ରଥ।
ସ୍ନାନ ମଣ୍ଡପରେ ମହାସ୍ନାନ କରି
ଜାଗା ଆମ ଜରେଇବ,
ଦଇତା ସେବକ ନାନା ଉପଚାରେ
ରୋଗ ତା ଭଲ କରିବ ।
ରୋଗରୁ ଉଠିଲେ ମନ ଆନନ୍ଦରେ
ବୁଲିବାକୁ ବାହାରିବ ,
ଶ୍ରୀମନ୍ଦିର ଛାଡ଼ି ଆଡ଼ପ ବେଦୀକୁ
ନଅ ଦିନ ପାଇଁଯିବ ।
ଜନମ ବେଦୀରେ ପିଲାଦିନ ସ୍ମୃତି
ନାନା ବ୍ୟଞ୍ଜନ ଭୁଞ୍ଜିବ,
ମାଉସୀ ମା ର ଭଲ ମନ୍ଦ ବୁଝି
ମନ ଆନନ୍ଦ କରିବ।
ରଥ ଚଢିଯିବ ମାଉସୀ ଘରକୁ
ଜଗାର ମନ ଉଚ୍ଛନ୍ନ,
ମନୁଆ ସାଆନ୍ତ ବନ୍ଧା ପକାଇଛି
ଭକତ ପାଖରେ ମନ ।
ବଡ଼ ଦାଣ୍ଡ ହେବ ଗହଳ ଚହଳ
ଭକତ ହିଡ଼ ହୋଇବେ,
ଦର୍ଶନ କରିବ ଭକତମାନଙ୍କୁ
ଭକତେ ତାକୁ ଦେଖିବେ।
ବରଷକ ପରେ ଯିବ ବୁଲିବାକୁ
ସେବା ୟତ ଟେକିନେବେ ,
ଗୁଣ୍ଠୁଣୀ ହାତୀ ସେ ଝୁଲି ଝୁଲି ଯିବ
ପହଣ୍ଡି ବିଜେ ହୋଇବେ ।
ବଳଭଦ୍ରଭାଇ ଆଗେ ଯିବେ ହେରି
ସୁଭଦ୍ରା ଦେବୀ ମଝିରେ,
ଟାହିଆ ହଲେଇ ମନ ମଉଜରେ
ଜଗା ଆସିବ ପଛରେ।
ଠାବେ ଠାବେ ଚକା ପାରି ବସିଯିବ
ଭକତଙ୍କୁ ଦେଖୁଥିବ ,
ରଙ୍ଗ ଅଧରରେ ମୁରୁକି ହସରେ
ସଭିଙ୍କ ମନ କିଣିବ ।
କାହା ପାଇଁ ହେବ ପ୍ରିୟ ବନ୍ଧୁ ସିଏ
ମନ କଥା ବୁଝି ଯିବ,
ସଭିଙ୍କ ଅନ୍ତର ବେଦନା ଜାଣେ ସେ
ସେଇ ଭାବେ ଦେଖାଦେବ।
ଲକ୍ଷ୍ମୀମାତାଙ୍କୁ ସେ ଦେଖାଦେବନାହିଁ
ଯାତ୍ରାରେ ବାହାରିଯିବ ,
ବଗଡ଼ା ଚାଉଳ କଳମ ଶାଗ କୁ
ତାଙ୍କ ପାଇଁ ରଖିଯିବ।
ନବଦିନାତ୍ମକ ଯାତରା କରେ ସେ
ତା ପାଇଁ ତୁଳସୀ ଆଣ,
ମାଉସୀମାର ପୋଡ଼ ପିଠା ଲୋଭ
ଛାଡ଼ି ପାରିବନି ଜାଣ।
ସିଏ ପରା ଭକ୍ତଙ୍କ ର ପ୍ରାଣ ଧନ
ଧନ୍ୟ ସେ ଚକା ନୟନ,
ଭକ୍ତଙ୍କ ପାଇଁ ସେ ଆସିଛି ସରାଗେ
ଭକତଠି ତାର ମନ।

ଲିଳା ମୟୀ ଦାଶ
କେନ୍ଦ୍ରାପଡ଼ା

ରଥଯାତ୍ରା

rathajatara