ପ୍ରତିଶ୍ରୁତି

ମୋ ଚାଲିବାର ବାଟରେ
ଅନେକ କଣ୍ଟା
ମୋ ଗୋଧୋଇବା ତୁଠରେ
ଶିଉଳି ଭରା ପଥର
ମୋ ଜୀବନ ନଈର ଘାଟରେ
ଦରଭଙ୍ଗା ନାବ

ଏବେ ମୁଁ କେମିତି
ବିଶ୍ବାସ ରଖିବିଯେ
ତୁମେ ପଡିଥିବା କଣ୍ଟା ମାନଙ୍କୁ
ରୁପାନ୍ତରିତ କରି
ଫୁଲ କରିଦେବ
ପଥରରୁ ଶିଉଳି ଛଡାଇ ଦେବ

ଆଉ ଧରିଥିବା ଦରଭଙ୍ଗା
ନାଆ ର ମଙ୍ଗକୁ ପାରି କରିବାକୁ
ପ୍ରତିଶ୍ରୁତି ଦେବ
ଷଠି ରୁ ମଶାଣି ଯାଏଁ
ମୋ ନାବ ର ନାଉରୀ ହେବାକୁ।

କେତେ ଦିନ ଆଉ
ଏମିତି ସଂଗ୍ରାମ ତାଲିଥିବ
କୁହ ଚକ୍ରଧର
ଜୀବନ ଯୁଦ୍ଧ ଚାଲିଥାଏ
କେବେ ସରେ ନାହିଁ
କେତେ ଦିନ ଯୁଦ୍ଧ ପଡ଼ିଆ ରେ
କଟୁଥିବ ଜୀବନ, ଚକ୍ରଧର

ଭୋଗି ପାରିଲିନି
କୈଶୋର ର ଚପଳତା
ଯୈ।ବନର ଉଦ୍ଦାମତା
ଏତେ ଯଦି ଅସହାୟତା
ମୋ ଭାଗ୍ୟ ଆଉ କେତେ ଦୂର
ଭେଟିବାକୁ ବାର୍ଦ୍ଧକ୍ୟ ଆଉ
ପହଞ୍ଚିବାକୁ ସ୍ଵର୍ଗଦ୍ଵାର
କୁହ ସତ୍ୟ ଚକ୍ରଧର ।

ଦରଭଙ୍ଗା ନାବ ଧରି
ପାରି କରିବା କୁ ମାଗିଲି
ପ୍ରତିଶ୍ରୁତି,ନିର୍ଭର ପ୍ରତିଶ୍ରୁତି
ନଥିବ କଣ୍ଟକିତ ପଥ ଅବା
ଶିଉଳି ଲଗା ପଥର
ପାଦ ଖସିବାର ଭୟ ଆଶଙ୍କା
ପ୍ରତିଶ୍ରୁତି ପ୍ରତୀକ୍ଷାରେ,ଚକ୍ରଧର ।

__________________________

ପ୍ରତିଶ୍ରୁତି

ମୋ ଚାଲିବାର ବାଟରେ ଅନେକ କଣ୍ଟା ମୋ ଗୋଧୋଇବା ତୁଠରେ ଶିଉଳି ଭରା ପଥର ମୋ ଜୀବନ ନଈର ଘାଟରେ ଦରଭଙ୍ଗା ନାବ