*ପ୍ରଭୁଙ୍କ ପାଖରେ ସମର୍ପଣ*

ଦେବ ଦେବ ଜଗନ୍ନାଥ ଗୋବିନ୍ଦ ପୁରୁଷୋତ୍ତମ ।

ନାରାୟଣଂ ହୃଷିକେଶ ପୁଣ୍ୟଶ୍ଳୋକାଚ୍ୟୁତାବ୍ୟୟ ।।

"ହେ ମହାପ୍ରଭୁ ଆପଣ କ'ଣ କରିବାକୁ ଚାହାନ୍ତି ତାହା କେବଳ ଆପଣ ହିଁ ଜାଣନ୍ତି । "ହେ ପ୍ରିୟତମ ..!! ଆପଣଙ୍କ ମାୟା କେବଳ ଆପଣ ହିଁ ଜାଣନ୍ତି। ଯେଉଁଠାରେ ମୁଁ ସମାପ୍ତି କରିବା ପାଇଁ ଚାହେଁ ସେଠାରେ ଆପଣ ଅସମାପ୍ତି କରି ଦିଅନ୍ତି ଏବଂ ଯେଉଁ- ଠାରେ ଅସମାପ୍ତି କରିବାକୁ ଚାହେଁ ସେଠାରେ ଆପଣଙ୍କ କାର୍ଯ୍ୟର ସମାପ୍ତି ହୋଇଥାଏ। ତେଣୁ ମୋ ଭଳି ମୁଢମତିର ଇଚ୍ଛା କରିବା ବ୍ୟର୍ଥ ହୋଇଯାଏ।

"ହେ ପ୍ରିୟତମ ଜଗଦାନନ୍ଦ ଆନନ୍ଦଦାୟକ ଜଗମୋହନ ପତିତପାବନ ଲୀଳାମୟ ଅବ୍ୟକ୍ତ ତତ୍ତ୍ଵ ବ୍ରହ୍ମ ଅଣାକାର ନାୟକ ରାଧାକାନ୍ତ ବୃନ୍ଦାବନ ବିହାରୀ ମୋର ଏହି ଚଞ୍ଚଳ ମନକୁ ଏମିତି ବନାଇ ଦିଅନ୍ତୁ ଯେମିତି ମୁଁ କିଛି ବି ଚାହିଁବି ନାହିଁ କେବେ, କେବଳ ତୁମକୁ ଚାହିଁବି ଏବଂ ଏହି ଭାବନା ରେ ଦୃଢ଼ ତଥା ଆନନ୍ଦିତ ରହିବି। ଆପଣଙ୍କ ଇଚ୍ଛାର ସ୍ରୋତରେ ଅବଲମ୍ବିତ ରହିବି। କୁହନ୍ତୁ ପ୍ରଭୁ..!! କ'ଣ ଏତିକି କୃପା କରି- ବେନି ? କ'ଣ ଆପଣ ମୋର ନିଜର ଇଚ୍ଛା କୁ ନଷ୍ଟ କରି ଦେବେ ନାହିଁ ? ଆପଣଙ୍କ ଇଚ୍ଛା ଅମୋଘ ଅଟେ,ମଙ୍ଗଳମୟୀ ଅଟେ।

ଯତ୍ କୃତଂ ଯତ୍କରିସ୍ୟାମି ଯତ୍କରୋମି ଜନାର୍ଦ୍ଦନ ।

ତତ୍ ତଥୈବ କୃତଂ ସର୍ବ ତ୍ଵମେବ ଫଳଭୁଗ୍ ଭବେଃ ।।

ପ୍ରିୟତମ...!! ନିଅନ୍ତୁ... ଆପଣ କରାଇଥିବା କର୍ମର ଫଳକୁ ଆପଣଙ୍କୁ ଅର୍ପିତ କରୁଛି। ଆପଣଙ୍କ ବସ୍ତୁକୁ ଆପଣ ଗ୍ରହଣ କରନ୍ତୁ ଏବଂ ଯେଉଁ ପ୍ରକାର ସ୍ଵାମୀ ସେବକ ଦ୍ଵାରା ନିଜର ହିଁ ବସ୍ତୁକୁ ପାଇ ସେବକ ଆଡ଼କୁ କୃପା ଦୃଷ୍ଟି ରେ ଦେଖେ, ସେହି ପ୍ରକାରେ ଏହି ଦୀନ ହୀନ କାଙ୍ଗାଳ, ସାଧନା ରହିତ ସେବକ ଆଡ଼କୁ ନିଜର କୃପା କଟାକ୍ଷ ନୟନରେ ଥରୁଟିଏ ଚାହିଁ ଦିଅନ୍ତୁ ପ୍ରଭୁ.. ପରମ ପ୍ରେମମୟ ମଦନ ମୋହନ ଦୟାର ସାଗର କରୁଣା ଭଣ୍ଡାର ଲୋକନାଥ ଲୋକବନ୍ଧୁ କୁଞ୍ଜବିହାରୀ ଏହା ହିଁ ଏହି କୃତଘ୍ନ ସେବକର ଅଭିଳାଷ ଅଟେ।

ପ୍ରଭୋ..!! ଆପଣ କରାଇଥିବା କର୍ମରେ ମୋ ମନରେ କର୍ତ୍ତାପଣର ଭାବ ନ ଉଠୁ ଏତିକି କୃପା କରନ୍ତୁ ଦୀନବନ୍ଧୁ କୃପାସିନ୍ଧୁ ଜଗତ ଜୀବନ କମଳାକାନ୍ତ କମଳଲୋଚନ ଜଗମୋହନ ହେ ନାଥ ମୋ ମନ ସଦା ସର୍ବଦା ଆପଣଙ୍କର ଛନ୍ଦା ଚରଣ କମଳ ରେ ଲାଗି ରହୁ।

ଓଁ ତ୍ଵଦିୟଂ ବସ୍ତୁ ଗୋବିନ୍ଦ ତୁଭ୍ୟେମେବ ସମର୍ପଏ

ଓଁ ଭଗବତେ ବାସୁଦେବାୟ ନମଃ

🙏🙏🙏🙏🙏🙏