ଭୁବନେଶ୍ୱର ର କଳ୍ପନା ଛକ ଯାଏଁ ଯାଉଥିବା ବସ୍ ଟିରେ ବାଣୀ ବିହାର ପାଖରୁ ଦଳେ ଲୋକ ଚଢ଼ିଲେ ବସ୍ ରେ ଅଳ୍ପ ସିଟ୍ ଦେଖି ଯିଏ ଯୋଉଠି ପାରିଲା ବସିଗଲା। ସେତିକି ବେଳେ ଆଗରେ ଛିଡ଼ା ହୋଇଥାଏ ଜଣେ ବାଇଶି ଚବିଶ ବର୍ଷର ତରୁଣୀ। ପୋଷାକ ରୁ ଆଧୁନିକ ନାରୀ ଭଳି ଲାଗୁଥାଏ। ସେତିକି ବେଳେ କିଛି ଯୁବକ ମାନଙ୍କ ର ଅଜବ ଶବ୍ଦ ଶୁଭିଲା ସେହି ଝିଅ ପାଇଁ ଆଉ ତାର ଦୋଷ ଥିଲା ଯେ ବସ୍ ର ଲୁହା ପାଇପ୍ ଧରି ଛିଡ଼ା ହେବା ସମୟରେ ତାର ଜିନ୍ସ ଓ ଟପ୍ସ ଭିତରେ କିଛି ଦୂରତା ସୃଷ୍ଟି ହୋଇ ଯାଇଥିଲା ଆଉ ଏଥିରେ ଡେରି ନକରି ପଛ ସିଟ୍ ରେ ବସିଥିବା ଅସଭ୍ୟ ଯୁବକ ନିଜର ସଂସ୍କାର ଦେଖାଇବା ଆରମ୍ଭ କରିଦେଇଥିଲେ।

ପାଖ ସିଟ୍ ରେ ବସିଥିବା ଶ୍ୱାତି ପାଇଁ ଏସବୁ ଅସହ୍ୟ ଲାଗୁଥାଏ ଆଗରେ ଛିଡ଼ା ହୋଇଥିବା ଝିଅ ଟି ଅସହଜ ମନେ କରୁଥିବା ଦେଖି ଶ୍ୱାତି ସେହି ସିଟ୍ କୁ ସେ ଝିଅକୁ ଦେଇ ସେ ନିଜେ ଛିଡ଼ା ହୋଇଗଲା। ପଛରୁ ଶବ୍ଦ ଆସୁଥାଏ "ସବୁ ସିନ ବେକାର କରିଦେଲା ଇଏ"। ପାଖରେ ଥିବା ମଉସା ଜଣଙ୍କ ତାଗିଦ୍ ଗଳା ରେ କହିଲେ ଶ୍ୱାତି କୁ କଣ ଦରକାର ଥିଲା ସିଟ୍ ଟା ସେ ଝିଅକୁ ଦେବା ତୁ ମୋ ସିଟ୍ ରେ ବସ ମୁଁ ଛିଡ଼ା ହେଉଛି। ସେ ଭଳିଆ ଝିଅ ମାନଂକୁ ଏଗୁଡ଼ା କଣ ନୂଆ କଥା କି। ଶ୍ୱାତି ପଚାରିଲା ସେ ଭଳିଆ ଝିଅ ମାନେ କୋଉ ଭଳିଆ ଝିଅ ? ଆପଣ କଣ ତାକୁ ଜାଣନ୍ତି ? ମଉସା ଉତ୍ତର ଦେଲେ ଜାଣିବା କଣ ଦରକାର ତା ପୋଷାକ ଦେଖି ଜାଣି ପାରୁନୁ ଭଲ ଘର ଝିଅ କଣ ଏମିତି ପିନ୍ଧନ୍ତି ସେମାନେ ଜାଣିକରି ଏମିତି ପିନ୍ଧନ୍ତି ଟୋକା ତାଙ୍କୁ ଦେଖନ୍ତୁ ବୋଲି ବିଚରା ଟୋକା ଙ୍କ କି ଦୋଷ ତାଙ୍କର ତ ବୟସ ହିଁ ସେଇୟା। କଲିକତା ର ଘଟଣା ଘଟିଗଲା ହେଲେ ଏ ଝିଅଙ୍କୁ ବୁଦ୍ଧି ପସିଲାନି କହି ଆଗ ଷ୍ଟପେଜ୍ ରେ ଓହ୍ଲେଇ ଗଲେ। ଶ୍ୱାତି ଭାବୁଥାଏ କେତେ ସହଜରେ ସେ ସବୁ ଦୋଷ ଝିଅଟା ଉପରେ ଦେଇ ପୁଅଙ୍କୁ ଝାଡ଼ି ଝୁଡ଼ି ଦେଇ ବୟସ ର ଦୋଷ ଦେଇ ଚାଲିଗଲେ।

କଳ୍ପନା ଛକ ରେ ଓହ୍ଲେଇ ରେଷ୍ଟୁରାଣ୍ଟ କୁ ଯାଉଥିବା ସମୟରେ ତାକୁ ଲାଗୁଥାଏ ପଛରୁ ଯେମିତି କେହି ଫୋଲୋ କରୁଛି। ସେ ପାଦକୁ ଜୋର୍ ଜୋରରେ ପକେଇ ଚାଲୁଥାଏ କାଳେ ସେ ବସ୍ ର କେହି ପିଲା ଆସି ଗଲେନି ତ। ଶ୍ୱାତି ର ଏବେ ଏମିତି କାହା ଉପରେ ଭରଷା ନାହିଁ ହଠାତ୍ କେହି ଜଣେ ଆସି ତା ଆଖିକୁ ପଛରୁ ଭିଡ଼ି ଧରିଲା। ଶ୍ୱାତି ଜୋରରେ ଚିଲେଇଲା ବେଳକୁ ସେ ଥିଲା ରାଜୀବ। ଶ୍ୱାତି କହିଲା କେତେ ଥର ମନା କରିଛି ମୋତେ ଏମିତି ମଜାକ୍ ଭଲ ଲାଗେନା ବୋଲି ତମେ କଣ ବୁଝି ପାରନି। ରାଜୀବ କହିଲା ହଉ ହଉ ସରି। କଣ ହେଇଛି ତମର ଏବେ , ତମେ ପୁରା ବଦଳି ଗଲା ଭଳି ଲାଗୁଛ ସତ କହିବାକୁ ଗଲେ ଆଉ ଆମ ଭଲ ପାଇବା ରେ ଯେମିତି ସ୍ପାର୍କ ହିଁ ନାହିଁ। ଶ୍ୱାତି କହିଲା କେବେଠୁ ମୁଁ କହୁଛି ଆମେ ସବୁ ସମ୍ପର୍କ ଶେଷ କରିଦେବା ତମ ପାଇଁ ମୁଁ ଠିକ୍ ନୁହଁ। ରାଜୀବ କହିଲା ଚୁପ୍ ଏକଦମ ଚୁପ୍ ଚାଲ ଯାଇ ରେଷ୍ଟୁରାଣ୍ଟ ରେ ଖାଇବା ତାପରେ ଯାଇ ଯୋଉ କଥା। ଖାଉ ଖାଉ ରାଜୀବ ପଚାରିଲା ଏବେ ଦେଖିଥିବ କୋଲକାତା ମେଡିକାଲ ରେ ଏମିତି ଘଟିଗଲା ତୁମର ରାୟ କଣ ଏହା ଉପରେ ? ଶ୍ୱାତି କହିଲା ରାୟ ? କି ରାୟ ଏଟା କଣ ରାଜନୀତି ଚର୍ଚ୍ଚା ଚାଲିଛି କି ମୁଁ ରାୟ ଦେବି। ଗୋଟେ ଡ଼ାକ୍ତର କୁ ତା ଡ୍ୟୁଟି ରେ ବଳାତ୍କାର କରି ମାରି ଦିଆଗଲା ତମେ ମୋତେ ରାୟ ପଚାରୁଛ । ତମକୁ କଣ ଲାଗୁଛି ସେଥିରେ ବି ସେ ଝିଅ ର ହିଁ ଦୋଷ। ରାଜୀବ କହିଲା ଆରେ ରିଲାକ୍ସ ତମେ ଏମିତି କାହିଁ ରିଆକ୍ଟ କରୁଛ ତମେ ବୋଧେ ଏ ନିଉଜ୍ ପାଇଁ ବହୁତ୍ ଦୁଃଖୀ ହୋଇ ଯାଇଛ ମୁଁ ବୁଝି ପାରୁଛି। ରାଜୀବ କହିଲା ମୁଁ ତମକୁ ଆଜି ଯାହା ପାଇଁ ଡାକିଛି ସେଟା ପଚାରିବନି ? ମୋ ଲେଖିଥିବା କାହାଣୀ ଗୋଟେ ବିଗ୍ ବ୍ୟାନର ୱେବ୍ ସିରିଜ୍ ପାଇଁ ଫିକ୍ସ ହେଇ ଯାଇଛି ଆଉ ଖାଲି ଲାଷ୍ଟ କାମ ବାକି ଅଛି। ଶ୍ୱାତି କହିଲା ଆରେ congratulations ବହୁତ୍ ଖୁସି ତମ ପାଇଁ ମୁଁ । ରାଜୀବ ଶ୍ୱାତି ର ହାତ ଉପରେ ଗୋଟେ ଚୁମ୍ବନ ଦେଇ କହିଲା ଏହି ହସ କେତେ ଦିନ ପରେ ତମ ମୁହଁ ରେ ଦେଖୁଛି। ଆଉ ଏଇ ହସ ପାଇଁ ମୁଁ ଖୁସି ଖୁସି ରେ ମରିଯିବି। ଶ୍ୱାତି ତାର ହାତକୁ ରାଜୀବ ହାତରୁ ଛଡ଼େଇ ବାକୁ ଚେଷ୍ଟା କରୁଥାଏ......

ଶ୍ୱାତି କିଛି ସମୟ ପରେ ନିଜ ଘରେ ଆସି ପହଁଚିଲା ଇଚ୍ଛା ହେଉଥାଏ ଆଜି ଜୋର୍ କରି କାନ୍ଦିବାକୁ ହେଲେ ଚାହିଁ କି ବି କାନ୍ଦି ପାରୁ ନଥାଏ। ଘରେ ତ କେହି ନଥିଲେ ପୁଣି ଘର ଖୋଲିଲା କିଏ ଦେଖିଲା ବେଳୁ ଶିବୁ ଦାଦା ଆଗରୁ ବସିଥିଲେ ସୋଫା ଉପରେ ଆଉ ଟିଭି ଦେଖୁଥିଲେ। କହିଲେ ଶ୍ୱାତି ମୁଁ ଦୁଇ ଘଣ୍ଟା ହେଲା ଆସିଲିଣି ତୁ କୁଆଡେ଼ ଯାଇଥିଲୁ। ସେ କିଛି ନକହି କାନ୍ଦି କାନ୍ଦି କି ରୁମ୍ ରେ ପସି କବାଟ ଦେଇଦେଲା। ଦାଦା କହୁଥାନ୍ତି ବାପା ମାଆ ବାହାରେ ବୋଲି ଖାତିର ନାହିଁ ନା କଣ ବେଳ କାଳ ଯାହା ହେଲାଣି। ପ୍ରାୟ ଗୋଟେ ଘଣ୍ଟା ପରେ ଶ୍ୱାତି ବାହାରିଲା ରୁମ୍ ରୁ। ଶିବୁ ଦାଦା ଗୋଟେ ପରେ ଗୋଟେ ପ୍ରଶ୍ନ ବାଣ ମାରି ଚାଲୁଥିଲେ। ଶ୍ୱାତି ଆଖିରୁ ଲୁହ ଶୁଖିବ ଶୁଖିବ ହେଉଥାଏ କହିଲା ମୁଁ ରାଜୀବ ପାଖକୁ ଯାଇଥିଲି। ଦାଦା କହିଲେ ରାଜୀବ ସେ ପାଗଳ ଏବେବି ତୋ ପିଛା ଛାଡ଼ିନି ? ଶ୍ୱାତି କହିଲା ଆଜି ରାଜୀବ ମୋ ସହ ଦୁଷ୍କର୍ମ କରିବାକୁ ଚେଷ୍ଟା କଲା କହି କାନ୍ଦି ଉଠିଲା। ଶିବୁ ଦାଦା କହିଲେ ସେଭଳି ଗୋଟେ ପିଲାଠୁ ଆଉ କଣ ବା ଆଶା କରିବୁ।ଶ୍ୱାତି କହିଲା ମୁଁ ପୋଲିସ୍ କମ୍ପ୍ଲେନ୍ ଦେବି। ଶିବୁ ଦାଦା କହିଲେ କିଛି ଦରକାର ନାହିଁ ସେ ବହୁତ୍ ଡ୍ରାମା ତୁ ଆଜିଠୁ ଆଉ ବାହାରକୁ ଯିବୁନି କଥା ସରିଲା। ସେତେବେଳେ ରାଜୀବ ର ମେସେଜ ଆସିଲା ଯଦି ସେ ଏବେ ସେ ତାକୁ ଦେଖା କରିବାକୁ ନ ଆସିବ ତେବେ ସେ ଫଟୋ ଭାଇରାଲ୍ କରିଦେବ। ଶିବୁ ଦାଦା କହିଲେ ମୁଁ ବି ଯିବି ଆଉ ଆଜି ତାକୁ ଜୀବନ ରୁ ମାରିଦେବି। ଶ୍ୱାତି ତ ତାଙ୍କୁ ନଯିବାକୁ କହୁଥିଲା ହେଲେ ସେ କହିଲେ ମୁଁ ଥାଉ ଥାଉ ସେ ହାତ ଦେଇ ପାରିବନି ତୋ ଦେହରେ ଆଜି ସେ ରାଜୀବ ର ଶେଷ ଦିନ।

ଶ୍ୱାତି ଗାଡ଼ି ଡ୍ରାଇଭ୍ କଲା ଓ କହିଲା ମୁଁ ଲୋକେସନ୍ ହିସାବରେ ସେ ଯାଗା କୁ ନେଇ ଯାଉଛି। ଗାଡ଼ି ଚଲେଇଲା ବେଳେ ଶ୍ୱାତି ପୁରା ଝଡ଼ ପୂର୍ବରୁ ଥିବା ଶାନ୍ତ ପରିବେଶ ପରି ନୀରବ ଥିଲା।ଏତିକି ବେଳେ ସେମାନେ ଶିଖରଚଣ୍ଡୀ ପାହାଡ଼ ପାଖରେ ପହଞ୍ଚି ଯାଇଥିଲେ ଓ ରାଜୀବ ବି ଆଗରୁ ଥିଲା।ସେତେବେଳକୁ ଶ୍ୱାତି କିନ୍ତୁ ପୁରା ଥରୁଥାଏ ସତେ ଯେମତି ସେ ଜୀବନ ର ସବୁଠାରୁ ସାହସିକତା ଦେଖାଇବାକୁ ଯାଉଛି। ସେହି ଥରୁଥିବା ସମୟରେ ତା ହାତ ଉପରେ ଶିବୁ ଦାଦା ହାତ ରଖି କହିଲେ ଡରନି ମୁଁ ଅଛି। ସେବେ ଶ୍ୱାତି ଚିତ୍କାର ଛାଡ଼ି କହିଲା ତୁ ଅଛୁ ବୋଲି ହିଁ ମୁଁ ଡରୁଛି। ହାତ ଉଠା କିଛି ଭଲ ହବନି ନହେଲେ ଯୋଉ ବନ୍ଧୁକ ତୁ ରାଜୀବ ପାଇଁ ଆଣିଛୁ ସେହି ବନ୍ଧୁକ ରେ ମାରିଦେବି।

ଶିବୁ ଦାଦା କହିଲେ କଣ ଏ କହୁଛୁ ପାଗଳ ହୋଇ ଗଲୁଣି କି ମୁଁ ପରା ତୋ ଦାଦା। ତୋ ବାପା ର ନିଜ ଭାଇ ନହେଲେ ବି ନିଜ ଭାଇ ଠୁ ବି ଅଧିକା। ଶ୍ୱାତି କହିଲା ପୁରା ପୁରି ଚୁପ୍ ମୋତେ ଭାବିଲାରୁ ବି କଷ୍ଟ ଲାଗୁଛି ତୋତେ ମୁଁ ଦାଦା ଡାକେ। ଛୋଟ ବେଳୁ କେତେ ଥର ତୋ ଛୁଆଁ ମୋତେ ଅସହଜ ଲାଗେ ଏକଥା ମା ଙ୍କୁ ବି କହିଛି ହେଲେ ମା ଙ୍କ ଗୋଟେ ତାଗିଦ୍ କାହାକୁ କହିବୁନି ତୋର ବଦନାମ୍ ହେବ। ହେଲେ ସେ ଦିନ ରାତିରେ ମୋତେ ନିଶା ଦେଇକି ମୋ ସହ ଯାହା କଲୁ ତୋତେ କଣ ଲାଗିଲା ମୋର କିଛି ମନେ ନାହିଁ। ମୁଁ ସିନା କିଛି କରି ପାରୁ ନଥିଲି ହେଲେ ତୋ ଭଳି ଅସୁର ର ପ୍ରତିଟି କ୍ଷତ ମୋର ମନେ ଅଛି ସେବେଠାରୁ ମୁଁ ମୋ ନିଜକୁ ଘୃଣା କରିବା ଆରମ୍ଭ କରି ଦେଇଥିଲି। ମୁଁ ଆଜି ତୋତେ ମାରିଦେବି ଆଉ ମୋର ପ୍ରତିଶୋଧ ନେବି। ଶିବୁ ଦାଦା କହିଲେ ଆଉ ଏ ରାଜୀବ ଯାହା କରିଛି ? ଶ୍ୱାତି କହିଲା ସେଟା ତ ଗୋଟେ ଟ୍ରାପ ତୋ ପାଇଁ। ରାଜୀବ କହିଲା ତୋ confession ଦେଇଦେ ଆମେ ତୋତେ ଛାଡ଼ି ଦେବୁ ନହେଲେ ତୁ ଏଠୁ ଯାଇ ପାରିବୁନି।

ଶିବୁ ଦେଖିଲା ବେଳକୁ ଚାରି ପଟୁ ତା ପାଇଁ ବାଟ ବନ୍ଦ । ସେ କହିଲା ମୁଁ କିନ୍ତୁ confession ଦେବିନି ନହେଲେ ମୋ ପରିବାର ଲଜ୍ଜା ରେ ମୁଣ୍ଡ ଟେକି ପାରିବେନି । ହେଲେ ତମେ ବି ଶାନ୍ତି ରେ ରହି ପାରିବନି ପୋଲିସ୍ ତୁମକୁ ଛାଡ଼ିବନି କହି ପାହାଡ଼ ତଳକୁ ଡେଇଁ ପଡ଼ିଲା।

ଶ୍ୱାତି କିଛି ନ ଭାବିକରି କାର କୁ ବି ଷ୍ଟାର୍ଟ କରି ପାହାଡ଼ ତଳକୁ ଖସେଇ ଦେଲା। ଆଉ ଦୁହେଁ ଚାଲି ଆସିଲେ।ତିନି ଦିନ ଖୋଜିଲା ପରେ ଶିବମ ମିଶ୍ରଙ୍କ ଗାଡ଼ି ମିଳିଲା ହେଲେ ତାଙ୍କ ମଲା ଶରୀର ର ଖୋଜ ଖବର କିଛି ମିଳିଲାନି।

ଆନନ୍ଦ ବନ ର ସୁନ୍ଦର ପରିବେଶ। ଶ୍ୱାତି ରାଜୀବ କୁ ଥ୍ୟାଙ୍କ ୟୁ କହିଲା ତମ ପାଇଁ ମୋ ପ୍ରତିଶୋଧ ପୁରା ହୋଇ ପାରିଲା। ତମେ ଯଦି ମୋତେ ସାହସ ନଦେଇ ତମ ୱେବ୍ ସିରିଜ ସ୍କ୍ରିପ୍ଟ ହିସାବରେ ଏମିତି ପ୍ଲାନ୍ କରି ନଥାନ୍ତ ତାହେଲେ ମୁଁ ସାରା ଜୀବନ ଜଳି ଜଳି ମରି ଯାଇଥାନ୍ତି। ସେତେବେଳେ ଘରୁ ବ୍ୟସ୍ତ ହୋଇ ଖବର ଆସିଲା କି ମର୍ଡର ପାଇଁ ଶ୍ୱାତି କୁ ପଚାରିବାକୁ ପୋଲିସ୍ ଆସିଛନ୍ତି। ଶ୍ୱାତି କହିଲା କହୁଥିଲି ତୁମକୁ ଏହି ୱେବ୍ ସିରିଜ ଆଉ ରିୟଲ ଲାଇଫ୍ ଅଲଗା ଅଲଗା ଏବେ ମୁଁ କଣ କରିବି ମୁଁ ତ ସତରେ ମାରିନି ବୋଲି କିଛି ପ୍ରମାଣ ବି ନାହିଁ। ରାଜୀବ କହିଲା କୋଉ କାହାଣୀ ଏତେ ଜଲଦି ସରେନି ତୁମ ପ୍ରତିଶୋଧ କାହାଣୀ ସରିଗଲା ହେଲେ କାହାଣୀ ଏବେବି ବାକି ଅଛି କହି ୱେବ୍ ସିରିଜ୍ ର ଆଗାମୀ ସ୍କ୍ରିପ୍ଟ ବଢ଼େଇ ଦେଲା ଓ ସେଥିରେ ଏହି ସବୁ ଘଟଣା ଦେଖି ଶ୍ୱାତି ପୁରା ଆଶ୍ଚର୍ଯ୍ୟ ହୋଇଯାଇଥାଏ। କହିଲା ତା ମାନେ ତମେ ଏମିତି ହେବ ବୋଲି ଭାବିଥିଲ ? ଆଉ ଏ କଣ ଲେଖିଛ ଆଗାମୀ ପାର୍ଟ ରେ ସେ ଆସୁଛି ! ସେ କଣ ବଞ୍ଚିଛି ?

ରାଜୀବ ଉତ୍ତର ଦେଲା ତମେ ଏବେ ଯେମିତି କହୁଛି ସେମିତି କର। ଆଉ ମିଷ୍ଟର ଶିବମ ମିଶ୍ର ବଞ୍ଚିଛି ନା ମରିଛି ତାହା ତ ସମୟ କହିବ।

କଣ ଭାବୁଛନ୍ତି ? କେମିତି ଲାଗିଲା ମତାମତ ଦିଅନ୍ତୁ।

ଆପଣଙ୍କ

କୈବଲ୍ୟ ନାୟକ❤️

ପ୍ରତିଶୋଧ - Odia story of Crime, justice and confusion ଓଡ଼ିଆ କାହାଣୀ

ଓଡ଼ିଆ କାହାଣୀ