ସମ୍ପର୍କ

ସମ୍ପର୍କ ର ସୁଅ କେବେ ଅମୃତ ର ଧାରା
ତ କେବେ ସେ ପୁଣି ଜୀବନ୍ତ ବିଷ

କେବେ ସେ ନିଛକ ପ୍ରେମ ର ପରିଭାଷା ତ
କେବେ ସେ ପ୍ରେମ ପ୍ରତାରଣା ର ମୁକସାଖୀ

କେବେ ସେ ବୈଶାଖ ର ପ୍ରଚଣ୍ଡ ରୌଦ୍ର ତାପ ତ
କେବେ ସେ ଶ୍ରାବଣ ର ବର୍ଷା ଭିଜା ମାଟି ର ମହକ

କେବେ ସେ ଚିରହାସିନି ଶୀତ ର କାକର ବିନ୍ଦୁ ତ
କେବେ ସେ ବସନ୍ତ ର ତୋଫା ଜହ୍ନ

କେବେ ସେ ଅଜ୍ଞାନ ଶିଶୁ ର ଖୋଲା ହସ ତ
କେବେ ସେ ଦୁଃଖୀ ମଣିଷ ର ବୁକୁ ଫଟା ଚିତ୍କାର

କେବେ ସେ ସାତ ରଙ୍ଗ ରେ ରଞ୍ଜିତ ଇନ୍ଦ୍ରଧନୁ ତ
କେବେ ସେ ମେଘାର୍ଛନ ବିଜୁଳି ଚମକ୍

କେବେ ସେ ପ୍ରେମିକ ର ପ୍ରେମ ର ଅଢେଇ ଅକ୍ଷର ତ
କେବେ ସେ ପ୍ରେମିକା ର ମୃଦୁ ହସ ପ୍ରେମ ନିବେଦନ

କେବେ ସେ ମା ର ବାତ୍ସଲ୍ୟ ମମତା ତ
କେବେ ସେ ପିତା ର ଅନାବିଳ ପିତୃତ୍ଵ

କେବେ ସେ ଭଗିନୀ ର ସ୍ନେହ ବୋଳା ଦରଦ ତ
କେବେ ସେ ଭ୍ରାତା ର ମଜବୁତ୍ କାନ୍ଧ ର ସାହାଯ୍ୟ

କେବେ ସେ ଜୀବନ ର ଜୀବନ୍ତ ଢାଞ୍ଚା ତ
କେବେ ସେ ଜୀବନ ର ତଥାକଥିତ କରୁଣ ପରିଣତି

କେବେ ସେ ମନ ର ଆଶା ର ଆଲୋକ ତ
କେବେ ସେ ଭାବନା ର ନିଖୁଣ ପ୍ରତିମୂର୍ତ୍ତି

କେବେ ସେ କବି ର ଚିର ସବୁଜ କଳ୍ପନା ତ
କେବେ ସେ ଗାଳ୍ପିକ ର ମନୋଲୋଭା ଗଳ୍ପ

କେବେ ସେ ଫୁଲ ର ମହକ ତ
କେବେ ସେ ଫଳ ର ସତେଜ ସୋନ୍ଦର୍ଯ୍ୟ

କେବେ ସେ କାରିଗର ର ନିଖୁଣ କାରୁକାର୍ଯ୍ୟ ତ
କେବେ ସେ ଶିଳ୍ପୀ ର ଚିର ଚର୍ଚ୍ଚିତ କଳା

କେବେ ସେ ସ୍ୱର ର ମେଘ ମଲ୍ହାର ତ
କେବେ ସେ ପ୍ରକୃତି ର ମରାଳ ମାଳିନୀ ନୀଳାମ୍ବୁ ଚିଲିକା

କେବେ ସେ ଜୀବନ ଚର୍ଯା ର ମୁର୍ତୁଞ୍ଜୟ ମନ୍ତ୍ର ତ
କେବେ ସେ ଶେଷ ଶଯ୍ୟା ର ହରେ କୃଷ୍ଣ ହରେ ରାମ