ଆଷାଢର ମଳୟ ପବନ ଓଡିଆ ର ମାଟିର ସ୍ପର୍ଶ ଦେଇ ଚାଲିଯିବ,

ଆସ ଓଡିଆମାନେ ଆମେ ପାଳିବା ଆମ ଓଡିଆଙ୍କ ପ୍ରିୟ ର ରଜ ପରବ॥

ଓଡିଆ ମାସର ଆଷାଢ ମାସକୁ ଇଂରାଜୀ ର ସେହି ଜୁନ୍ ମାସ,

ଆମ ଓଡିଆଙ୍କର ଏହି ଅବସର ଟି ହସଖୁସି ରେ ଭରା ପୂର୍ଣ୍ଣ କଳସ॥

ମନର ଭ୍ରାନ୍ତି ଆଉ ଅଶାନ୍ତି ର ହୁଏ ପୂରାପୂରି ସର୍ବନାଶ,

ସମସ୍ତେ ସୁଖରେ ଦୁଃଖରେ ଏକ ହୋଇଯା'ନ୍ତି ଯେମିତି ଆମେ ଓଡିଆ ହିଁ ନିଜ ନିଜର ସାହାସ॥

ନବ ଓଡିଶା,ନୂଆ ରାଜ୍ୟ ସରକାର ର ପ୍ରଭାତ ପ୍ରଚାର ଅଛି ଚାଲି,

ଉଠ ହେ ସଭିଏଁ,ନିଦ ତ୍ୟାଗ କର ଆସୁଛି ରଜ କାଲି॥

ରାସ୍ତା କଡରେ ଦୋଳି ଭାଇମାନେ ହେଲେଣି ଖୁସି ଏଥର,

ମା ମାଉସି ମାନେ କିଣିବେ ଦୋଳି ପରିବାର ପାଇଁ ଏଥର॥

ସାନ ଭାଇ-ଭଉଣୀ ମାନେ ମୋର,ନଖାଇ ନପିଇ ନାଚିଲେଣି ଉତ୍ସାହିତ ହୋଇ,

ମହାପ୍ରଭୁଙ୍କ ଦୟା ହେଉ ଏଥର ଏହି ରଜଟି ଭଲ ହେ ଯାଉ ହୋଇ॥

ସଜବାଜ ଦିନ ଝିଅମାନେ ସବୁ କିଣିଲେ ବିନ୍ଦି,ଚୁଡି ଆଉ ପାଉନ୍ଜି,

ସତେ ସବୁ ଘରୁ ବାହାରିବେ କେତେ ରଜ ସୁନ୍ଦରୀ ଆଜି॥

ପହିଲି ରଜ ହେଇ ଆସିଲା ଦେଖ ସଙ୍ଗାତ,

ପ୍ରଭାତ ରୁ ଉଠି ନିତ୍ୟକର୍ମ ସାରିଲେ ସମସ୍ତେ ତ୍ୱରିତ॥

ବଡ ଭଉଣୀମାନେ ନୂଆ ଜାମା ପିନ୍ଧି ବୁଲିଲେଣି ମେଳ ହୋଇ,

ନାନିମାନେ ରଜ ପାନ ଖାଇ ଅତି ଖୁସି ରେ ସ୍ୱର ଦେଲେଣି "ହେଇ-ହେଇ"॥

ବୁଢୀ ମା' ମୋର ବାଟିଲାଣି ବିରି ଏଣ୍ଡୁରୀ ପିଠା ପାଇଁ,

ବାପାଙ୍କ ମନ କାମରେ ଲାଗୁନି ସେହି ପ୍ରଥମ ପିଠାଟି ପାଇଁ॥

ମୋ ବୋଉ ହାତର ପୋଡ ପିଠା ଯେ କେଡେ ସୁନ୍ଦର ଆସର,

ଖାଇଛି ଯିଏ ମଜା ପାଇଛି ସିଏ ମାଗିଛି ବାରବାର।

ଝିଅମାନେ ଆଜି ଖାଲି ପାଦରେ ଚାଲିବେନି ପିନ୍ଧିବେ କଦଳୀ ପଟୁଆ,

ଦୋଳିରେ ବସିବେ ଖାଇବେ ବୁଲିବେ ସତେ ଝିଅମାନଙ୍କ ର ଆଜି ଭାରି ବଢିଆ!

କୃଷକ ମାନଙ୍କର ରଜଟି ହେଉଛି ଛୁଟିର ଦିନ,

ବର୍ଷର ପରିଶ୍ରମ କରି ଯୋଗାଇଛନ୍ତି ଯିଏ ଆମକୁ ଝାଳ ବୁହା ଧାନ॥

ଦ୍ୱିତୀୟ ରଜର ପର୍ବ ପୁଣି ଆସିଲା ଅଶେଷ ଖୁସି ନେଇ,

ଚାହୁଁ ଚାହୁଁ ସାଙ୍ଗମେଳ ରେ ଆସିଗଲା ଶେଷ ରଜ ହୋଇ॥

ଟିଭି ରେ ବାଜୁଛି ରଜ ଗୀତ ସେହି ପିଲା ଦିନ କଥା ପଡୁଛି ମନେ,

ଘର ପୁରିଲାଣି ରଜ କୁଇନ୍ ପାଇଁ ସମସ୍ତେ ଆଖି ଲଗେଇ ବସିଲେଣି ମନେ॥

ଶେଷ ରଜ ପରେ ବାସୁମତୀ ସ୍ନାନର ବସୁଧା ପୂଜା,

ଧୂପ,ଦୀପ,ହଳଦୀ ରେ ମହକି ଯାଏ ପୃଥିବୀ ଆହା କି ମଜା॥

ବରଷରେ ଥରେ ଆସିଛି ରଜ ଆସ ଭୁଲିଯିବା ସବୁ କଳି,

ଦହିବରା ଖାଇ ଖୁସିରେ କାଟିବା ଦିନ ଖେଳି ଖେଳି ଦୋଳି॥

ରଜ ପର୍ବ/Raja parba