ମୁଁ ଆଜି ଯାହା ବିଷୟରେ ଲେଖୁଛି ସେ ହେଉଛନ୍ତି ପୁନିଆ ପାଳ। ମୁଁ ଜାଣେନି ଲୋକଙ୍କ ଆଖିରେ ସଫଳତା ଅର୍ଥ କଣ , ଭିନ୍ନ ଭିନ୍ନ ଆଖିରେ ସଫଳତା ର ସଂଜ୍ଞା ବଦଳି ଯାଏ। ହେଲେ ମୁଁ ଯେଉଁ ଲୋକ ଟିକୁ ଅତି ନିକଟରୁ ଦେଖିଛି ସେ ଆଜି ମୋ ପାଇଁ ଜଣେ ସଫଳ ଚାଷ ବ୍ୟବସାୟୀ। ତାଙ୍କୁ ମୁଁ ଚାଷୀ ରେ ବି ଗଣି ପାରିବି ବ୍ୟବସାୟୀ ରେ ବି ଗଣି ପାରିବି।

ପୁନିଆ କହିଲେ ପାଞ୍ଚ ଫୁଟ୍ ତଳକୁ ଗୋଟିଏ ଲୁଙ୍ଗି ଓ ସାର୍ଟ ପିନ୍ଧି ଥିବା ପାଠ ନ ପଢ଼ିଥିବା ମଣିଷ ଟିଏ ଯାହାର ସାଳନ୍ଦୀ ନଦୀର ପାଖରେ ପାଳ ରେ ଗୋଟେ ଜାଗା ଅଛି। ପିଲା ପାଞ୍ଚଟି ତାର ଚାରି ଝିଅ ଓ ଗୋଟେ ପୁଅ।

ମୁଁ ଯେବେ ପ୍ରଥମେ ତାଙ୍କୁ ଦେଖିଥିଲି ତାଙ୍କର ସେହି ନିଜ ଜାଗା ରେ ଗୋଟେ ଚାଳ କୁଡ଼ିଆ ରେ ରହୁଥିଲେ। ହେଲେ ସେ ଏତେ ଉଦ୍ୟୋଗୀ ନିଜେ ସାତ ପ୍ରାଣୀ କୁଟୁମ୍ବ ରହି ପଛରେ ଥିବା ନିଜ ଜାଗା ରେ ବିଭିନ୍ନ ପରିବା ଚାଷ କରୁଥିଲେ। ତାଙ୍କର ପୁରା ପରିବାର ତାଙ୍କର ଏଥିରେ ସହାୟତା କରୁଥିଲେ। ତାହାକୁ ଆଖ ପାଖ ଯେତେ ଲୋକ ସମସ୍ତଙ୍କ ପାଖରେ ସଠିକ୍ ମୂଲ୍ୟ ରେ ବିକ୍ରି କରୁଥିଲେ ।

ଆସନ୍ତୁ ଦେଖିବା ପୁନିଆ ପାଳ ର ଚାଷ ର କିଛି ଆଇଡିଆ ଯାହା ତାକୁ ସଫଳ କରାଇଛି -

୧) ପ୍ରଥମ କଥା ସେ ଋତୁ କାଳୀନ ପରିବା ଚାଷ ଉପରେ ଅଧିକ ପ୍ରାଧାନ୍ୟ ଦେଉଥିଲେ ଯାହା ଫଳରେ ତାଙ୍କୁ ସହଜରେ ଚାଷ ଜିନିଷ ସହଜ ରେ ମିଲିଯାଇପାରିବ ବିଶେଷ କରି ଚାଷ ର ଫଳାଫଳ ପାଇଁ ଅଧିକ ଦିନ ଅପେକ୍ଷା କରିବାକୁ ପଡ଼ିବନି । ଋତୁ କାଳୀନ ପରିବା ହୋଇଥିବାରୁ କମ ରାସାୟନିକ ଦ୍ରବ୍ୟ ର ବ୍ୟବହାର ମଧ୍ୟ ଏକ ସାହାଯ୍ୟ କରିଥିଲା ତାଙ୍କର ବ୍ୟବସାୟ ରେ।

୨) ନଈ କୂଳ ର ପାଳ ହୋଇଥିବାରୁ ମାଟି ପ୍ରାକୃତିକ ଭାବରେ ଉର୍ବର ଥାଏ ଓ ଜଳ ସେଚନ ପାଇଁ ମଧ୍ୟ ଖର୍ଚ୍ଚ ପଡୁ ନଥିଲା କାହିଁକି ନା ପୁରା ପରିବାର ମିଶି ନଈ ରୁ ପାଣି ଆଣି ଜମିରେ ମଡାଇ ଦିଅନ୍ତି।

୩) ଚାଷ ଜମି କମ୍ ହୋଇଥିବାରୁ ସେ ଗୋଟିଏ ପ୍ରକାର ଚାଷ ଅଧିକ ନ କରି ମିଶ୍ରିତ ଚାଷ କରୁଥିଲେ। କାହିଁକି ନା ସେ ଜାଣିଛନ୍ତି ଯେହେତୁ ସେ ଆଖ ପାଖ ରେ ବିକ୍ରି କରୁଥିଲେ ତେଣୁ ତାଙ୍କ ମାର୍କେଟ ସାଇଜ ଛୋଟ ତେଣୁ ଅଧିକ ହୋଇଗଲେ କ୍ଷତି ସହିବାର ସମ୍ଭାବନା ଅଛି। ଭିନ୍ନ ଭିନ୍ନ ପରିବା ଦ୍ଵାରା ଅଳ୍ପ ଗ୍ରାହକ ପାଖରେ ବି ତାଙ୍କର ଲାଭ ହେବାର ସମ୍ଭାବନା ଅଧିକ।

୪) "ଦେଶୀ ପରିବା" ଟ୍ୟାଗ୍ ଟି ମଧ୍ୟ ତାଙ୍କ ସଫଳତା ର ଆଉ ଏକ କାରଣ। ଦେଶୀ/ହର୍ବାଲ/ନ୍ୟାଚୁରାଲ ଏହି ସବୁ ବ୍ରାଣ୍ଡିଂ ବ୍ୟବସାୟ ରେ ବହୁତ୍ ଭଲ ଭାବରେ ସାହାଯ୍ୟ କରେ। ସେହି ଭଳି ଭାବରେ ସେ ନିଜ ପରିବା କୁ ଦେଶୀ ଓ ରାସାୟନିକ ସାର ମୁକ୍ତ ଭାବରେ ଯେମିତି ଭାବରେ ଲୋକଙ୍କ ପାଖରେ ପହଞ୍ଚାଇ ଥିଲେ ତାହା ଅବଶ୍ୟ କାମ କରିଲା। ସେ ସେହି ହିସାବରେ ମୂଲ୍ୟ ବି ସଠିକ୍ ନେଉଥିଲେ।

୫) ପରିବା ଚାଷ ଛଡ଼ା ଛୋଟ ଛୋଟ ଜାଗା ରେ କଦଳୀ ଗଛ ଲଗେଇ ଦେଇଥିଲେ ସେଥିରୁ ବି କଦଳୀ , ଭଣ୍ଡା , ମଞ୍ଜା ବି ବ୍ୟବସାୟ କରୁଥିଲେ ତେଣୁ ସେ କୌଣସି ବି ରିସ୍କ ନେଇ ନାହାନ୍ତି ନିଜ ଭାଗ୍ୟ ସହିତ।

୬) ସହର ରେ ପୂଜା ପାଇଁ ଫୁଲ ର ବହୁତ୍ ସମସ୍ୟା ସେ ଏହା ପାଇଁ ବି ଫୁଲ ଗଛ ଲଗାଇଥିଲେ ବାଡ଼ି ରେ। ତାଙ୍କ ଝିଅ ସକାଳୁ ସାଇକେଲ ରେ ଲୋକଙ୍କ ଘରେ ଫୁଲ ଦେଇ ଆସୁଥିଲେ।

ତା ଛଡ଼ା ଝିଅ ମାନେ ଟିକେ ବଡ଼ ହେବା ପରେ ସିଲେଇ ମେସିନ ପକାଇଥିଲେ ଯାହା ଫଳରେ ଅନ୍ୟ ପଟରୁ ବି ବ୍ୟବସାୟ ଆରମ୍ଭ କରିଦେଇଥିଲେ। ପୁଅ ବାହାରକୁ ଯାଇକି ନିଜ ହିସାବରେ ଭଲ ଚାକିରୀ ଖଣ୍ଡେ ବି କରିଲା।

ଆଜି ପୁନିଆ ପାଖରେ ଗୋଟେ ଭଲ ଘର ଅଛି। ପାଞ୍ଚ ଗୋଟି ଛୁଆ ଯାକ ବାହା ହୋଇ ସାରିଲେଣି। ସେ ଏବେବି କଠିନ ପରିଶ୍ରମ କରନ୍ତି , ଚାଷ କରନ୍ତି , ପାଖରେ ଗାଈ ବି ରଖିଛନ୍ତି । ତେଣୁ ମୋ ମତରେ ସେ ଜଣେ ସଫଳ ଚାଷୀ , ଜଣେ ବ୍ୟବସାୟୀ ଓ ଜଣେ ଉଦ୍ୟୋଗୀ। ତାଙ୍କ ପାଖରୁ ଅନେକ ପ୍ରେରଣା ମିଳି ପାରିବ। ଉତ୍ତମ ଦକ୍ଷତା ଓ ପରିଶ୍ରମ ଓ ଧର୍ଯ୍ୟ ବଳରେ ନିହାତି ଜଣେ ସଫଳ ହୋଇ ପାରିବ। ସବୁ ବ୍ୟବସାୟ ସଫଳ ହେବା ପାଇଁ MBA ର ଆବଶ୍ୟକତା ନଥାଏ। ଏହା ଥିଲା ମୋର ଜଣେ ପ୍ରେରଣାଦାୟୀ ସଫଳ ଚାଷୀ, ବ୍ୟବସାୟୀ ଓ ଉଦ୍ୟୋଗୀ ପୁନିଆ ପାଳ ବିଷୟରେ।

କବି ଅପୂର୍ବ ରଞ୍ଜନ ରାୟ ଙ୍କ ଭାଷା ରେ -

"ଯିଏ ପାଦଧିଛି ଦମ୍ଭ ହୃଦୟେ

ପାରେ ଗଢ଼ି ସିଏ କୋଣାରକ ......"

ଆଶା କରେ ଆପଣଙ୍କୁ ଏହା ପ୍ରେରଣା ଯୋଗାଇଥିବ।

ଧନ୍ୟବାଦ

କୈବଲ୍ୟ ନାୟକ

Kaibalya Nayak

ପୁନିଆ ପାଳ - ସଫଳ ଚାଷୀ ବ୍ୟବସାୟୀ

ଏକ କ୍ଷୁଦ୍ର ଚାଷୀ ର ବ୍ୟବସାୟ