#ଧୂମ୍ରପାନ ବର୍ଜନ

#ମଦ୍ୟପାନ ତ୍ୟାଗ

# ରାତିରେ ୭ରୁ୮ଘଣ୍ଟା ଶୟନ

#ନିୟମିତ ବ୍ୟାୟାମ

#ମଧ୍ୟମ ଧରଣର ଓଜନ

#ନିଶ୍ଚିତ ପ୍ରାତଃ ଭୋଜନ

#କାମଚଳା ଆହାର ବାରଣ

#ସୁମଧୁର ସଂଗୀତ ଶୁଣିବା

#ସାମାଜିକ ସଂଯୋଗ

ଏଗୁଡିକ ଜୀବନର ବିଭିନ୍ନ ଉପାଦାନ ମଧ୍ୟରୁ ସର୍ବଶ୍ରେଷ୍ଠ ଉପାଦାନ ।ବିଭିନ୍ନ ଅଧ୍ୟୟନ ରୁ ଏକଥା ପ୍ରମାଣିତ ହୋଇପାରିଛି ଯେଣ୍ଣ ସାମାଜିକ ସମ୍ପର୍କରେ ରହୁଥିବା ଲୋକଙ୍କ ଆୟୁ ଅଧିକ ଓ ପ୍ରଫୁଲ୍ଲ ଚିତ୍ତ। ଘନିଷ୍ଠ ବନ୍ଧୁତା ପରି ସାମାଜିକ ସମ୍ପର୍କ ଉପରେ ଗୁରୁତ୍ଵାରୋପ କରିବା ଦୀର୍ଘ ଜୀବୀ ହେବା ସରଳ ସହିତ ପ୍ରଭାବଶାଳୀ ହେବାର ଏକ ସର୍ବଶ୍ରେଷ୍ଠ ଉପାୟ ।

ସ୍ମୁତି ସିନ୍ଦୁକର ମାନସ ପଟରେ ଅବିସ୍ମରଣୀୟ ଅଲିଭା ମୁହୁର୍ତ୍ତ କୁ ଅଭୁଲା କରି ଚିରଦିନ ପାଇଁ

ଅକ୍ଷୟ କରିବାର ବନ୍ଧୁତା ହେଉଛି ନିଆରା ସମ୍ପର୍କ। ପୃଥିବୀର ସମସ୍ତ ସମ୍ପର୍କ ଠାରୁ ସର୍ବୋଚ୍ଚ ସ୍ଥାନ ଗ୍ରହଣୀୟ କେବଳ ଏହି ବନ୍ଧୁତାର ଡୋର। ସର୍ବୋପରି ସୁଦୃଢ ସୁମଧୁର ବିଶ୍ଵାସ ଭରୋସା ସୁଦୃଢ ର ଭାବଧାରା।

ସ୍ଵୟଂ ଭଗବାନ ଶ୍ରୀକୃଷ୍ଣ ଓ ନିଜ ବନ୍ଧୁ ସୁଦାମା ଙ୍କ ବନ୍ଧୁତାର ଅମର ପ୍ରେମକାହାଣୀ ଆମ ପାଇଁ ଜ୍ଜଳନ୍ତ ଉଦାହରଣ ଓ ପ୍ରେରଣାର ଉତ୍ସ ଭରିଦେଇ ପାରିଛି।

ବନ୍ଧୁତାର ସମ୍ପର୍କ ସ୍ବଚ୍ଛ କାଚ ଆଇନା ସଦୃଶ୍ୟ ଅଟେ। ଯେଉଁ ଆଇନା ନିଜକୁ ବାସ୍ତବ ରୂପକୁ

ପ୍ରସ୍ପୁଟିତ କରି ଦର୍ଶାଇ ପାରେ। ଭୁଲ୍ ଅବା ଠିକ୍ ର ମାର୍ଗକୁ ପଥ ପ୍ରଦର୍ଶକ କରାଇ ବାରେ ସାମର୍ଥ୍ୟ ରହିଥାଏ।

ଅନ୍ତର ଗହ୍ୱରର ସମସ୍ତ ଅବ୍ୟକ୍ତ କଥାକୁ ପ୍ରକୃତ ବନ୍ଧୁ ପାଖରେ କହି ପାରି ହୁଏ।

ମୋର ସେହି ବନ୍ଧୁ ଅଟେ,ଯାହା ନାମ ମାନସୀ ଅଟେ ।ଯିଏ ମନର ସମସ୍ତ କଥାକୁ କହିବା ପୂର୍ବରୁ ବୁଝିପାରି ଥାଏ। ମାନସ ମନ୍ଥନ ର ସାରାଂଶ କୁ ସିଏ ଜାଣି ପାରିଥାଏ। ନାମ ଯେପରି କାମ ସେପରି କରିଥାଏ। ପ୍ରକୃତରେ ତାର କଥାରେ ଦମ୍ ଅଛି।

ଗଞ୍ଜାମ ଜିଲ୍ଲାର ବେଲଗୁଣ୍ଠା ନିକଟସ୍ଥ ତନରଡା ଠାରେ ଆର୍ଯ୍ୟ କନ୍ୟା ଗୁରୁକୂଳ ଆଶ୍ରମର ଛାତ୍ରୀନିବାସରେ ମୁଁ ନବମ ଶ୍ରେଣୀରେ ପଢିଲା ବେଳେ ତାସହ ପରିଚିତ ହୋଇଥିଲା। ସେଠାରେ କେବଳ ନବମ ଶ୍ରେଣୀରେ ହିଁ ଗୋଟିଏ ବର୍ଷ ପାଠ ପଢ଼ି ମୁଁ ମୋ ସହର

ଜୟପୁର ( କୋରାପୁଟ) କୁ ଫେରି ଯାଇଥିଲି।

ହଷ୍ଟେଲରେ ରହିବା ସମୟରେ ଆମ ଦୁହେଁ ଙ୍କ ଘନିଷ୍ଠତା ପ୍ରବଳ ମାତ୍ରାରେ ବଢ଼ି ଯାଇଥିଲା। ମୁଁ ମୋ ମାଁ ବାପା ଙ୍କ ଅନୁପସ୍ଥିତିରେ ସଂପୂର୍ଣ୍ଣ ଭାଙ୍ଗି ପଡିଥିବା ବେଳେ ସେହି ର୍ଦୂବଳ ମୁହୁର୍ତ୍ତ କୁ ସେ ଶକ୍ତିଶାଳୀ କରିପାରିଥିଲା।

ସେହି ବର୍ଷ ମୋ ଆଈଙ୍କର ଦେହାନ୍ତ ଘଟିଥିବାରୁ ମୁଁ ଦୁଃଖ ରେ ମର୍ମାହତ ହେବା ସମୟରେ ସେ ନିଃସଙ୍ଗତା ଭାବକୁ ଦୂରୀକରଣ କରିଦେଇଥିଲା।

ଆମ ଦୁହିଁଙ୍କ ନିବିଡ଼ ବନ୍ଧୁତା ଭାବ ଉପରେ ସମସ୍ତଙ୍କର କୋପଦୃଷ୍ଟି ପଡିଥିଲା। ତଥାପି ସେହି ଇର୍ଷା ଭାବ ବେଶି ଦିନ ତିଷ୍ଠି ପାରିଲା ନାହିଁ। ଆମ ବନ୍ଧୁତ୍ୱ ଦୃଢ ହେବାକୁ ଲାଗିଲା।

କିଛି ଦିନ ଅନ୍ତେ ପରୀକ୍ଷା ସରିବା ପରେ ମୋତେ ମୋ ବାପା ସେଠାରୁ ନେଇ ଆସି ନିଜ ସହରର ଅନ୍ୟ ଏକ ବାଳିକା ବିଦ୍ୟାଳୟରେ ନାମ ଲେଖାଇ ଦେଲେ।

ସେହି କିଛି ଦିନର ବିଚ୍ଛେଦ ର ଯନ୍ତ୍ରଣା ରେ ମାନସୀ ଅସହ୍ୟ ହୋଇ ମୋ ପାଖକୁ ଓ ମୁଁ ତା ପାଖକୁ ପରସ୍ପର ଚିଠି ଲେଖା ଆରମ୍ଭ ହୋଇଗଲା। ଏହି ଚିଠି ଲେଖାର ପ୍ରାରମ୍ଭଟି ସମସ୍ତଙ୍କୁ ସନ୍ଦେହ କରାଇ ଦେଇଥିଲା କାରଣ ସେ ଚିଠିରେ ମଧୁ ବୋଲି ସମ୍ବୋଧନ କରେ ଓ ମୁଁ ତାକୁ ପଞ୍ଚୁ ବୋଲି ସମ୍ବୋଧନ କରିଥାଉ। ତା ମାମୁଁ ମୋତେ ଦେଖିବାକୁ ଆସିଥିଲେ ,କାରଣ ମୁଁ ଜଣେ ପୁଅ ବୋଲି ଭାବିଥିଲେ। ସେ ଆସି ଦେଖି ନିଜକୁ ନିଜେ ବୁଝାଇ ଚାଲିଗଲେ। ଚିଠି ଓ ଲ୍ୟାଣ୍ଡ ଫୋନରୁ ତା ସହିତ ଯୋଗାଯୋଗ ସମ୍ଭବ ହୋଇ ପାରୁଥିଲା। ଏହି ସମ୍ପର୍କ ପ୍ରାୟ ୨୦୦୩ ପର୍ଯ୍ୟନ୍ତ ଚାଲୁଥିଲା। ତାପରେ ତାର ବାହାଘର ହୋଇଗଲା ଓ କିଛି ଦିନ ବ୍ୟବଧାନ ଭିତରେ ମୋର ମଧ୍ୟ ବାହାଘର ହୋଇଗଲା।

ସେହି ଦିନଠାରୁ ସଂପୂର୍ଣ୍ଣ ଭାବେ ଯୋଗାଯୋଗ

ବିଚ୍ଛିନ୍ନ ହୋଇଗଲା। କାରଣ ତାର ଫୋନ୍ ନମ୍ବର୍, ଠିକଣା ସବୁ ବଦଳିଗଲା ଓ ମୋର ଫୋନ୍ ମଧ୍ୟ ବଦଳିଗଲା। ଏହି ବିଚ୍ଛେଦ ପାଖାପାଖି ପ୍ରାୟ ଦୀର୍ଘ ୨୦ ବର୍ଷ ଅତିକ୍ରମ ହୋଇଗଲା ଏହି ସମୟର ବ୍ୟବଧାନ ମଧ୍ୟରେ ଆମ ସମ୍ପର୍କ ଉଭୟଙ୍କ ହୃଦୟରେ ଠିକ୍ ଭାବରେ ସାଇତି ହୋଇ ରହିଛି କିନ୍ତୁ ସାଜ୍ଞା ବଦଳିବା ପରେ ସବୁ ଓଲଟପାଲଟ ହୋଇଗଲା। ସେ ଯେତିକି ମୋତେ ଖୋଜିଛି , ମୁଁ ମଧ୍ୟ ତାକୁ ସେତିକି ପରିମାଣ ରେ ଖୋଜିଥିଲି।

ଗୀତ ଗାଉଛି ବୋଲି ଗୀତ ପରିବେଶ, କବିତା ଲେଖୁଛି ବୋଲି କବିତା ପରିବେଶ , ତା ସ୍ବାମୀ ଓକିଲ ହେଇଛନ୍ତି ଭାବି ଓକିଲ ପରିବେଶ ମଧ୍ୟେ ବହୁତ ଖୋଜୁଥିଲିଓ ଶେଷରେ କବିତା ଲାଗି ମୁଁ ମୋ ବନ୍ଧୁକୁ ପାଇଗଲି। ସପରିଶେଷରେ ୨୦୨୩ ମେ ମାସ୧୩ ତାରିଖ ଦିନ ମୋତେ ତାର ଘରର ମୋବାଇଲ ନମ୍ବର ମିଳିବା ପରେ ତତକ୍ଷଣାତ ଯୋଗାଯୋଗ କରିପାରିଥିଲି। ସେହିଦିନ ଠାରୁ ଆଜି ପର୍ଯ୍ୟନ୍ତ ଆମର ସମ୍ପର୍କ ସେହିପରି ଭାବେ ସୁବୁଝାମଣା ଓ ପରସ୍ପରକୁ ଭଲପାଇବା ର ରହିଆସିଛି।ନିକଟଫଶରେ ତା ସହିତ ଦେଖାସାକ୍ଷାତ ହୋଇଥିଲା। ପରସ୍ପର ସହ କଥୋପକଥନ

ଭିଡ଼ଓ କଲ୍ ଓ ଚାଟ ସବୁ ଧାରାବାହିକ ଭାବେ ଚାଲିଛି। ସତରେ ସେହି ଲୀଳାମୟ ଠାକୁର ସ୍ବୟଂ ଜଗନ୍ନାଥଙ୍କ ଅପାର କରୁଣା ବଳରେ ମୁଁ ମୋର ପ୍ରିୟ ବନ୍ଧୁକୁ ଫେରି ପାଇଛି। ଏତିକି ମାଗୁଣି ମାଗୁଛି ଯେ ଆଉ କେବେ ମଧ୍ୟ ମୋ ଠାରୁ ମୋ ପ୍ରିୟ ବନ୍ଧୁ କୁ ଜମାରୁ ଅଲଗା କରିବେ ନାହିଁ । ବହୁତ ପରିଶ୍ରମ କରି ମୁଁ ତାକୁ ଫେରି ପାଇଛି ଆଉ କଷ୍ଟ ଦେବେ ନାହିଁ ବୋଲିି ମୋର ଆଶା।

ଜୀବନର ଶେଷ ନିଶ୍ବାସ ପର୍ଯ୍ୟନ୍ତ ଆମର ଦୁହିଁଙ୍କ ବନ୍ଧୁତା ଏପରି ଅକ୍ଷୁର୍ଣ୍ଣ ରହିବ। ସତରେ ଆମ ବନ୍ଧୁତ୍ୱ ର କାହାଣୀ ବହୁତ ପ୍ରଭାବଶାଳୀ ଅଟେ। ଏମିତି କୌଣସି ସମୟ ନାହିଁ, ଯେଉଁ କ୍ଷଣ ତାକୁ ମନେ ପଡିନାହିଁ। ସବୁସ୍ଥାନରେ ସବୁ କ୍ଷଣ ଖୋଜି ଶେଷରେ ପାଇଛି। ଏହି ଅମର କାହାଣୀ ଆମ ଆସନ୍ତା ପୀଢିକୁ କିଛି ଶିକ୍ଷା ଅବଶ୍ୟ ଦେବ ବୋଲି ମୋର ଆଶାଓ ବିଶ୍ଵାସ। ଠାକୁର ମୋ ବନ୍ଧୁକର ସବୁ ଦୁଃଖ ହରଣ କରି ମଙ୍ଗଳ କରୁଥାନ୍ତୁ।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା

-ଗଞ୍ଜାମ

ଓଡ଼ିଶା

ମୋ---୯୩୪୮୨୮୫୪୧୬

Real friend ship story (ପ୍ରକୃତ ବନ୍ଧୁତା ର କାହାଣୀ

ବନ୍ଧୁତ୍ବ ଏକ ନିଆରା ସମ୍ପର୍କ