ବିଚିତ୍ର ଠାକୁର ସେ ବିଚିତ୍ର ତାଙ୍କ ଲୀଳା।

କୋଟି ଓଡ଼ିଆଙ୍କ ମଉଡ଼ମଣି ସେ ଆମ କାଳିଆସୁନା ।।

ଯେତେ ଶୁଣୁଥିଲେ ଯେତେ ଜାଣିଥିଲେ ଆହୁରି ଜାଣିବାକୁ ଇଚ୍ଛା ଜାଗ୍ରତ ହୁଅଇ, ସେ ଇତିହାସ ହେଉ କିମ୍ବା କୌଣସି ନୂତନ ତଥ୍ୟ। ସେମିତି ଯଦି କୋଣସି ରହସ୍ୟମୟ କଥା ଆସେ ଶୁଣିବାକୁ ଇଚ୍ଛା ଦଶ ଗୁଣ ବଢିଯାଏ ।

ଶ୍ରୀମନ୍ଦିରର ଇତିହାସ ଏବଂ ପ୍ରଭୁ ଜଗନ୍ନାଥଙ୍କ ରୀତିନିତି ଓ ଲିଳାଖେଳା କାହାକୁ ବା ଭଲ ନ ଲାଗେ,କାହିଁ କେଉଁ କାଳରୁ ଏଇ ରତ୍ନଭଣ୍ଡାର ବିଷୟରେ ଆମେ ଶୁଣି ଆସିଛେ ଅନେକ କଥା।ଆମ ପିଲାବେଳୁ ମଧ୍ୟ ଏହା ଶୁଣିଛେ କିଏ କହେ ସୁ ସୁ ଗର୍ଜନ ସର୍ପର ଶୁଣାଯାଏ ରତ୍ନଭଣ୍ଡାରରେ, କିଏ କହେ ଯେ ଯିଏ ରତ୍ନ ଭଣ୍ଡାର ଖୋଲିଛି ତାର ମୃତ୍ୟୁ ନିଶ୍ଚିନ୍ତ, ତ ଆଉ କେହି କୁହନ୍ତି ରତ୍ନଭଣ୍ଡାରରୁ ସୁଡ଼ଙ୍ଗ ରହିଛି ସମୁଦ୍ର ପର୍ଯ୍ୟନ୍ତ, ତ ଆଉ କେହି କୁହନ୍ତି ନରେନ୍ଦ୍ର ପର୍ଯ୍ୟନ୍ତ ।ଏମିତି ଅନେକ କଥା ହେଲେ ଏହା କଣ ସତ୍ୟ? କଣ ମହାପ୍ରଭୁଙ୍କ ଲୀଳା ଏହା କଣ ରତ୍ନଭଣ୍ଡାରର ରହସ୍ୟ ?ଏମିତି ଅନେକ ପ୍ରଶ୍ନ ଉଠେ ସମଗ୍ର ବିଶ୍ୱବାସୀଙ୍କ ର ?

ଶ୍ରୀମନ୍ଦିର ଗର୍ଭଗୃହର ଦକ୍ଷିଣ ପାର୍ଶରେ ରହିଛି ମହାପ୍ରଭୁଙ୍କ ରତ୍ନଭଣ୍ଡାର ଯାହାର ରକ୍ଷକ ପ୍ରଭୁ ଲୋକନାଥ। କାହିଁ କେଉଁ କାଳରୁ ବନ୍ଦ ହୋଇ ରହିଛି ମହାପ୍ରଭୁଙ୍କ ରତ୍ନଭଣ୍ଡାର। ନାନା ମୁନି ନାନା ମତ ଆଉ ମହାପ୍ରଭୁଙ୍କ ଇଚ୍ଛା ଆମେ ଯାହା ଶୁଣିବା କଥା ।କଣ ରହିଛି ଏହି ରତ୍ନଭଣ୍ଡାର ଭିତରେ ପ୍ରଭୁଙ୍କ ଅଳଙ୍କାର ନା ଆଉ କିଛି, ଯଦି ରହିଛି ଅଳଙ୍କାର ହୀରା,ନୀଳା, ମୋତି, ମାଣିକ ତ ଏହା କେଉଁଠୁ ଆସିଛି ଏମିତି ଅନେକ ପ୍ରଶ୍ନ ମୟ ରହସ୍ୟକୁ ନେଇ ମହାପ୍ରଭୁଙ୍କ ରତ୍ନଭଣ୍ଡାର ।

ରତ୍ନଭଣ୍ଡାର ର ଉତ୍ପତ୍ତି ଦ୍ୱାଦଶ ଶତାବ୍ଦୀରୁ ଗଙ୍ଗ ବଂଶର ରାଜା ଚୋଡ଼ଗଙ୍ଗ ଦେବଙ୍କ ଦ୍ୱାରା ମନ୍ଦିର ପ୍ରତିଷ୍ଠା କରାଯାଇଥିଲା ସେହି ସମୟରୁ ରତ୍ନଭଣ୍ଡାର ରହଛି ।

୧୮୦୩ ମସିହାରେ ଗ୍ରୋମ୍ ସାହେବ ଇଂରେଜ ଶାସନ ସମୟରେ ରତ୍ନଭଣ୍ଡାର ଖୋଲା ଯାଇଥିଲା ,ଏହାପରେ ୧୯୨୬ ମସିହା ରେ ଏବଂ ୧୯୭୮ ମସିହାରେ ରତ୍ନଭଣ୍ଡାର ଖୋଲାଯାଇ ରତ୍ନଭଣ୍ଡାରକୁ ନିରିକ୍ଷଣ କରାଯାଇ ରତ୍ନ ଅଳଙ୍କାରର ଗଣତି-ମଣତି କରାଯାଇ ରଖାଯାଇଥିଲା ।ଯାହାର ସ୍ୱତନ୍ତ୍ର ଚିଠା ପ୍ରସ୍ତୁତ କରାଯାଇ ରଖାଯାଇଛି ସଯତ୍ନରେ ।

ରତ୍ନଭଣ୍ଡାର କହିଲେ ସାଧାରଣତଃ ରାଜକୋଷ ପରି ଦୁଇଟି ରହିଛି ଯଥା ବାହାର ରତ୍ନଭଣ୍ଡାର ଏବଂ ଭିତର ରତ୍ନଭଣ୍ଡାର ବାହାର ଭଣ୍ଡାର କହିଲେ ମହାପ୍ରଭୁଙ୍କର ବର୍ଷ ଜାକର ବ୍ୟବହାର ହେଉଥିବା ଦୈନଦିନ ଅଳଙ୍କାର ମାନ ରହିଥାଏ ।

ବାହାର ରତ୍ନଭଣ୍ଡାର ଚାବି ତିନୋଟି ଭାଗ ହୋଇ ତିନି ଜଣଙ୍କ ପାଖରେ ରହିଥିବା ବେଳେ (ସେବକ, ପ୍ରଶାସକ ଏବଂ ଗଜପତି ମହାରାଜଙ୍କ ପାଖରେ ରହିଥାଏ)।

ଭିତର ରତ୍ନଭଣ୍ଡାରରେ ଅଳଙ୍କାର, ରତ୍ନ, ମୁକୁଟ, ହୀରା, ନୀଳା ,ମୋତି, ମାଣିକ ଏହିସବୁ ରହିଥାଏ।

ଭିତର ରତ୍ନଭଣ୍ଡାର ର ଚାବି ଶ୍ରୀମନ୍ଦିର ଟ୍ରେଜେରିରେ ରହିଥିବା ବେଳେ ଏହା ଗଭରମେଣ୍ଟ ର ଅନୁମତିରେ ହିଁ ଖୋଲା ଯାଇଥାଏ ।

ମନ୍ଦିରର ଗର୍ଭଗୃହ ଭିତରେ ରହିଥିବା ରତ୍ନଭଣ୍ଡାର ବିଗତ ଛୟାଳିଶି ବର୍ଷ ପରେ ୨୦୨୪ ରେ ପୁଣି ଖୋଲା ଯାଇଅଛି ଏହାଦ୍ୱାରା ଭକ୍ତଙ୍କ ମଧ୍ୟରେ ଅନେକ ଆଗ୍ରହ ପ୍ରକାଶ ପାଇଛି ।ପରମ୍ପରା ଓ ନିୟମ ଅନୁସାରେ ସମୟାନୁକ୍ରମେ ଶ୍ରୀମନ୍ଦିରର ରତ୍ନଭଣ୍ଡାର ଖୋଲାଯିବା ଆବଶ୍ୟକ ଏବଂ ରତ୍ନ ଅଳଙ୍କାର ମାନ ର ଗଣତି ମଣତି ହେବା ଉଚିତ କିନ୍ତୁ ଏହା ସଠିକ୍ ସମୟରେ ହୋଇପାରି ନାହିଁ ।

ରତ୍ନଭଣ୍ଡାରକୁ ନେଇ ଅନେକ ତଥ୍ୟ ଶୁଣାଯାଉଥିବା ବେଳେ କିଛି ବିଚିତ୍ର ତଥ୍ୟ ଏହାକୁ ଅନେକ କୌତୁହଳପ୍ରଦ କରିଥାଏ। ଉତ୍କଳ ଯୁଦ୍ଧ ସମୟରେ ଯେଉଁ ଦେଶ ବା ରାଜ୍ୟ ପରାସ୍ତ ହେଉଥିଲେ ସେମାନେ ମହାପ୍ରଭୁଙ୍କ ପାଖରେ ନତମସ୍ତକ ହୋଇ କ୍ଷମାପ୍ରାର୍ଥନା କରି ନିଜ ମୁକୁଟ ରଖୁଥିଲେ, ସେବେର ମୁକୁଟମାନ ସେହି ଭିତର ରତ୍ନଭଣ୍ଡାରରେ ଆଜି ବି ସାଇତାହୋଇ ରହିଛି ।ସେଇ ଭିତର ରତ୍ନଭଣ୍ଡାର ରେ ରହିଛି ମହାପ୍ରଭୁଙ୍କର ଦିବ୍ୟ ରଘୁନାଥ ବେଶର ସମସ୍ତ ଅଳକାର ଯାହା ଅବର୍ଣ୍ଣନୀୟ ।

ଏହିପରି ଭାବେ ଅନେକ ସତ୍ୟ ଏବଂ ରହସ୍ୟମୟ କାଳ୍ପନିକ ତଥ୍ୟକୁ ନେଇ ଶ୍ରୀମନ୍ଦିରର ରତ୍ନଭଣ୍ଡାର ବିଗତ ୪୬ବର୍ଷ ପରେ ପୁଣି ପ୍ରଶାସନ ରତ୍ନଭଣ୍ଡାର ଖୋଲିବାର ସାହସ ବା ସୁଯୋଗ ପାଇଛନ୍ତି ସବୁ ସେହି ଲୀଳାମୟ ମହାପ୍ରଭୁଙ୍କ ଇଚ୍ଛା। ତାଙ୍କ ବିନା ଅନୁମତିରେ ସାଧାରଣ ଦୁବ ମଧ୍ୟ ହଲି ପାରେନାହିଁ ଏଠାରେ ତ ସ୍ୱୟଂ ମହାପ୍ରଭୁଙ୍କ କଥା ଏଣୁ ଅନେକ କଥାର ଗୋଟିଏ କଥା ଆଜିର ସମୟରେ ସାଧାରଣ ଠାରୁ ଜଟିଳ କଥା ସବୁ କ୍ଷେତ୍ରରେ ରାଜନୀତି ମୁଖ୍ୟ ଉପରେ- ହେଲେ ମହାପ୍ରଭୁଙ୍କୁ ନେଇ ରାଜନୀତି ନହେଉ ।

ରାଜନୀତିରେ ଶ୍ରୀମନ୍ଦିର ପ୍ରଶାସନର ଆଭିମୁଖ୍ୟ ହୋଇଯାଏ। ହୁଏତ ଯାହା ସମ୍ଭବ ହୋଇପାରି ନାହିଁ ଏତେ ଶତାବ୍ଦୀ ଧରି ନିସ୍ୱାର୍ଥପର ଭାବ ରହିଲେ ସମ୍ଭବ ହେବ କାଳିଆ ନେବ ହାତକୁ ଧରି।। ସବୁ ସେ ଲୀଳାମୟ ମହାପ୍ରଭୁଙ୍କ ଇଚ୍ଛା ।

ଜୟ ଜଗନ୍ନାଥ 🙏

ରହସ୍ୟମୟ ରତ୍ନଭଣ୍ଡାର(Mysterious treasure trove)

ମହାପ୍ରଭୁ ଙ୍କ ଅନ୍ୟ ଏକ ଲିଳା ରତ୍ନଭଣ୍ଡାରର ସହିତ ଜଡିତ।