ଓଡ଼ିଶାର ସଂସ୍କୃତି, ସଂଗୀତ ଏବଂ ସାମାଜିକ ଜୀବନରେ ରେଡ଼ିଓର ଏକ ଅଗ୍ରଣୀ ଭୂମିକା ରହିଛି। ଏହି ରେଡ଼ିଓ ମାଧ୍ୟମରେ ଆଜିକାଲି ଲୋକମାନେ ନିଜର ମନୋରଞ୍ଜନ, ଶିକ୍ଷା ଏବଂ ନୂତନ ତଥ୍ୟ ପାଇଁ ସଂଯୁକ୍ତ ହୋଇଥାନ୍ତି। ରେଡ଼ିଓ ମେଳା ଏହି ଲମ୍ବା ଯାତ୍ରାର ଏକ ଗୁରୁତ୍ୱପୂର୍ଣ୍ଣ ଅଂଶ। ଏହି ମେଳା ଏକ ସ୍ବର୍ଗିୟ ଅନୁଭୂତି ଦେଇଥାଏ । ଯେଉଁଥିରେ ଏହା ମାଧ୍ୟମର ଅଗ୍ରଗତି, ସମାଜ ଏକ ଜୀବନ୍ତ ଦର୍ଶନ ହେବାର ସୁଯୋଗ ମିଳେ।

ରେଡ଼ିଓ ଓ ଏହାର ଉତ୍ସ

ଓଡ଼ିଶାରେ ରେଡ଼ିଓ ଉନ୍ନତି କରିବାରେ ଅଲଗା ଅଲଗା ସମୟରେ ବହୁତ ଅଗ୍ରଣୀ ଲୋକଙ୍କ ଅବଦାନ ରହିଛି। ୧୯୪୮ରେ ଭୁବନେଶ୍ଵର ରେ ରାଜ୍ୟର ପ୍ରଥମ ଆକାଶବାଣୀ କେନ୍ଦ୍ର ଖୋଲିଲା। ଏହି ରେଡ଼ିଓ ମାଧ୍ୟମରେ ଗାଁ ଏବଂ ସହର ଲୋକମାନେ ଆନନ୍ଦ ଏବଂ ଶିକ୍ଷା ପାଇଁ ନିଜକୁ ସଂଯୁକ୍ତ କରିଥିଲେ। ଏହା ଅନ୍ୟ ମାଧ୍ୟମର ଏକ ଶକ୍ତିଶାଳୀ ପ୍ରତିଦ୍ଵନ୍ଦୀ ଭାବରେ ତିଆରି ହୋଇଥିଲା। ବହୁତ ନୂତନ ରେଡ଼ିଓ କାର୍ଯ୍ୟକ୍ରମ ଏହାର ଅଂଶ ହେଲା।

ରେଡ଼ିଓ ମେଳାର ଉତ୍ସବ

ରେଡ଼ିଓ ମେଳା ଏକ ବୈଷୟିକ ଉତ୍ସବ ଯେଉଁଥିରେ ରେଡ଼ିଓ ପ୍ରେମୀ ଲୋକମାନେ, ରେଡ଼ିଓ ଉପସ୍ଥାପକ, ଗାୟକ, ନାଟକ କଳାକାର ଏବଂ ଅନ୍ୟ ଅଭିନବ ସଂଗଠନ ମିଶି ଏକ ସଂସ୍କୃତିକ ଉତ୍ସବର ଆନନ୍ଦ ନିଅନ୍ତି। ଏହି ଉତ୍ସବ ମୁଖ୍ୟତଃ ଭୁବନେଶ୍ୱର, କଟକ, ବ୍ରହ୍ମପୁର, ସମ୍ବଲପୁର ଏବଂ ଅନ୍ୟ ଠିକ୍ ଠିକାଣାରେ ପ୍ରତିବଛର ଅନୁଷ୍ଠିତ ହୁଏ।

ଏହି ଉତ୍ସବର ମୁଖ୍ୟ ଆକର୍ଷଣଗୁଡ଼ିକ:

(୧) ଓଡ଼ିଆ ସଂଗୀତ ଏବଂ ଲୋକସଂଗୀତ: ଓଡ଼ିଶାର ଏତିହାସିକ ଏବଂ ଅପରିହାର୍ଯ୍ୟ ଅଂଶ ହେଉଛି ଏଠାରେ ସଂଗୀତ। ଏହି ମେଳାରେ ବିଭିନ୍ନ ପ୍ରସିଦ୍ଧ ଗାୟକ ଓଡ଼ିଆ ଗୀତ ଗାଇ ଏକ ମନୋରଞ୍ଜନକର ପରିବେଶ ସୃଷ୍ଟି କରନ୍ତି।

(୨) ରେଡ଼ିଓ ନାଟକ ଏବଂ କାର୍ଯ୍ୟକ୍ରମ: ଆଦିକାଳରୁ ରେଡ଼ିଓ ନାଟକ ଏକ ପ୍ରସିଦ୍ଧ ମାଧ୍ୟମ ଥିଲା। ଏଥିରେ ବିଭିନ୍ନ ଜଣାଶୁଣା କଳାକାର ଏବଂ ନୂତନ ପ୍ରତିଭାମାନେ ଅଂଶଗ୍ରହଣ କରନ୍ତି। ଏହି ନାଟକ ଓ କାର୍ଯ୍ୟକ୍ରମ ଦ୍ବାରା ଓଡ଼ିଆ ସଂସ୍କୃତିକୁ ଏକ ନୂତନ ଦିଗ ଦିଆଯାଏ।

(୩) ପ୍ରଦର୍ଶନୀ ଏବଂ ବୈଷୟିକ ଚର୍ଚ୍ଚା: ଏହି ମେଳାରେ ବୈଷୟିକ ବ୍ୟକ୍ତିମାନେ ଏବଂ ରେଡ଼ିଓ ଉପସ୍ଥାପକମାନେ ଆସି ଏହି ମାଧ୍ୟମର ଏଗ୍ରୋଗତି, ତଥ୍ୟ ଓ ପ୍ରସାରଣ ବିଷୟରେ ଚର୍ଚ୍ଚା କରନ୍ତି। ଏଠି ଏକ ରେଡ଼ିଓ ବିଭାଗ ଏବଂ ପ୍ରଦର୍ଶନୀ ଏକ ଗୁରୁତ୍ୱପୂର୍ଣ୍ଣ ଅଂଶ ରହିଥାଏ।

ସମୟ ସହ ରେଡ଼ିଓ ମେଳାର ପରିବର୍ତ୍ତନ

ଆଜିର ଆଧୁନିକ ବିଶ୍ବରେ ଯେଉଁଠି ଟେଲିଭିଜନ, ଇଣ୍ଟରନେଟ୍ ଏବଂ ସ୍ମାର୍ଟଫୋନ ନୂତନ ମିଡିଆ ହିସାବରେ ଆସିଛି, ରେଡ଼ିଓ ତାର ଅବସ୍ଥାନ ଧୀରେ ଧୀରେ ଅନ୍ୟ ମାଧ୍ୟମରେ ପରିଣତି ହୋଇଛି। କିନ୍ତୁ ତଥାପି ରେଡ଼ିଓ ମେଳାର ମହତ୍ତ୍ଵ କମି ଯାଇନାହିଁ। ବରଂ, ଏବେ ଏହି ମେଳାରେ ଅନଲାଇନ୍ ରେଡ଼ିଓ ଓ ପ୍ୟାଡକାଷ୍ଟ ଭଳି ନୂତନ ପ୍ରଯୁକ୍ତିଗୁଡ଼ିକୁ ଅଂଶଗ୍ରହଣ କରାଯାଉଛି।

ଏହି ରେଡ଼ିଓ ଉତ୍ସବ ଓଡ଼ିଶାର ଏକ ଗୌରବ ଏବଂ ନୂତନ ପ୍ରଜନ୍ମ ପାଇଁ ଏହା ଏକ ପ୍ରେରଣା। ଏହି ମେଳା ଭବିଷ୍ୟତରେ ଏମିତି ଏକ ପ୍ଲାଟଫର୍ମ ହେବ ଯେଉଁଠି ଓଡ଼ିଆ ସଂସ୍କୃତି, ମନୋରଞ୍ଜନ ଏବଂ ଶିକ୍ଷା ଏକସାଥି ମିଶି ଜଣସାଧାରଣଙ୍କୁ ଏକ ନୂତନ ଅନୁଭୂତି ଦେଇପାରିବ।

ଭବିଷ୍ୟତରେ ରେଡ଼ିଓ ମେଳାର ଭୂମିକା

ଏବେ ଯୁଗ ଆଧୁନିକ ପ୍ରଯୁକ୍ତିର ଦିଗରେ ଦୌଡ଼ୁଛି। ଏହି ପରିସ୍ଥିତିରେ ରେଡ଼ିଓ ମେଳା ତାହାର ପ୍ରସାରଣ କେବଳ ଏକ ପରମ୍ପରା ନୁହେଁ, ବରଂ ଏକ ଆବଶ୍ୟକତା ଭାବେ ପ୍ରତିଷ୍ଠିତ ହୋଇଛି। ଏହି ଉତ୍ସବ ନୂତନ ପ୍ରଜନ୍ମ ପାଇଁ ଏକ ସୂତ୍ର ହେଉଛି, ଯେଉଁଠି ଲୋକମାନେ ରେଡ଼ିଓ ଓ ଏହାର ଉନ୍ନତି ଉପରେ ଧ୍ୟାନ ଦେଇପାରିବେ। ଅନେକ ଏପ୍ସ ଏବଂ ଅନଲାଇନ୍ ପ୍ଲାଟଫର୍ମ ମଧ୍ୟ ଏହି ମେଳା ସହ ଯୋଡ଼ିବା ଉଚିତ, ଯାହାଦ୍ୱାରା ଏହା ଆଉ ଅଧିକ ଲୋକଙ୍କ ନିକଟକୁ ପହଞ୍ଚିପାରିବ।

ଅନଲାଇନ୍ ରେଡ଼ିଓ ଏବଂ ରେଡ଼ିଓ ମେଳା

ବର୍ତ୍ତମାନ ବିଭିନ୍ନ ଆପ୍ଲିକେସନ ଏବଂ ଡିଜିଟାଲ ପ୍ଲାଟଫର୍ମ ଉପଲବ୍ଧ ହୋଇଯାଇଛି, ଯେଉଁଠି ଏକ ସ୍ମାର୍ଟଫୋନ୍ ଦ୍ୱାରା ଲୋକମାନେ ଅନଲାଇନ୍ ରେଡ଼ିଓ ଶୁଣିପାରନ୍ତି। ଏହା ରେଡ଼ିଓ ଉପସ୍ଥାପକମାନଙ୍କ ପାଇଁ ଏକ ନୂତନ ଅବସର ଏବଂ ଅଭିନବ ଦିଗ ଉଦ୍‌ଘାଟିତ କରିଛି। ଯଦି ରେଡ଼ିଓ ମେଳା ଏହି ଡିଜିଟାଲ ଚକ୍ରରେ ଯୋଡ଼ିହେବ, ତାହାଲେ ଏହା ଅଧିକ ଜନପ୍ରିୟ ହୋଇପାରିବ। ଏହି ଉପକ୍ରମ ଏକ ନୂତନ ମଞ୍ଚ ଦେଇପାରିବ, ଯେଉଁଠି ନୂଆ ରେଡ଼ିଓ ଅନୁରାଗୀମାନେ ତାଙ୍କ ପ୍ରତିଭା ପ୍ରଦର୍ଶନ କରିପାରିବେ।

ନୂଆ ପ୍ରଜନ୍ମ ଏବଂ ରେଡ଼ିଓ ମେଳା

ଏବେର ଯୁବପିଢ଼ି ଅଧିକ କରି ସୋସିଆଲ୍ ମିଡିଆ, ଇଣ୍ଟରନେଟ୍ ଏବଂ ଭିଡ଼ିଓ କନ୍ଟେଣ୍ଟ ଦିଗରେ ଆକୃଷ୍ଟ ହେଉଛନ୍ତି। ତଥାପି, ଯଦି ରେଡ଼ିଓ ମେଳାକୁ ଏମିତି ଗୋଟିଏ ମଞ୍ଚରେ ଅନୁଷ୍ଠାନ କରାଯିବ, ଯେଉଁଠି ଆଧୁନିକ ଟେକ୍ନୋଲୋଜି ଏବଂ ଇଣ୍ଟରନେଟ୍ ସହିତ ଏହାକୁ ଯୋଡ଼ାଯାଇବ, ତାହାଲେ ଏହି ଉତ୍ସବ ନୂଆ ପ୍ରଜନ୍ମ ପାଇଁ ଆନନ୍ଦଦାୟୀ ହୋଇପାରିବ। ଏଥିରେ ଡିଜିଟାଲ୍ ରେଡ଼ିଓ ଷ୍ଟେସନ୍‌, ଲାଇଭ୍ ପ୍ରସାରଣ, ଅନଲାଇନ୍ ଡିବେଟ୍ ଏବଂ ପ୍ରଶ୍ନୋତ୍ତର ପ୍ରତିଯୋଗିତା ଯୋଡ଼ିଲେ ଏହି ଉତ୍ସବ ଅଧିକ ଜଣସାଧାରଣଙ୍କୁ ଆକର୍ଷିତ କରିପାରିବ।

ପରିଶେଷରେ

ରେଡ଼ିଓ ମେଳା କେବଳ ଏକ ଉତ୍ସବ ନୁହେଁ, ଏହା ଗୋଟିଏ ସଂସ୍କୃତି, ଏକ ସ୍ମୃତି, ଏବଂ ଏକ ଉନ୍ନତିର ପ୍ରତୀକ। ଏହି ଉତ୍ସବ ଦ୍ୱାରା ଓଡ଼ିଆ ଭାଷା, ସଂସ୍କୃତି, ଏବଂ ମଣିଷଙ୍କ ମଧ୍ୟରେ ସମ୍ପର୍କ ବୃଦ୍ଧି ହୁଏ। ଆଗାମୀ ଦିନରେ ଯଦି ଏହି ମେଳାରେ ଅଧିକ ରୂପାନ୍ତର ଆଣାଯାଏ, ତାହାଲେ ଏହା ନୂଆ ପିଢ଼ିକୁ ରେଡ଼ିଓ ସହିତ ଆକର୍ଷିତ କରିପାରିବ। ଏମିତି ଉଦ୍ୟମ ଏକ ଗହଣ୍ୟ ଅଂଶ ହୋଇପାରିବ, ଯେଉଁଠି ଏକ ଦୂରଦୃଷ୍ଟି ସହ ରେଡ଼ିଓର ପୁନଃଜୀବନ ଆସିପାରିବ।

ଏହିପରି ଏହି ଉତ୍ସବ ପାଇଁ ଓଡ଼ିଶା ଏବଂ ଏଠିକାର ସଂସ୍କୃତିକୁ ଏକ ନୂତନ ଅଂଶ ଦେଇପାରିବ। ତେଣୁ ଆସନ୍ତୁ, ରେଡ଼ିଓ ମେଳାକୁ ଆଉ ଅଧିକ ଲୋକପ୍ରିୟ କରିବା ପାଇଁ ସମସ୍ତେ ଉଦ୍ୟମ କରିବା ଯଦ୍ବାରା ସଭିଙ୍କ ମଙ୍ଗଳ ହେବ ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!