ସଚ୍ଚିଦାନନ୍ଦ ରାଉତରାୟ ଖୋର୍ଦ୍ଧା ନିକଟବର୍ତ୍ତୀ ଗୁରୁଜଙ୍ଗ ଗ୍ରାମରେ ୧୯୧୬ ମସିହା ମେ ୧୩ ତାରିଖ ଦିନ ଜନ୍ମ ହୋଇଥିଲେ। ତାଙ୍କ ପିତା ପ୍ରସନ୍ନ କୁମାର ରାଉତରାୟ ଜଣେ ଆଇନଜୀବୀ ଥଲେ। ସଚ୍ଚିଦାନନ୍ଦଙ୍କୁ ତାଙ୍କ ବଡ଼ବାପା ପିଲାଦିନୁ ପୁଅ କରି ନେଇଥିଲେ।

ଓଡ଼ିଆ ସାହିତ୍ୟରେ ଅତ୍ୟାଧୁନିକତାର ପ୍ରବର୍ତ୍ତକ ସଚ୍ଚି ରାଉତରାୟଙ୍କ ଲେଖନୀ ପ୍ରାୟ ସାଢ଼େ ସାତ ଦଶନ୍ଧି ଧରି ସକ୍ରିୟ ଥିଲା। ତାଙ୍କୁ ଜନତାର କବି କୁହାଯାଏ। ଓଡ଼ିଆ ଓ ଇଂରାଜୀରେ ସେ ଚାଳିଶରୁ ଅଧିକ ପୁସ୍ତକ ରଚନା କରିଯାଇଛନ୍ତି। ୧୯୮୬ରେ ସେ ଲାଭ କରିଥିଲେ ସମ୍ମାନଜନକ ଜ୍ଞାନପୀଠ ପୁରସ୍କାର। ୧୯୮୮ରେ କଟକର ଶ୍ରୀରାମଚନ୍ଦ୍ର ଭବନରେ ଓଡ଼ିଶାବାସୀଙ୍କ ପକ୍ଷରୁ ‘ମହାକବି’ ଉପାଧି ପ୍ରଦାନ କରାଯାଇଥିଲା।

ସ୍ଵାଧୀନତା ପରବର୍ତ୍ତୀ ଅନେକ ଓଡ଼ିଆ କବିଙ୍କ କାବ୍ୟ ଗୁରୁ ମାଟିର ଦ୍ରୋଣ ପଦ୍ମଶ୍ରୀ ସଚ୍ଚିଦାନନ୍ଦ ରାଉତରାୟ ଥିଲେ ସମାଜ ସଚେତନତା, ମାନବବାଦ ଓ ବୈପ୍ଳବିକ ଚେତନାର ପ୍ରାଚୁର୍ଯ୍ଯରେ ଓଡ଼ିଆ କବିତାରେ ନୂତନ ଦୀପ୍ତି ଓ କୃତିର କାରିଗର।ସେ ପୁଣି ଥିଲେ ଏକ ଶୀତଳ ପୂର୍ଣ୍ଣିମା, ନୂତନ ସର୍ଜନର ବିଶ୍ଵକର୍ମା, ମାଟି ମା'ର ମହାକବି।

ଏକାଧାରରେ କବି, ଗାଳ୍ପିକ, ପ୍ରାବନ୍ଧିକ, ଔପନ୍ୟାସିକ, ସମାଲୋଚକ, ଅନୁବାଦକ ଓ ସମ୍ପାଦକ, ମାନବିକ ସମ୍ବେଦନଶୀଳତାର ପ୍ରମୁଖ ରହି ସମସ୍ତଙ୍କୁ ଦିଗ୍ ଦର୍ଶନ ଦେବା ସହ ସମାଜ ପାଇଁ ଯଥେଷ୍ଟ କଲ୍ୟାଣକାରୀ ହୋଇଛନ୍ତି । ସେ ଦୃଷ୍ଟିରୁ ଆଜି ତାଙ୍କ ଜନ୍ମ ତିଥିରେ କୋଟି ନମନ ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ସଚ୍ଚିଦାନନ୍ଦ ରାଉତରାୟଙ୍କ ଜନ୍ମ ଜୟନ୍ତୀ

ସଚ୍ଚିଦାନନ୍ଦ ରାଉତରାୟଙ୍କ ଜନ୍ମ ଜୟନ୍ତୀ