ବିଷୟ ପ୍ରବେଶ -

******************

ଅଲିମ୍ପିକ ହେଉଛି ବିଶ୍ୱର ସର୍ବବୃହତ ତଥା ସର୍ବଶ୍ରେଷ୍ଠ କ୍ରୀଡ଼ା ମହୋତ୍ସବ ।ଏହାର ଅନେକ ଗୁରୁତ୍ବ ଏବଂ ମହତ୍ତ୍ଵ ରହିଛି।ଏହା କେବଳ କେତେକ ନିର୍ଦ୍ଦିଷ୍ଟ ଦେଶରେ ସୀମିତ ନ ରହି ବିଶ୍ବ ର ପ୍ରତ୍ୟେକ ଦେଶକୁ ସ୍ପର୍ଶ କରି ପାରିଛି। ଏହା ର ଲୋକ ପ୍ରିୟତା ପ୍ରତ୍ୟେକ ଠାରେ ଦେଖିବାକୁ ମିଳିଥାଏ। ଏହାକୁ ସୁପ୍ରସିଦ୍ଧ କରିପାରିଛି ଏହାର ଇତିହାସ। ଏହାର ସୃଷ୍ଟିକୁ ନେଇ ଅନେକ କାହାଣୀ ଓ ଲୋକ କଥା ରଚନା କରା ଯାଇଛି। ତନ୍ମଧ୍ୟରୁ ସବୁଠାରୁ ଲୋକପ୍ରିୟ ବା ଲୋକ ଗ୍ରହଣୀୟ କାହାଣୀ ହେଉଛି ହାରକୁଲେସ୍।

ଅଲିମ୍ପିକ କୁ ନେଇ ଲୋକ କଥା-

***********************************

ବିଶ୍ବାସ କରାଯାଏ ଆଜକୁ ପ୍ରାୟ ଏକ ହଜାର ବର୍ଷ ପୂର୍ବେ ଅଲିମ୍ପିକ ଖେଳ ଗ୍ରୀସ୍ ଦେଶର ଅଲମ୍ପିଆ ଉପତ୍ୟକା ରେ ଆରମ୍ଭ ହୋଇଥିଲା। ଏହାର ସୃଷ୍ଟି ସମ୍ବନ୍ଧରେ କୌଣସି ସଠିକ୍ ତଥ୍ୟ ନାହିଁ। କୁହାଯାଏ କି ହାରକୁଲେସ୍ ପାଇଁ ଏ ଖେଳ ଆରମ୍ଭ କରାଯାଇଥିଲା। ହାରକୁଲେସ୍ ଗ୍ରୀସ୍ ଦେଶର ଜଣେ ମହାନ୍ ଶକ୍ତିଶାଳୀ ସର୍ବ ଗୁଣ ସମ୍ପନ୍ନ ବ୍ୟକ୍ତି ଥିଲେ। ସେ ନିଜ ଅଞ୍ଚଳ ରେ ବହୁ ଲୋକ ପ୍ରିୟ ଥିଲେ। ଉକ୍ତ ରାଜ୍ୟ ର ରାଜା ମାଇସିନ୍ ଠାରୁ ସେ ଅଧିକ ଲୋକପ୍ରିୟ ଥିଲେ, ତେଣୁ ରାଜା ମାଇସିନ୍ ତାଙ୍କ ପ୍ରତି ଈର୍ଷା ମନୋଭାବ ରଖୁଥିଲେ। ରାଜା ଈର୍ଷା ର ଅଗ୍ନି ରେ ହାରକୁଲେସ୍ ଙ୍କୁ ଭିନ୍ନ ଭିନ୍ନ କଠିନ କାର୍ଯ୍ୟ କରିବା ପାଇଁ ଆଦେଶ ଦେଲେ। ସେ ଜାଣିଥିଲେ ହାରକୁଲେସ୍ ଏହା କରିବାକୁ ଯାଇ ନିଶ୍ଚିତ ମୃତ୍ୟୁ ପାଇବ। କିନ୍ତୁ ହାରକୁ ଲେସ୍ କେବଳ ଶକ୍ତିଶାଳୀ ନଥିଲେ, ବରଂ ମହା ଚତୁର ମଧ୍ୟ ଥିଲେ। ତେଣୁ ଚତୁରତାର ସହିତ ସେ ସମସ୍ତ କାର୍ଯ୍ୟ କୁ ଶେଷ କରିଥିଲେ। ଏହା ଦେଖି ଗ୍ରୀସ୍ ଦେବତା ଜିଉସ୍ ଅତି ପ୍ରସନ୍ନ ହୋଇ ହାରକୁଲେସ୍ ଙ୍କୁ ଏକ ଦେବତା ଆକ୍ଷା ପ୍ରଦାନ କରିଥିଲେ। ଏବଂ ହାରକୁଲେସ୍ ହୋଇଥିଲେ ଶକ୍ତି ର ଦେବତା। ତାଙ୍କ ରି ସ୍ମୃତି ଭଗବାନ ଜିଉସ୍ ଅଲିମ୍ପିକ ଖେଳ ର ଆରମ୍ଭ କରିଥିଲେ।ପୂରାତନ ଅଲମ୍ପିକ ପ୍ରାୟ ୧୧ଶହ ବର୍ଷ ଧରି ଚାଲିଥିଲା ।୩୯୨ଖ୍ରୀଷ୍ଟାବ୍ଦରେ ଅନୁଷ୍ଟିତ ୨୯୩ୟ ଅଲମ୍ପିକ ଖେଳ କ୍ରୀଡ଼ା ଶେଷ ଖେଳ ଥିଲା । ଏହା ପରେ ରୋମ ସମ୍ରାଟ ଥିଓଡୋସିଅସ-୧ ବଳପୂର୍ବକ ଏହି ଖେଳକୁ ବନ୍ଦ କରାଇ ଦେଇଥିଲେ।

ଆଧୁନିକ ଅଲିମ୍ପିକ ର ଆରମ୍ଭ -

********************************

୧୯୯୬ ମସିହାରେ ଜଣେ ଯୁବ ଫରାସୀ ବାରୋନ୍ ପିଅର୍ ଡି କୁବରଟିନ୍ ଅଲିମ୍ପିକ ଖେଳ ର ପୁନାରମ୍ଭ କରିଥିଲେ। ତେଣୁ ତାଙ୍କୁ ଆଧୁନିକ ଅଲିମ୍ପିକ ର ଜନକ ବୋଲି କୁହାଯାଏ। ସେ ଏହି ଖେଳ କୁ ଗୋଟେ ଦେଶରେ ସୀମିତ ନରଖି ବିଶ୍ବ ର ପ୍ରତ୍ୟେକ ଦେଶର ଅଂଶଗ୍ରହଣ କୁ ଗୁରୁତ୍ବ ଦେଇଥିଲେ।

ଏହି ଅଲିମ୍ପିକ ଖେଳ ଚାରି ବର୍ଷ ରେ ଥରେ ଆୟୋଜନ କରାଯାଏ। ଏହି ଖେଳ ର ସଂକେତ ପାଞ୍ଚଟି ରିଙ୍ଗ କୁ ଗ୍ରହଣ କରାଯାଇଅଛି,ଏହା ପରସ୍ପର ଲାଗି ଲାଗି ହୋଇ ରହିଅଛି। ଏହା ବିଶ୍ବର ପାଞ୍ଚଟି ମହାଦେଶ କୁ ସୂଚିତ କରିଥାଏ। ଏହି ଖେଳ ର ମୁଖ୍ୟ ଆଦର୍ଶ ହେଉଛି ଦ୍ରୁତଗାମୀ ,ଉଚ୍ଚତର ଏବଂ ଶକ୍ତିଶାଳୀ।କୁବରଟିନ୍ ଙ୍କ ମତରେ ଏହା କେବଳ ଏକ ସାଧାରଣ ଉଦ୍ଦେଶ୍ୟ ନୁହେଁ ଏହା ପ୍ରତ୍ୟେକ ଖେଳାଳି ଙ୍କ ଜୀବନ ର ପରମ ଲକ୍ଷ୍ୟ ହେବା ଆବଶ୍ୟକ। ଏହି ଖେଳ ଆରମ୍ଭର ଏକ ସପ୍ତାହ ପୁର୍ବରୁ ଏହାକୁ ନୃତ୍ୟ ସଂଗୀତ ଗାନ କରାଯାଇ ଆରମ୍ଭ କରାଯାଏ ଏବଂ ଏହାର ପ୍ରାରମ୍ଭରେ ଏକ ମଶାଲ୍ ଜ୍ଵଳନ କରାଯାଏ। ଏହା ଅଲମ୍ପିକ୍ସ ଖେଳ ଶେଷ ନହେବା ଯାଏଁ ଲିଭା ଯାଏ ନାହିଁ। ଅଲିମ୍ପିକ ଖେଳ କୁ ନେଇ କୁବରଟିନ୍ କୁହନ୍ତି ଯେ , ବିଜୟ ଲାଭ କରିବା ଏକ ଗୁରୁତ୍ତ୍ୱପୂର୍ଣ ନୁହେଁ, ଅଂଶ ଗ୍ରହଣ କରିବା ହିଁ ଗୁରୁତ୍ବପୂର୍ଣ୍ଣ।

ପ୍ରଥମ ବିଶ୍ୱଯୁଦ୍ଧ ସମୟରେ ୧୯୯୬ରେ ଓ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ୧୯୪୦ ଓ ୧୯୪୪ରେ ଅଲମ୍ପିକ ଅନୁଷ୍ଠିତ ହୋଇପାରି ନ ଥିଲା । ଏସିଆ ମହାଦେଶର ପ୍ରଥମଥର ପାଇଁ ଚୀନର ରାଜଧାନୀ ବେଜିଂଠାରେ ୨୦୦୮ ମସିହା ଅଗଷ୍ଟମାସ ୮ରୁ ୨୪ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା । ୨୦୧୨ରେ ଏହି ଖେଳ ଜୁଲାଇ୨୭ରୁ ଅଗଷ୍ଟ୧୨ ପର୍ଯ୍ୟନ୍ତ ଲଣ୍ଡନରେ ଅନୁଷ୍ଠିତ ହୋଇଥିଲା। ଆଧୁନିକ ଅଲମ୍ପିକ ଖେଳ ଏକ ଆନ୍ତର୍ଜାତିକ କମିଟିଦ୍ୱାରା ପରିଚାଳିତ ହୋଇଥାଏ । ପ୍ରତ୍ୟେକ ସଦସ୍ୟ ରାଷ୍ଟ୍ର ଏହି ଅନୁରୂପରେ ନିଜସ୍ୱ ଅଲମ୍ପିକ କମିଟି ମାନ ଗଠନ କରି ଏହି ଖେଳରେ ଭାଗ ନେଇଥାନ୍ତି ।

୧୮୯୬ରେ ଅନୁଷ୍ଠିତ ଆଧୁନିକ ଅଲମ୍ପିକର ସର୍ବପ୍ରଥମ ଖେଳ ଟ୍ରିପଲ ଜମ୍ପରେ ଆମେରିକାର ଜେମସ କନୋଲି ପ୍ରଥମ ସ୍ୱର୍ଣ୍ଣ ପଦକ ଜିତିଥିଲେ । ୨୦୦୮ରେ ବେଜିଂ ଅଲମ୍ପିକରେ ୨୦୫ଟି ଦେଶ ଭାଗନେଇଥିଲେ।ଅଲମ୍ପିକ ଖେଳରେ ଭାରତର ସ୍ଥିତି ଏତେଟା ଉତ୍ସାହ ଜନକ ନଥିଲେ ମଧ୍ୟ ଖେଳାଳି ଙ୍କ ଅଂଶଗ୍ରହଣ ଏବଂ କ୍ରମାଗତ ଭାବେ ସ୍ଵର୍ଣ୍ଣ , ରୌପ୍ୟ ଏବଂ ବ୍ରୋଞ୍ଜ ପଦକ ଜିତିବାରେ ସକ୍ଷମ ହୋଇ ପାରୁଛି।

ପ୍ୟାରିସ୍ ଅଲିମ୍ପିକ ୨୦୨୪ -

*****************************

୨୦୨୪ ମସିହାରେ ଫ୍ରାନ୍ସ ର ପ୍ୟାରିସ ସହରରେ ଗ୍ରୀଷ୍ମ କାଳୀନ ଅଲମ୍ପିକ୍ ଆୟୋଜନ କରାଯାଇଅଛି। ଏହା ୨୬ ଜୁଲାଇ ରୁ ୧୧ ଅଗଷ୍ଟ ପର୍ଯ୍ୟନ୍ତ ହେବାର କାର୍ଯ୍ୟକ୍ରମ ରହିଛି। କିଛି ପ୍ରତିଯୋଗିତା ୨୪ ଜୁଲାଇ ରୁ ଆରମ୍ଭ ହେବାରେ ମଧ୍ୟ ଧାର୍ଯ୍ୟ କରାଯାଇଅଛି। ୨୦୨୪ରେ ଅଲିମ୍ପିକ ଖେଳର ମୁଖ୍ୟ ଆୟୋଜକ ଭାବେ ଫ୍ରାନ୍ସ କୁ ଚୟନ କରାଯାଇଅଛି।

୨୦୧୭ ମସିହା ସେପ୍ଟେମ୍ବର ୧୩ ତାରିଖରେ ରେ ପେରୁର ଲିମାଠାରେ ଅନୁଷ୍ଠିତ ୧୩୧ ତମ ଆଇ.ଓ. ସି ଅଧିବେଶନରେ ଅଲିମ୍ପିକ ଖେଳକୁ ପ୍ୟାରିସରେ ଆୟୋଜନ କରିବାକୁ ନିଷ୍ପତ୍ତି ନିଆଯାଇଥିଲା। ପୂର୍ବରୁ ୧୯୦୦ ଏବଂ ୧୯୨୪ ରେ ପ୍ୟାରିସ୍ ଠାରେ ଦୁଇ ଥର ଗ୍ରୀଷ୍ମ ଅଲିମ୍ପିକ୍ ଆୟୋଜନ କରାଯାଇଥିଲା। ପୁନର୍ବାର ୨୦୨୪ ରେ ମଧ୍ୟ ଆୟୋଜନ କରାଯାଇଛି। ପ୍ୟାରିସ୍ ସହର ଲଣ୍ଡନ୍ ସହର ପରି ତୃତୀୟ ଥର ପାଇଁ ଗ୍ରୀଷ୍ମ ଅଲିମ୍ପିକ ଆୟୋଜନ କରିବାକୁ ଯାଉଛି।ଲଣ୍ଡନ୍ ରେ ୧୯୦୮, ୧୯୪୮ ଏବଂ ୨୦୧୨ରେ ଆୟୋଜନ କରାଯାଇଥିଲା।ଚଳିତ ବର୍ଷ ପ୍ୟାରିସ୍ ରେ ଯେଉଁ ଆୟୋଜନ ହେବାକୁ ଯାଉଛି ତାହା ୧୯୨୪ ପରେ ଦ୍ବିତୀୟ ଥର ହେବାକୁ ଯାଉଛି,ଯାହାକି ଶତବାର୍ଷିକ ପାଳନ କରିବ । ଫ୍ରାନ୍ସ ଦ୍ବାରା ଆୟୋଜିତ ଏହା ଷଷ୍ଠ ଅଲିମ୍ପିକ୍ ଖେଳ ହେବ। ତନ୍ମଧ୍ୟରୁ ତିନୋଟି ଗ୍ରୀଷ୍ମ ଅଲିମ୍ପିକ୍ ଏବଂ ତିନୋଟି ଶୀତକାଳୀନ ଅଲିମ୍ପିକ୍ ସାମିଲ୍ ଅଛି।କୋଭିଡ୍ -୧୯ ମହାମାରୀ ହେତୁ ୨୦୨୦ ଟୋକିଓ ଅଲିମ୍ପିକ୍ସକୁ ୨୦୨୧ କୁ ସ୍ଥଗିତ କରାଯିବା ପରେ ଗ୍ରୀଷ୍ମ ଖେଳଗୁଡିକ ପାରମ୍ପାରିକ ଚାରି ବର୍ଷର ଅଲିମ୍ପିଆଡ୍ ଚକ୍ରକୁ ଫେରି ଆସିଥିଲା | ବ୍ରେକ ଡାନସିଂ ପ୍ୟାରିସ୍ ୨୦୨୪ ରେ ଏକ ଅଲିମ୍ପିକ୍ ଇଭେଣ୍ଟ ଭାବରେ ଡେବ୍ୟୁ କରିବ।

ଅଧିକାଂଶ ଅଲିମ୍ପିକ୍ ଇଭେଣ୍ଟ ଗୁଡିକ ପ୍ୟାରିସ୍ ସହର ଏବଂ ଏହାର ମହାନଗର ନିଗମରେ ଅନୁଷ୍ଠିତ ହେବ। ସେମାନଙ୍କ ମଧ୍ୟରେ ପ୍ୟାରିସର ପଡୋଶୀ ସହର ଯଥା- ସେଣ୍ଟ୍-ଡେନିସ୍, ଲେବୋର୍ଜେଟ୍, ନାଣ୍ଟେ ରେ, ଭର୍ସେଲସ୍ ଏବଂ ଭାରେନସ୍-ସୁର-ମାର୍ନେ ଆଦି ସାମିଲ୍ ଅଛନ୍ତି।

ବାସ୍କେଟବଲ ପ୍ରାଥମିକ ରାଉଣ୍ଡ ଏବଂ ହ୍ୟାଣ୍ଡବଲ ଫାଇନାଲ ଆୟୋଜକ ସହରଠାରୁ ୨୨୫ କିଲୋମିଟର ଲିଲ ରେ ଅନୁଷ୍ଠିତ ହେବ। ନୌକାଚାଳନା ଏବଂ କିଛି ଫୁଟବଲ୍ ଖେଳ ଆୟୋଜକ ସହରଠାରୁ ୭୭୭ କିଲୋମିଟର ଭୂମଧ୍ୟସାଗରୀୟ ମାର୍ସେଲରେ ଅନୁଷ୍ଠିତ ହେବ। ଏହି ସମୟରେ, ଆୟୋଜକ ସହର ପ୍ୟାରିସ ଠାରୁ ୧୫୭୧୬ କିଲୋମିଟର ଦୂରରେ ଥିବା ଫ୍ରେଞ୍ଚ ପଲିନେସିଆର ବିଦେଶରେ ଥିବା ଚାହାପୋ ଗାଁରେ ସର୍ଫିଂ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ନିଷ୍ପତ୍ତି ନିଆଯାଇଅଛି।ଫୁଟବଲ୍ ଖେଳ ପାଞ୍ଚଟି ସହରରେ ଆୟୋଜିତ ହେବାର ବ୍ୟବସ୍ଥା ହୋଇଛି।ଯାହାକି ବୋର୍ଡୋ, ଡେସିନ୍-ଚାର୍ପିଓ, ନାଣ୍ଟେସ୍, ନିସ୍ ଏବଂ ସେଣ୍ଟ୍-ଇଟିଏନ୍ ।

ପ୍ୟାରିସ୍ ୨୦୨୪ ର ଅଧ୍ୟକ୍ଷ ଟୋନି ଏଷ୍ଟାଙ୍ଗୁଏଟ୍ ଫେବୃଆରୀ ୨୦୨୪ ରେ ଖେଳ ପାଇଁ ଅଲିମ୍ପିକ୍ ଏବଂ ପାରାଲିମ୍ପିକ୍ ପଦକ ଉନ୍ମୋଚନ କରିଥିଲେ। ଏହାର ଅଗ୍ର ଭାଗରେ ଆଇଫେଲ୍ ଟାୱାର କୁ ଅଙ୍କିତ କରାଯାଇଅଛି।ଫ୍ରାନ୍ସର ମେଣ୍ଟ ମୋନାଏ ଦେ ପ୍ୟାରିସ ଦ୍ୱାରା ପ୍ରାୟ ୫୦୮୪ ଟି ପଦକ ଉତ୍ପାଦନ ହେବ ଏବଂ ପ୍ୟାରିସ ସ୍ଥିତ ବିଳାସପୂର୍ଣ୍ଣ ଅଳଙ୍କାର ଫାର୍ମ ଚାଉମେଟଙ୍କ ଦ୍ୱାରା ପରିକଳ୍ପନା କରାଯିବିର ବ୍ୟବସ୍ଥା କରାଯାଇଅଛି।

ଖେଳ ସମୟରେ ସୁରକ୍ଷାକୁ ମଜବୁତ କରିବା ଏବଂ କାର୍ଯ୍ୟକ୍ଷମ ସୂଚନା ଆଦାନ ପ୍ରଦାନ ପାଇଁ ଫ୍ରାନ୍ସ ୟୁରୋପୋଲ ଏବଂ ବ୍ରିଟେନ କାର୍ଯ୍ୟାଳୟ ସହିତ ଏକ ଚୁକ୍ତିନାମା ସ୍ୱାକ୍ଷର କରାଯାଇଅଛି। ଚୁକ୍ତିନାମା ଅନୁଯାୟୀ, ଛୋଟ ଡଙ୍ଗା ଚ୍ୟାନେଲକୁ ବେଆଇନ ଭାବେ ଅତିକ୍ରମ ନକରିବା ପାଇଁ ଅଧିକ ଡ୍ରୋନ୍ ନିୟୋଜନ ପାଇଁ ଯୋଜନା କରାଯାଇଥିଲା ।ପ୍ୟାରିସ୍ ସହରରେ ବୋମା ନିଷ୍କାସନ ୟୁନିଟ୍ ମାଧ୍ୟମରେ ପର୍ଯ୍ୟବେକ୍ଷଣ କରାଯାଇଅଛି।

କତାରର ଅମିର ଶେଖ ତମିମ ବିନ ହମାଦ ଅଲ ଥାନି ଙ୍କ ଫ୍ରାନ୍ସ ଗସ୍ତର ଏକ ଅଂଶ ଭାବରେ ଅଲିମ୍ପିକ୍ସ ପାଇଁ ସୁରକ୍ଷା ବଢାଇବା ପାଇଁ ଦୁଇ ଦେଶ ମଧ୍ୟରେ ଅନେକ ଚୁକ୍ତିନାମା ସ୍ୱାକ୍ଷରିତ ହୋଇଛି ।ଖେଳର ସୁରକ୍ଷାକୁ ସୁନିଶ୍ଚିତ କରିବା ପାଇଁ ଆନ୍ତର୍ଜାତିକ ଉଦ୍ୟମକୁ ସମର୍ଥନ କରିବା ପାଇଁ ସ୍ନିଗ୍ଧ କୁକୁର ହ୍ୟାଣ୍ଡଲର୍ସ ସମେତ ସୁରକ୍ଷା ସୈନ୍ୟ ମାନଙ୍କୁ ନିୟୋଜିତ କରାଯାଇଅଛି।ଫ୍ରାନ୍ସର ପ୍ରତିପକ୍ଷଙ୍କୁ ସାହାଯ୍ୟ କରିବା ପାଇଁ ପ୍ୟାରିସକୁ, ସମୁଦାୟ ୪୦ ଗୋଟି ଦେଶ ପୋଲିସ ସହାୟତା ପ୍ରଦାନ କରିବାର ନିଷ୍ପତ୍ତି ନିଆଯାଇଅଛି।

ଭାରତର ଭୂମିକା-

********************

୨୬ ଜୁଲାଇରୁ ୧୧ ଅଗଷ୍ଟ ପର୍ଯ୍ୟନ୍ତ ଫ୍ରାନ୍ସର ପ୍ୟାରିସରେ ଆୟୋଜିତ ଗ୍ରୀଷ୍ମ ଅଲିମ୍ପିକ୍ସରେ ଶତାଧିକ ଦେଶ ଅଂଶଗ୍ରହଣ କରିଥିବା ବେଳେ ଭାରତ ମଧ୍ୟ ପ୍ରମୁଖ ଦେଶ ଭାବେ ଅଂଶଗ୍ରହଣ କରିଅଛି। ୧୯୦୦ ମସିହା ଗ୍ରୀଷ୍ମ ଅଲିମ୍ପିକ୍ସରେ ଭାରତ ପ୍ରଥମ ଥର ଅଲିମ୍ପିକ ରେ ଡେବ୍ୟୁ କରିଥିଲା ।

ଭାରତୀୟ ଅଲିମ୍ପିକ୍ ଆସୋସିଏସନ୍ ୧୯୨୭ ମସିହାରେ ଆନ୍ତର୍ଜାତୀୟ ଅଲିମ୍ପିକ୍ କମିଟି ଦ୍ୱାରା ସ୍ୱୀକୃତିପ୍ରାପ୍ତ ହୋଇଥିଲା। ଏହି ଖେଳ ପାଇଁ ଭାରତୀୟ କଣ୍ଟିଜେଣ୍ଟରେ ୧୧୭ ଆଥଲେଟ୍ ଯାହା ଭିତରେ ୧୧୦ ପ୍ରତିଯୋଗୀ ଏବଂ 7 ବିକଳ୍ପ ଆଥଲେଟ୍ ଏବଂ ୧୧୮ ସପୋର୍ଟ ଷ୍ଟାଫ୍ ଏବଂ ୨୨ ଜଣ ଅଧିକାରୀ ରହିଅଛନ୍ତି।

ଭାରତ ର ସମୁଦାୟ ୧୧୦ ଖେଳାଳି ଭିନ୍ନ ଭିନ୍ନ ଖେଳ ରେ ଅଂଶଗ୍ରହଣ କରିଛନ୍ତି। ସେଗୁଡିକ ହେଲା ତୀରନ୍ଦାଜ, ଯେଉଁଥିରେ ୬ ଜଣ ଖେଳାଳି ଭାଗ ନେଇଛନ୍ତି। ସେହିପରି ଆଥଲେଟିକ୍ସ ରେ ୨୭ ଜଣ, ବ୍ୟାଡମିଣ୍ଟନ୍ ରେ ୭ ଜଣ,ବକ୍ସିଂ ରେ ୬ ଜଣ, ଘୋଡା ଚଢିବା ରେ ୧ ଜଣ, ଫିଲ୍ଡ ହକି ରେ ୧୬ ଜଣ, ଗଲ୍ଫ ରେ ୪ ଜଣ,ଜୁଡୋ ରେ ଜଣେ, ବନ୍ଧୁକ ଚାଳନା ରେ ୨୧ ଜଣ, ନୌକା ଚାଳନା ରେ ଦୁଇ ଜଣ ,ରୋଇଙ୍ଗ ରେ ଜଣେ,ସନ୍ତରଣ ରେ ଦୁଇଜଣ, ଟେବୁଲ୍ ଟେନିସ୍ ରେ ୬ ଜଣ,ଟେନିସ୍ ରେ ତିନି ଜଣ, ଭାର ଉତ୍ତୋଳନ ରେ ଜଣେ, କୁସ୍ତି ରେ ୬ ଜଣ ଖେଳାଳି ଅଂଶଗ୍ରହଣ କରିଛନ୍ତି।

ବିଷୟ ପ୍ରସ୍ଥାନ -

****************

ଖେଳ ରେ ବିଜୟ ପରାଜୟ ମହତ୍ତ୍ଵପୂର୍ଣ୍ଣ ହୋଇନ ଥାଏ। ଖେଳ ରେ ଅଂଶଗ୍ରହଣ କରିବାର ପ୍ରାଧାନ୍ୟ ବିଜୟ ପ୍ରାପ୍ତ କରିବା ଠାରୁ ଅଧିକା ହୋଇଥାଏ। ଏହି ଖେଳର ପ୍ରଧାନ ଉଦ୍ଦେଶ୍ୟ ହେଉଛି ଏକତା ଓ ଭାଇଚାରା ସୃଷ୍ଟି କରିବା। କୁବରଟିନ୍ ମଧ୍ୟ ଏହି ଭାଇଚାରା ଉପରେ ଅଧିକ ଗୁରୁତ୍ବ ପ୍ରଦାନ କରିଥିଲେ। ଏହି ଖେଳ କୁ ଅନେକ ଖେଳାଳି ଆସି ପ୍ରଥମ ପ୍ରୟାସ ରେ ବିଜୟ ଲାଭ କରି ଯାଇଛନ୍ତି। ଅନେକ ଖେଳାଳି ସାତ ସାତ ଥର ପ୍ରୟାସ କରି ସଫଳତା ହାସଲ କରିଛନ୍ତି। ଖେଳାଳି ର ପରାଜୟ ସତ୍ତ୍ୱେ ସାହସ ଓ ଭବିଷ୍ୟ ତ ରେ ଖେଳିବାର ଚେଷ୍ଟା, ତାକୁ ମହାନ ଖେଳାଳି ରେ ପରିଣତ କରି ପାରିଥାଏ।ଦୁଇ ଜଣ ଭିନ୍ନ ଭିନ୍ନ ଦେଶର ଅଜଣା ଖେଳାଳି, ଏହି ଖେଳ ମାଧ୍ୟମରେ ପରମ ମିତ୍ର ପାଲଟି ଯାଇଥାନ୍ତି। ଆମେ ଦ୍ବିତୀୟ ବିଶ୍ବଯୁଦ୍ଧ ସମୟରେ ଆମେରିକାର ଲୁଜ୍ ଲଙ୍ଗ ଏବଂ ଜର୍ମାନୀ ର ଜେସି ଉଇନ୍ସ ର ମିତ୍ରତା ଏହି ଖେଳ ର ମହାନତା ପ୍ରତିପାଦନ‌ କରିଥାଏ।

*********************************************

ପ୍ରସ୍ତୁତି - ସୌମ୍ୟ ରଞ୍ଜନ ରାୟ

ଭୂୟାଁ ଉଆସ, ଗୁଆମାଳ, ଭଦ୍ରକ

ପ୍ୟାରିସ୍ ଅଲିମ୍ପିକ୍ସ ୨୦୨୪: ହାଇଲାଇଟ୍ ଏବଂ ପ୍ରସ୍ତୁତି | Paris Olympic 2024

୨୦୨୪ ରେ ପ୍ୟାରିସ୍ ଠାରେ ଆୟୋଜିତ ଅଲିମ୍ପିକ ଖେଳ ର ପ୍ରସ୍ତୁତି ଏବଂ ଭାରତୀୟ ଖେଳାଳି ଙ୍କ ଅଂଶଗ୍ରହଣ