟିଏ ଚାମଚ ଆଣ ଦେଇ ଜଲଦି ଘୂରାଇ ନିଅ ପତଳା କରି । ଟିକେ ଛାଡ଼ି ୧ ଚା’ ଚାମଚ ତେଲ ଚାରିଆଡ଼େ ବୁଲାଇ ଦିଅ ଓ ପତଳା ଖଡ଼ିକାରେ ପ୍ଲନ୍ କରିନିଅ । ଦୋସାର ଉପର ଅଂଶ ରେ କିଛି ଆଳୁ ପୂର ଦେଇ ଦୁଇ କଡ ଭାଙ୍ଗି ନେଇ ପ୍ଲେଟ୍ ରେ ଦିଅ। ଏହାପରେ ଗରମ ଗରମ କରି ଚଟଣି ସଙ୍ଗରେ ଖାଇବାକୁ ଦିଆଯାଏ।

ମସଲା ଖେଚୁଡ଼ି -

*************

ଓଡିଆ ହେଉଛି ଭାରତ ମଧ୍ୟ ରେ ଏକ କୃଷିପ୍ରଧାନ ରାଜ୍ୟ ।ଏଠାରେ ଧାନ ଉତ୍ପାଦନ ଅନ୍ଯ ଶସ୍ୟ ଉତ୍ପାଦନ ତୁଳନା ରେ ଅଧିକ ଦେଖିବାକୁ ମିଳିଥାଏ। ତେଣୁ ଭାତ ହେଉଛି ଏଠାକାର ପ୍ରଧାନ ଖାଦ୍ୟ । କିନ୍ତୁ ସେହି ଚାଉଳ କୁ ଵ୍ୟବହାର କରି ସେଥିରେ ଖିଚୁଡି ପ୍ରସ୍ତୁତ କରା ଯାଏ। ଯାହା କି ଓଡ଼ିଶାର ବେଶ୍ ଲୋକ ପସନ୍ଦୀୟ ଖାଦ୍ୟ ଅଟେ। କିନ୍ତୁ ଯଦି ଏଥିରେ ମସଲା ର ପ୍ରୟୋଗ କରାଯାଏ, ତେବେ ଏହାର ସ୍ବାଦ ଦ୍ଵିଗୁଣିତ ହୋଇଯାଇଥାଏ। ଏହାକୁ ପ୍ରସ୍ତୁତ କରିବା ପାଇଁ ଚାଉଳ, ମୁଗ ଡାଲି ,ପରିବା ମଧ୍ୟରେ ଗାଜର ,ବିମ୍ସ ,ଟମାଟୋ, ଧଣିଆ ପତ୍ର ,କଞ୍ଚା ଲଙ୍କା,ଅଦା ,ଗୁଆଘିଅ,ଜିରା ,ପିଆଜ, ରସୁଣ,ଲବଙ୍ଗ ,ଡାଲଚିନି ,ଗୋଲ ମରିଚ ,ହଳଦୀ ଗୁଣ୍ଡ,ଗରମ ମସଲା, ଏବଂ ଲୁଣ ଆଦି ବ୍ୟବହାର କରାଯାଇଥାଏ।

ପ୍ରଥମେ ଚାଉଳ ଓ ମୁଗ କୁ ଭଲ ଭାବେ ଧୋଇ ରଖାଯିବ। ପ୍ରେସର୍ କୁକର୍ କୁ ଗରମ କରି ସେଥିରେ ଘିଅ ପକାଇବା ,ଏହା ପରେ ଏଥିରେ ବିଭିନ୍ନ ମସଲା ପକାଇବା ,କିଛି ସମୟ ପରେ ଏଥିରେ କଞ୍ଚା ଲଙ୍କା ଓ ଭ୍ରୁସଙ୍ଗ ପତ୍ର ପକାଇବା ପରେ ଏଥିରେ ପିଆଜ,ରସୁଣ ଓ ଅଦା ବଟା କୁ ପକାଇ ଦେବା , କିଛି ସମୟ ପରେ ଏଥିରେ ରଖିଥିବା ବିଭିନ୍ନ ପରିବା କୁ ମଧ୍ୟ ପକାଇ ଦେବା ଏହା ପରେ ଏଥିରେ ହଳଦୀଗୁଣ୍ଡ ଓ ଗରମ ମସାଲା କୁ ପକାଇଦେବା ,କିଛି ସମୟ ଭାଜିଲା ପରେ ଚାଉଳ ଏବଂ ମୁଗ ଡାଲି କୁ ମଧ୍ୟ ସେଥିରେ ପକାଇଦେବା। ଅନ୍ତିମ ରେ ଧଣିଆ ପତ୍ର କୁ ସେଥିରେ ପକାଇଦେବା ।ଏହା ପରେ କିଛି ପାଣି ପକାଇ ,ଏହା ଫୁଟିବା ଯାଏଁ ଛାଡିଦେବା। ଫୁଟିଗଲା ପରେ ଏହାକୁ ଖାଦ୍ୟ ଭାବରେ ଗ୍ରହଣ କରାଯାଇଥାଏ।

ଚିଙ୍ଗୁଡି ମଲାଇ-

************

ଓଡିଶା ଏକ ଉପକୂଳବର୍ତ୍ତୀ ରାଜ୍ୟ। ସମୁଦ୍ର କୂଳ ରେ ଅବସ୍ଥିତ ସହର ମାନଙ୍କରେ ଖାଦ୍ୟ ପାନୀୟ ଅନ୍ଯ ସ୍ଥାନ ତୁଳନା ରେ ଭିନ୍ନ ଦେଖିବାକୁ ମିଳିଥାଏ। ଏହି ସ୍ଥାନ ମାନଙ୍କରେ ସବୁଠାରୁ ଲୋକ ଆଦୃତ ଖାଦ୍ୟ ହେଉଛି ଚିଙ୍ଗୁଡି ମଲାଇ। ଏହା ପାଇଁ ଚିଙ୍ଗୁଡି ରେ ଲୁଣ ଏବଂ ହଳଦୀ ଗୋଳେଇ କିଛି ସମୟ ରଖି ଦିଆ ଯାଏ।ଏକ ପ୍ୟାନ୍ ରେ କିଛି ସୋରିଷ ତେଲ ନେଇ ଗରମ କରି ଚିଙ୍ଗୁଡି ପକାଇ ଭାଜି ଦେବା । ଏହା ପରେ ଅନ୍ୟ ଏକ ପ୍ୟାନ୍ ରେ ସୋରିଷ ତେଲ କିଛି ନେଇ ସେଥିରେ ଅଳେଇଚ, ଡାଲଚିନି ଓ ତେଜ ପତ୍ର ପକାଇ ଘାଣ୍ଟି ଦେବା। ଏହା ପରେ ଏଥିରେ କଟା ପିଆଜ, ଲଙ୍କା ,ରସୁଣ ବଟା ଓ ଅଦା ବଟା, ହଳଦୀଗୁଣ୍ଡ ,ଲଙ୍କାଗୁଣ୍ଡ , କଟା ଟମାଟୋ ,ପକାଇ ଭଲଭାଵେ ଘାଣ୍ଟି ଦେବା। ଏହା ପରେ ଏଥିରେ ଭଜା ଚିଙ୍ଗୁଡି କୁ ପକାଇ ଭଲ ଭାବେ କଷି ଦେବା।ଏଥିରେ ଏହା ପରେ ନଡିଆ ରସ ପକାଇ କିଛି ସମୟ ଫୁଟିବା ପାଇଁ ଛାଡିଦେବା। ଫୁଟିଲା ପରେ ଏଥିରେ ଗରମ ମସଲା ପକାଇ ଗୋଳେଇ ଦେବା। ଅନ୍ତିମ ରେ ଏଥିରେ ଧଣିଆ ପତ୍ର ପକାଇ ଏହାକୁ ରୁଟି କିମ୍ବା ଭାତ ସହ ଗ୍ରହଣ କରି ପାରିବା।

ମସଲା ଯୁକ୍ତ ଖାଦ୍ୟ ସେଵନ ର କୁପ୍ରଭାବ-

*******************************************

ମସଲା ଯୁକ୍ତ ଖାଦ୍ୟ ଗୁଡିକ ଆମ ଶରୀରକୁ ବହୁ ପୋଷକ ଯୋଗାଇଥାଏ ,ମାତ୍ର ଏହା ଶରୀର ରେ ବହୁ କ୍ଷତି ସାଧନ ମଧ୍ୟ କରିଥାଏ। ଆଜିକାଲି ବଜାରରେ ନକଲି ମସାଲା ପ୍ୟାକେଟ୍ କୁ ବ୍ୟବହାର କରି ଅନେକ ପ୍ରକାର ର ରୋଗ ମାନ ଦେଖା ଦେଇଥାଏ। ତେଣୁ ନିଜ ଡାଏଟରେ ଓ ଦୈନନ୍ଦିନ ଖାଦ୍ୟ ପ୍ରତି ଧ୍ୟାନ ଦେବା ନିତାନ୍ତ ଜରୁରୀ ହୋଇଥାଏ। ଗବେଷଣା ରୁ ଜଣାପଡିଛି ଯେ ମସାଲା ଜାତୀୟ ଖାଦ୍ୟ ନିୟମିତ ସେବନ କରିବା ଦ୍ବାରା ମନରେ କ୍ରୋଧ ଏବଂ ଚିଡି ଚିଡା ପଣ ଦେଖିଵାକୁ ମିଳିଥାଏ।ଏହାର ସେବନ ରେ କ୍ରୋଧର ମାତ୍ରା ବୃଦ୍ଧି ପାଇଥାଏ। ତେଣୁ ଏହାକୁ କମ୍‌‌ ମାତ୍ରାରେ ସେବନ କରିବା ଉଚିତ୍ ହୋଇଥାଏ।ଏହି ମସଲା ଯୁକ୍ତ ଖାଦ୍ୟ ହଜମ ପ୍ରକ୍ରିୟାରେ ବାଧା ସୃଷ୍ଟି କରିଥାଏ। ଏହା ଗ୍ୟାସ୍ ଜନିତ ସମସ୍ୟା ଏବଂ ପେଟ ଜନିତ ସମସ୍ୟା ସୃଷ୍ଟି କରିପାରେ । ତେଣୁ ଏହାକୁ କମ୍ କରିବା ପାଇଁ ଏପରି ଖାଦ୍ୟ ସେବନ ର ପରିମାଣ କମ୍ କରିବା ଆବଶ୍ୟକ। ଏହି ମସଲା ଯୁକ୍ତ ଖାଦ୍ୟ ଦ୍ବାରା ମାନସିକ ଜନୀତ ସମସ୍ୟା ମଧ୍ୟ ଦେଖା ଦେଇଥାଏ‌। ଏହା ଅଧିକ ଚାପ, ଚିନ୍ତା ଏବଂ ଅସ୍ଥିରତା ସୃଷ୍ଟି କରିପାରେ । ମସଲାଯୁକ୍ତ ଖାଦ୍ୟ ର ନିୟନ୍ତ୍ରଣ ପୂର୍ବକ ବ୍ୟବହାର ମାନସିକ ଜନୀତ ସମସ୍ୟା କୁ ହ୍ରାସ କରିପାରେ।ଏହି ଖାଦ୍ୟ ସେବନ ରେ ଉଚ୍ଚ ରକ୍ତଚାପ ବଢିପାରେ। ଯଦି ଉଚ୍ଚ ରକ୍ତ ଚାପ ବ୍ଯକ୍ତି ମସଲା ଜାତୀୟ ଖାଦ୍ୟ ସେଵନ କରନ୍ତି। ତେବେ ଏହା ହୃଦଘାତ ର କାରଣ ମଧ୍ୟ ସାଜିପାରେ।ତେଣୁ ସେମାନଙ୍କୁ ଏସବୁ ଖାଦ୍ୟ ପ୍ରତି ସାବଧାନ ରହିବା ଆବଶ୍ୟକ। ଏହି ଖାଦ୍ୟ ସେବନ ଦ୍ବାରା ବ୍ୟକ୍ତିର ଓଜନ ବୃଦ୍ଧି ମଧ୍ୟ ହୋଇଥାଏ। ପ୍ରଚୁର ପରିମାଣରେ ରାଗ ଏବଂ ମସଲାଯୁକ୍ତ ଖାଦ୍ୟ ଖାଇବା ଦ୍ୱାରା ଓଜନ ବଢିପାରେ । ଏହାର କାରଣ ହେଉଛି ଏଥିରେ ଅଧିକ କ୍ୟାଲୋରୀ ଥାଏ ,ଯାହା ଓଜନ ବଢେଇ ବାରେ ସାହାଯ୍ୟ କରିଥାଏ। ଏହି ଖାଦ୍ୟ ଦ୍ବାରା ପାଇଲସ୍ ଜନୀତ ସମସ୍ୟା ସୃଷ୍ଟି ହୋଇଥାଏ। ତେଣୁ ଏସବୁ ଖାଦ୍ୟ ର ନିୟନ୍ତ୍ରଣ ଆବଶ୍ୟକ।

ବିଷୟ ପ୍ରସ୍ଥାନ-

***************

ଏହି ଖାଦ୍ୟ ଗୁଡିକ ର ସେବନ ରେ କୁ ପ୍ରଭାବ ଦେଖାଯିବା ସହ ଅନେକ ଉପକାର ମଧ୍ୟ ମିଳିଥାଏ। ଲଙ୍କା ଏବଂ ଗୋଲମରିଚ ସେବନ ଦ୍ବାରା ଓଜନ କମ ହୋଇଥାଏ। ରାଗ ଖାଇବା ଦ୍ବାରା ହୃଦୟ ଜନିତ ସମସ୍ୟାର ଲାଭ ମଧ୍ୟ ମିଳିଥାଏ। ଲଙ୍କା ପ୍ରତିରୋଧକ କ୍ଷମତା ବୃଦ୍ଧି କରିଥାଏ। ଏହାର ସେବନ ମାତ୍ରା ରେ ମଧ୍ୟ ନିୟନ୍ତ୍ରଣ ଆବଶ୍ୟକ ହୋଇଥାଏ। ବିଶେଷଜ୍ଞଙ୍କ ଅନୁଯାୟୀ, ରାଗ ଖାଇବା ଦ୍ବାରା ମଧୁମେହ ରୋଗୀଙ୍କୁ ଅନେକ ଲାଭ ମିଳିଥାଏ। ରାଗ ଖାଇବା ଦ୍ବାରା ବ୍ଲଡ଼ ସୁଗାର ନିୟନ୍ତ୍ରଣରେ ରହେ। ଲଙ୍କା ସେବନ ଦ୍ବାରା ରକ୍ତଚାପ ମଧ୍ୟ ନିୟନ୍ତ୍ରଣରେ ରହିଥାଏ। କିନ୍ତୁ ଏହାର ଅଧିକ ସେବନ ସ୍ବାସ୍ଥ୍ୟ ଉପରେ କୁପ୍ରଭାବ ପକାଇଥାଏ।

ଆମ୍ଭ ମାନଙ୍କର ଶରୀର ସେତେବେଳେ ସୁସ୍ଥ ରହିବ , ଯେତେବେଳେ ଆମେମାନେ ସୁସ୍ଥ ଖାଦ୍ୟ ସେବନ କରିବା। ଖାଦ୍ୟ ଖାଇବା ରେ ଯଦି ଆମେ ନିଜକୁ ନିୟନ୍ତ୍ରଣ କରିପାରିବା। ତେବେ ଆମେ ନିଶ୍ଚିତ ଭାବେ ଏକ ସୁସ୍ଥ ଜୀବନ ଉପଭୋଗ କରିପାରିବା।

__________________________________________________

ପ୍ରସ୍ତୁତି - ସୌମ୍ୟ ରଞ୍ଜନ ରାୟ

ଭୂୟାଁ ଉଆସ, ଗୁଆମାଳ, ଭଦ୍ରକ

ପାରମ୍ପାରିକ ମସଲାଯୁକ୍ତ ଓଡ଼ିଆ ଖାଦ୍ୟ: ଏକ ନିଆରା ସ୍ୱାଦ | Traditional Odia Spicy Food : A unique taste

ଖାଦ୍ୟ ପ୍ରିୟ ପ୍ରଦେଶ ଓଡ଼ିଶାର ମସଲା ଜାତୀୟ ଖାଦ୍ୟ ର ସ୍ବତନ୍ତ୍ରତା ଓ ଏହାର କୁପ୍ରଭାବ।