ସମାଜ ରେ ସୁଧାର ଆସୁନି କାହିଁକି?

କାରଣ ଗରିବ ପାଖରେ ଅନ୍ୟାୟବିରୋଧ ରେ ଲଢ଼ିବାର ସାହସ ନାହିଁ ଏବଂ ନିଜ ର ହକ ମାଗିବାର ଅଧିକାର ନାହିଁ।କାରଣ ଦି ଓଳି ଦି ମୁଠା ଭାତ ବି ତାଙ୍କ ପାଇଁ ଦିବା ସ୍ବପ୍ନ।ତାଙ୍କର ଭାବନା " ଜନ୍ମ ଦିନ କୁ ମରଣ ଦିନେ"।

ମଧ୍ୟମ ବର୍ଗ ଅନ୍ୟାୟ କୁ ଦେଖି ମଧ୍ୟ ସହି ଯାଆନ୍ତି, ସ୍ୱର ଉତ୍ତୋଳନ ତ ଦୂର ର କଥା , ତାଙ୍କୁ ହକ ଆଉ ଅନ୍ୟାୟ ପାଇଁ ସମୟ ନାହିଁ। କିନ୍ତୁ ସେମାନେ ସବୁ ବର୍ଗ ଠୁ ଅଧିକ ଚର୍ଚ୍ଚା ଏବଂ ତର୍ଜମା କରନ୍ତି।ଭାବନ୍ତି"ଆପେ ବଞ୍ଚିଲେ ବାପା ର ନାଁ"।କିନ୍ତୁ ନ ନିଜେ ବଞ୍ଚନ୍ତି ନା ବାପା ର ନାଁ ହୁଏ।

ଆଉ ରହିଲେ ଉଚ୍ଚ ବର୍ଗ , ସେମାନଙ୍କୁ ଏସବୁ ଅନ୍ୟାୟ ଏବଂ ହକ କୁ ପକେଟ୍ ରେ ରଖିକି ଚାଲନ୍ତି ଅନ୍ୟ ମାନଙ୍କ ପାଇଁ। ତାଙ୍କୁ ଏସବୁ ର ଦରକାର ନଥାଏ। ସେମାନେ ନ୍ୟାୟ ଏବଂ ହକ କୁ ଆରାମ ରେ କିଣି ପାରିବେ, ଅନ୍ୟ ସାମଗ୍ରୀ କିଣିଲା ଭଳିଆ। ତାଙ୍କର ବିଶ୍ୱାସ" ଜୋରଯାର ମୂଳକ ତାର"l

ସମାଜ ରାଜାଧି ରାଜା ଙ୍କ ବାଟ ରେ, ଗରିବ ଖଟି ଖିଆ ସ୍ଵାଭିମାନୀ ଜନ ପ୍ରତିନିଧି ଙ୍କ ଅପେକ୍ଷା ରେ ତାଙ୍କ ପାଇଁ ସ୍ୱର ଉତ୍ତୋଳନ କରିବେ କାଳେ, ମଧ୍ୟମ ବର୍ଗ " ଭୋଟ ଦେବାନି କେବଳ ଚର୍ଚ୍ଚା କରିବା ଏବଂ କୁମ୍ଭୀର କାନ୍ଦେଣା କରିବା ରେ ବିଶ୍ୱାସ ରଖନ୍ତି।

ଆଉ ଉଚ୍ଚ ବର୍ଗ ସରକାର ଚଲାନ୍ତି ବା ସରକାର ବନାନ୍ତି ତାଙ୍କ ସୁବିଧା ହିସାବ ରେ ଏବଂ ସୁହାଇଲା ଭଳିଆ ଜନ ପ୍ରତିନିଧି କୁ ଦେଖି।ସେମାନେ ପରଦା ପଛ ର ସରକାର।ତାଙ୍କର ବିଶ୍ବାସ"କରି କରାଊ ଥାଏ ମୁହିଁ ମୋ ବିନୁ ଅନ୍ୟ ଗତି ନାହିଁ"।

ଏବେ ନିର୍ବାଚନ କୁ ୧ ବର୍ଷ ହେବାକୁ ଯାଉଛି ,ଆମେ ବି ଆମ ବୀର ପଣିଆ ଛାଡ଼ି ପୁଣି ନିର୍ବାଚନ ପର ର ଚର୍ଚ୍ଚା ରେ ଲାଗି ଗଲେଣି, ଏ ଚର୍ଚ୍ଚା ଆଗାମୀ ୫ ବର୍ଷ ପର୍ଯ୍ୟନ୍ତ ଚାଲିବ, ଗୁଲାମି ଆମ ରକ୍ତ ରେ ଅଛି ଆଜ୍ଞା, ଆଉ କଙ୍କଡା ର ଚରିତ୍ର ବି ଆମ କୁ ବ୍ୟସ୍ତ ରଖେ ଗୋଡ଼ ଟଣା‌ରେ।

ଆମ ପୂର୍ବ ପିଢ଼ି ଦୂରଦର୍ଶୀ ଥିଲେ, ସେମାନେ ୩ ପିଢ଼ି ପାଇଁ ଯୋଜନା କରିଯାଇଥିଲେ, ଆଜି ତାଙ୍କର ପରିଶ୍ରମ ର ଫଳ କୁ ଆମେ ଉପୋଭୋଗ କରୁଛେ, ହେଲେ ତାଙ୍କ ଯୌଥ ପରିବାର କୁ ଭାଙ୍ଗି ଆମେ ସଂକୀର୍ଣ୍ଣ ପରିବାର ରେ ପହଞ୍ଚିଲେଣି, ଚକ ବନ୍ଦୀ ଚାଷ ଜମି ରୁ ଆସି ପ୍ଲଟ ରେ ପହଞ୍ଚିଲାଣି, ଜମି ଆଉ ମାଣ, ଏକର ନାହିଁ ଫୁଟ ହିସାବ ରେ ପହଞ୍ଚିଲାଣି, ଖାଦ୍ୟ ଶୃଙ୍ଖଳା ଭୁଲିଗଲେଣି, ଓଜନ ହ୍ରାସ କୁ ଅପନେଇଲେଣି , ବର୍ଷ କ ପାଇଁ ଖାଦ୍ୟ ମହଜୁଦ ଆଉ ରଖୁ ନାହାନ୍ତି, ସେଥି ପାଇଁ ଦରଦାମ ରେ ଆମେ ବେହାଲ।

ବହୁତ୍ ଥର ବସି ଚିନ୍ତା କଲେ ଆପଣ ଜାଣିପାରିବେ କି ଆମେ ଆମର ଆଗାମୀ ୩ପିଢ଼ି କୁ କଣ ଦେଇକି ଯିବା, ନା ଆମପାଇଁ କିଛି ରଖି ନାହନ୍ତି ର ଗାଳି ଶୁଣିବା। ପରା ପିଢ଼ି ଆମ କୁ କ୍ଷମା କରିବେ ତ, ସେ କଥା ଛାଡ଼ନ୍ତୁ ଆମେ ନିଜ କୁ ଆଇନା ସାମ୍ନା ରେ ଦେଖି ପାରିବ ତ?

ଆମେ ପରିପୂର୍ଣ୍ଣତା କୁ ଛାଡ଼ି ସଂକୀର୍ଣ୍ଣତା କୁ ପାଥେୟ କଲେଣି। ସମୟ ଏବେ ବି ଅଛି କୂତ୍ରିମ ଠୁ ଦୂରେଇ ପ୍ରାକୃତିକ କୁ ଆପଣେଇ ପାରିବା। ଗଢି ପାରିବା ସ୍ବରାଜ,ସ୍ଵାଧୀନ, ପୂର୍ଣ୍ଣ ସମାଜ।

🖊️ ସଞ୍ଜୟ

ସମାଜ ର କରୁଣ ଚିତ୍ର

ସମାଜ ରେ ସୁଧାର ଆସୁନି କାହିଁକି?