ବିନ୍ଦୁ ବିନ୍ଦୁ ମିଶି ସାଗର ହୁଏ

ଟଙ୍କା ସଞ୍ଚୟ କଲେ ସୁରକ୍ଷା ଦିଏ

ଅସୁବିଧା ବେଳେ ଲୋଡା ହୁଏ

ବୁଦ୍ଧିଆ ଲୋକର ପରିଚୟ ସିଏ ‌‌।।

ଜୀବନର ଚଲାପଥେ ପାଦେ ପାଦେ ଚାଲି

ଆଗକୁ ବଢ଼ିବାରେ ଟଙ୍କାର ଉପଯୋଗୀ ନିତ୍ୟାନ୍ତ ଆବଶ୍ୟକତା ରହିଥାଏ ।

ଆଜିର ଯୁଗରେ ସକାଳ ସୂରୁଜ ଉଇଁବା ଠାରୁ ସୂର୍ଯ୍ୟାସ୍ତ ପର୍ଯ୍ୟନ୍ତ ପ୍ରତି କ୍ଷଣେ ଏହି ଟଙ୍କା ପ୍ରଭୂତ୍ବ ବିସ୍ତାର କରି ପାରିଛି । ଯାହା ପାଖେ ଟଙ୍କା ନାହିଁ ସେ ମଣିଷ ମାନଙ୍କ ସହିତ ସସମ୍ମାନ ନୁହେଁ।

ଆବଶ୍ୟକ ପରିମାଣର ବହୁଳ ମାତ୍ରାରେ ବୃଦ୍ଧି ଘଟିବାରେ ଲାଗିବା ସହ ଚାହିଦା ପ୍ରଚୁର ଦୀର୍ଘ ହୋଇସାରିଛି ।

ଟଙ୍କାର ବ୍ୟୟ ଆୟ ଅନୁସାରେ କମ୍ ରହିବା ଅତ୍ୟନ୍ତ ମହତ୍ୱ ପୂର୍ଣ୍ଣ, କାରଣ ଯଦି ଆୟ କମ୍ ଓ ବ୍ୟୟ ଅଧିକ ହୁଏ ତେବେ ଉଧାର,ଋଣ ବଢି ସମସ୍ୟା ର ବୃଦ୍ଧି ଘଟିବାରେ ଲାଗିବ ।

ଆୟଠାରୁ -ବ୍ୟୟ=ବଳକା ,ସଞ୍ଚୟର ଅର୍ଥ ଅଟେ ।

ଦୈନନ୍ଦିନ ଜୀବନ ଶୈଳୀ ରେ ଅନେକ ପ୍ରକାର ଆବଶ୍ୟକ ଅନୁଯାୟୀ ଟଙ୍କା ଖର୍ଚ୍ଚ ହୋଇଥାଏ। କିନ୍ତୁ ସଞ୍ଚୟ କରିବା ଅତ୍ୟନ୍ତ ଜରୁରୀ। ସଞ୍ଚୟ କରିବା ଏକ ଉଚିତ ପଦକ୍ଷେପ। ଯାହା ଦ୍ବାରା ଜରୁରୀକାଳୀନ ପରିସ୍ଥିତି ରେ ସଦ୍ବ୍ୟବହାର ହୋଇଥାଏ। ଅଳ୍ପ ଅଳ୍ପ କରି ସଞ୍ଚୟ କରିବା ଫଳରେ ଭବିଷ୍ୟତରେ ଯେ କୌଣସି ପ୍ରକାର ଉପଯୋଗୀ ସାଧିତ ହୋଇଥାଏ।

ସଞ୍ଚୟର ବିଭିନ୍ନ ପ୍ରକାର ଯଥା--

@ଡାକଘରେ -ଦୈନନ୍ଦିନ /ମାସିକ/ତ୍ରୋୟମାସିକ/ଅର୍ଦ୍ଧବାର୍ଷିକ/ବାର୍ଷିକ ଆଦି

@ବ୍ୟାଙ୍କ୍ ରେ

@ଜୀବନବୀମା କାର୍ଯ୍ୟାଳୟରେ

@ମିନିବ୍ୟାଙ୍କରେ

@ଘରେ ସରାଗାତ ବା କୁଣ୍ଡିକରି

@ସୁନା କ୍ରୟ

@ଜମିବାଡି,ଭୂମିକ୍ରୟ

@ପୁଞ୍ଜିଲଗାଣ, investment

@ସୁଧ ବୁଲାଇବା

ଏହି ମାର୍ଗ ଗୁଡିକ ମାଧ୍ୟମରେ ଆମେ ସଞ୍ଚୟ କରି ନିଜର ଭବିଷ୍ୟତ ନିଜେ ନିର୍ଧାରଣ କରି ପାରିବା ।

ପିଲାଦିନେ "ଅଳସୁଆ ଦୁଃଖ ପାଏ" ପାଠରେ ପିମ୍ପୁଡ଼ି ଓ ଝିଣ୍ଟିକାର କାର୍ଯ୍ୟକଳାପ ବିଷୟରେ ଅବଗତ କରାଯାଇଥିଲା।ସଞ୍ଚୟ ଜ୍ଞାନ ଆମେ ପିମ୍ପୁଡ଼ି ଠାରୁ ଶିକ୍ଷା ଗ୍ରହଣ କରିବା। ପିମ୍ପୁଡ଼ି ଯେପରି ବର୍ଷା ଦିନ ପାଇଁ ଖାଦ୍ୟ ସଂଗ୍ରହରେ ମାତି ବର୍ଷାକୁ ଆନନ୍ଦ ଉପଭୋଗ କରିଥାଏ ଓ ସୁଖରେ ଜୀବନ କାଟୁଥାଏ। କିନ୍ତୁ ଅଳସୁଆ ଝିଣ୍ଟିକା ଅନ୍ୟ ଦିନ ମଜା ମଜଲିସ କରେ ଓ ବର୍ଷାରେ ସେ ଅନ୍ୟ ଉପରେ ନିର୍ଭର ଶୀଳ ହୋଇଥାଏ। ଅଳସୁଆ ମାନେ କେବେ ସଞ୍ଚୟ ମନୋଭାବ ରଖନ୍ତି ନାହିଁ।ଠିକ୍ ସେହିଭଳି ଆମେ ଆମ ବିପତ୍ତି ଓ ଭବିଷ୍ୟତର ନିର୍ମାଣ ପାଇଁ କିଞ୍ଚିତ ସଞ୍ଜୟ କରି ବହୁଳ ମାତ୍ରାରେ ସୁବିଧା ପାଇ ପାରିବା।

#ରୋଗ ବୈରାଗ ପାଇଁ ଖର୍ଚ୍ଚ

#ପାଠପଢା

#ବିବାହ ବ୍ରତ

#ଜରୁରୀ କାଳୀନ ଆବଶ୍ୟକ ପୂରଣ କରିଥାଏ।

#ଗମନା ଗମନ ସୁବିଧା ଯୋଗାଏ ।

#ଋଣମୁକ୍ତ ହୋଇ ପାରିବା

#ଚିନ୍ତାମୁକ୍ତ ହୋଇ ପାରିବା

ସସମ୍ମାନ ସହ ବଞ୍ଚିପାରିବା

ଆତ୍ମ ନିର୍ଭରଶୀଳ ହୋଇ ପାରିବା।

ଜଣେ ବ୍ୟକ୍ତି ରୋଜଗାର ର ସମୁଦାୟ ଭାଗରୁ ୪%ବିଶେଷ କରି ସଞ୍ଚୟ କରିବା ନିତ୍ୟାନ୍ତ ଜରୁରୀ।ଫଳରେ ତାକୁ କାହା ସାମ୍ନାରେ ନତମସ୍ତକ ହେବାକୁ ପଡ଼ି ନଥାଏ।

ଋଣଭାରରୁ ମୁକ୍ତିଲାଭ ର ସରଳସୂତ୍ର ଅଟେ।

ଏ‌ହା ଏକ ବୁଦ୍ଧିମାନ ର ଏକ ଉଚ୍ଚକୋଟୀର ଚିନ୍ତାଧାରା। ଯେତେ ରୋଜଗାର ହେବା ପରେ ମଧ୍ୟ ଖର୍ଚ୍ଚକୁ ଅଟକାଇ ପାରିବା ସହଜ ସାଧ୍ୟ ନଥାଏ। ତଥାପି ଆମକୁ ପ୍ରଯତ୍ନ ଶୀଳ ହେବାକୁ ପଡ଼ିବ।

ଏଇ କିଛି ବର୍ଷ ବ୍ୟବଧାନ ପୂର୍ବରୁ ଭାରତ ସାରା କରୋନା ରୋଗରେ ଆକ୍ରାନ୍ତ ହୋଇ ବହୁତ ସମସ୍ୟା ର ସମ୍ମୁଖୀନ ହେବାକୁ ପଡ଼ିଥିଲା।ନାନା ପ୍ରକାର ଅସୁବିଧା ଭୋଗିବାକୁ ପଡିଥିଲା, ଯାହାର କ୍ଷତିପୂରଣ ଆଜି ପର୍ଯ୍ୟନ୍ତ ସୋଇପାରିନାହିଁ। ସେହି ଦାରୁଣ ବିଷମ, ଦୂର୍ବଳ ସମୟର କଷ୍ଟ ବହୁତ ଅସଃହାୟ ହୋଇପଡିଥିଲା। ସେହି ମୂହୁର୍ତ୍ତ କେଉଁ ଶତ୍ରୁକୁ ମଧ୍ୟ ନ ଦିଅନ୍ତୁ। ସେହି ବିପଦରେ କେବଳ ସଞ୍ଚୟ କରି ରଖିବା ଲୋକ ହିଁ ଶାନ୍ତିରେ ବଞ୍ଚି ପାରିଲେ।

ବନ୍ୟା, ମରୁଡି, ବାତ୍ୟା, ଭୂମିକମ୍ପ ଆଦି ପ୍ରାକୃତିକ ବିପର୍ଯ୍ୟୟରୁ ମୁକ୍ତି ଦେଇଥାଏ।

ଏଣୁ ସଞ୍ଚୟ କରି ରଖିବା ହିଁ ଉତ୍ତମ ମନୁଷ୍ୟ ଜାତିର ଲକ୍ଷଣ‌ । ପିମ୍ପୁଡ଼ି ଏକ ଛୋଟିଆ କୀଟ ହୋଇ ମନୁଷ୍ୟ ଜାତିକୁ ପ୍ରେରଣା ଦାୟକ ମନ୍ତବ୍ୟଗୁଡିକ ଦେଇ ପାରିଛି। ଯାହା ଆମ ଜୀବନରେ କାର୍ଯ୍ୟକାରୀ କରିବା ମହତ୍ୱ ପୂର୍ଣ୍ଣ ଅନୁଦାନ ରହିଛି। ସଞ୍ଚୟ ଚିନ୍ତାଧାରା ରଖିବା ଫଳରେ ମନୁଷ୍ୟ ଶ୍ରେଷ୍ଠ ସ୍ଥାନରେ ପହଞ୍ଚି ପାରେ।

ଜୀବନ ବୀମା ସୁରକ୍ଷା -- ମନୁଷ୍ୟ ଜୀବନ ଅତ୍ୟନ୍ତ ର୍ଦୂଲଭ ଅଟେ। ବୁଦ୍ଧିଆ ହୋଇ ଜୀବନ ବୀମା କରି ନିଜର ସୁରକ୍ଷା ବ୍ୟବସ୍ଥା କଡ଼ାକଡ଼ି କରି ପରିବାର ପ୍ରତିପୋଷଣ କରିବା ଗୁରୁଦାୟିତ୍ଵ କୁ ସୁଚାରୁ ରୂପେ ସମ୍ପାଦନ କରି ପାରିବା। ଯାହା ଫଳରେ ନିଜର ସପରିବାର କୁ ସୁରକ୍ଷିତ କରି ରଖିବା।

ଏମିତି ତ ଖର୍ଚ୍ଚକୁ ବାନ୍ଧି ରଖିପାରିବା କଷ୍ଟସାଧ୍ୟ ତଥାପି ନିଜକୁ ଯତ୍ନବାନ ହେବାକୁ ପଡ଼ିବ। ସଞ୍ଚୟ କରିବା ଫଳରେ ଜୀବନ ଶାନ୍ତି ଆନନ୍ଦ ତୃପ୍ତି କର ହୋଇ ଥାଏ।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜାମ

ଓଡ଼ିଶା

ମୋ---୯୩୪୮୨୮୫୪୧୬

ସଞ୍ଚୟ କରିବା ର ଲାଭ(Benifit of saving)

ସଞ୍ଚୟ ଚିନ୍ତାଧାରା ଶ୍ରେୟସ୍କର