"ନମଇଁ ନୃସିଂହ ଚରଣ

ଅନାଦି ପରମ କାରଣ"

ସୃଷ୍ଟି କର୍ତ୍ତା ଙ୍କ ସଂରଚନା ମଧ୍ୟରେ ଏକ ଅଦ୍ୱିତୀୟ ଲୀଳା ରହିଛି। ଶୁଭାଶିଷ ଭରା ଦୟା କୃପା ବଳେ ସଂସାରରେ ଚଳ ପ୍ରଚଳ ହୋଇ ପାରୁଛେ। ପ୍ରତ୍ୟେକ ଭାବରେ ବିଶ୍ଵାସ ରୀତି ନୀତି ଡୋର ବନ୍ଧା ଅଟେ। ସବୁ ତାଙ୍କରି ଦାନ, ତାଙ୍କ ମହାନ୍। ତାଙ୍କର ଆଜ୍ଞାରେ ଚାଲେ ସାରା ସଂସାର।

ହରିଙ୍କ ଚରଣରେ ଶରଣ ନେବାଦ୍ବାରା ପ୍ରତି

ପରିସ୍ଥିତି,ଦୃରାବସ୍ଥାର ସରଳ ଓ ସହଜ ପ୍ରକ୍ରିୟା ରେ‌ ସମାଧାନ ହୋଇ ପାରିବ। ପ୍ରଭୁ ଙ୍କ ପାଖରେ ଧନ୍ୟବାଦ ସହ କୃତଜ୍ଞତା ଜ୍ଞାପନ କରିବା ଆବଶ୍ୟକ ।ଭଗବାନ ଙ୍କଦୟାରୁ କେହି କେବେ ଭୋକରେ ରହିବନି ଓ ଅସୁବିଧା ଭୋଗିବନି। ସବୁ ପାପ ଧୋଇ ହୋଇଯିବ। ଅକସ୍ମାତ୍ ଭାବେ ବୁଦ୍ଧି କୁ ବିଭିନ୍ନ ଉପାୟ ରୂପେ ସୂତ୍ର ପ୍ରଦାନ କରି ଉପଚାର କରିଦେବେ। ଯିଏ ପ୍ରଭୁଙ୍କ ଉପରେ ସମର୍ପଣ ହୋଇ ସତ୍ ଆଚରଣ, ସତ କର୍ମ, ସତ୍ ସଙ୍ଗ ଓ ସତ୍ ପଥ ଅନୁସାରେ ଆସ୍ଥା ଓ ବିଶ୍ଵାସ ସହ ଆଗକୁ ବଢିବ, ତାକୁ ସଦାସର୍ବଦା ହରି ରକ୍ଷା କରୁଥିବେ।

ହିନ୍ଦୀ ରେ ପ୍ରବାଦ ଅଛି --

"जाको राखे साइयां

मार न सके कोई।

ସୁଖ ଆସୁ ଅବା ଦୁଃଖ,ଲୁହ ଆସୁ ଅବା ହସ,ଚିନ୍ତା ହେଉ ଅବା ଅଚିନ୍ତା,ଧନୀ ହେଉ ଅବା ଭିକାରୀ ସବୁବେଳେ ଆମେ ପ୍ରଭୁ ଙ୍କ ପ୍ରତି ଦୃଢ ବିଶ୍ଵାସ ରଖିବା,ଯାହା ଫଳରେ ଆମକୁ ତାଙ୍କ ଛତ୍ର ଛାୟା ତଳେ ପାଛୋଟି ନେବେ।

ଯେପରି --ହରିଙ୍କ ପ୍ରତି ପ୍ରଗାଢ ଭକ୍ତି ଭାବ ବଳରେ ଭକ୍ତ ପ୍ରହଲ୍ଲାଦ ଙ୍କୁ ତାଙ୍କ ପିତା ହିରଣ୍ୟକଶ୍ୟପ ଯେତେ ଆଘାତ ଦେଲେ ସୁଦ୍ଧା ପ୍ରଭୁ ହରି ତାଙ୍କୁ ସୁରକ୍ଷିତ କରି ରଖୁଥିଲେ।

ପ୍ରତ୍ୟେକ ଦୂର୍ଘଟଣାରୁ ରକ୍ଷା କରୁଥିଲେ। ପ୍ରହଲ୍ଲାଦ ଙ୍କୁ ଅନ୍ୟାୟ ଅତ୍ୟାଚାର କରୁଥିବା ପିତାଙ୍କୁ ଶେଷରେ ହରି ନୃସିଂହଙ୍କ ଅବତାର ନେଇ ବଦ୍ଧ କରି ପ୍ରହଲ୍ଲାଦ ଙ୍କୁ ଶାନ୍ତିପୂର୍ଣ୍ଣ ଜୀବନଯାତ୍ରା ଆରମ୍ଭ କରିବାପାଇଁ ସାହାଯ୍ୟ କରିଥିଲେ।

ଯେପରି _ରାସ୍ତାରେ ଯିବା ସମୟରେ ପ୍ରଭୃଙ୍କ ନାମ ଧରି ଚାଲିଲେ ସବୁ ବିପଦିରୁ ମୁକ୍ତି ମିଳିଥାଏ। ଠାକୁର ଙ୍କ ପ୍ରତି ଅଖଣ୍ଡ ବିଶ୍ଵାସ ରଖିଲେ ସେ ଅବାଞ୍ଛିତ ଫଳ ପ୍ରଦାନ କରି ଥାନ୍ତି।ଛାଇ ଭଳି ଆଖପାଖ ରହିଥାନ୍ତି ଓ କୋୖଣସି ଅଘଟଣ ହେବାକୁ ରୋକି ଥାନ୍ତି।

ଯଦି ଗର୍ବ ,ଅହଙ୍କାର ଓ ସ୍ୱାର୍ଥ ପର କୂଟନୀତି ମନରେ ଦ୍ୱେଷ ପରଶ୍ରୀ କାତର,କ୍ରୁର ହେବାଫଳରେ ତାର ବିନାଶ ଅବଶ୍ୟ ହରିଙ୍କ ମାଧ୍ୟମ ରେ ହୋଇଥାଏ।

ଯେପରି --କଂସ ଶ୍ରୀ କୃଷ୍ଣ ଙ୍କ ପିତା ବାସୁଦେବ ଓ ମାତା ଦେବକୀଙ୍କ ବ୍ୟତୀତ ଅନ୍ୟ ସମସ୍ତଙ୍କୁ ବହୁତ ଅନ୍ୟାୟ ଓ ଅତ୍ୟାଚାର କରିବା ଫଳରେ ଶ୍ରୀ କୃଷ୍ଣ ଆସି କଂସର ସଂହାର କରି ଥିଲେ ।

ଯେପରି-- ରାବଣ ଅହଂକାର ଓ ଗର୍ବି ହୋଇଥିବା ସହିତ ସୀତା ମାତାଙ୍କୁ ଅପହରଣ କରି ନେଇଥିବା ଯୋଗୁଁ ଶ୍ରୀରାମଚନ୍ଦ୍ର ଙ୍କ ହାତରେ ବିନାଶ ହୋଇଥିଲେ।

ଯେପରି ---ମହିଷାସୁର ଅତ୍ୟନ୍ତ ପାପୀଓ କ୍ରୁର ହୋଇ ସମସ୍ତ ଦେବତା ମାନଙ୍କୁ ଅନ୍ୟାୟ ଓ ଅତ୍ୟାଚାର କରିବା ଫଳରେ ମାଁ ଦୂର୍ଗା ତାଙ୍କୁ ବଦ୍ଧ କରିଥିଲେ।

ସରଳ ଓ ନିଷ୍କପଟ ନିରୀହ ତଥା ପବିତ୍ର ମନର ବ୍ୟକ୍ତିବିଶେଷ ଙ୍କୁ ବିଭୂଙ୍କ ସ୍ବତନ୍ତ୍ର ବରଦାନ ରହିଥାଏ।

ଯେଉଁ ବ୍ୟକ୍ତିଙ୍କର ମସ୍ତକ ଉପରେ ସ୍ବୟଂ ଭଗବାନ ଙ୍କ ଶୁଭାଶିଷ ର ଛତ୍ରଛାୟା ଘେରି ରହିଥାଏ ତାକୁ କୌଣସି ସମସ୍ୟା ଟଳମଳ କରିପାରେ ନା, ସଦାସର୍ବଦା ଲକ୍ଷ୍ମଣ ରେଖା ପରି ସୁରକ୍ଷା ବ୍ୟବସ୍ଥା କଡାକଡି କରିଥାନ୍ତି,

ଆଉ ଯେଉଁ ବ୍ୟକ୍ତି ଗର୍ବ, ଅହଙ୍କାର,ହିଂସା, ପରଶ୍ରୀକାତରତା, ଦ୍ବେଷ,କପଟ,ସ୍ୱାର୍ଥପର ହୋଇ ଅନ୍ୟାୟୀ ,ଅତ୍ୟାଚାରୀ ,କ୍ରୁର ସ୍ବଭାବ ବ୍ୟକ୍ତି ଙ୍କୁ ଠାକୁର କୌଣସି ପ୍ରକାର ସହାୟତା କରନ୍ତି ନାହିଁ। ଦୟା କ୍ଷମା, କୃପା ଦେବା ଅନୁଚିତ୍ ମନେ କରନ୍ତି। ଏଣୁ କୁହାଯାଏ ଯେ- "ଈଶ୍ଵର ତାଙ୍କ ପ୍ରତି ଦୟାବାନ୍ ,

ଯିଏ ଅନ୍ୟମାନଙ୍କ ପ୍ରତି ଦୟାବାନ୍।।

ପାପ ପୁଣ୍ୟର ହିସାବରେ ଠାକୁର ନ୍ୟାୟ ବିଚାର କରିଥାନ୍ତି।।

ସାବିତ୍ରୀ ଓଷା କଥା ଅନୁସାରେ ସାବିତ୍ରୀ ଙ୍କ ତ୍ୟାଗ ତପସ୍ୟା,ସେବା ଓ ଧର୍ମ ପରାୟଣ ଲାଗି ତାଙ୍କ ବାରମ୍ବାର ଅନୁରୋଧ ରକ୍ଷା କ୍ରମେ

ତାଙ୍କ ସ୍ବାମୀଙ୍କ ଜୀବନ କୁ ଫେରାଇ ଦେଇଥିଲେ ।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ି

ଶା

ମୋ--୯୩୪୮୨୮୫୪୧୬

ରଖେ ହରି ମାରେ କିଏ,ମାରେ ହରି ରଖେ କିଏ

ଠାକୁର ଙ୍କ କୃପାରୁ ବଞ୍ଚିବା ଠାକୁର ଇଚ୍ଛା ରେ ମରିବା