ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ଘୋଷଯାତ୍ରାର ଅନ୍ତିମ ପର୍ବ ନୀଳାଦ୍ରି ବିଜେ । ବର୍ଷ ସାରା ରତ୍ନ-ସିଂହାସନରେ ବସି ଦେଶଦୁନିଆର ଖବର ବୁଝୁଥିବା କାଳିଆ ସାଆନ୍ତ, ନଅ ଦିନ ପାଇଁ କ୍ଷେତ୍ର-ପରିଦର୍ଶନରେ ଯାଇଥିଲେ। ସବୁ ଲୀଳାଖେଳା ସାରି ଫେରବା ପରେ ସିଂହଦ୍ୱାର ଠାରେ ସ୍ୱତନ୍ତ୍ର ନୀତି ସମାପନ ହେବ। ରସଗୋଲା ଦେଇ ମା’ ଲକ୍ଷ୍ମୀଙ୍କ ମାନଭଞ୍ଜନ ପରେ ରତ୍ନ ସିଂହାସନକୁ ଫେରିବେ ଚତୁର୍ଦ୍ଧାମୂର୍ତ୍ତି। ଏଇଠି ଶେଷ ହେବ ମହାପ୍ରଭୁଙ୍କ ଘୋଷଯାତ୍ରାର ମାନବୀୟ ଲୀଳା।

ସଂକ୍ଷେପରେ କହିବା ହେଲା---

ନବଦିନାତ୍ମକ ଯାତ୍ରା ଶେଷ ପରେ ରତ୍ନ ସିଂହାସନକୁ ବାହୁଡ଼ିଛନ୍ତି ଶ୍ରୀଜୀଉ । ଘୋଷଯାତ୍ରାରେ ସାଙ୍ଗରେ ନେଇନଥିବାରୁ ଅଭିମାନୀନି ମହାଲକ୍ଷ୍ମୀଙ୍କୁ ରସଗୋଲା ଖୁଆଇ ମାନଭଞ୍ଜନ କରିଛନ୍ତି ଶ୍ରୀଜିଉ । ମାନଭଞ୍ଜନ ପରେ ନୀଳକନ୍ଦରରେ ପ୍ରବେଶ କରିଛନ୍ତି ମହାପ୍ରଭୁ ଶ୍ରୀଜଗନ୍ନାଥ । ଲୀଳାପୁରୁଷ ଶ୍ରୀଜଗନ୍ନାଥଙ୍କ ନୀଳାଦ୍ରିବିଜେ ରଥଯାତ୍ରାର ଶେଷ ଚରଣ । ଗୁଣ୍ଡିଚା ମଣ୍ଡପରେ ଜନ୍ମବେଦୀ ମହୋତ୍ସବ ଲୀଳା ଭିଆଇ ବାହୁଡ଼ାଦଶମୀରେ ନୀଳାଦ୍ରିକୁ ଫେରିଛନ୍ତି ଶ୍ରୀମନ୍ଦିରର ଅଧିଷ୍ଠାତା ନୀଳାଦ୍ରିବିହାରୀ ନୀଳାଦ୍ରୀଶ ନୀଳଶୈଳଶିରୋ ।

ଏହି ନୀଳାଦ୍ରି ବିଜେ ଏକ ପର୍ବ ନୁହେଁ କେବଳ, ଏହା ହେଉଛି ଆଦର, ମାନ୍ୟତା ଓ ଦମ୍ଭର ଛାଡ଼ ଦ୍ୱାରା ସମ୍ପର୍କ ରକ୍ଷା କରିବାର ଶିକ୍ଷା। ଠାକୁର ଯେମିତି ମା'ଙ୍କ ପାଖରେ ଶିର ନମାଇ ମନ୍ଦିରକୁ ପ୍ରବେଶ କରନ୍ତି, ସେପରି ଆମେ ମଧ୍ୟ ନିଜ ଜୀବନରେ ଅଭିମାନ ଛାଡି ସମ୍ପର୍କ ମଧ୍ୟରେ ଶାନ୍ତି ଓ ଶ୍ରୀ ଆଣିପାରିବା।

ଏହି ଦିନ ରାତିରେ ଶ୍ରୀମନ୍ଦିର ଅତି ଶୋଭାମୟ ହୁଏ। ଠାକୁରଙ୍କ ଶ୍ରୀଙ୍ଗାର, ଭୋଗ ଓ ନୃତ୍ୟସଙ୍ଗୀତର ଆନନ୍ଦରେ ମନ୍ଦିର ମାନେ ପୁନି ଅତ୍ୟନ୍ତ ପବିତ୍ର ଓ ଦେବମୟ ହୋଇଯାଏ। ଲକ୍ଷ ଲକ୍ଷ ଭକ୍ତମାନେ ଏହି ଦର୍ଶନ ପାଇଁ ଆସନ୍ତି।

ନୀଳାଦ୍ରି ବିଜେ କେବଳ ଧାର୍ମିକ ଉତ୍ସବ ନୁହେଁ, ଏହା ଏକ ଜୀବନ ଶିକ୍ଷା। ଠାକୁର ଅଭିମାନ ଛାଡ଼ି ମାଙ୍କୁ ମନାଇ ମନ୍ଦିରକୁ ପ୍ରବେଶ କରନ୍ତି — ଏହି ଘଟଣା ଆମକୁ ଶିଖାଏ ଯେ, ଅଭିମାନ ଛାଡ଼ି, ନମ୍ରତା ଓ ଆଦର ଦ୍ୱାରା ଆମେ ସମ୍ପର୍କକୁ ପୁଣି ଗଢ଼ିପାରିବା।

ନୀଳାଦ୍ରି ବିଜେ ଅର୍ଥ — ଠାକୁର ଘରକୁ ଫେରିଲେ, ଶ୍ରୀ ମନ୍ଦିରରେ ଫେରିଲା, ଭକ୍ତଙ୍କ ହୃଦୟରେ ଶାନ୍ତି ଓ ଶ୍ରୀ ଫେରିଲା।

ଏହି ଦିନ ହେଉଛି ଭକ୍ତି, ସମ୍ମାନ ଓ ମୂଲ୍ୟବୋଧର ଅଭିନନ୍ଦନ।

ନୀଳାଦ୍ରି ବିଜେ — ଏକ ଶ୍ରୀମୟ ନବ ଆରମ୍ଭ।

ରସଗୋଲା ଦିବସ---

ନୀଳାଦ୍ରି ବିଜେ ହେଉଛି ଶ୍ରୀମନ୍ଦିର ରଥଯାତ୍ରାର ଶେଷ ଓ ଅତ୍ୟନ୍ତ ମହତ୍ତ୍ୱପୂର୍ଣ୍ଣ ଅନୁଷ୍ଠାନ, ଯେଉଁଥିରେ ମହାପ୍ରଭୁ ଜଗନ୍ନାଥ ରଥ ରେ ବସି ଗୁଣ୍ଡିଚା ମନ୍ଦିରରୁ ନିଜ ନୀଳାଚଳ ମନ୍ଦିରକୁ ପୁନଃ ପ୍ରବେଶ କରନ୍ତି। ଏହି ଦିନରେ ମାହାପ୍ରଭୁ ଲକ୍ଷ୍ମୀଦେବୀଙ୍କୁ ମନେଇ ବା ପାଇଁ ରସଗୋଲା ଦେଇ ସମ୍ମତି ଅନୁସାରେ ମନ୍ଦିରକୁ ପ୍ରବେଶ କରନ୍ତି। ତେଣୁ ଏହି ଦିନକୁ "ରସଗୋଲା ଦିବସ" ବାହ୍ୟବିଶ୍ୱରେ ମଧ୍ୟ ଉଲ୍ଲାସରେ ପାଳନ କରାଯାଉଛି। ଏହା ଓଡ଼ିଆ ଐତିହ୍ୟ ଓ ସଂସ୍କୃତିର ଗୌରବ ଅନୁଭବ କରାଏ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ରଥରୁଢ଼ ଜଗନ୍ନାଥ ଅନ୍ତିମ ଅର୍ଘ୍ୟ ନୀଳାଦ୍ରି ବିଜେ ଓ ରସଗୋଲା ଦିବସ

ରଥରୁଢ଼ ଜଗନ୍ନାଥ ଅନ୍ତିମ ଅର୍ଘ୍ୟ ନୀଳାଦ୍ରି ବିଜେ ଓ ରସଗୋଲା ଦିବସ