ସମୟ ଏକ ଅମୂଲ୍ୟ ସମ୍ପଦ। ଏହାକୁ ନା ଦେଖାଯାଏ, ନା ଛୁଆଁଯାଏ, ତଥାପି ଏହା ଜୀବନର ସମସ୍ତ ଘଟଣାକୁ ଚଳାଇଥାଏ। ଲୋକମାନେ ବହୁବେଳେ କହନ୍ତି— “ସମୟ ଖରାପ ଚାଲିଛି”, “ଭଲ ସମୟ ଆସିବ”, “ସମୟ ମୋତେ ଦେଖିଦେଲା”, “ଦୂର୍ଦ୍ଭାଗ୍ୟ ବଶତଃ ସମୟ ମୋ ପକ୍ଷରେ ଥିଲା ନାହିଁ”— ଏମିତି ଅନେକ ଉଦ୍ଗାର ଦିଆଯାଏ।

କିନ୍ତୁ ପ୍ରଶ୍ନ ହେଉଛି, ସମୟ ନିଜର ଦୋଷ ଅଛି କି? ନିଜର କାମରେ ବିଫଳ ହେଲେ ଯଦି ଆମେ ସମୟକୁ ଦୋଷ ଦିଅଁ, ତେବେ ଏହା ଆମର ଅଜ୍ଞତା ଓ ମୁର୍ଖର ପ୍ରମାଣ ଅତୁଟ ଅଟେ।

ସମୟ ଏକ ସମ ଅବସର

।ସମୟ କେବେହେଁ ଦୁଃଖ ଦିଏନି, ସମୟ କେବେହେଁ ନିଜର ମନ ରଖି ଆଗକୁ ବଢ଼େ ନାହିଁ। ସମୟ ତ ସବୁଠୁ ନିଷ୍ପକ୍ଷ, ନିର୍ଲୋଭ ଓ ନିଷ୍ଠୁର। ସମୟ ସମସ୍ତଙ୍କ ପାଇଁ ଏକସମାନ। ଏହି ପୃଥିବୀରେ ଧନୀ, ଗରିବ, ଶିକ୍ଷିତ, ଅଶିକ୍ଷିତ, ବୃଦ୍ଧ, ଯୁବ, ପୁରୁଷ, ନାରୀ— ସମସ୍ତଙ୍କୁ ୨୪ ଘଣ୍ଟା ସମୟ ମିଳେ। ଅନ୍ତତଃ ଯିଏ ଏହି ସମୟକୁ କିପରି ବ୍ୟବହାର କରିଛି, ସେଠି ସଫଳତା ଓ ବିଫଳତା ରହିଛି

ସମୟକୁ ଦୋଷ ଦେବା— ଏକ ଆଳସୀ ମନସ୍କତା

ଜଣେ ଛାତ୍ର ପରୀକ୍ଷାରେ ଅନୁତୀର୍ଣ୍ଣ ହେଲେ କହେ— “ସମୟ ମିଳିଲା ନାହିଁ”, କିମ୍ବା ଜଣେ ବ୍ୟବସାୟୀ ହାନି ଖାଇ କହନ୍ତି— “ଏ ଖରାପ ସମୟ ଥିଲା।” ଏହି କଥାବଳି ବାସ୍ତବରେ ଆମର ଅସ୍ୱୀକାର ଓ ଆଳସୀ ମନସ୍କତାର ପ୍ରତିଫଳ। ଯିଏ ନିଜର ଭୁଲକୁ ଦେଖିବାକୁ ଚାହେଁ ନାହିଁ, ସେ ସର୍ବଦା ଅନ୍ୟକୁ ଦୋଷ ଦେଇଥାଏ, ଏବଂ ସମୟ ତ ଅନ୍ତତଃ ଏକ ଅନାବଶ୍ୟକ ନିର୍ବାଚନ ଲକ୍ଷ୍ୟ ହୋଇଯାଏ।

ସମୟ ନିଜକୁ କାଢ଼ିବାକୁ ପଢ଼େ

ସମୟ କାହା ପାଇଁ ଅପେକ୍ଷା କରେନାହିଁ। ଯିଏ ଆଗକୁ ଆସି ନିଜକୁ ପ୍ରସ୍ତୁତ କରେ, ଯେଉଁଥିରେ ସମୟ ତାଙ୍କୁ ସାଥ ଦିଏ। ଇତିହାସ ଦେଖିଲେ ଅନେକ ମହାନ ବ୍ୟକ୍ତିଙ୍କ ଜୀବନରେ ସମୟ ଖରାପ ଥିଲା, କିନ୍ତୁ ସେମାନେ ସେହି ସମୟକୁ ଅବସରରେ ପରିଣତ କଲେ। ଲୋକମାନେ କହନ୍ତି— “ସମୟ ତ ସବୁବେଳେ ଦେଖିଦିଏ, କିନ୍ତୁ ଯିଏ ସମୟକୁ ଚିହ୍ନି ତା'ପାଇଁ ତା'ର ଫଳ ମିଳେ।”

ସମୟର ମୂଲ୍ୟ ଅନ୍ତର୍ନିହିତ

ଜୀବନ ଆମେ ଯେତେ ଦିନ ବଞ୍ଚୁଛୁ, ତାହାର ପ୍ରତ୍ୟେକ ମୁହୂର୍ତ୍ତ ସମୟର ଅଂଶ। ଏହି ମୁହୂର୍ତ୍ତଗୁଡ଼ିକୁ ସଠିକ୍ ଭାବେ ବ୍ୟବହାର କଲେ ଆମେ ଏକ ଉତ୍ତମ ଭବିଷ୍ୟତ ତିଆରି କରିପାରିବା। ଯଦି ଆଜି ଆମେ ଅନୁଶୋଚନା କରିବାରେ ବ୍ୟସ୍ତ ରହିଲୁ, କିମ୍ବା ଅନ୍ୟଙ୍କୁ ଦୋଷ ଦେଇ ଆଲୋଚନା କରୁଥିବା ତେବେ ଆସନ୍ତାକାଲି ପାଇଁ କୌଣସି ସ୍ଥାନ ରହିବ ନାହିଁ।

ଆମ କାମ ହେଉଛି ସମୟ ସହିତ ଚାଲିବା

ସମୟ କିଛି ନ ଦିଏ, କିଛି ନ ନିଏ— କିନ୍ତୁ ସେ ଧାରାବାହିକ ଚାଲିଥାଏ। ଯିଏ ତାଙ୍କୁ ଧରିପାରେ, ସେ ସଫଳତା ପାଏ। ଯିଏ ଚେଷ୍ଟା କରି ନିଜ ଦିନଚର୍ଯ୍ୟାକୁ ଶୃଙ୍ଖଳାବଦ୍ଧ କରିଥାଏ, ସେ ସମୟରେ ଏକ ଗଢ଼ା ପଥ ତିଆରି କରେ। ଯିଏ ଶୁନ୍ୟ ସମୟକୁ ଉତ୍ପାଦନଶୀଳ କାମରେ ବ୍ୟବହାର କରିଥାଏ, ସେ ତାଙ୍କର ଜୀବନର ଅର୍ଥ କୁ ବଢ଼ାଇପାରେ।

ଅନ୍ୟକୁ ଦୋଷ ଦେଇ ଆଗକୁ ବଢ଼ିହେବ ନାହିଁ

କେବଳ ସମୟକୁ ଦୋଷ ଦେଲେ କିଛି ହେବନାହିଁ। ନିଜ ଭୁଲ ଚିହ୍ନିବା, ତା'ର ଶିକ୍ଷା ନେବା, ଏବଂ ପୁଣି ଅଗ୍ରସର ହେବା— ଏହି ହେଉଛି ଜୀବନର ଆଦର୍ଶ ପାଠ। ଏହି ପୃଥିବୀ ରେ ଯିଏ ସମୟକୁ ସମ୍ମାନ ଦେଉଛି, ସେଠାରେ ଅନୁଶାସନ, ଶିଷ୍ଟାଚାର, ଓ ଉନ୍ନତି ଥାଏ। ଯିଏ ସମୟକୁ ଅବମାନ କରେ, ସେ ସଫଳତାରୁ ବଞ୍ଚିଥାଏ।

ପରିଶେଷରେ

ସମୟକୁ ଦୋଷ ଦେଉଥିବା ମାନେ ନିଜ ଦୃଢତାକୁ ହରାଇବା। ଯିଏ ସମୟର ମୂଲ୍ୟ ବୁଝେ, ସେ ନିଜ ଦେଶ, ନିଜ ଜନ, ଓ ନିଜ ପରିବାର ପାଇଁ କିଛି ଅମୂଲ୍ୟ କାମ କରିପାରେ। ଏହିପରି ଲୋକମାନେ ଏକ ଦୃଢ଼ ଦୃଷ୍ଟିରେ ଆଗକୁ ବଢ଼ି, ଆପଣମାନେ ମଧ୍ୟ ସେମାନଙ୍କ ଭଳି ହୋଇପାରିବେ। ତେଣୁ ଆସନ୍ତୁ, ଆମେ ସମୟକୁ ଦୋଷ ଦେବା ବନ୍ଦ କରି, ସମୟକୁ ବ୍ୟବହାର କରି ନିଜ ଆତ୍ମାକୁ ଗଢ଼ିବା ଦିଗକୁ ଚାଲିବାକୁ ଆରମ୍ଭ କରିବା।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!

ସମୟକୁ ଦୋଷ ଦେଇ ଲାଭ କ'ଣ, ସମୟ ନିଜକୁ କାଢ଼ିବାକୁ ପଢ଼େ

ସମୟକୁ ଦୋଷ ଦେଇ ଲାଭ କ'ଣ, ସମୟ ନିଜକୁ କାଢ଼ିବାକୁ ପଢ଼େ