ଘରେ ଘରେ ପରିଚିତ ଗଳ୍ପ ହେଉଛି, ନୀଳମାଷ୍ଟ୍ରାଣୀ, ଏହି ଲେଖାଟି ଗାଳ୍ପିକ ଗୋଦାବରୀଶ ମହାପାତ୍ର ଙ୍କ ର, ଯାହା ନୀଳାମଷ୍ଟ୍ରାଣୀ ଗଳ୍ପ ସଂକଳନ ର ଏକ ଗଳ୍ପ ଅଟେ, ଏହାକୁ ଖୁବ ବାସ୍ତବ ଓ ଜୀବନ୍ତ କରି ତୋଳି ଛନ୍ତି ଗାଳ୍ପିକ, ଜାଣିଛନ୍ତି କି ଏହା ଗୋଟିଏ ବାସ୍ତବିକ ଘଟଣା ଟି, ଗଳ୍ପ ମାଧ୍ୟମ ରେ ପ୍ରକାଶିତ |

ଏ ଦୁନିଆ ଆଉ ସମାଜ ଭାବେ ଝିଅ ଟି ତାଙ୍କ ବ୍ୟକ୍ତିଗତ ସମ୍ପତି ସେ ତାକୁ ଭଲ ରେ ରଖିବେ ଏବଂ ଗୋଟିଏ ଭଲ ହାତକୁ ଟେକି ଦେବେ, ସେ କିନ୍ତୁ ଭୁଲିଗଲେ ନି ପ୍ରତି ଗ୍ରାମ ରେ ଜଣେ ଗ୍ରାମ ରକ୍ଷକ ଅଧିଷ୍ଠାତ୍ରୀ ଦେବୀ ହିଁ ଗାଁ କୁ ଜଗିଥାନ୍ତି, | ଶକ୍ତି ସ୍ୱରୂପା ମା ଙ୍କ ପ୍ରତିଛବି ଅଟନ୍ତି ପ୍ରତ୍ୟକ ନାରୀ ଯେ ଜଗତ ର ରକ୍ଷା କରେ ସେ ନିଜ ରକ୍ଷା କରିପାରିବ ନାହିଁ |

ନୀଳ ର ପରିସ୍ଥିତି ଵି କିଛି ଏହିପରି, ନୀଳ ବ୍ରାହ୍ମଣ ପରିବାର ବାଲ୍ୟବିଧବା ଝିଅ, ଘରେ ବାପା ଆଉ ଭାଇ ମା କେଉଁ ଦିନୁ ଆଖିବୁଜି ସାରିଛ | ପାଠ ପଢି ପ୍ରାଇମେରୀ ସ୍କୁଲ ର ଶିକ୍ଷିକା ସାଜିଛି ହୋଇଛି ନୀଳ ମାଷ୍ଟ୍ରାଣୀ, ବାପା ଙ୍କ ର ବିୟୋଗ ମଧ୍ଯ ଘଟିଛି, ଭାଇ ହିଁ ସର୍ବସ୍ୱ ଭାବି ନୀଳ ନିଜ ଦିନ କାଟିଛି |

ଯାତ୍ରା ପାଟିର ଅର୍ଜୁନ ଚରିତ୍ର, ବା ମଦନ ସେଠି ସହ ତାହାର ସାକ୍ଷାତ କାର ଘଟିଛି, ନୀଳ ର ସଦ୍ୟ ଯୌବନ ତାକୁ ନୀଳ ଧୋବଣୀ ସଜେଇ ଦେଇଛି, ଶେଷ ରେ ମଦ୍ୟପ ମଦନ ସେଠି ର ବ୍ୟବହାର ତାକୁ କଲା କର୍ମ ର ପଶ୍ଚାତାପ କରିବାକୁ ବାଧ୍ୟ କରିଛି, ଭାଇ ର ବାହାଘର ରେ ସେ ହୋଇଛି ଅଲୋଡ଼ା, ଅଖୋଜା, ଭାଉଜ ର ବଉଳ ପାଟ ଟି ରଖି ଭାଇକୁ ସେ ନିଜ ପିଣ୍ଢା ଚଢିବା କୁ ବାଧ୍ୟ କରିଛି |

ନୀଳ ର ଚରିତ୍ର କୁ ଦେଖିଲେ ପ୍ରତୀତ ହେବ ଭାଗ୍ୟ କିପରି ଖେଳୁଛି ନୀଳ ସହ ବା ଲୋକ ବଚନ ରେ କହିଲେ

ଆହାରେ କରମ ଦଶା

ଯେ ଫଳ ଧଇଲି ସେ ଫଳ କଷା

ହୋଇଗଲି ଲୋକ ହସା

ଯେଉଁ କୂଳ କୁ ସେ ଡ଼ଙ୍ଗା ମେଲିଛି, ଦଳକାଏ ପବନ ମାଡ଼ ରେ ସେ ବୁଲି ପଡିଛି, ହେତୁ ନଥିବା ବେଳେ କର୍ମ କୁ ଆଦରି ବାପା ଙ୍କ ପସନ୍ଦ ର ବର କୁ ସେ ବରିଛି, ସ୍ୱାମୀ ସଂସାର ବିଷୟରେ ନ ଜାଣି ହୋଇଛି ବାଲ୍ୟ ବିଧବା, ମାଷ୍ଟ୍ରାଣୀ ଚାକିରୀ ଆଣିଛି ନୂଆ ପରିଚୟ, କିନ୍ତୁ ଯୌବନ ତାକୁ କର୍ଦମ କୁ ଓଲ୍ହାଇ ବାକୁ ବାଧ୍ୟ କରିଛି, ନିସଙ୍ଗ ଜୀବନ ରେ ମଦନ ପରି ସାଥି ଟି ପାଇ କୂଳ, ଜାତି ଗୋତ୍ର ଭୁଲି ସେ, ମଦନ ସହ ତା ସ୍ତ୍ରୀ ହେବାର ସ୍ବପ୍ନ ଦେଖିଛି |

ପ୍ରେମ ନିଶ୍ଚୟ ଅନ୍ଧ ଲୋକ ଏହାର ମାୟାରେ ପଡି ସବୁ ପାସୋରି ଉଠେ, ନୀଳ କଣ ଏହା ବିଷୟରେ ଅବଜ୍ଞ ଥିବ, ନା ନିଶ୍ଚୟ ସେ ଜାଣିଥିବ ସେ ସମୟ ରେ, ଅନ୍ୟ ଜାତିରେ ବିବାହ ଅପରାଧ ଭଳି ବିବେଚିତ ହେଉଥିଲା, ନିଆଁ ପାଣି ବାସନ୍ଦ ମଧ୍ଯ ଗୋଟିଏ ନିୟମ ଥିଲା |

ନୀଳ ଏହା ଵି ଜାଣେ, ଯଦି ମଦନ କୁ ନ ବାଛେ ତେବେ, ଚିରଦିନ ସେ ଏହି ଶୂନ୍ୟତା ମଧ୍ଯ ରେ ବିଚରଣ କରିବ,ତେଣୁ ସବୁ ବନ୍ଧନ ଛିନ୍ନ କରି, ଘରରୁ ଗୋଡ଼ କାଢ଼େ, ବ୍ରାହ୍ମଣ ସାହି ରୁ ଧୋବା ସାହି ରେ ନିଜ ର ନୂଆ ଜୀବନ ଆରମ୍ବ କରିବା ପାଇଁ, ଲୋକ ଙ୍କ ଅପବାଦ ସହି ସେ ମଦନ କୁ ବିବାହ କରେ, କିନ୍ତୁ ବିବାହ କିଛି ଦିନ ପରେ ସେ ଅସଲ ରୂପ ଟି ଦେଖେ|

ଯାହା ପାଇଁ, ସୁଖର ସଂସାର କୁ ଗୋଇଠା ମାରି ଆସିଥିଲା, ଆଜି ସେ ତାକୁ ତାକୁ ଗୋଇଠା ମାରେ, ମଦ୍ୟପ ର ଅତ୍ୟାଚାର ତାକୁ କଲା କର୍ମ ର ପ୍ରାୟଶ୍ଚିତ କରିବାକୁ, ବାଧ୍ୟ କରେ ହେଲେ, କହିବା ବଚନ ପରି କଲା କର୍ମ ମଧ୍ୟ ପଛକୁ ଫେରେ ନାହିଁ |ମଦନ ସେଠି ସହ ଦେଖିଥିବା ସୁନେଲି ସଂସାର ର ସ୍ବପ୍ନ ଏଠି ତାକୁ ଅନ୍ଧକାର ମୟ ଦିଶୁଛି |

ମଇଲା ଲୁଗା ଧରି ଯିବାବେଳେ, ସେ ଜାଣିବାକୁ ପାଇଛି, ଭାଇ ଟି ବିବାହ କରିଛି, ଘରକୁ ନୂଆ ଭାଉଜ ଆସିଛି, ମନ କୁ ସମ୍ଭାଳି ନ ପାରି କାନ୍ଦିଛି, ପିଲା ବେଳୁ ଆଜି ଯାଏଁ ନିଜ ଜୀବନ କୁ କଳ୍ପନା କରି ବସିଛି, ଭାବିଛି ତାର କଣ ଅଧିକାର ନାହିଁ, ଭାଇ ର ବାହାଘର ରେ ସାମିଲ ହେବାରେ ସେ କଣ ଖାଇ ପାରିବ ନାହିଁ ଭାଇ ବାହାଘର ଭୋଜି, ଗ୍ରାମ ର ଲୋକ ଙ୍କୁ ମାଗିଛି ନିଜ ଭାଇ ର ବାହାଘର ଭୋଜି ରେ ତିଆରି ଭାତ ତରକାରୀ, କିନ୍ତୁ କେହି ଦେଇ ନାହାନ୍ତି, ଶେଷ ରେ ଭାଉଜ ବଉଳ ପାଟ, ଧୋଇ ଆଣିଥିବା ଧୋବଣି ଠୁ ମାଗି ଆଣିଛି, ଏବଂ ଜିଦ କରିଛି ଭାଇ ଆସିଲେ ନେବ |

ସେପଟେ ଭାଇ ର କର୍ମ ଅଟକି ରହିବା ରୁ ଭାଇ ଆସିଛି, ଭଉଣୀ ଘରକୁ, ଓ ନୀଳ ଭାଇ କୁ ଦେଖି କହିଛି", ମୁଁ ଆସିଲି ବୋଲି ତୁ କଣ ପାଇଁ ଚାଲି ଆସିଲୁ ଯା ପଳା "|

ସତରେ କେତେ ମମତାମୟୀ ଏହି ନାରୀ ମନ ସାମାନ୍ୟ ପ୍ରେମ ପାଇଁ ଏମାନେ କିଛି ଵି କରି ପାରିବେ, ଯେତେ କଷ୍ଟ ହେଉ ପଛେ ନିଜେ ସହି ଯିବେ, ଅଭିମାନ କରି ବସିଲେ ସୁଦ୍ଧା ଏମାନ ଙ୍କ ହୃଦୟ ସବୁବେଳେ ଆତ୍ମୀୟ ମାନଙ୍କ ପାଇଁ ପ୍ରେମ ଢ଼ାଳୁ ଥିବା, ନୀଳ ଵି ଠିକ ସେହିପରି ଭାଇ କୁ ଦେଖି ସବୁ ଭୁଲିଛି

ପଶ୍ଚାତାପ

ନୀଳ ମନର ଅନ୍ତର ଦ୍ୱନ୍ଦ୍ୱ ଏଠାରେ ପ୍ରକାଶ କରାଯାଇଛି