ବାସ୍ତବରେ ସମାଜର ଅର୍ଥ ହେଉଛି " ସମସ୍ତ ଲୋକମାନଙ୍କର ମିଳନ " । ପ୍ରତ୍ୟେକ ବର୍ଗର , ପ୍ରତ୍ୟେକ ଧର୍ମର, ପ୍ରତ୍ୟେକ ଜାତିର ଲୋକମାନଙ୍କର ସଙ୍ଗମ ସ୍ଥଳ ଅଟେ ଏହି ସମାଜ ଯେଉଁଠି ଆମ ମାନଙ୍କର ସଙ୍ଗମ ହୁଏ । ଯାହା ଲୋକ ମାନଙ୍କୁ ବିଭିନ୍ନ କ୍ଷେତ୍ରରେ ପ୍ରେରଣା ଯୋଗାଇଥାଏ । କିନ୍ତୁ ଏବେ ସମସ୍ତେ କହୁଛନ୍ତି କି ସମାଜ କିଛି ଏମିତି ଲୋକଙ୍କୁ ସୃଷ୍ଟି କରିଛି ଯିଏ ସମାଜର ନିୟମ ଭଙ୍ଗ କରି ଏହାର ସତ୍ତାକୁ ଲୋପ କରିବାରେ ଲାଗିଛନ୍ତି। ସମାଜର ସୃଷ୍ଟି ଏଇ କେତେବର୍ଷ ହେବ ହୋଇନାହିଁ ବରଂ ଏହାର ଉତ୍ପତ୍ତି ଆଦିମ କାଳରୁ / ପୁରାଣ କାଳରୁ ସୃଷ୍ଟି ହୋଇଛି ।

ଏହି ସମୟରୁ ସମସ୍ତ ବ୍ୟକ୍ତି ବିଶେଷ ପରସ୍ପର ମିଳିମିଶି ,ସାଥୀ ହୋଇ ନିଜର ସୁଖ ଓ ଦୁଃଖକୁ ନିଜନିଜ ମଧ୍ୟରେ ବଣ୍ଟନ କରୁଥିଲେ । ଯାହାଦ୍ବାରା ସେମାନଙ୍କୁ ମାନସିକ ଶାନ୍ତି ଓ ସୁଖ ମିଳି ପାରୁଥିଲା । ସେତେବେଳେ ସେମାନେ ଏକଜୁଟ ହୋଇ ବିଭିନ୍ନ ପର୍ବପର୍ବାଣି , ଯାନିଯାତ୍ରା ଇତ୍ୟାଦି ଧୁମ୍ ଧାମରେ ପାଳନ କରୁଥିଲେ। ସେମାନଙ୍କର କେବଳ ଏକମାତ୍ର ଲକ୍ଷ୍ୟ ଥିଲା କି ସେମାନେ ନିଜେ ଧୀର ଓ ଶାନ୍ତ ରହିଲେ ଆଗାମୀ ଶିଶୁମାନେ ମଧ୍ୟ ଧୀର ଓ ଶାନ୍ତ ସ୍ୱଭାବର ସୃଷ୍ଟି ହେବେ । ସେତେବେଳେ ସେମାନେ ଛୋଟରୁ ଛୋଟ ଭୁଲକୁ ମଧ୍ୟ ଭଲ ପାଉନଥିଲେ ଯାହାର ଫଳ ସ୍ୱରୂପ ସେମାନେ ତାହାର ପ୍ରାୟଶ୍ଚିତ କରୁଥିଲେ ।

ସେତେବେଳେ ଭଗବାନଙ୍କ ରୂପ , ଗୁଣ ଓ ଚରିତ୍ରକୁ ଅତି ସୁନ୍ଦର୍ ଭାବରେ ବିଭିନ୍ନ ପୋଥି , ପୁରାଣ ଓ ଧର୍ମ ଗ୍ରନ୍ଥରେ ବର୍ଣ୍ଣନା କରାଯାଇଛି ଯାହାଦ୍ବାରା ଆମେମାନେ ଏହାକୁ ଆଜିର ଆଧୁନିକ ସମାଜରେ ଜାଣିପାରୁଛେ । କିନ୍ତୁ ସମାଜର ପରିବର୍ତ୍ତନ ଘଟିଯାଇଥିବାରୁ ଆମ୍ଭେମାନେ ଏହାକୁ ଗୁରୁତ୍ବ ନ ଦେଇ ଖରାପ କାମରେ ଲିପ୍ତ ରହୁଛେ ଓ ଅନେକ ପାପ ମଧ୍ୟ ଅର୍ଜନ କରୁଛେ । ଯାହାର ଫଳସ୍ୱରୁପ ମୃତ୍ୟୁପରେ ଆମେ ଯମ ଯନ୍ତ୍ରଣାରେ ପୀଡ଼ିତ ହେବ ଓ ଭୟଙ୍କର କଷ୍ଟ ମଧ୍ୟ ପାଇବା ଏହି କଥା ପୁରାଣ ବର୍ଣ୍ଣିତ ଅଟେ । ଏହାକୁ ଆମେ ମହାଭାରତ , ରାମାୟଣ , ବେଦ , ଉପନିଷଦ ଓ ବିଭିନ୍ନ ଉପାଖ୍ୟାନ ଯେପରି " ନଚିକେତା ଉପାଖ୍ୟାନ" ରୁ ଜାଣିପାରିବା ।

ଆଜିର ସମାଜରେ ଏପରି କିଛି ଘଟଣା ଘଟିଯାଉଛି ଯାହାକୁ କଳ୍ପନା କରିବା ମଧ୍ୟ ସମ୍ଭବ ହେଉନାହିଁ । କେଉଁ ଘରେ ବାପା ପୁଅକୁ ଘୃଣା କରୁଛି ତ କେଉଁଠି ପୁଅ ବାପା ମାଙ୍କୁ ଓ ଆଉ କେଉଁଠାରେ ପରିବାରର ସମସ୍ତଙ୍କ ମନରେ ଉତ୍ତମ ବୁଝାମଣା ମଧ୍ୟ ରହୁନାହିଁ। ଯାହାକି ପରବର୍ତ୍ତୀ ପିଢ଼ି ଉପରେ ପ୍ରଭାବ ପକାଇବା ସହିତ ଏକ କଳୁଷିତ ରାଷ୍ଟ୍ରର ଉତ୍ପତ୍ତିରେ ସାହାଯ୍ୟ କରୁଛି। ସମାଜ ରୁପି ବୃକ୍ଷରେ , ଦୁର୍ନୀତି ମଧ୍ୟ ଏକ ଜଡ ( ମୂଳ ) ସଦୃଶ କାର୍ଯ୍ୟ କରୁଛି ଯାହା ଦ୍ଵାରା ରାଷ୍ଟ୍ର ନିର୍ମାଣରେ ବାଧା ଉପୁଜିବା ସହିତ ଲୋକମାନଙ୍କର ଭରଷା ସମାଜ ଉପରୁ ଉଠିଯାଉଛି । ତେଣୁ ଆମ୍ଭେମାନେ ସଚେତନ ହେବା , ସମାଜରୁ ଦୁର୍ନୀତି , ବ୍ୟଭିଚାର ଓ ଖରାପ କାମ ଇତ୍ୟାଦିକୁ ଦୂରେଇ ଦେବାରେ ସାହାଯ୍ୟର ହାତ ବଢ଼ାଇବା ।

ଯଥା ସମ୍ଭବ ସମାଜକୁ ପୁରାତନ ସମାଜ ପରି କରିବା ପାଇଁ ସଦା ସର୍ବଦା ଉଦ୍ୟମରତ ରହିବା ଯାହାଦ୍ବାରା ଏକ ସୁନ୍ଦର୍ ଓ ଉଜ୍ଜ୍ବଳ ଭବିଷ୍ୟତର ଗଠନ ହେଇପାରିବ । ଯାହାଦ୍ବାରା ଆମ " ଭାରତ " ଏକ ସୁନ୍ଦର୍ ଓ ପ୍ରଭାବଶାଳୀ ରାଷ୍ଟ୍ରରେ ପରିଣତ ହୋଇ ପାରିବ । ଆମେ ଜାଣିଛେ ଭାରତ ଏକ ସୁଜଲା , ସୁଫଳା ଶସ୍ୟ ପରିପୂର୍ଣ୍ଣ ଦେଶ ଯାହା କୋଟି କୋଟି ଭାରତୀୟ ପ୍ରାଣରେ ଉନ୍ମାଦନା ଭରିଦିଏ ।

।। ଜୟ ହିନ୍ଦ୍ ।। ଭାରତ ମାତା କି ଜୟ ।।

ସାମାଜିକ ବାସ୍ତବତା

ସମାଜର ବର୍ତ୍ତମାନର ସ୍ଥିତି :-