ପ୍ରାରମ୍ଭିକ-

***********

ରକ୍ତଦାନ ର ଅର୍ଥ ଜୀବନ‌ର ଦାନ। ଏ ମଣିଷ ଯେତେବେଳେ ଦୁର୍ଘଟଣା ଗ୍ରସ୍ତ ହୋଇଥାଏ ସେତେବେଳେ ତାର ରକ୍ତ ର ଆବଶ୍ୟକତା ପଡିଥାଏ। ରକ୍ତ ଏକ ସାଧାରଣ ସାମଗ୍ରୀ ନୁହେଁ ଯେ ଯାହା ପ୍ରତି ଦୋକାନ ରେ ଉପଲବ୍ଧ ହୋଇଥାଏ। ଏପରି କୌଣସି କାରଖାନା ନାହିଁ ଯେ ଯେଉଁଠି ରକ୍ତ ତିଆରି ହୋଇଥାଏ।ଏ ରକ୍ତ ଆମ ଶରୀରରେ ପ୍ରସ୍ତୁତ ହୋଇଥାଏ। ଏହାକୁ ଆମେ ଅନ୍ୟର ଜୀବନ ରକ୍ଷାର୍ଥେ ଦାନ କରିଥାଉ। ଏହା ଦ୍ବାରା ଆମେ ଅନେକଙ୍କ ଜୀବନ ରକ୍ଷା କରି ପାରିଥାଉ। ଆମେ ପ୍ରତି ତିନି ଚାରି ମାସ ବ୍ୟବଧାନ ରେ ରକ୍ତ ଦାନ କରି ପାରିବା। ତେଣୁ ଜୀବନକାଳ ମଧ୍ୟରେ ଆମେ ଅନେକ ଜୀବନ ରକ୍ଷା କରିବାରେ ସକ୍ଷମ ହୋଇ ପାରିବା।

ଦୁନିଆରେ ଅଛି ଯେତେଯେ କରମ,

ମାନବର ସେବା ,ମହାନ ଧରମ,

ଦାନ କର ଜାଣ ନୂତନ ଜୀବନ,

ଶରୀରରୁ ଯେବେ କର ରକ୍ତଦାନ।

ରକ୍ତଦାନ ଭଳି ମହାନ କାର୍ଯ୍ୟ କୁ ପ୍ରଶୟ ଦେବା ନିମନ୍ତେ ବିଶ୍ୱ ରକ୍ତଦାନ ଦିବସ ପ୍ରତିବର୍ଷ ପାଳନ କରାଯାଏ ଯାହାକି ଜୁନ ୧୪ ତାରିଖରେ ପାଳିତ ହୋଇଥାଏ ।୨୦୦୪ ମସିହାରୁ ବିଶ୍ୱ ସ୍ୱାସ୍ଥ୍ୟ ସଂଗଠନଦ୍ୱାରା ଜୁନ୍ ୧୪ କୁ ରକ୍ତଦାନ ଦିବସ ରୂପେ ଘୋଷଣା କରାଯାଇଅଛି ।

ଏହାର ମୂଳ ଉଦ୍ଦେଶ୍ୟ ବା ଲକ୍ଷ୍ୟ ହେଉଛି ରକ୍ତ ଦାନର ଆବଶ୍ୟକତା ବିଷୟରେ ସଚେତନତା ସହ ପ୍ରୋତ୍ସାହନ ସୃଷ୍ଟି କରିବା । ବିଶେଷ କରି ଯୁବକ ଶ୍ରେଣୀକୁ । କାରଣ ଯୁବକ ମାନଙ୍କ ପାଖରେ ହିମୋଗ୍ଲାବିନ୍ ମାତ୍ରା ସଠିକ୍ ରହିଥାଏ , ରକ୍ତ ଦାନ ର ଉପଯୁକ୍ତ ବୟସ ମଧ୍ୟ ହୋଇଥାଏ। ଯୁବକ ମାନଙ୍କ ଶରୀର ସୁସ୍ଥ ହେବା ସହ ସେମାନଙ୍କ ଶରୀର ର ଓଜନ ଉପଯୁକ୍ତ ହୋଇଥାଏ। ତେଣୁ ଏହି ମହାନ କାର୍ଯ୍ୟ ରେ ଯୁବକ ମାନଙ୍କର ଅଂଶଗ୍ରହଣ ଏହି କାର୍ଯ୍ୟ କୁ ଫଳପ୍ରଦ କରାଇ ଥାଏ। ବିଶ୍ୱ ସ୍ୱାସ୍ଥ୍ୟ ସଂଗଠନଦ୍ୱାରା ବିଶ୍ୱ ସାର୍ବଜନିକ ସ୍ୱାସ୍ଥ୍ୟ ରକ୍ଷା ଅଭିଯାନ ଅନ୍ତର୍ଗତ ଆଠୋଟି କାର୍ଯ୍ୟକ୍ରମ ପାଳିତ ହେଉଅଛି । ଯଥା ବିଶ୍ୱ ରକ୍ତଦାନ ଦିବସ ,ବିଶ୍ୱ ମ୍ୟାଲେରିଆ ଦିବସ, ବିଶ୍ୱ ଟୀକାକରଣ ସପ୍ତାହ,ବିଶ୍ୱ କ୍ଷୟରୋଗ ଦିବସ,ବିଶ୍ୱ ତମାଖୁ ଦିବସ,ବିଶ୍ୱ ହେପାଟାଇଟିସ ଦିବସ,ବିଶ୍ୱ ସ୍ୱାସ୍ଥ୍ୟ ଦିବସ ଓ ବିଶ୍ୱ ଏଡସ୍ ଦିବସ । ଏମାନଙ୍କ ମଧ୍ୟରୁ ବିଶ୍ବ ରକ୍ତ ଦାନ ଦିଵସ ସ୍ବତନ୍ତ୍ର ମନେ ହୁଏ।

ରକ୍ତ ର ଆବଶ୍ୟକତା-

***********************

- ରକ୍ତଦାନଦ୍ୱାରା ଜୀବନ ନାଶକାରୀ ଅନେକ ରୋଗରୁ ଲୋକଙ୍କୁ ରକ୍ଷା କରାଯାଇପାରୁଛି ।

- ଅନେକ ପ୍ରକାର ଜଟିଳ ଅସ୍ତ୍ରୋପଚାର ନିମିତ୍ତ ରକ୍ତର ଆବଶ୍ୟକତା ରହିଛି ଏବଂ ଏହି ରକ୍ତ ଅଭାବରେ ଅସ୍ତ୍ରୋପଚାର ହୋଇପାରୁ ନାହିଁ । ତେଣୁ ଅସ୍ତ୍ରୋପଚାର ନିମନ୍ତେ ରକ୍ତର ଗୁରୁତ୍ବପୂର୍ଣ୍ଣ ଭୂମିକା ରହିଛି।

- କୌଣସି ଦୁର୍ଘଟଣା ଜନିତ ରକ୍ତସ୍ରାବ କିମ୍ବା ଶିଶୁ ପ୍ରସବ ସମୟରେ ଅତ୍ୟଧିକ ରକ୍ତସ୍ରାବ ହୋଇଥାଏ ।ଏହା ଦ୍ବାରା ରୋଗୀ ର ଜୀବନ ହାନି ର ମଧ୍ୟ ସମ୍ଭାବନା ଦେଖିବାକୁ ମିଳିଥାଏ।ତେଣୁ ଏ କ୍ଷେତ୍ରରେ ରକ୍ତ ର ଯଥେଷ୍ଟ ଗୁରୁତ୍ବ ରହିଥାଏ।

- ମଣିଷ ଶରୀରର ରକ୍ତର କୌଣସି ବିକଳ୍ପ ନ ଥିବାରୁ ରକ୍ତ ଦାନ ମାଧ୍ୟମରେ ଏହା ସଂଗ୍ରହ କରିବା ଜରୂରୀ ହୋଇପଡିଛି ।

- ରକ୍ତ ସଂଗ୍ରହ ନିମନ୍ତେ ବ୍ଳଡ ବ୍ୟାଙ୍କମାନ ପ୍ରତିଷ୍ଠା କରାଯାଇଅଛି। ଏଠାରେ ଲୋକ ମାନଙ୍କୁ ରକ୍ତ ଦାନ ନିମନ୍ତେ ପ୍ରୋତ୍ସାହିତ କରାଯାଉଛି ଏବଂ ଲୋକମାନଙ୍କର ରକ୍ତ କୁ ସଂଗ୍ରହ କରାଯାଇ ଆବଶ୍ୟକ କ୍ଷେତ୍ରରେ ବିନିଯୋଗ ମଧ୍ୟ କରାଯାଉଅଛି।

ରକ୍ତଦାନ ର ଗୁରୁତ୍ବ -

*********************

ରକ୍ତ ଏପରି ଏକ ପଦାର୍ଥ ଯାହା କୌଣସି ଶିଳ୍ପାନୁଷ୍ଠାନ ରେ ତିଆରି ହୋଇନଥାଏ। ଜଣେ ବ୍ୟକ୍ତି ଯଦି ନିଜ ଶରୀରରୁ ରକ୍ତ ଦାନ କରିଥାଏ, ତାହାକୁ ଅନ୍ୟ ର ଆବଶ୍ୟକତା ରେ ବ୍ୟବହାର କରାଯାଏ। ରକ୍ତ ଦାନ କୁ ନେଇ ଅନେକ ଭ୍ରାନ୍ତ ଧାରଣାମାନ ସୃଷ୍ଟି ହୋଇଥାଏ। ଶରୀର ର ଦୁର୍ବଳତା ,ଭିନ୍ନ‌ଭିନ୍ନ ରୋଗ ସୃଷ୍ଟି ହେବାର ଆଶଙ୍କା ମନରେ ସୃଷ୍ଟି ହୋଇଥାଏ। ଏହା କେତେଦୂର ସତ୍ୟ । ବଡ ବଡ ବିଶେଷଜ୍ଞ ମାନେ ମତ ପ୍ରକାଶ କରିଥାନ୍ତି ଯେ ରକ୍ତ ଦାନରେ ଅନେକ ସୁଫଳ ରହିଥାଏ। ରକ୍ତ ଦାନ ଦ୍ବାରା ଗୋଟିଏ ନୁହେଁ ଅନେକ ଜୀବନ ରକ୍ଷା କରାଯାଇପାରେ। ପ୍ରତିଦିନ ଅନେକ ରୋଗୀ ସଠିକ୍ ଭାବେ ବା ସଠିକ୍ ସମୟରେ ରକ୍ତ ନ ପାଇବାରୁ ରକ୍ତ ଅଭାବରୁ ମୃତ୍ୟୁ ବରଣ କରୁଛନ୍ତି। ପ୍ରଥମେ ରକ୍ତ ଦାନ କରୁଥିବା ବ୍ୟକ୍ତିର ଯୋଗ୍ୟତା ସମ୍ବନ୍ଧରେ ଜାଣିବା ନିହାତି ଆବଶ୍ୟକ-

ରକ୍ତଦାତା ଙ୍କ ଯୋଗ୍ୟତା-

**************************

ରକ୍ତଦାନ କରୁଥିବା ବ୍ୟକ୍ତି ନିଶ୍ଚିତ ଭାବେ ସୁସ୍ଥ ସବଳ ହୋଇଥିବା ଆବଶ୍ଯକ । ତାର ବୟସ ୧୮ ରୁ ୬୫ ବର୍ଷ ବୟସ ମଧ୍ୟରେ ହେବା ଆବଶ୍ୟକ। ରକ୍ତଦାନ ପୂର୍ବରୁ ଏକ ଫର୍ମ ପୂରଣ ନିମନ୍ତେ ଦିଆଯାଇଥାଏ। ଯେଉଁଥିରେ ସ୍ବାସ୍ଥ୍ୟ ସମ୍ବନ୍ଧିୟ ପ୍ରଶ୍ନ ପଚରା ଯାଇଥାଏ।ତାହାକୁ ସଚ୍ଚୋଟତା ଭାବେ ପୂରଣ କରିବା ଅତ୍ୟାବଶ୍ୟକ ହୋଇଥାଏ। ସେ ବ୍ୟକ୍ତି କୁ କ୍ୟାନସର, ଥାଇରଏଡ୍ , ଡାଇବେଟିସ ଭଳି କୌଣସି ଦୀର୍ଘ କାଳୀନ ରୋଗ ନ ହୋଇଥିବା ଆବଶ୍ୟକ।

ମଧୁମେୟ ରୋଗୀ ଙ୍କୁ ରକ୍ତଦାନ ର ଅନୁମତି ଦିଆଯାଇପାରିବ ।ଯଦି ସେ ଇନସ୍ୟୁଲିନ୍ ବ୍ୟବହାର ନ କରୁଥିବ। ଯଦି କୌଣସି ବ୍ୟକ୍ତି ର ବୟସ ୬୦ ରୁ ଉର୍ଦ୍ଧ୍ବ ହୋଇଛି ଏବଂ ସେ ପ୍ରଥମ ଥର ରକ୍ତ ଦେଉଛି। ତେବେ ସେ ଦେଇପାରିଵେ ନାହିଁ। ପ୍ରଥମଥର ରକ୍ତଦାନ ନିମନ୍ତେ ବ୍ୟକ୍ତି ର ବୟସ ୬୦ ବର୍ଷରୁ କମ୍ ହୋଇଥିବା ଆବଶ୍ୟକ। ହିମୋଗ୍ଲାବିନ୍ ର ମାତ୍ରା ୧୨.୫ ହେବା ଜରୁରୀ ହୋଇଥାଏ। ବିଶେଷ କରି ମହିଳା ମାନଙ୍କର ପୁରୁଷ ମାନଙ୍କ ତୁଳନାରେ କମ୍ ହିମୋଗ୍ଲାବିନ୍ ର ମାତ୍ରା ଦେଖିବାକୁ ମିଳିଥାଏ। ରକ୍ତଦାନ ନିମନ୍ତେ ଶରୀରର ସର୍ବନିମ୍ନ ଓଜନ ୪୫ କି. ଗ୍ରା ହେବା ଆବଶ୍ୟକ। ତାଠାରୁ କମ୍ ବୟସ୍କ ଲୋକମାନେ ରକ୍ତଦାନ କରିବା ଅନୁଚିତ୍।

ଓଜନ ଅନୁସାରେ ରକ୍ତ ଦାତା ଙ୍କ ଠାରୁ ସେହି ଅନୁସାରେ ରକ୍ତ ଗ୍ରହଣ କରାଯାଇଥାଏ। ଅଧିକ ଓଜନ‌ ବିଶିଷ୍ଟ ଲୋକଙ୍କ ଠୁ ଅଧିକା ପରିମାଣ ଓ କମ୍ ଓଜନ ବିଶିଷ୍ଟ ଲୋକଙ୍କ ଠାରୁ କମ୍ ପରିମାଣରେ ସଂଗ୍ରହ କରାଯାଏ। ଏହା ପରେ ଏହାକୁ ପରୀକ୍ଷା କରାଯାଏ। ଏଥିରେ ଥିବା ଉପାଦାନ ଗୁଡିକୁ ନିରୀକ୍ଷଣ କରାଯାଏ। ସେହି ଅନୁସାରେ ଆବଶ୍ୟକୀୟ ଲୋକଙ୍କୁ ଉପଯୁକ୍ତ ପରିମାଣର ଉପଯୁକ୍ତ ଉପାଦାନ ର ରକ୍ତ ପ୍ରଦାନ କରାଯାଇଥାଏ। ଗୋଟିଏ ସୁସ୍ଥ ପୁରୁଷ ୩ ମାସ ବ୍ୟବଧାନ ରେ ରକ୍ତ ଦାନ କରିପାରିଥାଏ କିନ୍ତୁ ଗୋଟିଏ ମହିଳା ନିମନ୍ତେ ରକ୍ତଦାନ ର ସମୟ ବ୍ୟବଧାନ ୪ ମାସ ହେବା ଆବଶ୍ୟକ।ମନ ଭିତରେ ସନ୍ଦେହ ଥାଏ କି ରକ୍ତଦାନ ଦ୍ବାରା ଶରୀର ରେ ଦୁର୍ବଳତା ଆସିଥାଏ । ଏହା ଏକ ମିଥ୍ୟା ଧାରଣା ଅଟେ। ରକ୍ତଦାନ ରେ କୌଣସି ଦୁର୍ବଳତା ଆସିନଥାଏ। ଯେଉଁ ଦିନ ରକ୍ତଦାନ କରାଯାଏ ସେହି ଦିନ ଉପଯୁକ୍ତ ବିଶ୍ରାମ, ଖାଦ୍ୟ ପାନୀୟ ର ସଠିକ୍ ଗ୍ରହଣ, ମଦ୍ୟପାନ , ନିଶାଦ୍ରବ୍ୟ ବାରଣ ଆବଶ୍ୟକ ହୋଇଥାଏ।

ରକ୍ତଦାନ ସୁଫଳ-

******************

- ସାମାଜିକ ସେବା ପ୍ରଦାନ ।

- ନୂତନ କୋଷ ସୃଷ୍ଟି କରିବାରେ ସହାୟକ ହୋଇଥାଏ।

- କାର୍ଡିଆକ୍ ଆରେଷ୍ଟ ର ସମ୍ଭାବନା କମିଯାଇଥାଏ।

- କଲୋଷ୍ଟ୍ରେରୋଲ୍ ସ୍ତର ନିୟନ୍ତ୍ରିତ ରହିଥାଏ।

- ଶରୀର ସୁସ୍ଥ ରହିଥାଏ ଓ ଦେହର ଫୁର୍ତ୍ତି ବଜାୟ ରହିଥାଏ।ହାଲୁକା ଓ ସୁସ୍ଥ ଅନୁଭୂତ ହୋଇଥାଏ।

ରକ୍ତଦାନ ପ୍ରକ୍ରିୟା ପ୍ରାୟତଃ ୧୦ ରୁ ୧୫ ମିନିଟ୍ ସମୟ ଲାଗିଥାଏ। ବ୍ୟସ୍ତତାମୟ ଜୀବନରୁ ୧୫ ମିନିଟ୍ ସମୟ ବାହାର କରି ଅନ୍ୟର ଜୀବନ ରକ୍ଷା ପାଇଁ ,ନିଜ ଶରୀରର ସୁସ୍ଥତା ପାଇଁ ଆମେ ରକ୍ତ ଦାନ କରିପାରିବା। ଭଲ୍ୟୁଣ୍ଟାରି ଭାବେ ରକ୍ତଦାନ କଲେ ଏକ କାର୍ଡ ମିଳିଥାଏ। ଯାହାର ସକ୍ରିୟତା ଏକ ବର୍ଷ ହୋଇଥାଏ। ଏହା ସାହାଯ୍ୟରେ ଆମେ ଆବଶ୍ୟକ ସମୟରେ ରକ୍ତ ପାଇପାରିବା।

ରକ୍ତ ଦାନ ପରେ ଅନେକଙ୍କୁ ବାନ୍ତି ହେବା ସହ ମୁଣ୍ଡ ମଧ୍ୟ ଘୁରେଇଥାଏ। ଏହା ଦୁର୍ବଳତା ଯୋଗୁଁ ହୋଇଥାଏ ବୋଲି ଭାବିବା ଅନୁଚିତ୍ ମନେହୁଏ। ରକ୍ତ ଦାନ ପରେ ପାଖାପାଖି ୨ ଘଣ୍ଟା ବିଶ୍ରାମ ନେବା , ଭାରି କାର୍ଯ୍ୟ କରିବା ଅନୁଚିତ୍, ଜିମ୍ ନ ଯିବା ,ରାତିରେ ଅଧିକ ସମୟ‌ ଶୋଇ ବିଶ୍ରାମ ନେବା ଉଚିତ୍। ରକ୍ତଦାନ ପରେ ଧଡପଡ ହୋଇ ନ ଉଠି କିଛି ସମୟ ବିଶ୍ରାମ ନେଇ ଉଠିବା ଆବଶ୍ୟକ।

ବ୍ଲଡ୍ ଗ୍ରୁପ୍ / ରକ୍ତ ବର୍ଗ-

***************

ପ୍ରତ୍ୟେକ ବ୍ୟକ୍ତିର ରକ୍ତ ସମାନ ନଥାଏ। ତେଣୁ ଏହାକୁ କେତେକ ବର୍ଗ ରେ ବିଭକ୍ତ କରାଯାଇଅଛି। ଏହି ଶ୍ରେଣୀକରଣ ପ୍ରଥମେ କାର୍ଲ ଲ୍ୟାଣ୍ଡଷ୍ଟେଇନର୍‌ ଙ୍କ ଦ୍ବାରା ସମାପନ ହୋଇଥିଲା। ଏଥି ନିମନ୍ତେ ତାଙ୍କୁ ନୋବେଲ୍ ପୁରସ୍କାର ମଧ୍ୟ ମିଳିଥିଲା। ତାଙ୍କ ଧାରଣା ଥିଲା ଯେ ରକ୍ତ କଣିକାର‌ ବାହ୍ୟ ଆବରଣ‌ରେ ଏକ ଧରଣର ପ୍ରୋଟିନ୍‌ ରହିଥାଏ। ସେହି ପ୍ରୋଟିନ୍ କୁ ସେ A ଏବଂ B ନାମରେ ନାମିତ କରିଥିଲେ। ଏହି ପ୍ରୋଟିନ ଗୁଡିକୁ ଆଣ୍ଟିଜେନ୍ କୁହାଯାଏ। ପ୍ଲାଜମା ରେ ସେହିପରି ଦୁଇଟି ପ୍ରୋଟିନ୍ ରହିଛି ଯାହାକୁ ଏଣ୍ଟିବୋଡି କୁହାଯାଏ। ଏମାନଙ୍କ ର ବିଶେଷତ୍ଵ ଏଇଆ ଯେ ଏକ ନିର୍ଦିଷ୍ଟ ଏଣ୍ଟିବୋଡି ତାହା ପାଇଁ ଉଦ୍ଧିଷ୍ଟ ଏଣ୍ଟିଜେନ୍ କୁ ଚିହ୍ନଟ କରିପାରି ଥାଏ। ଯଦି ଚିହ୍ନଟ ଅନୁସାରେ ରକ୍ତ ନ‌ଦିଆଯାଏ ,ତେଵେ ରୋଗୀ ଅସୁସ୍ଥ ହେବା ସହ ଜୀଵନ‌ ହାନୀ ର ମଧ୍ୟ ସମ୍ଭାବନା ଦେଖା ଦେଇଥାଏ।

କାର୍ଲ ଲ୍ୟାଣ୍ଡଷ୍ଟେଇନର୍‌ ରକ୍ତ କୁ ଚାରୋଟି ବର୍ଗ ରେ ବିଭକ୍ତ କରିଥିଲେ। ଯଥା- A , B ,AB , ଏବଂ O। A ରକ୍ତ ଗ୍ରୁପ୍ ଥିବା ବ୍ୟକ୍ତି ମାନେ କେବଳ A ଏବଂAB ରକ୍ତ ଗ୍ରୁପ୍ ଥିବା ବ୍ୟକ୍ତି ମାନଙ୍କୁ ରକ୍ତଦାନ କରିପାରିବେ। ସେହିପରି B ରକ୍ତ ଗ୍ରୁପ୍ ଥିବା ବ୍ୟକ୍ତି ମାନେ B ଏବଂAB ରକ୍ତ ଗ୍ରୁପ୍ ଥିବା ବ୍ୟକ୍ତି ମାନଙ୍କୁ ରକ୍ତଦାନ କରିପାରିବେ। AB ରକ୍ତ ଗ୍ରୁପ୍ ଥିବା ବ୍ୟକ୍ତି ମାନଙ୍କୁ 'ସର୍ବଜନ ଗ୍ରହିତା 'କୁହାଯାଏ। ଗ୍ରହଣ ବେଳେ ଏମାନେ ପ୍ରତ୍ୟେକ ରକ୍ତ ଗ୍ରୁପ୍ ର ବ୍ୟକ୍ତି ମାନଙ୍କ ଠୁ ଗ୍ରହଣ କରି ପାରିବେ ମାତ୍ର ଦେଲା ବେଳେ କେବଳ AB ରକ୍ତ ଗ୍ରୁପ୍ ବ୍ୟକ୍ତି ମାନଙ୍କୁ ଦେଇପାରିବେ।ସେହିପରି O ରକ୍ତ ଗ୍ରୁପ୍ ଥିବା ବ୍ୟକ୍ତି ମାନଙ୍କୁ 'ସର୍ବଜନ ଦାତା' କୁହାଯାଏ। ଏହି ଗ୍ରୁପ ର ବ୍ୟକ୍ତି ମାନେ ପ୍ରତ୍ୟେକ ଗ୍ରୁପ୍ ର ବ୍ୟକ୍ତି ମାନଙ୍କୁ ରକ୍ତ ଦାନ କରିପାରିବେ।ମାତ୍ର ଗ୍ରହଣ ବେଳେ କେବଳ O ବ୍ଲଡ୍ ଗ୍ରୁପ୍ ବ୍ୟକ୍ତି ଙ୍କ ଠାରୁ ଗ୍ରହଣ କରି ପାରିବେ।

ଶେଷକଥା -

***************

ସ୍ବାମୀ ବିବେକାନନ୍ଦ କହିଯାଇଛନ୍ତି ଯେ- ମାନବ ସେବା ହିଁ ମାଧବ ସେବା। ଆବଶ୍ୟକୀୟ, ଅସହାୟ ,ରୋଗାଗ୍ରସ୍ତ ଲୋକ ମାନଙ୍କ ର ସେବା କରିବା ଈଶ୍ବରଙ୍କ ସେବା କରିବା ସହ ସମତୂଲ୍ୟ। ଜୀବନ ଦେବା ଓ ନେବା କୌଣସି ମଣିଷ ଦ୍ବାରା ସମ୍ଭବ ପର ନୁହେଁ। କିନ୍ତୁ ରକ୍ତଦାନ ମାଧ୍ୟମରେ ଆମେ ଅନ୍ୟର ଜୀବନ ରକ୍ଷା କରି ପାରିବା। ଏଥିରେ ଆମ୍ଭ ମାନଙ୍କୁ ଅନେକ ସୁଫଳ ମିଳିଥାଏ। ଯଦି ଆମେ ଉପଯୁକ୍ତ ସଚେତନତା ଗ୍ରହଣ କରିବା ତେବେ ରକ୍ତ ଦାନ କରି ଆମେ ଆମ ଶରୀର କୁ ଆହୁରି ସୁସ୍ଥ ରଖିପାରିବା। ଏହାକୁ ନେଇ ଯେଉଁ ମିଥ୍ୟା ଧାରଣା ସୃଷ୍ଟି ହୋଇଅଛି ତାହକୁ ସର୍ବ ପ୍ରଥମେ ଦୂର କରିବା। ବାସ୍ତବତା ଜାଣିବା ପାଇଁ ସତ୍ୟ ର ଅନୁସନ୍ଧାନ କରିବା। ଲୋକ ମାନଙ୍କୁ ପ୍ରୋତ୍ସାହନ କରିବା। ଅଧିକ ରୁ ଅଧିକ ଲୋକ ଏଭଳି ମହାନ କାର୍ଯ୍ୟ ରେ ସାମିଲ୍ ହେବା ଯଦ୍ୱାରା କୌଣସି ଲୋକ ର ରକ୍ତ ଅଭାବରୁ ମୃତ୍ୟୁ ଘଟିବ ନାହିଁ ।କାରଣ ରକ୍ତଦାନ ର ଅର୍ଥ ଜୀବନ‌ର ଦାନ।

ପ୍ରସ୍ତୁତି - ସୌମ୍ୟ ରଞ୍ଜନ ରାୟ

ଭୂୟାଁ ଉଆସ, ଗୁଆମାଳ, ଭଦ୍ରକ

ରକ୍ତ ଦାନ‌- ଜୀବନ ଦାନ || Donate Blood - Donate Life

ଦୁନିଆରେ ଅଛି ଯେତେଯେ କରମ,ମାନବର ସେବା ମହାନ ଧରମ।