ମୋର ରାମେଶ୍ବରମ୍ ର ଯାତ୍ରା

ନମସ୍କାର ଜୟ ଜଗନ୍ନାଥ ଆଶା କରୁଛି ଆପଣ ମାନେ ଭଲରେ ଥିବେ।ଆଜି ମୁଁ କହିବି କି ଆପଣ ମାନେ ତାମିଲନାଡୁ ରେ ଥିବା ରାମେଶ୍ବର ଧାମ କୁ କେମିତି ଯାଇ ପାରିବେ ସେଠି କେତେ ଖର୍ଚ୍ଚ ହେବ।।

ଯଦି କେବେ ଆପଣ ରାମେଶ୍ବର କୁ ଯିବା କୁ ଚାହୁଁଛନ୍ତି ତ ଭୁବନେଶ୍ୱର ରୁ ରାମେଶ୍ବର ଆସିବା ପାଇଁ ସିଧା ସଳଖ ଭାବେ ରେଳରେ ଆସି ପାରିବେ।

ଗାଡ଼ି ସଂଖ୍ୟା ୨୦୮୯୭(20896) ଭୁବନେଶ୍ୱର ରେଳ ଷ୍ଟେସନ ରୁ ପ୍ରତି ଶୁକ୍ରବାର ଦିନ ୧୨:୧୦ (12:10) ରୁ ବାହାରି ଶନିବାର ଦିନ ରାତି ୧୦:୧୦ ରେ ମଣ୍ଡପମ ରେଳ ଷ୍ଟେସନ ରେ ପହଞ୍ଚୁଛି ।ଯାହା କି ରାମେଶ୍ବର ରେଳ ଷ୍ଟେସନ ରୁ ମାତ୍ର ୧୫ ରୁ ୨୦ କିମି ର ରାସ୍ତା ।ରାମେଶ୍ବର ରେ ରାମେଶ୍ବର ରେଳ ଷ୍ଟେସନ ଅଛି ହେଲେ ବର୍ତ୍ତମାନ ରାମେଶ୍ବର ଦ୍ଵିପ କୁ ଭାରତ ର ସ୍ଥଳ ଭାଗ କୁ ଯୋଡୁ ଥିବା ଏକ ମାତ୍ର ସମୁଦ୍ର ରେଳ ପଥ ପୋଲ ଯାହା କୁ (ପାମ୍ବନ ପୋଲ) କୁହା ଯାଏ ତାର ପୁନରୁଦ୍ଧାର କାର୍ଯ୍ୟ ଜାରି ଅଛି ଯାହା କୁ ୭୦% ଭାଗ କାମ ସରିଲାଣି ଆଉ ୩୦% ଭାଗ କାମ ଅଛି ଯାହା କି ବୋଧେ ଏଇ ବର୍ଷ ଶେଷ ସୁଦ୍ଧା ପୁରା ହେଇ ଯିବ ତ ଆପଣ ମାନଙ୍କୁ ମଣ୍ଡପମ୍ ରେଳ ଷ୍ଟେସନ ଯାଏ ଆସିବାକୁ ପଡିବ ।ମଣ୍ଡପମ୍ ରେଳ ଷ୍ଟେସନ ରେ ପହଞ୍ଚିଲା ପରେ ।ଆପଣ ମାନେ ମଣ୍ଡପମ୍ ରୁ ସରକାରୀ ବସ ମାଧ୍ୟମରେ ରାମେଶ୍ବର ପହଞ୍ଚି ପାରିବେ।ସରକାରୀ ବସ ମାତ୍ର ୨୫ ଟଙ୍କା ବସ ଭଡା ନେବ।

ସରକାରୀ ବସ୍ ର ସୁବିଧା ମଣ୍ଡପମ୍ ରେଳ ଷ୍ଟେସନ ରେ ସଦା ବେଳେ ଉପଲବ୍ଧ ଅଛି।ଏଠାରେ ପହଞ୍ଚିବା ପରେ ଆପଣ ମାନେ ରହିବା ପାଇଁ ଅନଲାଇନ୍ ହୋଟେଲ କିମ୍ବା ଲୋଜ ଭଡା ରେ ନେଇ ପାରିବେ କି ଏଠି ବହୁତ୍ ପ୍ରକାର ର ଧର୍ମଶାଳା ରେ ଆପଣ ମାନେ ନିଜ ପରିବାର ସହ ରହି ପାରିବେ।

ରାମେଶ୍ବର ଠାକୁରଙ୍କୁ ଦର୍ଶନ କରିବା ପୂର୍ବରୁ ଆପଣ ମାନଙ୍କୁ ପ୍ରଥମେ ଅଗ୍ନିତିର୍ଥମ୍ ରେ ଯାଇ ଗାଧେଇବାକୁ ପଡିବ।ଯାହା କୁ ରାମେଶ୍ବର ମନ୍ଦିର ର ପୂର୍ବ ଦ୍ଵାର ସମ୍ମୁଖ ରୁ ମାତ୍ର ୨୦୦ମିଟର ଦୁରତାର ରେ ଅବସ୍ଥିତ।ଆପଣ ମାନେ ସେଠି ସ୍ନାନ କରି ସାରିବା ପରେ ରାମେଶ୍ବର ମନ୍ଦିର ର ଉତ୍ତର ଦ୍ଵାରରେ ଯାଇ ୨୨ କୁଣ୍ଡ (କୂଅ )ର ଜଳରେ ପୁଣି ଥରେ ସ୍ନାନ କରିବାକୁ ପଡ଼ିବ। ସେଠି ଯେତେ ବେଳେ ଆପଣ ମାନେ ଯିବେ ସେଠି ପ୍ରତି ବ୍ୟକ୍ତି ୨୫ ଟଙ୍କା ର ଟିକେଟ ଲାଗୁଛି ।ସେଠି ଆପଣ ମାନେ ଗଲା ପରେ ଆପଣ ମାନଙ୍କ ଉପରେ ଅଲଗା ଅଲଗା କୂଅ ରୁ ସେଠିକାର ସରକାରୀ କର୍ମୀ ମାନେ ପାଣି ଢ଼ାଳି ସ୍ନାନ କରାଇ ଦେବେ।ଆପଣ ମାନେ ଆଶ୍ଚର୍ୟ୍ଯ ହେବେ କି ସମୁଦ୍ର ଏତେ ପାଖରେ ଥାଇ ସେହି ୨୨କୂଅ ର ଜଳ ବହୁତ୍ ମିଠା । ସେଠୁ ସବୁ ସରିଲା ପରେ ଯଦି ଆପଣ ମାନେ ନିଜ ବସ୍ତ୍ର ସାଥିରେ ନେଇ ଯାଇଥିବେ ତ ସେଠି ବସ୍ତ୍ର ବଦଳାଇବା ପାଇଁ ଏକ ଜାଗା ଅଛି ଯାଉଟା କି ମନ୍ଦିର ପ୍ରାଙ୍ଗଣ ଭିତରେ ହିଁ ଅଛି ଯେଉଁଠି ଲୋକ ମାନେ ନିଜ ନିଜ ଓଦା ଲୁଗା ବଦଳାଇ ନୂଆ ବସ୍ତ୍ର ପିନ୍ଧୁଛନ୍ତି।ଯଦି ଆପଣ ଏକା କିମ୍ବା ସାଙ୍ଗ ମାନଙ୍କ ସହ ଅଛନ୍ତି ଆଉ ପୁରୁଷ ପୁଅ ଅଛନ୍ତି ତ ଆପଣ ସେଠି ଖୋଲା ରେ ନିଜ ଓଦା ବସ୍ତ୍ର ବଦଳାଇ ପାରିବେ।ଯଦି ଆପଣ ପରିବାର ସହ ଅଛନ୍ତି ଆଉ ଆପଣ ମାନଙ୍କ ସହ ମହିଳା ମାନେ ଅଛନ୍ତି ତ ଆପଣ ୨୨ କୂଅ ପାଣିରେ ସ୍ନାନ କରି ସାରି ନିଜ ହୋଟେଲ କିମ୍ବା ଲଜ୍ କି ଧର୍ମଶାଳା ରେ ଆସି ନିଜ ଓଦା ବସ୍ତ୍ର ବଦଳାଇ ପାରିବେ। ଆପଣ ମାନେ ଉତ୍ତର ଦ୍ଵାର ରେ ୨୨ କୂଅ ପାଣି ରେ ସ୍ନାନ କରିବା ପାଇଁ ଭିତରକୁ ପଡ଼ିବେ ଏବଂ ଦକ୍ଷିଣ ଦ୍ଵାରରେ ସ୍ନାନ କରି ବାହାରିବେ।

ଯଦି ଆପଣ ମାନେ ଅଗ୍ନିତିର୍ଥ କୂଳ କୁ ଯିବା ସମୟରେ ଆପଣ ମାନଙ୍କ ପାଖରେ କୌଣସି ବ୍ୟାଗ୍ ଅଛି କି ଆପଣ ମାନେ ଜୋତା ଚପଲ ପିନ୍ଧି ଯାଉଛନ୍ତି ତ ଆପଣ ମାନେ ପୂର୍ବ ଦ୍ଵାର ଆଗରେ ହିଁ ନିଶୁଳ୍କ ଜୋତା ଚପଲ ଷ୍ଟାଣ୍ଡ ଆଉ ବ୍ୟାଗ୍ ଷ୍ଟାଣ୍ଡ ଅଛି ସେଠି ଆପଣ ନିଜ ଜୋତା ଚପଲ ଆଉ ବ୍ୟାଗ୍ କୁ ରଖି ଅଗ୍ନିତିର୍ଥ କୂଳକୁ ଯାଇ ସେଠି ସମୁଦ୍ର ରେ ଗାଧୋଇ ସାରି ଆସି ୨୨ କୂଅ ରେ ଗାଧେଇ ସାରିବାହାରକୁ ଆସି ପୁଣି ପୂର୍ବ ଦ୍ଵାର ଆଗରେ ଆସି ସେହି ଷ୍ଟାଣ୍ଡ ରୁ ନିଜ ଜିନିଷ ନେଇ ଯିବାକୁ ପଡ଼ିବ ଏଥି ପ୍ରତି ଟିକେ ଧ୍ୟାନ ଦେବେ।

ଖାଇବା ପିଇବା

ରାମେଶ୍ବର ରେ ଖାଇବା ପିଇବା ପାଇଁ କୌଣସି ଅସୁବିଧା ନାହିଁ ସେଠି ଅନେକ ପ୍ରକାର ର ହୋଟେଲ ମିଳିଯିବ ଖାଇବା ପିଇବା ପାଇଁ ।ସେ ସେଠିକା ସ୍ଥାନୀୟ ଲୋକଙ୍କ ହୋଟେଲ ହେଉ କିମ୍ବା ପଞ୍ଜାବୀ ଆଉ ମାରୱାଡ଼ି ସଂପ୍ରଦାୟର ଲୋକ ମାନଙ୍କ ହୋଟେଲ ବି ଖାଇବା ପିଇବା ପାଇଁ ଅଛି।ଆଉ ଯଦି ମୁଁ ଜଣେ ଓଡ଼ିଆ ହିସାବରେ କହିବି ତ ଆପଣ ମାନେ ରାମେଶ୍ବର ମନ୍ଦିର ର ଦକ୍ଷିଣ ଦ୍ଵାରରେ ଟିକେ ପଛକୁ ମାତ୍ର ୨୦-୩୦ ଫୁଟ୍ ପଛକୁ ବାମ ପାର୍ଶ୍ୱରେ ହିଁ ଆମର ଜଣେ ଆମ ଓଡ଼ିଆ ଭାଇ ଯାହା ଙ୍କ ନାମ ହେଉଛି ଶ୍ରୀଯୁକ୍ତ ଗୋବିନ୍ଦ ପଳେଇ ଭାଇ ତାଙ୍କ ଘର ବାଲେଶ୍ବର ଜିଲ୍ଲା ରେ ଅବସ୍ଥିତ।ତାଙ୍କର ହୋଟେଲ ଅଛି।ନାଲି ରଙ୍ଗ ର ବୋର୍ଡ ରେ ଓଡ଼ିଆ,ହିନ୍ଦୀ,ଇଂରାଜୀ,ଆଉ ତାମିଲ ଭାଷା ରେ ରାମେଶ୍ବର ହୋଟେଲ ନାଁ ରେ ତାଙ୍କ ହୋଟେଲ ଅଛି ମୁଁ ଆପଣ ମାନଙ୍କୁ ଅନୁରୋଧ କରୁଛି କି ଆପଣ ମାନେ ଯେବେ ବି ରାମେଶ୍ବର ଧାମ ବୁଲିବା ପାଇଁ ଏବଂ ଦର୍ଶନ କରିବା ପାଇଁ ଯିବେ ଆପଣ ମାନେ ଅନ୍ୟ କେଉଁ ହୋଟେଲ ରେ ନ ଖାଇ ଆମ ଗୋବିନ୍ଦ ପଳେଇ ଭାଇଙ୍କ ହୋଟେଲ ରେ ଖାଇବେ।ଭାଇଙ୍କ ହୋଟେଲ ରେ ସବୁ ଷ୍ଟାଫ ଆମ ଓଡ଼ିଆ।ଆଉ ଖାଇବା ବି ବହୁତ୍ ସ୍ୱାଦିଷ୍ଟ ।

ଯେହେତୁ ଭାଇ ଆମର ଓଡ଼ିଆ ଆଉ ଓଡ଼ିଆ ଲୋକ ମାନଙ୍କ ପାଇଁ ଭାଇ ସବୁ ବେଳେ ସେଠି ଅପେକ୍ଷା ରେ ଅଛନ୍ତି। ଭାଇ ଙ୍କ ହୋଟେଲ ରେ ଖାଇଲେ ଆପଣ ମାନଙ୍କ ପଇସା ବଞ୍ଚିଯିବ କାହିଁକି ନା ଭାଇ ଓଡ଼ିଆ ଲୋକ ମାନଙ୍କ ପାଖରୁ କମ୍ ପଇସା ନିଅନ୍ତି ଯେମିତି କି ଯଦି ଆପଣ ମାନେ ସେଠି ଭାତ ଥାଳି ଖାଉଛନ୍ତି ଯେଉଁଥିରେ ଭାତ, ଡାଲି, ଦୁଇ ପ୍ରକାର ତରକାରୀ,ଦହି,ଆଳୁ ଭଜା ଆଉ କଲରା ଚିପ୍ସ ଆଉ ପାମ୍ପଡ ଯଦି ଏହି ଥାଳି ଆପଣ ମାନେ ଖାଉଛନ୍ତି ଯାହାର ମୂଲ୍ୟ ୧୦୦ ଟଙ୍କା ହେଲେ ଯଦି ଆପଣ ନିଜ କୁ ଓଡ଼ିଆ ଲୋକ କହି ଭାଇଙ୍କୁ ପରିଚୟ ଦେବେ ତ ଭାଇ ଆପଣ ମାନଙ୍କ ପାଖରୁ ୧୦୦ ଜାଗାରେ ୮୦ କିମ୍ବା ୯୦ ଟଙ୍କା ନେବେ ପୁରା ପଇସା ନେବେ ନାହିଁ।ଆଉ ରାମେଶ୍ବର ରେ ଆପଣ ମାନଙ୍କୁ ପାଣି ବାହାରୁ କିଣି ପିଇବା ପାଇଁ ପଡିବ ଯଦି ଆପଣ ଗୋବିନ୍ଦ ଭାଇଙ୍କ ହୋଟେଲ ରୁ ପାଣି କିଣୁଛନ୍ତି ୨୦ ଟଙ୍କା ରୁ ଉର୍ଦ୍ଧ୍ ଦାମ ତ ସେଥିରେ ବି ଭାଇ ଆପଣ ମାନଙ୍କ ପାଖରୁ ପୁରା ପଇସା ନେବେ ନାହିଁ। ଆଉ ଯଦି ଆପଣ ମାନେ ସେହି କମ୍ ପଇସା ରେ ରହିବା ପାଇଁ ଚାହୁଁଛନ୍ତି ତ ଭାଇଙ୍କ ହୋଟେଲ ଜମି ଜାଗାର ଯିଏ ମାଲିକ ତାଙ୍କର ବି ଧର୍ମଶାଳା ଅଛି ସେଥି ଭାଇଙ୍କ ମାଧ୍ୟମରେ କମ୍ ପଇସା ଦେଇ ରହି ପାରିବେ ।ହେଲେ ଏଠି ପାଇଁ ଆପଣ ମାନଙ୍କୁ ରାମେଶ୍ବର ମନ୍ଦିର ର ଦକ୍ଷିଣ ପଟ କୁ ଆସିବା ପାଇଁ ହେବେ ଯାହା କୁ (south Street) କୁହା ଯାଉଛି।

ବୁଲା ବୁଲି ସ୍ଥାନ

ରାମେଶ୍ବର ରେ ବୁଲିବା ପାଇଁ ରାମେଶ୍ବର ମନ୍ଦିର ଛଡ଼ା କିଛି ଜାଗା ଅଛି ଯେଉଁଠି ଆପଣ ମାନେ ବୁଲି ପାରିବେ।ଯେମିତି କି, ଏପିଜେ ଅବଦୁଲ କଲାମ ମେମୋରିଆଲ,ଏପିଜେ ଅବଦୁଲ କଲାମଙ୍କ ଘର,ଧନୁଷ କୋଡ଼ି, ପାମ୍ବନ୍ ପୋଲ, ଭୂତ ସହର, ମୋଟ ବାର ଟା ଜାଗା ଅଛି ଯେଉଁଠି ଆପଣ ମାନେ ବୁଲି ପାରିବେ।ଯଦି ଆପଣ ମାନେ ଏକା ଅଛନ୍ତି ତ ଚେଷ୍ଟା କରିବେ ବସ୍ ରେ ବୁଲିବା ପାଇଁ ସରକାରୀ ବସ୍ ସୁବିଧା ଅଛି କାଇଁ ନା ମୁଁ ଗତ ମାସରେ ଏକା ଯାଇଥିଲି ତ ମୁଁ ସରକାରୀ ବସ୍ ରେ ବୁଲିଲି।ଯଦି ଆପଣ ମାନେ ପରିବାର ସହ ଯାଉଛନ୍ତି ତ ଅଟୋ ରିକ୍ସା ରେ ଯଦି ବୁଲିବା ପାଇଁ ଚାହୁଁଛନ୍ତି ତ ଅଟୋ ଚାଳକ ଆପଣ ମାନଙ୍କ ପାଖରୁ ୧୦୦୦ ରୁ ୧୨୦୦ ଟଙ୍କା ନେବ ଆଉ ସବୁ ଜାଗାରେ ବୁଲେଇ ଆଣି ଆପଣ ଯେଉଁଠି କହିବେ ସେଠି ଛାଡି ଦେବ।ଆଉ ଯଦି ଏକା ଅଛନ୍ତି ତ ରାମେଶ୍ବର ମନ୍ଦିର ର ପଶ୍ଚିମ ଦିଗରେ ଆଉ ପଶ୍ଚିମ ଦ୍ଵାର ରୁ ଟିକେ ଆଗକୁ ଗଲେ ଆପଣ ମାନେ ବାମ ପଟ କୁ ଏକ ସଡ଼କ ଯାଉଥିବା ଦେଖିବେ ସେଠି ଛିଡା ହେବେ କିଛି ସମୟ ପରେ କେହି ଜଣେ ଅଟୋ ଚାଳକ ଯିଏ କି ଭଡ଼ାରେ ୫ ଜଣ ଲୋକ କୁ ବସାଇ ଧନୁଷ କୋଡ଼ି ନେଇ ଯାଉଥିବ ସେ ଆପଣଙ୍କୁ ମାତ୍ର ୨୦୦ ଟଙ୍କା ରେ ଧନୁଷ କୋଡ଼ି ନେଇ ଯାଇ ସେଠୁ ବୁଲେଇ ଆଣି ସେହି ଜାଗାରେ ଛାଡି ଦେବ।ଧନୁଷ କୋଡ଼ି ଯିବା ବାଟରେ ଆପଣ ମାନେ ଭୂତ ସହର ଦେଖିବେ। ଧନୁଷ କୋଡ଼ି ଲାଇଟ୍ ହାଉସ୍ ଦେଖିବେ ,ରାମ ଆଉ ବିଭୀଷଣ ମିଳନ ଜାଗା ଦେଖିବେ।

ଧନୁଷ କୋଡ଼ିରେ କଣ ଅଛି ଏବଂ ଭୂତ ସହର ରହସ୍ୟ

ଧନୁଷ କୋଡ଼ି ସେହି ଯାହା ଯେଉଁଠି ତ୍ରେତୟା ଯୁଗରେ ପ୍ରଭୁ ଶ୍ରୀ ରାମ ଚନ୍ଦ୍ରଙ୍କ ବାନର ସେନା ଲଙ୍କା କୁ ଯିବା ପାଇଁ ସମୁଦ୍ର ରେ ପଥର ପୋଲ ନିର୍ମାଣ କରିଥିଲେ।ସେଠି ଆପଣ ମାନଙ୍କୁ ଦୁଇ ସାଗର ମିଳନ ଦେଖିବାକୁ ମିଳିବ ବାମ ପାର୍ଶ୍ୱରେ ରେ ବଙ୍ଗୋପ ସାଗର ଏବେ ଡାହାଣ ପାର୍ଶ୍ୱରେ ହିନ୍ଦୁ ମହା ସାଗର ମିଳନ ହେଇଛି। ଆପଣ ମାନେ ସେଠାରେ ଫଟୋ ଉଠାଇ ପାରିବେ ଆଉ ସମୁଦ୍ର କୁ ଦେଖିବେ।କିଛି ଲୋକ ମାନେ ସେଠାରେ ହାତିଖିଆ ବାଇନାକୁଲର ଧରି ଆପଣ ମାନଙ୍କୁ ରାମ ସେତୁ ଦେଖାଇବେ ହେଲେ ତା ପାଇଁ ସେ ୧୦୦ ଟଙ୍କା ନେବେ।ଯଦି ଆପଣ ଚାହିଁବେ ତ ୧୦୦ ଟଙ୍କା ଦେଇ ଦେଖି ପାରିବେ। ଏହା ଛଡା ଆଉ କିଛି ନାହିଁ ସେଠି।ସେଠି ଆପଣ ମାନେ ଅଟୋ କିମ୍ବା କାର୍ ଭଡା ରେ ନେଇ ଗଲେ ସେଠି ସେ ମାତ୍ର ୧୫ ରୁ ୩୦ ମିନିଟ୍ ରହିବା ପାଇଁ ସମୟ ଦେବେ।ଏତିକି ସମୟ ସେଠି ବିତାଇବା ପାଇଁ ବହୁତ୍ ।ଏବେ ଚାଲନ୍ତୁ ଜାଣିବା ଭୂତ ସହର ବିଷୟରେ

ଧନୁଷ କୋଡ଼ି ରୁ ୧ ରୁ ୨କିମି ପଛକୁ ଭୂତ ସହର ଅଛି । ସେ ଜାଗା କୁ ଭୂତ ସହର ଏଥିପାଇଁ କୁହା ଯାଉଛି ଯେ ୧୯୬୦ ମସିହାରେ ରେ ରାମେଶ୍ବର ରେ ଏକ ବହୁତ୍ ଭୟାନକ ମହାବାତ୍ୟା ଆସିଥିଲା ଯେଉଁଥିରେ ରାମେଶ୍ବର ସହର ଏବଂ ଧନୁଷ କୋଡ଼ି କୁ ବହୁତ୍ କ୍ଷତି ହେଇଥିଲା।ସେତେ ବେଳେ ରାମେଶ୍ବର ରେଳ ଷ୍ଟେସନ ରୁ ଧନୁଷ କୋଡ଼ି ପାଇଁ ମିଟର ଗେଜ୍ ରେଳ ଚଳାଚଳ କରୁଥିଲା ତ ସେହି ମହାବାତ୍ୟା ରେ ଧନୁଷ କୋଡ଼ି ସହର ସମ୍ପୂର୍ଣ ଭାବେ ନଷ୍ଟ ହେଇଗଲା।ସେଠି ଥିବା ରେଳ ଷ୍ଟେସନ,ଚର୍ଚ୍ଚ, ଘର ଆଉ ସବୁ କିଛି ନଷ୍ଟ ହେଇଗଲା।ସେଥିପାଇଁ ତାକୁ ଏବେ ଭୂତ ସହର କୁହା ଯାଉଛି।ଆଉ ଏ କଥା ବି ସେଠି ପ୍ରଚଳିତ ଅଛି କି ଯିଏ ବି ସନ୍ଧ୍ୟା ପାଞ୍ଚଟା ପରେ ସେହି ଜାଗା କୁ ଯିବ ତ ତାର ସେହି ଜାଗା ରୁ ଫେରିବା ସମ୍ଭବ ନୁହଁ। ସେଥିପାଇଁ ସନ୍ଧ୍ୟା ପାଞ୍ଚଟା ପରେ ଧନୁଷ କୋଡ଼ି ଆଡ଼କୁ ଯିବା ପାଇଁ ସରକାର ଅନୁମତି ଦେଉନାହାନ୍ତି।

ଯଦି ଆପଣ ମାନେ ସନ୍ଧ୍ୟା ରେ କେଉଁଠି ସମୟ ବିତାଇବା ପାଇଁ ଚାହୁଁଛନ୍ତି ତ ଆପଣ ଅଗ୍ନୀତିର୍ଥ ପାଖରେ ହିଁ ସମୁଦ୍ର କୂଳରେ ବସିବା ପାଇଁ ପଥର ବେଞ୍ଚ ଅଛି ଆପଣ ମାନେ ସନ୍ଧ୍ୟା ସମୟରେ ନିଜ ପରିବାର ସହ ବସି ନିଜ ସମୟ ବ୍ୟତୀତ କରି ପାରିବେ। ସମୁଦ୍ର କୁଳିଆ ପବନ ବହୁଥିବ ଆଉ ସନ୍ଧ୍ୟା ରେ ସେଠି ନିଜ ପରିବାର ସହ ବସି ସମୟ ବିତାଇବାର ମଜା ଏକ ଅଲଗା ପ୍ରକାର ର ଅନୁଭବ ଲାଗିବ।ଯଦି ଏହା ଛଡା ଆଉ କିଛି କରିବା ପାଇଁ ଚାହୁଁଛନ୍ତି ସେହି ଜାଗା ରୁ ୧୦୦ ମିଟର ଦୂରରେ ଆପଣ ଏକ ପୋଲ ଦେଖିବେ ଯୋଉଟା ଟିକେ ସମୁଦ୍ର ଭିତରକୁ ଯାଇଥିବ।ସେହି ପୋଲ ରେ ଗଲେ ଦେଖିବେ କି ସେହି ପୋଲ ଶେଷରେ କିଛି ଡଙ୍ଗା ଲାଗିଥିବ ଯଦି ଆପଣ ମାନେ ସେହି ଡଙ୍ଗା ରେ ଯାଇ ବସୁଛନ୍ତି ତ ସେ ଡଙ୍ଗା ଆପଣ ମାନଙ୍କୁ ଅଗ୍ନିତୀର୍ଥ ସ୍ଥଳ ଭାଗରୁ ଶ୍ରୀଲଙ୍କା ର ସମୁଦ୍ର ସୀମା ଯାଏ ନେଇ ବୁଲେଇ ଆଣିବ ଯାହା ପାଇଁ ସେ ଡଙ୍ଗା ରେ ଥିବା ଡଙ୍ଗା ପରିଚାଳକ ମାନେ ପ୍ରତି ବ୍ୟକ୍ତି ୧୦୦ ରୁ ୨୦୦ ଟଙ୍କା ଟିକେଟ ପଇସା ନେବେ। ଯଦି ଆପଣ ମାନେ ବୁଲିବା ପାଇଁ ଚାହିଁବେ ତ ବୁଲି ପାରିବେ ହେଲେ ଏହା କେବଳ ଦିନରେ ହିଁ କରି ପାରିବେ ସନ୍ଧ୍ୟା ପାଞ୍ଚଟା ପରେ କରି ପାରିବେ ନାହିଁ।ସେଠୁ ଫେରିଲା ବେଳେ ଆପଣ ମାନେ ଆମ ଗୋବିନ୍ଦ ଭାଇଙ୍କ ହୋଟେଲ ରୁ ଖାଇ ନିଜ ରୁମ୍ କୁ ଫେରିବେ।

ଯଦି ଆପଣ ମାନେ ଖରା ଦିନେ ଯାଉଛନ୍ତି ଆଉ ଆମ ପଖାଳ ଖାଇବା ପାଇଁ ଚାହୁଁଛନ୍ତି ତ ଗୋବିନ୍ଦ ଭାଇଙ୍କ ହୋଟେଲ ରେ ଆପଣ ମାନଙ୍କ ପାଇଁ ପଖାଳ ବି ମିଳିଯିବ।

କେମିତି ଯିବେ

ଯଦି ଆପଣ ରାମେଶ୍ବର ଯିବା ପାଇଁ ଚାହୁଛନ୍ତି ତ ଭୁବନେଶ୍ୱର ରେଳ ଷ୍ଟେସନ ସିଧା ରାମେଶ୍ବର ଯାଏ ରେଳର ସୁବିଧା ଅଛି।ଆଉ ଯଦି ସେ ଟ୍ରେନ ରେ ଆପଣ ମାନଙ୍କୁ ଟିକେଟ ନ ମିଳୁଛି ତ ଆପଣ ମାନେ ଚେନ୍ନାଇ ଆସି ଅନ୍ୟ ଟ୍ରେନ ରେ ରାମେଶ୍ବର ଯାଇ ପାରିବେ। ଯଦି ଆପଣଙ୍କ ଟ୍ରେନ ଚେନ୍ନାଇ ସେଣ୍ଟ୍ରାଲ ରେଳ ଷ୍ଟେସନ କିମ୍ବା ତମ୍ବରମ୍ ରେଳ ଷ୍ଟେସନ ରେ ଆସି ଲାଗୁଛି ତ ଆପଣ ମାନଙ୍କୁ ଚେନ୍ନାଇ ଏଗମୋର୍ ରେଳ ଷ୍ଟେସନ କୁ ଯାଇ ଅନ୍ୟ ଟ୍ରେନ ଧରି ରାମେଶ୍ବର ଯାଇ ପାରିବେ।

ଚେନ୍ନାଇ ଏଗମୋର ରୁ ଯେଉଁ ଟ୍ରେନ ରାମେଶ୍ବର ଯାଉଛି ସେ ହେଉଛି

୧୬୭୫୧ (16751) ଚେନ୍ନାଇ ଏଗମୋର= ରାମେଶ୍ବର ଏକ୍ସପ୍ରେସ ଏ ଗାଡ଼ି ପ୍ରତି ଦିନ ସନ୍ଧ୍ୟା ୦୭:୧୫ ମିନିଟ ରେ ପ୍ଲାଟଫର୍ମ ସଂଖ୍ୟା ୯ ରୁ ବାହାରୁଛି ଏବଂ ପରଦିନ ସକାଳେ ୦୭:୩୦ ମଣ୍ଡପମ୍ ରେଳ ଷ୍ଟେସନ ରେ ପହଞ୍ଚିଛି।

୨୨୬୬୧{22661) ଚେନ୍ନାଇ ଏଗମୋର୍=ରାମେଶ୍ବର (ସେତୁ ଏକ୍ସପ୍ରେସ) ଏ ଗାଡ଼ି ପ୍ରତି ଦିନ ସନ୍ଧ୍ୟା ୦୫:୪୫ ମିନିଟ୍ ରେ ପ୍ଲାଟଫର୍ମ ସଂଖ୍ୟା ୯ ରୁ ବାହାରୁଛି ଏବଂ ପରଦିନ ଭୋର୍ ୦୩:୩୦ ମିନିଟ ରେ ମଣ୍ଡପମ୍ ରେଳ ଷ୍ଟେସନ ରେ ପହଞ୍ଚୁଛି।

ଆପଣ ମାନେ ଯଦି ଚେନ୍ନାଇ ଟ୍ରେନ କିମ୍ବା ଉଡାଜାହାଜ ରେ ଆସୁଛନ୍ତି ତ ଏହି ଦୁଇଟା ଗାଡ଼ି ରେ ଟିକେଟ କରି ରାମେଶ୍ବର ଯାଇ ପାରିବେ।

ଏବେ ଶେଷରେ ଖର୍ଚ୍ଚ କେତେ ଆସିବ।

ଯଦି ଆପଣ ମାନେ ଏକା ଆସୁଛନ୍ତି ତ ରାମେଶ୍ବର ରେ ଦୁଇ ଦିନ ଗୋଟେ ରାତି ରହିବାର ଅଛି ଆପଣଙ୍କୁ ତ ୩୦୦୦-୩୫୦୦ ଟଙ୍କା ରେ ଆପଣଙ୍କ ବୁଲିବା ହେଇଯିବ।

ଆଉ ଯଦି ଆପଣ ନିଜ ପରିବାର ସହ ଆସୁଛନ୍ତି ତ ପ୍ରତି ବ୍ୟକ୍ତି ୫000 ଟଙ୍କା ଧରି ଚାଲନ୍ତୁ। ଦୁଇ ଦିନ ଗୋଟେ ରାତି ପାଇଁ କିମ୍ବା ଦୁଇ ଦିନ ଦୁଇ ରାତି ପାଇଁ।ବାକି ଅନ୍ୟାନ ଖର୍ଚ୍ଚ ଅଛି।ହେଲେ ମୋ ମତରେ ଏତିକି ପଇସା ରେ ହେଇଯିବ।

ଧ୍ୟାନ ଦେବେ କି ମୁଁ ଜଉ ଖର୍ଚ୍ଚ ପଇସା କହିଲି ସେଟା କେବଳ ରାମେଶ୍ବର ପହଞ୍ଚିଲା ପରେ ଆପଣଙ୍କ ର ହେବ।

ଆଶା କରୁଛି ମୋ ଲେଖା ଆପଣ ମାନଙ୍କୁ ଭଲ ଲାଗିବ।

ଧନ୍ୟବାଦ୍ ଜୟ ଜଗନ୍ନାଥ

ରାମେଶ୍ଵର ଯାତ୍ରା

ଯାତ୍ରା (Travelling)