ପରୀକ୍ଷା ସମୟ ଆସିଲାଣି, ଏହା ଛାତ୍ରଛାତ୍ରୀମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଅବସର। ଏହି ସମୟରେ ଭୟ ଏବଂ ଆତ୍ମସନ୍ଦେହ ସ୍ବାଭାବିକ, କିନ୍ତୁ ଏହାକୁ ସଠିକ୍ ପ୍ରସ୍ତୁତି ଏବଂ ଧୈର୍ଯ୍ୟର ସହିତ ଆମେ ଜୟ କରିପାରିବା। ଏହି ପ୍ରବନ୍ଧରେ, ପରୀକ୍ଷା ପୂର୍ବରୁ ଏବଂ ପରୀକ୍ଷା ସମୟରେ କିପରି ଆମେ ଆତ୍ମବିଶ୍ୱାସ ରଖିବା ଏବଂ ଭଲ ଫଳାଫଳ ଅର୍ଜନ କରିବା ପାଇଁ କିଛି ଦରକାରି ଉପାୟ ବିଷୟରେ ଆଲୋଚନା କରିବା।

ପରୀକ୍ଷା ପୂର୍ବରୁ ପ୍ରସ୍ତୁତି

ପରୀକ୍ଷା ପୂର୍ବରୁ ଭୟ ଏବଂ ଆତ୍ମସନ୍ଦେହ ସ୍ବାଭାବିକ ଅନୁଭୂତି, କିନ୍ତୁ ଏହାକୁ ନିୟନ୍ତ୍ରଣ କରିବା ଆବଶ୍ୟକ। ନିମ୍ନଲିଖିତ ଉପାୟଗୁଡ଼ିକ ଆପଣଙ୍କୁ ଏଥିରେ ସାହାଯ୍ୟ କରିପାରେ:

(୧) ନିୟମିତ ଅଧ୍ୟୟନ ଅଭ୍ୟାସ:

ରାତିରେ ଢେର ପର୍ଯ୍ୟନ୍ତ ପଢ଼ିବାରୁ ବରଂ ସମୟରେ ଘୁମାନ୍ତୁ ଏବଂ ସକାଳେ ଶୀଘ୍ର ଉଠି ଅଧ୍ୟୟନ କରନ୍ତୁ। ଏହା ମନକୁ ସତେଜ ରଖିବ ଏବଂ ଅଧ୍ୟୟନରେ ଧ୍ୟାନ କେନ୍ଦ୍ରିତ କରିବାରେ ସାହାଯ୍ୟ କରିବ।

(୨) ପୁରୁଣା ପାଠ୍ୟର ପୁନରାବୃତ୍ତି:

ପୁରୁଣା ପାଠ୍ୟ ଆଲୋଚନା କରି ଏବଂ ଲେଖିବା ଅଭ୍ୟାସ କରନ୍ତୁ। ଏହା ଆପଣଙ୍କୁ ବିଷୟବସ୍ତୁର ସ୍ପଷ୍ଟ ବୁଝାମଣା ଦେବ ଏବଂ ମନେ ରଖିବାରେ ସାହାଯ୍ୟ କରିବ।

(୩) ନୂତନ ପାଠ୍ୟର ଅଧ୍ୟୟନ:

ପୁରୁଣା ପାଠ୍ୟ ସହିତ ନୂତନ ପାଠ୍ୟକୁ ମଧ୍ୟ ଅଧ୍ୟୟନ କରନ୍ତୁ। ଏହା ଆପଣଙ୍କୁ ସମସ୍ତ ବିଷୟରେ ସମାନ ଧ୍ୟାନ ଦେବାରେ ସାହାଯ୍ୟ କରିବ।

(୪) ମୋବାଇଲ ଏବଂ ଅନ୍ୟାନ୍ୟ ବିକ୍ଷିପ୍ତକାରୀ ଉପକରଣରୁ ଦୂରେ ରୁହନ୍ତୁ:

ଅଧ୍ୟୟନ ସମୟରେ ମୋବାଇଲ ଓ ଅନ୍ୟାନ୍ୟ ବିକ୍ଷିପ୍ତକାରୀ ଉପକରଣରୁ ଦୂରେ ରହିବା ଆବଶ୍ୟକ, କାରଣ ଏହାମାନେ ସମୟ ନଷ୍ଟ କରିଥାଏ ଏବଂ ଧ୍ୟାନକୁ ଭଙ୍ଗ କରିଥାଏ।

ମନୋବିଜ୍ଞାନ ଏବଂ ଖେଳର ମହତ୍ତ୍ୱ

ଅଧ୍ୟୟନ ସହିତ ମନୋବିଜ୍ଞାନ ଏବଂ ଶାରୀରିକ ସ୍ୱାସ୍ଥ୍ୟ ରଖିବା ମହତ୍ତ୍ୱପୂର୍ଣ୍ଣ:

(୧) ବିଶ୍ରାମ ଏବଂ ଖେଳ:

ଅଧ୍ୟୟନ ମଧ୍ୟରେ ବିଶ୍ରାମ ଏବଂ ଖେଳ ମନକୁ ସତେଜ ରଖିବାରେ ସାହାଯ୍ୟ କରେ। ଗୁରୁଜନମାନେ କହିଛନ୍ତି ଯେ, ମନ ଶାନ୍ତ ହେଲେ ପାଠ୍ୟ ମନେ ପକାଇବା ସହଜ ହୁଏ।

(୨) ସଠିକ୍ ଧ୍ୟାନ ଏବଂ ଧ୍ୟାନଧାରଣା:

ଅଧ୍ୟୟନ ସମୟରେ ସଠିକ୍ ଧ୍ୟାନ ରଖିବା ଏବଂ ବିଷୟବସ୍ତୁକୁ ଭଲ ଭାବରେ ବୁଝିବା ଆବଶ୍ୟକ। ସାହିତ୍ୟ, ବିଜ୍ଞାନ,ଓ ଅନ୍ୟାନ୍ୟ ବିଷୟରେ ।

ଅଧ୍ୟୟନର ଉପାୟ ଏବଂ ପ୍ରୟୋଗ

ଅଧ୍ୟୟନ କେବଳ ପଢିବାକୁ ନୁହେଁ, ବରଂ ଏହାକୁ ଭଲ ଭାବରେ ମନେ ରଖିବା ଏବଂ ପରୀକ୍ଷାରେ ସଠିକ୍ ଭାବରେ ଦେଖାଇବା ଆବଶ୍ୟକ। ନିମ୍ନଲିଖିତ ଉପାୟଗୁଡ଼ିକ ଏହି ପ୍ରକ୍ରିୟାରେ ଅତ୍ୟନ୍ତ ଉପକାରୀ ହୋଇପାରେ -

(୧) ଅନୁଶୀଳନ ଏବଂ ଲେଖିବା – କେବଳ ପଢିବା ଚାଲିବ ନାହିଁ, ଲେଖି ଅଭ୍ୟାସ କରିବା ଅତ୍ୟନ୍ତ ଜରୁରୀ। ଏହା ମନେ ରଖିବାକୁ ସହଜ କରେ ଏବଂ ନିଶ୍ଚିତ ରୂପେ ପରୀକ୍ଷାରେ ଉପକାରୀ ହୁଏ।

(୨) ପ୍ରଶ୍ନ ଉତ୍ତର ଲେଖି ଅଭ୍ୟାସ – ପୂର୍ବତନ ପ୍ରଶ୍ନପତ୍ର ଅନୁଶୀଳନ କରି ଏବଂ ଉତ୍ତର ଲେଖି ଅଭ୍ୟାସ କରିଲେ, ପରୀକ୍ଷା ସମୟରେ ଲେଖିବାରେ ଅସୁବିଧା ହେବ ନାହିଁ।

(୩) ମନେ ରଖିବା ପାଇଁ ଉପାୟ – ଗଣିତ, ବୈଜ୍ଞାନିକ ସୂତ୍ର, ଇତିହାସର ତଥ୍ୟ ଇତ୍ୟାଦିକୁ ଅଳ୍ପ କଥା ହେଉ ଏବଂ ଏହି ବିଷୟଗୁଡ଼ିକୁ ସମ୍ବନ୍ଧିତ ଦୃଶ୍ୟ ଭାବନା କରି ମନେ ରଖିବା ଉପଯୁକ୍ତ ଉପାୟ।

(୪) ସଂକ୍ଷେପ ନୋଟ୍ସ ପ୍ରସ୍ତୁତି – ଅଧ୍ୟୟନ ସମୟରେ ମୁଖ୍ୟ ବିଷୟବସ୍ତୁ ନୋଟ୍ସ ଆକାରରେ ତିଆରି କରିଲେ ପରୀକ୍ଷା ପୂର୍ବରୁ ପୁନରାବୃତ୍ତି କରିବା ସହଜ ହେଉଛି।

(୫) ପରୀକ୍ଷା ପୂର୍ବରୁ ସମ୍ପୂର୍ଣ୍ଣ ବିଷୟ ଦେଖିବା – କେବଳ ଏକ ଅଂଶ ନୁହେଁ, ପରୀକ୍ଷା ପୂର୍ବରୁ ସମସ୍ତ ବିଷୟ ବୁଝି ଏବଂ ମନେ ରଖି ଅପେକ୍ଷିତ ଯଥାର୍ଥ ଲେଖିବା ଜରୁରୀ।

ପରୀକ୍ଷା ସମୟରେ କରିବା ଉଚିତ ଜିନିଷଗୁଡ଼ିକ

ପରୀକ୍ଷା ହେଉଛି କେବଳ ଏକ ରିପୋର୍ଟ କାର୍ଡ ନୁହେଁ, ଏହା ଏକ ଅନୁଭବ ଏବଂ ଆତ୍ମବିଶ୍ୱାସର ପରୀକ୍ଷା। ନିମ୍ନଲିଖିତ ଦିଗଗୁଡ଼ିକ ଧ୍ୟାନ ରଖିଲେ ପରୀକ୍ଷା ସମୟରେ ଭଲ ଫଳ ମିଳିପାରେ -

(୧) ଶାନ୍ତ ଏବଂ ଆତ୍ମବିଶ୍ୱାସୀ ରହିବା – ପରୀକ୍ଷା ସମୟରେ ଅତି ଭୟ ଏବଂ ଉତ୍ସାହ ହେବା ଉଚିତ ନୁହେଁ। ଶାନ୍ତ ମନ ଥିଲେ ସଠିକ୍ ଭାବରେ ଉତ୍ତର ଦେଖାଇ ପାରିବେ।

(୨) ସମୟ ପ୍ରବନ୍ଧନ କରିବା – ପରୀକ୍ଷାରେ ଅନେକ ପ୍ରଶ୍ନ ଥାଏ, ଏହିପରି ସ୍ଥିତିରେ ଦୀର୍ଘ ସମୟ ଏକ ପ୍ରଶ୍ନରେ ବ୍ୟୟ କରିବା ଉଚିତ ନୁହେଁ। ଆଗରୁ ଆନୁମାନିକ ସମୟ ବଣ୍ଟନ କରି ଚାଲିବା ଉଚିତ।

(୩) ସମ୍ପୂର୍ଣ୍ଣ ଉତ୍ତର ଲେଖିବା – କେବଳ ମୁଖ୍ୟ ପଇଏଣ୍ଟ ଲେଖିବାରୁ ବରଂ ଏହାକୁ ଏକ ସଠିକ୍ ଓ ସଂକ୍ଷିପ୍ତ ଆକାରରେ ଉତ୍ତର ଲେଖିବା ଉଚିତ। ଅଧିକ ମାର୍କ ପାଇଁ ସଠିକ୍ ଓ ସୁନ୍ଦର ଉତ୍ତର ଦେବା ଦରକାର।

(୪) ସମୟ ଅବଶେଷ ରଖି ଉତ୍ତର ଖତା ଯାଞ୍ଚ କରିବା – ଲେଖିବା ଶେଷ ହେବା ପରେ, କେଉଁଠି ଭୁଲ ଅଛି କି ନାହିଁ ଦେଖିବା ଅତ୍ୟନ୍ତ ଆବଶ୍ୟକ। ଏହା ଅନେକ ସମୟରେ ଅନବାଧାନତାରୁ ହୋଇଥିବା ଭୁଲ ସଂଶୋଧନ କରି ଭଲ ମାର୍କ ଅଜ୍ଞାତ ହେବାର ଏକ ଉପାୟ ହୋଇପାରେ। ଯେଉଁଠି ଭୁଲ ହୋଇଛି, ତାହା ସମ୍ପାଦନ କରିବା ଆବଶ୍ୟକ। ଏହା ଶେଷ ମୁହୂର୍ତ୍ତରେ ଅନବାଧାନତା ଜନିତ ଭୁଲକୁ ହଟାଇବାରେ ସହାୟକ ହୁଏ।

ପରୀକ୍ଷା ପରେ କରିବା ଉଚିତ କିଛି ଦିଗ

ପରୀକ୍ଷା ଶେଷ ହେବା ପରେ ମଧ୍ୟ କିଛି ଦିଗ ଉପରେ ଧ୍ୟାନ ଦେବା ଆବଶ୍ୟକ। ଏଥିପାଇଁ ନିମ୍ନଲିଖିତ ଉପାୟ ଦରକାର:

(୨) ଅନ୍ୟ ପରୀକ୍ଷା ପାଇଁ ପ୍ରସ୍ତୁତି – ଏକ ପରୀକ୍ଷା ଶେଷ ହେଲେ ଅନ୍ୟ ପରୀକ୍ଷାର ପାଇଁ ତୁରନ୍ତ ତ୍ୟାରି ଆରମ୍ଭ କରିବା ଉଚିତ। ଏହା ଜଣେ ଭଲ ପ୍ରସ୍ତୁତି ଏବଂ ସଠିକ୍ ଅଧ୍ୟୟନ ଜରୁରୀ।

(୨) ଅପେକ୍ଷିତ ଅନ୍ୟ ଚିନ୍ତା ଅପସାରଣ – କେବଳ ପରୀକ୍ଷା ନାହିଁ, ଜୀବନର ଅନ୍ୟ ଦିଗ ମଧ୍ୟ ଏହି ସମୟରେ ଚିନ୍ତା କରିବା ଦରକାର। ଏହି ମୂହୂର୍ତ୍ତ ଏକ ନୂଆ ଉଦ୍ୟମ କରିବା ପାଇଁ ସହାୟକ ହୋଇପାରେ।

(୩) ଅନୁଭବ ଏବଂ ଅନ୍ୟମାନଙ୍କ ସହ ଅନ୍ତର୍ଚ୍ଚେଦ କରିବା – ଅନ୍ୟମାନଙ୍କ ସହ ପରୀକ୍ଷା ଅନୁଭବ ବାଣ୍ଟିବା ଏବଂ ଉପାୟ ମଦ୍ୟ ଜାଣିବା ଉପଯୁକ୍ତ। ଏହାର ଫଳରେ ଆଗାମୀ ପରୀକ୍ଷା ପାଇଁ ଉପକାରୀ ଉପାୟ ଉଦ୍ଧାର ହେବ।

(୪) ମନୋରଞ୍ଜନ ଏବଂ ଅନ୍ୟ କାର୍ଯ୍ୟକ୍ରମରେ ଅଂଶଗ୍ରହଣ – ପରୀକ୍ଷା ପରେ କିଛି ସମୟ ମନୋରଞ୍ଜନ ପାଇଁ ରଖିବା ଆବଶ୍ୟକ। ଏହିପରି କାର୍ଯ୍ୟକ୍ରମ ମନ ହଲକା କରିବା ସହ ନୂଆ ଉତ୍ସାହ ଦେଇଥାଏ।

ପରୀକ୍ଷା ହେଉଛି ଏକ ଅବସର

ପରୀକ୍ଷା କେବଳ ଏକ ଚାଲେଞ୍ଜ ନୁହେଁ, ଏହା ଜୀବନର ଏକ ଅବସର ଅଟେ। ଏହି ଅବସର ମଧ୍ୟରେ ନିଜ ଭୂଲଗୁଡ଼ିକୁ ଚିହ୍ନଟ କରି ଏବଂ ନୂଆ ଉପାୟ ଅନୁସରଣ କରି ଅଗ୍ରଗତି କରିବା ଉଚିତ। ପରୀକ୍ଷା ଆତ୍ମବିଶ୍ୱାସ, ସହନଶୀଳତା ଏବଂ ଅନୁଶୀଳନର ପରୀକ୍ଷା ଅଟେ।

ପରିଣାମ ଏକ ଅନୁଭବ ଅଟେ

ପରୀକ୍ଷାର ପରିଣାମ ଯେପରି ହେଉ, ଏହାକୁ ଏକ ଅଭିଯୋଗ ନୁହେଁ, ଏହାକୁ ଏକ ଅନୁଭବ ଭାବେ ଗ୍ରହଣ କରିବା ଉଚିତ। ଅନେକ ବାର ଏକ ଭୁଲରୁ ଆମେ ନୂଆ ଶିଖିପାରିବା। ତେଣୁ, ଅତି ଭୟ ଏବଂ ଉତ୍ସାହ ବଢ଼ିବା ଉଚିତ ନୁହେଁ, ବରଂ ଏହାକୁ ଜୀବନର ଏକ ଅଂଶ ଭାବରେ ଗ୍ରହଣ କରିବା ଉପୟୁକ୍ତ।

ଉପସଂହାର

ପରୀକ୍ଷା ଏକ ଅନିବାର୍ଯ୍ୟ ଅଂଶ ଅଟେ। ଏହାକୁ ଭଲ ଭାବରେ ଅଭିଯୋଗ ହିସାବରେ ଗ୍ରହଣ କରି, ନିଜର ଅନୁଶୀଳନ ଏବଂ ପ୍ରସ୍ତୁତି ଏକ ଶୃଙ୍ଖଳିତ ଉପାୟରେ କଲେ, ନିଶ୍ଚିତ ଭାବରେ ଭଲ ଫଳ ମିଳିପାରିବ। ଆମ ଗୁରୁଜନ ଏବଂ ଅଭିଭାବକମାନେ ଯେଉଁପରି ଆଶା କରିଛନ୍ତି, ସେହିପରି ଭଲ ପାଠ ଓ ଚରିତ୍ର ଗଠନ ହେଉ। ଏହି ଅବସରକୁ ଗମ୍ଭୀର ଭାବରେ ଗ୍ରହଣ କରି, ଆସନ୍ତା ଦିନରେ ସଫଳ ଜୀବନ ଗଠନ ପାଇଁ ଆମେ ପ୍ରୟାସ କରିବା ଉଚିତ।

ତେଣୁ, ଏହି ପରୀକ୍ଷା ମାନସିକ ଜିତ ଏବଂ ଉତ୍ସାହର ପରୀକ୍ଷା, ଏହାକୁ ଶାନ୍ତ ମନରେ ଏବଂ ଆତ୍ମବିଶ୍ୱାସ ସହ ଦେଖିଲେ, ନିଶ୍ଚିତ ଭାବରେ ଭଲ ଫଳ ମିଳିବ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!